整個星期心思思 ……
今日決定帶她返屋企，給她一個家 ……
大家猜下佢係邊位
！登！
登
登
登
！登！
！！登.登.登.登 …… 登.登.登.登！！
我就係草姑喇！
唔記得？？無印象？？
！唔緊要！
等我唱番兩咀，你哋一定會記得起我嘅！
♪ ♬ ๑♫ ♬ ♪ ♩ ♭ ♪♪ ♬ ๑♪ ♬ ๑♫ ♬ ♪ ♩ ♭ ♪
．·°∴ ☆．．·°♡♪ ♬ ๑ ๑♫ ♬ ♪ ♩♪ ♬ ๑♪ ♬ ๑ ．·°∴ ☆
電髮♪ ♬電髮♭♪毛蟲都要電髮
張貼於小美怡事件簿 | 4 Comments »
已經很久沒有光顧 pizza hut 了
不是不愛 pizza …… 而是每次食完一定生痱滋 
今天 "黃 B" + "嘩鬼一族" 約了小妹聚餐，細 bee 選擇食薄餅 ……
我當然無異議喇！皆因 "醉翁之意不在酒" 
我哋選定 pizza hut，點了點點扭扭批二人套餐 ……
用匯豐信用卡，可享優惠價 $230，非常抵
個餐都好豐富o架！ 
兩客海皇湯 …… 好 creamy 法式田螺焗薯蓉 …… 
主角出場喇…!!! Yeah~~
點點扭扭大批 …… 好正呀 ……
感覺並不油膩，唔知係咪因為加入了芥辣嘅關係呢！
芝麻雪糕伴紅豆 …… 
張貼於小美怡事件簿 | 3 Comments »
幾年前，貪得意花了四百多塊買了支壁球拍，
記憶中曾用過一次，之後一直棄置一旁 ……
今天如常，一氣上了兩小時瑜伽課 …… 都幾體力透支o架！
(已經成為一個習慣，係星期六嘅指定節目)
回家小睡過後，小妹心血來潮 
，竟想起那支被遺棄多時的球拍，決定讓它 "重見天日"，還立即 
club house 訂埸 …… $10 半粒鐘，又幾抵喎！
咿！究竟何時開始，細細粒忽然充滿運動細胞 ……
嘻嘻！終於可以係個床下底走番出嚟 ^u^
張貼於學習+興趣 | 2 Comments »
過去幾個工作天，細細粒覺得好舒服好開心 
，絕非工作少，相反還比較忙 ……
何解會忙得咁開心 
？
皆因 "黑面神" 放大假，小妹可以整整一星期不用跟她見面，真係胃口都好 d 人都靚 d 
！
不過，下個禮拜就會返回 "地獄" ……
張貼於小美怡事件簿 | 2 Comments »
昨晚十點幾就 ZZZZZ，連 blog 都唔想寫 
因為實在太攰太攰呀！
昨天跟大家姐、梓銘、錡鋻、Bonnie & Miko 乘搭昂平 360，呵呵！居然只得細細粒曾經坐過
咦！話晒都係假期，人流唔算多喎 
一抵市集，遠遠見到 "funny family 三人組" 迎接我哋，四歲大的 HeiYin 擺出一副 "導遊" 模樣，帶著眾人走進他們的度假屋
嘩！相當舒適 …… 最好係度開 P！
二話不說，Bonnie 大包小包，倒出大堆食物，主人家亦不甘示弱，一盆一盆的美食隨即送上 ……
我哋呢班 "嚇人 (客人)" 
實在太失禮了，嘩啦嘩啦！
嘈到不得了 ……
噢！點可以無甜品o架 
甜品！無問題 …… 起行 
HY 帶我哋走到附近 XX 士多，一人嚟一碗 "山水豆腐花"
正呀！原來係 CY 經營嘅食店呀！ (CY 係 Bonnie 嘅舊同學，小妹跟她有過一面之緣 
)
飲飽食醉，係時候郁動一下，四周走走：大佛 → 心經簡林
天氣實在太悶熱，加上非常曬 成班嘩鬼無晒聲氣 
中暑！？！
稍事休息 ……
一行 9人再向大澳出發 Yeah！
邊行邊食 
燒魷魚、瀨尿蝦、鱔干、茶果、糯米糍 …… 食不停
伯伯的一起手剪剪剪的絕代手藝，實在目不暇給！！
由巴士站走向另一端公眾碼頭，大家都汗流浹背 + 疲憊不堪
於傍晚時分離開，車上倒頭大睡 ZZZ
張貼於親親大自然 | 4 Comments »
打工仔最開心嘅，莫過於放假，一連三日的中秋假終於等到喇 ……
明天就係八月十五，買番 d 嘢應下節至得 
一早走進街市，買過水果 …… 總覺欠了些什麼 ？！
噢！係燈籠呀！
張貼於節日Fun Fun Fun | 5 Comments »
放工後趕往銅鑼灣會合 bonnie, miko & angel 來一個小聚餐
沒想到，洪記華姐仍對細細粒咁有心，
竟然託 bonnie 送上 ……
好開心呀！個心當堂暖笠笠
張貼於小美怡事件簿 | Leave a Comment »
嘩！好多人呀！
今日公司某角落出現了一條好長好長嘅人龍 
究竟搞咩東東
？？ o麥咁似 d 阿公阿婆係盂蘭節輪米嘅 
呵呵！原來係新公司一年一度嘅 中秋茶聚 
全體員工都可以參與架
細細粒同 carol 既然已經成為當中一份子，當然要比面參與啦 
一於食完餐晏仔，拿拿臨走去排埋一份，趁下熱鬧至得 …… 
約十分鐘，我哋就攞到啦 …… 登登登登 
月餅、蘋果、果汁各一
雖然不是什麼貴重物品，但仍覺得好鬼開心
好嘢！carol 仲中咗神秘獎添 係 starbucks coupon 呀！
上面張相嘅背景其實係 ……
張貼於小美怡事件簿 | 4 Comments »
大軍終於殺到！殺到喇！
女高音、慳家婆、鼻涕豪等，今天正式進駐 "僭建天台辦事處"，成為細細粒的新鄰居 ……
沉寂兼連鬼形都無隻的長走廊頓然變得熱鬧起來 ……
無奈，小妹始終受不住那把高八度的嗓子啊！
但，總比靜到耳鳴的感覺為好吧！
張貼於小美怡事件簿 | 6 Comments »
今日天氣好好，決定到郊區走走，惟有放棄跟沙巴三人組到珍寶嘆茶 
9:15 中環交易廣場巴士總站會合標叔叔。
乘 6 號車，中途下車後向淺水灣坳方向行，穿叢林，跨淺水灣坳 (該段是今天最辛苦的路段，雖然只約 10 分鐘，但足以令你 "行到喘氣" 加上 "大汗淋漓" )。
接著出赤柱西引水道，抵紫崗橋小休；後靠引水道左轉上紫羅蘭山徑，拾級而上，行一小段，見指示版 "KK 117 622" 後，轉右手小徑而行，平路易走，兼可欣賞附近翠綠山巒，以及高處鳥瞰大潭郊野公園內大潭中與大潭篤水塘的優美風景。
後接大潭西引水道，再經集水區過大潭崗，最後接港島徑六段出大潭道散，全程約四小時。
全程易行，可惜大部份時間頗為沉悶；好在亦有小驚喜，細細粒無意中發現了一個 "蟻巢" 懸於樹上，對於從未見過蟻巢嘅小妹來講，可謂新鮮、奇趣，不過看過後，不其然感到有點身痕。
張貼於親親大自然 | 4 Comments »
今晚約了 "沙巴三人組" 食飯聚一聚，食神按表姐喜好而選了日式料理。
細細粒當然要掏荷包請客啦！其實，相比起三月去沙巴度假時，表姐嘅熱情款待，這一餐又算得上什麼呢！
離開餐廳時，巧遇 carol
餐後走到附近的日式百貨公司逛逛，allen 獲廚神送上心頭好 nike 籃球一個，喜上眉梢；而小妹亦無意中有所收穫，買了一對童裝波鞋，外型的的骰骰，款式靚之餘，價錢還非常抵，只 $250 成交，我想這就是長得細粒的著數吧！
日式放題，6 位埋單只 $1,140
張貼於小美怡事件簿 | Leave a Comment »
細細粒是四眼妹一名，除去眼鏡，眼前只有一片朦朧 ……
正當在享受洗白白之際，眼尾察覺有 "黑色物體" 閃過，心知不妙，登大雙眼一看 …… 呀！救命呀！有 "小強 (曱甴)" 呀 慘叫了好幾聲，才醒覺無救星 …… 蹲下來 …… "震過貓王" …… 定一定神，決定採取主動 
因為明白若果睇唔到小強條屍，小妹今晚一定 "有得震，無得瞓"
一於拍拍心口，"立架餐"，xx 牌殺蟲水
經過一輪追逐戰，小妹雖然大獲全勝，"大強" 終於反肚啦 之不過 …… 全屋佈滿殺蟲水，好臭呀 
真的無眼睇囉！
小妹由細到大，最怕就是 "曱甴"，今晚幾乎 "心臟病發" …….
求神拜佛，唔好再來啦
張貼於小美怡事件簿 | 2 Comments »
沙巴表姐、沙巴強 & 沙巴 allen 來港一遊，廚神會一盡地主之宜，擔任導遊，安排節目，而細細粒亦打算週日跟他們見見面。
張貼於小美怡事件簿 | Leave a Comment »
IVY 早幾日生咗對孖女，分別重五磅幾同四磅幾。
恭喜晒小學同學仔 "維仔" 榮升 daddy
張貼於小美怡事件簿 | Leave a Comment »
是日先與卡通爹、大家姐、梓銘、bon、桃桃嘆茶相聚
之後，洪記三姊妹結伴往珀麗灣，走進馬灣舊村逛逛，巧遇村民曬蝦膏，細細粒覺得好有趣，立即把它拍下。
烈日當空，大家身水身汗，走進附近茶餐廳休息小食，來了一客 "大狗王"，正！
知己加上美食，近日的冤屈氣，一掃而空！
張貼於親親大自然 | Leave a Comment »
昨晚同洪記一班好姊妹食日式串燒，相信在坐幾位 (mandy, rita, carol, tammy, joan) 都曾經跟黑面神交過手，即使未有交手，都定必見過她那張 "包公" 面口，絕對清楚黑面神是"非一般人" ，所以非常明白及同情細細粒的苦況，希望日後一有時間可多跟小妹飯聚，好讓小妹盡吐苦水。
晚飯地點一啲都唔起眼，係 joan 推介 …… 全程亦由熟客仔 joan 點菜，點了約二十碟 … 埋單盛惠 $9xx
… 可以再幫襯！
個肚打鼓啦，快 d 開餐喇！
點杯嘢飲先…
紫貝天葵…
雪梨無花果茶…
我哋邊傾邊等 … 點解咁耐架！
(排名依上枱先後次序…)
紅腸… 
雞泡魚乾…
牛脷…
多春魚…
煙肉車厘茄…
雞腎…
金菇豬肉卷…
雞全翼… 
露筍牛肉卷…
釀尖椒…
雞中翼…
黃花魚…
大蜆…
清酒煮蜆…
鮑魚…
汁燒鮮冬菇…
翠玉瓜…
雞軟骨…
雞皮…
蒜蓉牛油菠菜…
菠蘿…
這裡地方不大，但勝在整齊乾淨，沒有一般串燒店的油煙味。小店有點像舊式的家族生意一樣，大家打成一片，熱鬧之餘又親切。這裡以各款海鮮做主打，紅魚、油甘魚、黃花魚、巨扇貝、鮮蜆、大海蝦、生蠔 …… 種類之多，可媲美海鮮專門店。而串燒的做法亦以簡單為主，調味料亦不多，純粹靠鮮味取勝。由於店舖鄰近街市，所以海鮮串燒，款式天天不同，保證新鮮。
"皇府串燒" – 西營盤第二街88號地下 3 號舖
2549 0988
營業時間：1800-0100 (逢星期一休息)
之後 joan 仲帶埋我地去老字號嘅 "源記" 食糖水添…
真係好有懷舊 feel 呀…
合桃糊 & 杏仁糊…
"源記" 嘅雞蛋糕都好出名，口感唔錯，而且好重雞蛋味…
雖然細細粒又怕熱氣又唔好肉，但不要緊，同朋友仔聚會，談天說地比醫肚仲緊要，今晚大家都非常開心，6 個女仔兩個墟，有傾有講有 
，輕鬆開懷大吃一番…
* 相片盜取自麗達
張貼於小美怡事件簿 | 2 Comments »
過檔龍頭公司足足一個月，跟黑面神對足二百多小時，實在好難頂，唔明她為何日日黑口黑面，說話尖酸刻薄，細細粒恐怕終有一天會忍無可忍，跟她吵起來。
屈指一算，佢今年五十一，還有九年才退休，看來細細粒未必等到佢呢日都已經打退堂鼓，又或者已經比佢激死咗！
張貼於我思我想 | Leave a Comment »
今天過後，鳥巢將會重歸靜寂，水立方將會留下一片止水 ……
經過16天緊張的賽程，第29屆北京奧運會今天正式落幕。8月8日晚，一個令世人驚嘆的開幕式，此刻仍歷歷在目，教人畢生難忘；轉瞬間，一個令人熱切期待的閉幕式又再激起眾人高昂的情緒。
國家隊更以百面獎牌 (51金、21銀、28銅) 為今屆奧運劃上完美的句號。
張貼於小美怡事件簿 | Leave a Comment »
應 miko 之約，請假一天，連同 bonnie 及 angel 往澳門閒逛大半日，憑金莎會會員証換來免費船票，整天只花上兩百多元享用 lunch buffet 及拉老虎機，心情輕鬆。
張貼於跳出香港, 澳門遊 | Leave a Comment »
2008 年 8 月 8 日 晚上 8 時 8 分
中國人辦的奧運，開幕了
齊為中國隊、香港隊打打氣
努力！加油！
張貼於小美怡事件簿 | Leave a Comment »
« Newer Posts - Older Posts »
｡。｡▫❤♡❤‥外星小美怡‥❤♡❤▫｡。｡ 