今日係大除夕，係細細粒享受一連五天假期嘅開始，呵呵呵！
（我知道黑面神好唔高興小妹放假，佢份人都好霸道，聖誕、農曆年都已經搶住放，難道小妹又要將呢段假讓比佢麼！！）
約好 bonnie, miko, angel 今晚出來飯聚，angel 提議打邊爐，最後選定喜悅酒家（五點幾收到 winnie 電話，臨時加入戰團）剛好天氣轉寒，啱晒烚下烚下
呢餐任飲任食火鍋又真係唔錯，埋單每位 $130，最正就係無限時，你知喇，幾個女仔一坐埋就緊係雞啄唔斷，若果限時限刻就無癮囉，而且平得嚟 d 火鍋料又好生鮮，款式又多，絕對可以再幫襯
唯一缺點係服務麻麻（無伙計）
一如既往 angel 係最食得個位，個個停晒口，佢仍然發揮著強勁嘅食力 
好勁呀！反而大大份嘅 winnie 係第一個停咀
由六點坐到十點，飽到唔識郁 … 大家互相講聲新年快樂就分道揚鑣，除咗 winnie 仲有下場外（趕往尖咀），一把年紀嘅我哋就緊係返屋企搵周公喇
我哋楝咗芫莤皮蛋湯底
張貼於節日Fun Fun Fun | Leave a Comment »
24/12 平安夜 
呢日一放工，嗱嗱臨趕往 KF 會合 bonnie 一家人，係 A1 食 buffet，係呢 d 特別日子，$220@ 嘅價錢一ｄ都唔貴，當然亦唔會有好大期望，只純粹大家開心一下吧！沒想到，食物款式以及質素都比想像中好得多，可謂超值
本來 winnie 都想嚟o架，可惜無得放早，趕不及啊！激到佢紮紮跳 @w@
25/12 聖誕節舊同學聚會@哈小姐新居 + BBQ@九華徑燒烤埸@MeiFoo
呢日一班舊同學聚頭，攜眷＋闔府統請，加埋都有 13 位，浩然個囝囝成為焦點
晚上 BBQ ($118@)
(Harmony, Kent, Grace, Benny, 法蘭西一家三口, 浩然一家三口, 阿慧, 蘇忠)
26/12 Boxing Day
BBQ@無國界食點
呢日都係燒嘢食，因為 book 唔到警察會，惟有另覓地方，最後取 winnie 提議，book 咗菲律賓會無國界食點，$148@ 限時兩個鐘任飲任食 (另開爐費 $28 x 2)，雖然唔算貴，不過個人較喜愛傳統嘅一人一支叉，圍住個爐先至過癮，所以細細粒應該唔會再幫襯
(Winnie, Ricky, Jack, Fanny, Iris, Joey, Singsing, Hedi, Dick)
不過呢度 d 食物種類雖少，但質素 OK！
(相片由 winnie 提供)
winnie 最高興緊係啤酒任飲喇！
話晒係 boxing day，緊係要拆下禮物啦 n_n
張貼於節日Fun Fun Fun | Leave a Comment »
Merry Christmas
&
Happy New Year
張貼於節日Fun Fun Fun | Leave a Comment »
聖誕節是洋溢關懷與愛的節日，親友間互相送贈禮物，都是為著慶祝這個充滿愛的日子，更是維繫著彼此之間的友情，增添溫馨氣氛！
即使近月心情沉重，不過聖誕只一年一度，加上做人最緊要都係開心，花多少少心機及金錢買禮物又有咩所謂？
細細粒希望今年為一眾友好選購的小禮物都能令大家窩心感動！
張貼於節日Fun Fun Fun | Leave a Comment »
今晚約咗幾位現在式+過去式嘅同事食飯，包括
咪波麗達嘉露黃Ｉ阿 LiTammy同埋我 …
最美中不足嘅當然係少咗 mandy + bonnie 兩位 @-@
早幾日當知道今晚會幫襯“生記”，細細粒即刻唸起麗達早前係佢個 blog 都有介紹過，當中印象最深嘅係『起死回生泥鯭粥』，所以今晚一坐低，小妹就搶住要點呢個粥，睇下佢點樣起死回生囉 …
點不知，無得食，伙計話要預訂喎！惟有睇住張相先喇！
睇到流晒口水添 ^u^
雖然有 d 失望，不過我哋 7 個女仔，先後點咗 8 個餸 + 兩個炒飯，都真係好滿足，好勁呀
埋單 $1,290-，包括：
- 馳名豉油王煎蝦碌
- 家鄉手磨煎蓮藕餅
- 上湯枸杞浸豬潤
- 蜆介鯪魚球
- 豉椒炆茄子
- 椒鹽鮮魷
- 菠蘿生炒骨/咕嚕肉
- 雙菇扒菜膽
- 楊州炒飯
- 薑粒菜粒蛋白炒飯
= 廚師推介
仲有白糖糕送呀！細細粒係第一次食，覺得口感麻麻地
唔多鍾意
食飽飽，傾吓偈，好快就十點喇！又係散 band 嘅時候，惟有期待下次嘅聚會可以快 d 嚟啦！
生記海鮮飯店
地址：香港灣仔軒尼詩道107-115號協生大廈1-2樓
電話：2575 2236 / 2575 2239
張貼於小美怡事件簿 | Leave a Comment »
今日相約 Bonnie 一齊放假，算係比自己抖抖氣，鬆一鬆
話時話，今日真係好充實，七點半食過早餐，逛過超市，先回家來個大掃除 (細細粒一向愛乾淨整齊，但居然差不多一個月沒有打掃，成個人沒精打采)，屋企回復整潔，個人都精神ｄ
做完 "阿四"，接住做 "速遞員"，將一大袋公仔、玩具送到大佬大本營 (因為 grace 有朋友會係平安夜搞個 fun fair，需要大量玩具派比一ｄ細路仔)，細細粒當然樂意出點力啦
大佬＋大嫂都有幫手呀！
就係咁忙咗一個上晝 …1:00 bonnie 帶著一個大盒子來到小妹寒舍，係細細粒今個聖誕收到嘅第一份禮物喔
超開心
之後出發往工展會，嘩！真係無唸到平日都人山人海，原來香港有咁多閒人，仲大箱細箱、拖埋行李匧入場，又話經濟低迷嘅？!？排隊買入場劵都要花上十五分鐘 …
人迫人，加上烈日當空，不出十分鐘，小妹已經一身汗
買下嘢，食下嘢，話咁快四點，我哋攞住一袋二袋 (全部都係嘢食) 離開，之後搵咗間餐廳 tea 一 tea 
7:00 仲上咗堂 hot yoga 至返屋企，一日嘅假期就係咁過咗
張貼於小美怡事件簿 | Leave a Comment »
超過一個星期沒有寫 blog，因為每日都好攰，攰並非因為工作忙，倒因為返工等放工，半個月來被投閒置散，細細粒已盡量阿 Q 啲唸， "無所謂"，反正糧照收，但日子實在不易過 … 皆因每天要被幾對眼監視著，向你事事挑剔，還要聽著黑面神跟大籮一唱一和，句句有骨落地，一點也不好受 … 究竟這樣的日子何時完喔！期望 HR 會好快給我帶來好消息，遠離一班牛鬼蛇神
11/12 跟 CP Dr Esther 第三次見面，小妹當日已經可以把情緒控制著，再無哭泣，惟內心仍未能平靜 …
張貼於小美怡事件簿 | Leave a Comment »
是晚細細粒請客，主角是本月牛一嘅二老（10/12）＋ 姪女（11/12），壽星女話要据扒，所以一家大細咪一齊据扒囉
張貼於小美怡事件簿 | 2 Comments »
前天跟 Dr. Esther 再次見面，她覺得小妹比上次見面 (19/11) 明顯消瘦，又的而且確是事實，自事件發生，細細粒已經蒸發了 5 磅 …
同日往 staff clinic 見大夫，需加藥 …
勢孤力弱嘅細細粒，每天既要被黑面神精神虐待，又要步步為營，係睡不好，無胃口的情形下，還要處於備戰狀態，個人真係好攰 … 究竟呢場仗幾時打完啊！
張貼於小美怡事件簿 | 3 Comments »
今日聯同 grace & carol 陪同明年二月新娘子 JOANNA 往試妝，才頓時想起今天已是十一月的最後一日，一定要趕快將呢個月的一單大喜事記下
1117 是 Harmony & Kent 的大喜日子
身為姊妹團嘅一份子（08年第2次當姊妹），當然要一大清早就踩入“哈家”喇！扮靚之餘，亦要為稍後『接新娘』環節作好準備，務求令一眾兄弟『玩得盡情，科$$夠爽』，Kent 果然好心急接新娘，一直表現合作，亦好順應姊妹嘅要求，叫佢唱就唱，跳就跳，就連比 $ 都好爽手 …… 氣氛熱鬧，大家都玩得好投入 ……
呢日行程都相當緊湊，跟另外兩位姊妹 grace & cannie 合作愉快，總算順利完成任務 ……
細細粒覺得呢個婚禮好童話式，相信是新娘子夢寐以求的，由新娘子嘅禮服、花車設計、短片拍攝、以至選擇婚宴場地，都不難看出兩位主角一絲不苟的性格，絕對是性格合拍，外型匹配的一對 ……
再次藉此祝賀 H&K 百年好合 永結同 
張貼於小美怡事件簿 | Leave a Comment »
自十月起，精神備受困擾，情緒十分低落，情況日趨嚴重，blog 唔願寫，yoga 又唔想做，腦袋無時無刻都想著 "那件事"，瞓唔安，食唔落 …… 即使今天係一個值得慶祝的日子，小妹都無法提得起勁 ……
昨日終決定勇敢站出來，下班後，在同事的陪同下，往７號仔尋求協助 ……
今天要再次向大夫求助，結果是需要食藥，及轉介 CP …
正午，收到阿 Li 來電問候及了解詳情，小妹再次因為訴說事件始末而哭成淚人 …… 其實，哭已經哭過多次，絕對明白哭也無用，但眼淚總是不由自主地湧出來 ……
事件發展至今，實在好感激身邊一眾朋友、同事、家人及不便出面的 x 姑娘，若非得到他們的幫助，支持和安慰，細細粒可能已經崩潰了 …… 小妹承諾，自己會努力跳出框框，惜日愛說愛笑的細細粒會好快再出現係大家眼前
各位，我會加油o架！
張貼於小美怡事件簿 | 4 Comments »
今次係 Fanny & Jack 聯手轟炸小妹呀
02122008
張貼於小美怡事件簿 | Leave a Comment »
SOGO 半年一度嘅 Thankful Week 已接近尾聲，一向不喜歡跟人迫嘅細細粒
今天居然打破慣例，一早走去迫埋一份，目的就是買護膚品
嘩！現場實在驚嚇，一眾女士們蜂擁而上，細細粒夾係人群當中，動彈不得，好彩最終都買得心頭好，但真係只此一次，以後咪搞囉
原來係女人嘅世界係無金融海嘯呢回事o架！ 
搶購完護膚品，細細粒另花上二千元買了裙及薄褸各一，滿載而歸
張貼於小美怡事件簿 | 2 Comments »
今天，小怡要搬竇 
老二重金禮聘兩位 "外籍咕哩"
小妹當然亦有份出 $ 出力啦 
大家無眼花 
，"手無搏
之力" 嘅細細粒都有份，嘻！幫手擔擔抬抬 … 當然唔使我啦！
小妹只是借出四隻眼，幫忙 "昅" 實小怡 d 家當，千其咪以為小兒科，細細粒真係要金睛火眼，一眼關七架
皆因小怡家財萬貫，少緊件都唔得掂啊 
張貼於小美怡事件簿 | 3 Comments »
好欣慰，"大鱷欺壓魚蟆事件薄" 終於見光，亦開始有人正視
細細粒正靜候結果 …… 今晚終於有覺好瞓 ^u^
張貼於小美怡事件簿 | 3 Comments »
日前 (3/11) 送出的 "千字文"，今日終於有回音喇！
希望小妹終可逃離肥老鼠、大籮以及黑面神的魔爪，重見天日，指日可待！
張貼於小美怡事件簿 | Leave a Comment »
星期六，珠珠媽係佢間豪宅搞"趴地"，係為 king 少開 birthday party，比面踩場嘅人真不少 …
Anna, Yvonne, 梁志明, 陳豪, King少, Sandy, Jessie, Jessica, Lucy, Joe, Bonnie, Flora, Crytal, 當然唔少得小妹我喇！加上珠珠家成員，足足廿二位，當中三位係貓咪咪 ^u^
因為傍晚要陪準新娘子阿哈試衫，所以細細粒只逗留了個半鐘，食過蛋糕，沙律等，五點幾就鬆人，無口福享用海鮮大餐囉！
張貼於小美怡事件簿 | Leave a Comment »
細細粒一向沒有慶祝 Halloween 的習慣 … 過往只會約下三五知己飯聚
而今年的哈囉喂就約了 bonnie & winnie，整晚在"麥記"打壆，小妹埋頭苦幹"作文"，決定括出去來一次絕地反擊 …
呢幾張相係早幾個星期係花壚影的
Happy Halloween !?! 2008 Halloween 對細細粒來講一點也不 happy
張貼於節日Fun Fun Fun | Leave a Comment »
友共友‧齊齊跑
決定挑戰自我 …
跟幾位同事報名參與明年二月八日嘅 2009 渣打馬拉松 
Tammy 同埋 Carol 都一齊參加呀，YEAH 
好嘢！
十公里 1 組賽事
這次是我人生中第一個參加的長跑活動
好開心呀
心情興奮，靜待那天來臨！
參考號碼： 2008-1029-0003-9634-M
總數： HK$270.00
賽事及組別：十公里 1組 女子
比 賽 資 料
主 辦 機 構 ： 香 港 業 餘 田 徑 總 會
比 賽 日 期 ： 二OO九 年 二 月 八 日 ( 星 期 日 )
| 賽事
| 十公里
|
|
| 十公里挑戰組
| 十公里1組
| 十公里2組
| 十公里3組
|
| 組別
| 青年組、壯年組、
先進1組及先進2組 *
| 凡16歲以上均可參加，沒有組別之分
|
| 起跑時間
| 上午5時15分
| 上午5時35分
| 上午6時正
| 上午6時30分
|
| 最佳成績
| 少於 01:10:00
| 01:10:01– 01:25:00
| 01:25:01–01:40:00
| 多於 01:40:01
|
| 比賽時限
| 全程 : 2小時 |
| 賽事
| 半程馬拉松挑戰組
| 半程馬拉松1組
| 全程馬拉松
|
| 組別
| 青年組、壯年組、
先進1組及先進2組*
| 凡16歲以上均可參加，
沒有組別之分
| 壯年組、
先進1組及先進2組*
|
| 起跑時間
| 上午6時50分
| 上午7時10分
| 上午8時正
|
| 最佳成績
| 少於02:15:00
| 多於02:15:01
| N/A
|
| 比賽時限
| 全程 : 3小時
| 全程: 5小時30分 |
*
|
青年組
|
壯年組
|
先進1組
|
先進2組
|
|
生於1990至
1993年
|
生於1975至
1989年
|
生於1965至
1974年
|
生於1964至
或以前
|
| 賽事
| 十公里
| 半程馬拉松
| 全程馬拉松
|
| 名額
| 33,000
| 14,000
| 8,000
|
名額有限，先到先得。
大會保留提早截止報名日期的權利，而不作另行通知
|
| 獎項
| 為慶祝渣打銀行在香港成立150週年，全程馬拉松賽總獎金將增至十萬美元
大會另特設港幣十四萬四千元額外獎金及渣打香港150週年紀念獎章給予香港永久性居民之得獎者。
十公里挑戰組、半程馬拉松挑戰組及全程馬拉松賽的每組冠、亞及季軍各得獎座乙個。 獎項是根據大會正式時間 (嗚槍時間) 而決定頒發
大會將以郵寄方式寄發證書給予所有於賽事指定時限內完成比賽之參賽者。
|
| 紀念品
| 參賽者可獲T-恤、場刊、紀念品等各一
|
| 慈善籌款
| 詳情請致電2501 7911與高誠國際公關顧問有限公司聯絡
|
| 查詢
|
|
10 公里路線圖:-
|
 |
|
 |
張貼於小美怡事件簿 | 4 Comments »
每 個 人 一 生 中 ， 總 有 個 相 逢 恨 晚 的 人 。 總 算 相 逢 ， 卻 恨 來 得 太 晚 ， 明 明 他 是 我 找 了 很 久 很 久 的 人 ， 明 明 他 喜 歡 我 我 喜 歡 他 ， 明 明 擁 抱 過 指 尖 觸 碰 過 ， 最 終 因 為 晚 了 一 步 ， 只 落 得 朋 友 的 下 場 ， 安 守 一 個 忽 明 忽 暗 的 身 份 。 幾 許 愛 情 故 事 ， 都 以 相 逢 恨 晚 作 開 始 ， 再 淒 美 動 人 也 得 不 到 幸 福 快 樂 的 下 場 ， 誰 希 罕 呢 ？ 有 些 時 候 會 恨 自 己 ， 恨 為 甚 麼 不 能 在 合 適 的 時 間 遇 上 這 人 。 假 若 早 些 碰 面 ， 一 切 會 否 不 一 樣 ？ 如 果 前 生 五 百 次 的 回 眸 ， 才 換 來 今 生 的 擦 肩 而 過 ， 那 麼 我 的 前 生 已 經 為 著 今 生 要 遇 上 他 而 努 力 過 ， 只 可 惜 緣 份 還 是 太 淺 薄 。
面 對 相 逢 恨 晚 的 人 ， 偶 爾 還 會 想 起 那 些 相 處 ， 完 好 無 缺 的 心 忽 然 隱 隱 作 痛 。 既 然 捨 不 得 隔 絕 音 信 ， 仍 想 知 道 他 是 否 生 活 得 很 好 ， 唯 有 用 他 不 會 明 白 的 方 法 去 珍 惜 去 維 繫 。 往 後 的 日 子 ， 再 沒 有 好 好 共 處 ， 即 使 近 在 咫 尺 ， 選 擇 避 開 走 遠 ； 說 盡 冷 言 冷 語 刻 意 嘔 氣 ， 為 著 要 他 生 氣 記 住 我 的 不 是 。 他 生 未 卜 此 生 已 休 ， 用 心 做 盡 的 一 切 ， 不 過 奢 想 如 果 真 的 有 他 生 ， 即 使 他 喝 過 孟 婆 茶 ， 再 遇 上 我 ， 還 是 會 記 得 。 今 生 再 沒 可 能 ， 最 多 心 裡 小 小 的 角 落 有 我 ， 那 麼 ， 唯 望 他 生 有 機 會 可 以 重 新 偶 遇 一 次 。
恨 事 太 多 ， 錯 過 的 不 只 一 個 。 唯 獨 這 人 ， 每 次 想 起 仍 覺 心 酸 。 你 呢 ？ 你 跟 那 相 逢 恨 晚 的 人 ， 最 終 可 有 美 好 結 局 ？ 我 沒 有 ， 但 希 望 你 等 得 到 圓 滿 。
張貼於外星人語錄 (文章分享) | Leave a Comment »
« Newer Posts - Older Posts »
唯一缺點係服務麻麻（無伙計）
好勁呀！反而大大份嘅 winnie 係第一個停咀
25/12 聖誕節
咪波
唔多鍾意
大佬＋大嫂都有幫手呀！
超開心
買下嘢，食下嘢，話咁快四點，我哋攞住一袋二袋 (全部都係嘢食) 離開，之後搵咗間餐廳 tea 一 tea 
超過一個星期沒有寫 blog，因為每日都好攰，攰並非因為工作忙，倒因為返工等放工，半個月來被投閒置散，細細粒已盡量阿 Q 啲唸， "無所謂"，反正糧照收，但日子實在不易過 … 皆因每天要被幾對眼監視著，向你事事挑剔，還要聽著黑面神跟大籮一唱一和，句句有骨落地，一點也不好受 … 究竟這樣的日子何時完喔！期望 HR 會好快給我帶來好消息，遠離一班牛鬼蛇神
搶購完護膚品，細細粒另花上二千元買了裙及薄褸各一，滿載而歸
小妹只是借出四隻眼，幫忙 "昅" 實小怡 d 家當，千其咪以為小兒科，細細粒真係要金睛火眼，一眼關七架
皆因小怡家財萬貫，少緊件都唔得掂啊 
｡。｡▫❤♡❤‥外星小美怡‥❤♡❤▫｡。｡ 
