開始的一天 …… 靜觀其變
不經不覺又一年喇！
去年十二月，細細粒同 harmony & grace
去曼谷玩咗 4 日
勁開心，仲滿載而歸添！
嚟緊十二月我哋三人決定再戰曼谷 (10-13/12/10)
還記得去年因為懶懶閒，遲訂 package
結果揀無可揀之下，迫住揀 d cheap 酒店
為免重蹈覆轍，今年一於早兩個月去搞搞
呢日，細細粒就去咗旅行社
實在無唸到機票和酒店已相當緊張
細細粒穿梭各大小旅行社近三粒鐘 ……
幸皇天不負有心人
最終都 book 到我哋一致想住嘅個間 5 星酒店
(機票 + 酒店 + Tax)
去年，$3,080 住 3 星
今年，$2,936 住 5 星
而家 package 備妥，仲有大把時間 plan 行程
就靜待那一天嘅來臨吧！
張貼於跳出香港 | 2 Comments »
童年的日子越來越褪色，偶爾想起的，是一些瑣碎但充滿味道的記憶 ……
喜歡吃豆腐花、砵仔糕
今天，忽然很想吃，特意走上街頭，尋找著 ……
童年的日子 (幼稚園那三年)，總會在校門外碰上
推著一部木頭車的老伯伯 及 推著大大個木桶的少婦
車子裡載著的是飽滿澄黃的砵仔糕，糕面撒滿軟綿紅豆
木桶則盛著香滑的豆腐花
細細粒幾乎每天放學都要食過才肯罷休呢！！
相信肥媽咪一定還記得
喜歡看著老伯乾瘦的手把竹簽沿著瓦砵邊轉一個圈
一下子就把甜糕輕鬆地從砵子倒出來，以竹簽串起來，笑著交我
拿著竹簽慢慢地品嚐著香甜的砵仔糕，有一種單純的幸福！
吃過甜糕，喊著要滑一滑的豆花
少婦會輕巧地將豆花片得薄薄的，食起來特別滑溜
還按小妹的要求，淋上薑汁糖水以及灑上一湯匙的黃糖
飽嚐一頓 … 簡單的兩款小食，已有著無比的滿足感！
長大後，細細粒對這兩款傳統的小食，依然愛不釋手
每次再吃，猶如重遇童年的好友，而那段記憶雖已久遠卻仍帶著甜味！
張貼於小美怡事件簿 | Leave a Comment »
去年，grace 送我兩本書，小妹已看過一遍，
今天決定重看，並想推介予大家
每天多麼好
通往成熟的鍛鍊 — 遇亨通喜樂，遭患難能思想。
這本書記錄了余德淳先生在 5 個月裡合共 20 場演講的一些片段
這 20 篇文章由生命的頭一年開始一直說到 55 歲
按年釋述人生不同階段的特徵，危機和值得珍而重之的地方
作者也會分享自己的個人經歷
GOOD！！
每天多麼好之目錄
第一章：溫情依附的一歲
第二章：面對分離的兩歲
第三章：有能力基礎的三歲
第四章：建立責任感基礎的四歲
第五章：建立友誼的五歲
第六章：建立自決基礎的六歲
第七章：發展社交才智的七至八歲
第八章：尷尬感覺的九至十歲
第九章：訓練技能角色基礎的十一至十二歲
第十章：迷茫尋真的十三至十四歲
第十一章：撥亂反正的十五至十六歲
第十二章：確立人生價值的十七至十八歲
第十三章：情緒決堤的十九至二十歲
第十四章：打開希望之窗的二十一至二十五歲
第十五章：具有侵略性的二十六至三十歲
第十六章：任務纏身的三十一至三十五歲
第十七章：停滯不前的三十六至四十歲
第十八章：人生下半場的四十至四十五歲
第十九章：新憂舊愁的五十歲
第二十章：情感待燃的五十一至五十五歲
返工多麼好
闡明在職場裡成敗每每決定於不斷更新的心態，作者期望讀者們看完這書後有頓悟，更重要的是忘卻舊創，追尋更有價值的目標，引領讀者去肯定沒有價值的日子是很痛苦的，它使您消沉。並祝願讀者每日善用財權、利益均分、勞碌取樂。
返工多麼好之目錄
第一章：收入少，仍快樂？
第二章：裁員風吹安全感？
第三章：去或留，難取捨？
第四章：減人工，望轉工？
第五章：天生我才必有用？
第六章：舊熱誠，無力挽？
第六章：舊熱誠，無力挽？
第八章：抑鬱病，可自解？
第九章：上司歡心不用討？
第十章：忌才上司可成友？
第十一章：違常上司易相處？
第十二章：惡言上司不用忍？
第十三章：男女上司真有別？
第十四章：樹大招風可避免？
第十五章：不出位，難上位？
第十六章：性格獨立難合群？
張貼於生命的反思 | Leave a Comment »
18-9-2010 係 Winnie 嘅生日
細細粒直至今日才跟她食晏慶祝
當然係壽星女太忙，而絕非我善忘喇！
由於 winnie 工作嘅尖沙咀寫字樓因裝修而暫搬到旺角
所以細細粒今日就走到旺角同佢嘆茶（新星海鮮酒家）
午飯時間只得一粒鐘，始終急趕，一於遲ｄ再請你食餐好嘅！！
張貼於小美怡事件簿 | Leave a Comment »
DICK 少一早去咗沙田打羽毛球
細細粒上完瑜伽課往沙田跟他食晏
左逛右逛，最後揀咗
菓一道健康餐廳
沙田新城市廣場三期 1 樓 A184-A187 號舖
我哋一人一個套餐
大家都有甘筍湯 + 餐包，好香啊！
我個餐仲多一個沙津
我嘅貴妃鮑粒芝味腸炒三色糙米飯，好味！
運動完特別肚餓，大大碟都食清光！
我嘅香茅檸汁板煎紐西蘭羊肉配有機三色糙米飯
仲有甜品，揀咗茉莉花果凍
餐飲可選黑芝麻豆漿 or 柑桔青檸
食得好飽，係商場逛番陣幫助消化至得
張貼於小美怡事件簿 | Leave a Comment »
如果大家錯過了巨龍係七至九月推廣 $88 來回港澳船票嘅優惠，都唔緊要
因為優惠係十月會繼續，雖然加咗價，但亦只不過 $128 (週六、週日及假期 $168)，仍舊好抵，細細粒打算過咗十‧一黃金週（避開內地遊客），再去一趟，或許會順道訂購水上匯演 — “水舞間" 門票
http://www.macaodragon.com/website/faresortickets.aspx
張貼於細細粒情報站 | Leave a Comment »
今日係十‧一國慶休假
沒有安排特別節目
只約咗老豆，肥媽飲茶
地點係翔龍灣海港酒家
因為假期，勁多人，幸得老豆早攞定位
細細粒上完瑜伽課，一到步剛好埋位
點‧點‧點；食‧食‧食
繼『心無罣礙』
細細粒近日正細味著李焯芬教授的另一著作『活在當下』
內 容 簡 介 ：
呱 呱 墮 地 的 嬰 孩 ， 父 母 親 悉 心 培 育 ； 愚 昧 無 知 的 學 子 ， 師 長 肩 負 啟 蒙 使 命 ； 彼 此 相 愛 的 伴 侶 ， 夫 婦 承 諾 一 生 患 難 與 共 … …
當 下 ， 您 是 誰 ？
循 著 時 間 不 停 地 推 移 ， 我 們 一 直 在 成 長 。
每 一 個 當 下 ， 生 命 的 時 空 都 賦 予 每 一 個 人 生 存 的 角 色 和 責 任 ：
? 當 下 ， 讓 我 們 的 男 孩 和 女 孩 們 茁 壯 成 長 … …
? 當 下 ， 敬 愛 我 們 的 父 親 和 母 親 … …
? 當 下 ， 不 再 愚 昧 ， 因 為 恩 師 教 曉 了 我 們 … …
? 當 下 ， 愛 自 己 ， 更 愛 我 們 的 另 一 半 … …
在 這 本 集 子 裡 ， 李 焯 芬 教 授 藉 著 七 十 多 則 心 靈 小 故 事 ， 分 享 一 個 又 一 個 人 生 成 長 的 經 歷 和 體 驗 。 在 成 長 的 路 上 ， 我 們 都 一 定 試 過 不 小 心 被 石 頭 絆 倒 摔 了 一 跤 、 誤 踩 入 水 窪 濺 了 一 身 濕 ； 而 得 到 了 今 天 的 生 活 ， 我 們 未 必 個 個 都 是 物 質 上 富 有 的 人 ， 但 每 一 個 人 都 總 有 能 力 讓 自 己 輕 安 自 在 ， 只 要 我 們 懂 得 ─ ─ 活 在 當 下 。
在成長的路上，謹祝願，當下的您：幸福喜樂！
張貼於生命的反思 | Leave a Comment »
Awfully Chocolate & Mochi Sweets
相繼於朗豪坊開咗分店
昨天上完瑜伽課，肚仔咕嚕咕嚕，結果忍唔住 ……
一次過幫襯晒兩間
Awfully Chocolate 嘅黑雪糕好正啊！
黑雪糕 = 朱古力雪糕
朱古力味香濃，甜度適中
一定要再 encore
Mochi Sweets 有好多隻味 ……
唔算貴 …… 最平嘅 $8 有交易
一口氣食咗紅豆、藍莓、朱古力味
覺得最好味係紅豆
食落有 d 似冰皮 + 雪米糍嘅混合體
哎呀！
對於既為食又經常要到朗豪坊嘅細細粒嚟講
真係大件事
張貼於小美怡事件簿 | Leave a Comment »
細細粒今日好有口福
荃灣青山公路 353 號帝景酒店
2:15pm 荃灣 MTR C 出口會合大隊 (bonnie 家人)，乘搭 shuttle 前往位處偏遠嘅帝景酒店
我哋一行 10 人係帝景軒享用 buffet (5 大，1 老，2 小童，2 三歲以下<免費>)
當中兩隻嘩鬼，v 嘩鬼叫，表現興奮
點解會揀呢度食 buffet？？純因為憑職員証，在此可享有特別優惠
雖然，對細細粒嚟講，呢度真係好鬼遠，但只要開心就無計喇！
Buffet 供應嘅食物款式不算多，但質素唔錯
環境優雅，但座位唔多
嘩！埋單只 $579，超抵啊！！！！！
食完 buffet，接著還要趕下場
7:00pm 折返觀塘創紀之城好彩酒家同高妹一家人食晚飯
Sorry！Sorry！遲到添！
其實自己仲係好飽，之不過仍想應邀出席
因為細細粒已不經不覺把他們視作家人！！好珍惜每次嘅家庭聚會喔！！
張貼於小美怡事件簿 | Leave a Comment »
今日係中秋節翌日假期
約咗個閨中密友出嚟食晏傾下偈
細細粒揀咗環境舒服嘅『風月堂』
因為餐廳不設訂位，所以自己較約定時間早了廿分鐘到
咦！居然唔使等位
我選擇咗較開揚嘅第二層
並要求落地玻璃窗旁的座位
這兒裝修以白色為主，好優雅
我哋一坐就四粒鐘
天南地北無所不談
偶然約出嚟 tea 下傾下密偈，感覺真好啊！
影咗幾張相
張貼於小美怡事件簿 | Leave a Comment »
中秋節快樂！人月兩圓！
大家今日有乜嘢節目？
去哪兒賞月？(天文台預測，睇唔到月光喔！)
食過月餅未？
不知大家選擇了什麼種類嘅月餅呢？
細細粒今年既無食傳統的蓮蓉蛋黃月餅，亦無嚐冰皮月餅，
只食了 1/2 個雪糕月餅，
正所謂 "小食多滋味，多食壞肚皮"，都係少食為妙
傍晚會同屋企人去富臨酒家食飯
張貼於小美怡事件簿 | Leave a Comment »
8/9/10 往見 CP, Ester
她借了這本以佛家語命名嘅書《心無罣礙》予小妹
「罣」讀音「掛」，即牽絆、阻礙，為「掛」之古字。
「心無罣礙」乃出自《心經》，意思為心中了無牽掛、沒有負擔。
近日，細細粒每天都抽空看這本書，已經看了接近一半，
我雖然不是佛教徒，但亦喜歡當中的佛學哲理，
並自購了一本作翻看或供朋友傳閱之用。
朋友們，不妨看看這本書，或許令你得益不少喔！
內容簡介：
在紛擾的生活裡，我們經歷過失敗、傷痛，嘗到沮喪、流過眼淚。
或許我們會認為，患難無常，人浮於事。
然而，世事好與壞，生活愉快不愉快，或多或少，
是由人本身的主觀見解使然吧。
在這本集子裡，收編了八十多則心靈小故事，
讓我們發現：縱然憂懼苦難來襲，原來幸福一直存在生命的心裡面。
細閱每一篇故事的寓意，檢閱自己的心靈，
讓我們一起學習過心無罣礙的生活。
．無愧心，跌倒不痛 ……
．善良心，活得自在 ……
．平常心，處變不驚 ……
．傳愛心，一生快樂 ……
我仍在努力學習中……
張貼於生命的反思 | Leave a Comment »
轉眼已經立秋，雖然天氣還是令人熱得難受
不過已到咗『佢』嘅當造季節了
秋風起，除了三蛇肥，還有…
大閘蟹
你今年食咗未？
嘻嘻！！我就食咗嘞！
昨晚應 JACK 嘅邀請，齊齊品嚐肥美的大閘蟹
看到啖啖肥美嘅蟹膏，當然會食指大動
平日頗注重健康飲食嘅細細粒
也懶理甚麼膽固醇與脂肪囉！一於飽嚐一頓
肥美的蟹膏
食蟹之逸聞
唔講唔知，以嗜食見稱中國人古時礙於蟹恐怖長相─利螯，長爪和厚甲都不敢捉蟹來食，促成「蟹民」橫行無忌，完全唔怕人。你估係咪呢個原因導致蟹養成打橫行嘅習慣呢？
這個不敢捉蟹食嘅情況被浙江一次山洪暴發完全扭轉過來。話說當時群蟹被沖到田上，農夫礙於群蟹橫行均不敢接近。在無計可施之下，一個怒火沖天的農夫嘗試以熱水潑向群蟹，希望可把它們趕走。呢一潑使群蟹由青色化為滿地金黃，而且一動不動。眾農夫見狀紛上前將蟹拆骨，一股肉香由是撲鼻而來，一食之下重齒甲留香，令人萬分回味，亦由此奠定中國人食蟹的習慣。
至於大閘蟹名稱由來，話說江蘇人在陽澄湖捉蟹，知道群蟹貪光， 在天黑時便一手提籠，一手提燈，群蟹便自動投降，乖乖入籠，故名。
什麼人不宜大閘蟹？
| (1) | 虛寒人士 症狀：風疹、胃抽筋、肚瀉及腹痛等。 |
|
||||
| (2) | 皮膚敏感人士 症狀：紅腫痕癢、皮膚疹、嘔吐、噁心、胃抽筋、 肚瀉及腹痛等。 |
|||||
| (3) | 膽固醇過高人士。 | |||||
| (4) | 孕婦。 | |||||
食蟹禁忌
| 1. | 切忌半生熟 食蟹必需注意清潔問題。年前有未煮熟大閘蟹便食，而引致肺吸蟲入侵身體，造成腸穿肺爛。所以要將蟹徹底煮熟 才可進食。 |
| 2. | 切忌食蟹胃 蟹的雙鰓之間有一個六角形的白色「蟹胃」極之寒涼，虛寒人士不宜。另外，但凡內臟都不應吃，因內臟積存重金屬，多吃易中毒。 |
| 3. | 「柿蟹同吃，定見閻王」 蟹肉含豐富蛋白質，柿子含鞣質，同時吃造成蛋白質凝固，導致腸痙攣。 |
| 4. | 切忌以啤酒送蟹 啤酒又名「鬼佬涼茶」。若以啤酒送蟹，寒上加寒，可引起肚瀉。 |
原汁原味食蟹法
蟹粉小籠包、蟹肉火腿蒸水蛋、京汁焗大閘蟹 …… 究竟邊種煮法最好？煮蟹還是以蒸的煮法最正宗，清蒸最能保持蟹的原汁原味。而且清蒸不油不膩，十分健康。蒸蟹方法：先以水浸蟹半小時，然後用刷洗淨蟹身，放少許紫蘇葉在沸水鍋，可減蟹之寒涼。再將蟹反轉來蒸，可令蟹膏留在蟹殼內，隔水蒸約 20 分鐘便成。
秋天不但天朗氣清，更是愛吃大閘蟹人士大快朵頤的好季節。市民在進食大閘蟹時要注意食物安全，應向信譽良好的店鋪及食肆選購大閘蟹，以及應注意均衡飲食，避免進食過量大閘蟹，尤其是含高膽固醇的蟹黃或蟹膏。此外，長期病患者更須節制進食大閘蟹的數量。
市民在享用大閘蟹時，應留意下列食用安全貼士︰
在選購時
-
到信譽良好的店鋪和食肆選購大閘蟹。
-
待售的大閘蟹須存放於雪櫃內。
-
購買生猛、沒有異味和外殼完整有光澤的大閘蟹。
在處理時
-
購買後應盡快處理及進食。已死的大閘蟹極容易變壞，不宜食用。
-
為避免交叉污染，應先包裹好大閘蟹，然後才放進雪櫃，並與其它食物分開存放。
-
曾經存放大閘蟹的雪櫃，必須徹底清洗。
-
烹煮前，先用刷及清水把蟹身、爪和鉗清洗乾淨。
-
大閘蟹可能含有寄生蟲，故此要徹底煮熟後才可進食。
在進食時
-
進食大閘蟹前，要用肥皂和清水清洗雙手。
-
大閘蟹不宜生食。千萬不要誤信鹽、醋、酒和日本芥辣等調味料具殺菌功能而去進食生蟹。
-
先徹底清除大閘蟹的內臟才進食。
-
應注意均衡飲食，避免進食過量大閘蟹，尤其是含高膽固醇的蟹黃或蟹膏。
-
長期病患者更只宜適量進食大閘蟹。
張貼於小美怡事件簿 | Leave a Comment »
好緊張！好期待！
嚟緊嘅 11 月，細細粒會去學
催眠啊！
簡 介
催 眠 已 不 再 是 神 祕 或 是 什 麼 超 自 然 現 象 ， 在 西 方 ， 催 眠 已 被 認 定 為 科 學 ， 廣 範 應 用 在 醫 療 ， 運 動 、 銷 售 、 培 訓 等 等 各 方 面 。 因 此 ， 如 果 想 掌 握 有 效 而 快 捷 自 我 提 升 及 改 善 的 方 法 ， 催 眠 可 以 說 是 捷 徑 。
本 工 作 坊 以 討 論 、 教 授 技 巧 、 分 組 練 習 等 形 式 ， 去 感 受 和 領 悟 抽 象 知 識 ， 透 過 深 入 淺 出 演 變 成 實 用 的 技 巧 。
催 眠 已 不 再 是 神 祕 或 是 什 麼 超 自 然 現 象 ， 在 西 方 ， 催 眠 已 被 認 定 為 科 學 ， 廣 範 應 用 在 醫 療 ， 運 動 、 銷 售 、 培 訓 等 等 各 方 面 。 因 此 ， 如 果 想 掌 握 有 效 而 快 捷 自 我 提 升 及 改 善 的 方 法 ， 催 眠 可 以 說 是 捷 徑 。
本 工 作 坊 以 討 論 、 教 授 技 巧 、 分 組 練 習 等 形 式 ， 去 感 受 和 領 悟 抽 象 知 識 ， 透 過 深 入 淺 出 演 變 成 實 用 的 技 巧 。
課 程 內 容 ：
(1) 走 進 催 眠 世 界
(2) 催 眠 美 容 的 可 能 性
(3) 使 用 催 眠 的 要 點
(4) 催 眠 誘 導
(5) 催 眠 深 化
(6) 自 我 催 眠
(7) 創 造 潛 能 開 發
(8) 催 眠 日 常 應 用 ( 例 ： 戒 食 物 、 戒 煙 、 減 壓 等 )
(9) 催 眠 心 理 療 法 應 用
(1) 走 進 催 眠 世 界
(2) 催 眠 美 容 的 可 能 性
(3) 使 用 催 眠 的 要 點
(4) 催 眠 誘 導
(5) 催 眠 深 化
(6) 自 我 催 眠
(7) 創 造 潛 能 開 發
(8) 催 眠 日 常 應 用 ( 例 ： 戒 食 物 、 戒 煙 、 減 壓 等 )
(9) 催 眠 心 理 療 法 應 用
| 主 講 人 | 崔 載 福 先 生 |
| 教 授 語 言 | 粵 語 （ 輔 以 英 語 ） |
| 節 數 | 6 講 |
| 上課地點 | 尖 沙 咀 東 海 教 學 中 心 |
| 開 課 日 期 | 2010 年 11 月 03 日 |
| 星 期 | 星 期 三 |
| 上 課 時 間 | 7:00p.m. – 9:30p.m. |
| 截 止 報 名 日 期 | 各 課 程 的 截 止 報 名 日 期 為 開 課 前 的 十 日 。 逾 期 申 請 只 會 在 該 課 程 名 額 未 滿 的 情 況 下 才 被 考 慮 接 納 。 |
| 學 費 | HK$ 900.00 |
| 查 詢 | 電 話 : 2209 0246 |
| 傳 真 : 3110 0611 | |
| 電 郵 : scs-ssc@cuhk.edu.hk |
張貼於學習+興趣 | 2 Comments »
｡。｡▫❤♡❤‥外星小美怡‥❤♡❤▫｡。｡ 
