今日係 Angel 牛一

細細粒決定整個蛋糕作為生日賀禮 (因為佢最愛吃蛋糕)

昨天放工隨即趕往灣仔上堂學整餅 ~~~ 楊枝甘露慕絲蛋糕

製成品先帶回家中放入雪櫃，待今早速遞比佢，佢好驚喜吖！ 

Read Full Post »

途經零食店，發現這支 Bikkle，由日本出產，類似益力多的乳酸飲品，細細粒向來是益力多的 fans，加上 Bikkle 外型超可愛，即使價錢貴了點點（特價都要 $23 兩支），亦貪新鮮買來試試。

相對於益力多，它的味道較淡，質地亦較稀

個人還是較喜歡由小飲到大的益力多 …… 你今日飲咗未呀！

Read Full Post »

不經不覺到了正月十九

家中堆著的賀年禮盒已經 “消滅" 得七七八八（轉贈他人）

只剩下一盒丹麥藍罐曲奇比自己

因為一直感冒未清，還有兩聲咳，迫於忍口

今天終忍唔住 … 拆開了 … 香噴噴 … 飽嚐一頓

肥！唔怕！一於食完至算

五款中最愛這款圓圓的

Read Full Post »

昨天聯同 Elaine & 智仔往探望 Shirley

因為 Shirley 又再添丁吖！

順道來一個團拜

一向喜歡小朋友嘅 Shirley

“三年抱兩"，果然係勁！！

對上一次到訪，是大仔『展瑋』出世之時

現時展瑋已兩歲有多，說話多多，非常乖巧

次子『嘉瑋』一個多月，眼仔碌碌，非常趣緻

逗留兩個多小時，細細粒忙於跟智仔 & 展瑋玩耍

亦要跟 Shirley & Elaine 寒暄一番

接著與 Elaine 還帶著智仔 & 展瑋往 “冒險樂園"

兩位小朋友即時 “忘形"

小魔怪無窮精力，使細細粒疲於奔命

就是這樣過了一個筋疲力盡的星期六

Read Full Post »

俗語有話，年廿八洗邋遢，唔洗點會發！新年前夕，大掃除絕對走唔甩。

今日係年廿六，細細粒決定 “不靠外援"，自行提早把家居打掃得乾乾淨淨，迎接新一年嘅來臨。

Read Full Post »

細細粒係一月壽星女，近日飯局一餐接一餐

都好難唔記得自己 …

又大一歲喇！

21/1  Dinner with Elaine @Ichiban Japanese Restaurant @ MK

22/1  Dinner with Karen & Connie @ 霞飛點心拉麵 @K11

23/1  Dinner with Iris, Miko, Angel @ 和民 @ 始創

25/1  Dinner with Bonnie @ Ma Thai @ TKO

26/1  Dinner with Winnie, Harmony, Grace & Benny

　　　　@ Applegreen @ CWB

27/1  Dinner with Dick @ Pink Salmon

28/1  Dinner with Ah Sze @ Sprout Organic and Natural Cafe

　　　　@ The One

Read Full Post »

今日係細細粒牛一

亦係海洋公園旗艦主題區夢幻水都開幕嘅日子

與 Dick 少去了一趟

走過人工湖，眼前就是雲集 5000 條珍貴魚類嘅「海洋奇觀」

Read Full Post »

前晚，狒狒來電約星期六食飯，細細粒當然要應約喇！事關阿狒可以係星期六出嚟飯聚嘅機會係萬中無一，皆因週六係佢最忙嘅日子，由朝到晚需應酬一班米飯班主，既然咁難得，一於搵埋近月變身為揍仔婆嘅 elaine 至得，喔！佢又一口答應喎！

天寒地凍，大家意願一致 …… 火鍋

點咗個四合一（$180），包括美國肥牛、帶子、龍躉片、蚌片，料靚，但份量少

送龍蝦湯底 ~~~~~~ 超級香，勁濃郁呀！！！

另外點咗四寶丸（龍蝦丸、墨魚丸、鯪魚球、豬肉丸）、三合一（雲吞、水餃、魚皮餃）、豆腐併鮮腐竹、油麥菜、雜菌併盆（秀珍菇、鮑魚菇、鮮冬菇）、鱔片

每人再加 $8 自助吧，任享各式飲料及糖水（紫米露、紅豆沙、芝麻糊、杏仁露）

我哋眼闊肚窄，食唔晒！

三個女人一個墟真係無講錯，我哋一坐埋就雞啄唔斷，加上有阿狒在場，嘈喧巴閉一定在所難免啊！！

未夠八點入座，大家傾到唔知時間，離開時已是十二點幾，埋單五百幾，好一個快樂嘅週末！

Read Full Post »

今日係高妹嘅牛一

生日飯局已安排咗係昨晚七點半，地點由壽星女選定了尖沙咀 iSQUARE 27 樓嘅『朝陽飯莊』，這兒居高臨下，可飽覽維港夜景，環境值得推介。最重要係我哋三個都無光顧過這個商場嘅食肆，真係好一個選擇！

細細粒 + harmony + 壽星女，三人點咗 6 樣嘢：

• 豆腐餃子  (要預訂)
• 王府井煲仔飯
• 竹笙上素
• 淆肉
• 酒釀丸子
• 拔絲香蕉

整體味道都唔錯，而且環境舒適，可以考慮再幫襯！！

Read Full Post »

由 CP Ester 推薦下，細細粒有機會參予這個為期一天半（一連兩個星期六）的工作坊，今日一整天跟其餘廿位『同路人』互相分享，雖然又要一再勾起 “那件事"，還在一連串的練習過程中淚如泉湧，但在心理學家馬博士（Helen Ma）的帶領下，透過「靜觀」，學習如何靜心如實深入觀察，好好照顧身心，處理生活壓力，面對挑戰，活得輕鬆自在。

過程當中，細細粒雖未能完全專注，只領悟（掌握）一點點，但至少學會了 3 個 『R』：

• Relax

• Release

• Return

於下週六前，細細粒需要透過一些練習繼續靜觀自療，並在下個半天工作坊中跟大家分享經歷；自己亦打算日後將自己學到的，跟自己的好朋友分享！

• 每天一次，隨光碟練習身體掃描 …

• 每天最少一次，靜坐五分鐘，溫柔觀察 …

• 下載鈴聲（http:// ….）到自己的電腦 …

• 步行時，著實地感覺 …

• 睡覺前，溫柔地 …

Read Full Post »

昨日是肥媽咪 60 大壽，一家人齊齊整整聚餐

由於媽咪近年身體比較差，所以呢晚沒有選擇外出用膳

由老豆親自下廚，果然係一級大廚上身

嘩！呢餐真係好豐富吖！

• 瑤柱雞絲燉翅
• 盤菜（鮑魚，花膠，海蔘，發菜，蠔豉，花菇，鵝掌）
• 干煎虎蝦碌
• 蘿蔔炆鱔煲
• 雜菌扒西蘭花
• 金針雲耳蒸雞
• 清蒸多寶魚
• 豬頸肉 <外賣>                          （相片待二哥提供）

已經很久沒嚐老豆嘅手勢，依然係一級水準，色香味俱全，正！！

Read Full Post »

Dick 少早前表示想睇溫拿演唱會，細細粒以為佢隨便講下

喔！佢係昨日已經透過中銀卡訂咗年初三 (5/2) 門票喇！

======優先訂票=====
信用卡獨家優先訂票
2010年 12 月 6 日 10 日
電話優先訂票: 28 611 611 (9am~9pm)
AEG網上訂票: http://www.aegticketing.com/Wynners2011/ (12月6日9am起) 

Read Full Post »

冇錯，我又收到手信喇，哈哈！

今次係 harmony & kent 送來的

法國手信 

係一盒茶葉

Read Full Post »

九七移民澳洲的四人幫回港渡假，對上一次回來已是 2006 年，事隔 4 年再次回港，目的跟上次一樣，換領身份証。今次帶來的手信亦跟上次一樣，都是食的唷！

“GOLDEN BORONIA" SPECIAL NOUGAT FROM AUSTRALIA 澳洲皇冠 “金寶樂" 鳥結糖（Special Nougat – Almond Soft 軟杏仁鳥結糖）

NEW ZEALAND COMVITA MANUKA HONEY 紐西蘭康維他麥蘆卡蜂蜜

Thank You！

Read Full Post »

細細粒一直很少申請信用卡，只是偶爾為了幫助任職銀行的朋友而申請，加上細細粒一直都只會使用 HS 那一張信用卡，即使很多銀行用迎新禮品或者超市禮劵吸引消費者，但小妹都未為所動。

今天，小妹破天荒走進大新銀行主動申請，全因為大新銀行推出了 IQ 博士信用卡，好靚呀！即場填表，還一併申請了限定版個人八達通（其實我已經有一張 HS 自動增值個人八達通，不過這張實在太得意吖！不得不申請呢！）

　小雲‧天神村白金卡

　小雲‧小吉白金卡

　Poop Poop Titanium 卡

　小雲‧小吉普通卡       

　IQ 博士限定版個人八達通

老實說，細細粒申請純粹想擁有張卡，沒打算用來簽帳，所以下列迎新禮品應該不會得到手（需兩個月內簽帳 $2,800）：

小雲 MP3 機 (4GB)  或

小雲冷暖機  或

小雲小吉雙人寢室套裝

Read Full Post »

昨晚，細細粒拿著飲食雜誌，聯同好友 Bonnie 專程走到紅磡區，尋找 ……

生記茶餐廳

地址：紅磡老龍坑街13號地下
查詢：2334 7573

以下就是雜誌中的描述，促使對蟹情有獨鍾的細細粒慕名而去 ……

  
靚蟹海鮮  膏香撲鼻
若喜歡吃，小街巷里亦可尋得美食。被蟹癡譽為隱世蟹粥專門店的生記茶餐廳，位處寂寂無聞的紅磡老龍坑街。近年老饕們口耳相傳的瓦煲蟹粥，正是出自此舊區小店。生滾瓦煲膏蟹粥精選本地原隻奄仔蟹，膏香蟹粥入口軟綿，難怪不少食客不惜千里迢迢，聞風而至。

雖然細細粒初中時都曾居住紅磡區，但老龍坑街實在未曾聽聞，在附近兜兜轉轉好一段時間，最終都要問路，原來位處隱蔽的一條小巷之中，四周都是和「大酒店」相關行業的店鋪。餐廳裝潢簡陋，面積只供容納五張檯，豪不起眼，相信是「雜誌效應」而吸引大量食客慕名而來，我倆等了近半個鐘才可入座。

一心來到，當然要試試鎮店之寶：  

生滾膏蟹粥

$88/例，即叫即製，需時 15 分鐘

但講到蟹膏的香味濃郁，粥底的軟綿，個人覺得澳門的比較鮮甜蟹香

Bonnie 則略嫌味精重了點點

生炸蠔仔春卷

$30/2件、$58/4件

春卷炸得香脆，但略嫌油膩，或許自己一向不太喜愛煎炸食物吧！

Bonnie 就幾欣賞，表示蠔仔飽滿多汁，蠔味濃郁。

蒜蓉蒸茄子

$32，抵食，正！原因我倆始終最愛素食

Read Full Post »

大家有聽聞今年的冬天是 50 年來最寒冷的嗎？？

我一聽到後，十分害怕，因為細細粒好怕凍 ga。

昨日，dick 去了 “永安百貨" 買了電暖毯給我。

打開一看，是單人的，十分輕巧。

它有 3 種調節熱度，而且發熱線還可以覆蓋腳跟部位。

細細粒急著試用，不到半小時，床被已經開始變暖了。

原來電暖毯售價要千多元？！

omg….要千多元的嗎？？？他說要買就要買最安全和最保暖的，

所以價錢會貴一點，尤其不是大陸製造呢~

雖然價錢真的有點昂貴，但他的心意我全部接收，

因我知道他如此 “捨得"，只因怕我這個冬天會 “四蹄踏雪"。

—– 這個冬天不太冷了—–

Read Full Post »

二O一O年十一月十四日(星期日)

細細粒會出席

國明 & 美宜

於香港文化中心婚姻註冊處舉行之結婚典禮

及

假座九龍旺角朗豪酒店明閣之婚宴

Read Full Post »

望穿秋水，等咗兩個幾月，終於等到今日喇！

今晚，我哋一行 15 人，會柴娃娃去紅館睇棟篤笑吖！！

黃子華嘅棟篤笑，今次都係第一次睇現場 JA~

Read Full Post »

早前，細細粒 post 了一篇『由細食到大的至愛孖寶』，當中提及自己由兒時到現在都極之喜愛的美食 —— 豆腐花 + 砵仔糕

噢！居然忘記了『豬腸粉』

昨天，上過瑜伽課，細細粒獨個兒由朗豪坊徒步至油麻地，目的是光顧地鐵站 A 出口的通達食店

那裡有甚麼吸引？？

豬腸粉，它的腸粉很滑，加入甜醬、麻醬、豉油及少許芝麻，簡直是人間美食

記得小時候，細細粒最愛到公公家中『渡假』，期間每天一到下午茶時間，總會走到附近的大排檔光顧那位推著不锈鋼車仔，賣豬腸粉的叔叔

拿著兩元跑向他，大叫「兩蚊腸粉呀！唔該！」，接著，有表演看 ……

先拿一隻碟子，舖上兩張薄薄的紙，用鐵匙背輕輕掃上生油，打開不锈鋼蓋子，徒手從滾燙的蒸氣裏掏出數條白雪雪的腸粉，另一手拿著「張小泉」鉸剪，「清清撐撐」地將腸粉剪成一段段，一氣呵成而俐落；然後他會問你「要咩醬？」，一手便抓起車子上的醬料，淋上豉油及又香又杰的麻醬（精華所在），之後是甜醬或辣醬，再來是芝麻，任君選擇！最後叔叔會替你包好，連同竹籤放進膠袋讓你帶走。

人越長大，越找不到這些腸粉檔，甚至，要找美味的腸粉，也很難。我想，或許是人們經濟越好，這些便宜的小吃便沒了存在的價值吧 ……

我相信每個香港人的童年回憶中（應該是 … 八十前），總有一個街邊豬腸粉大叔，因為腸粉，是小孩子絕對負擔得來的美食！

Read Full Post »