｡。｡▫❤♡❤‥外星小美怡‥❤♡❤▫｡。｡

今日 21/1  FANFAN 的生日

為遠方的你送上蛋糕一個！！(睇得唔食得)

22:50 後記：

好開心呀！剛收到 fanfan 嘅 email 回覆：

哈哈！多謝！小弟未在你心中忘掉，非常感激！
記起你生日亦在本月，大家都老了一歲。
保重身体，勿勞氣。鬨長命！
我用小蒙恬中文寫板囘信。很好玩。
暑期囘港和你再叙！
文仔上。

好驚喜呀！fanfan 打中文呀！！！

松本泉的《橙路》以及其女主角鮎川圓，一直是與《相聚一刻》和音無響子齊名於 80 年代的動漫和角色。

可惜的是《橙路》在亞視多次播放中我都有完整地看過一遍，現在唯有看漫畫了。

(感謝高妹借來全套 18 卷，YEAH~~~)

《橙路》的主線是擁有超能力的中學男生春日恭介，與他的女同學鮎川圓及檜山光所發展的一系列三角關係。由於春日家的成員擁有超能力，加上恭介身邊的好友們的搗蛋，令整個故事的發展既胡鬧又搞笑，成為一套輕鬆的愛情小品故事。

 
《橙路》能成為當時得令的動漫之一。相信不少男讀者希望成為恭介般既擁有超能力，又能獲得兩位美少女垂青。而阿圓既漂亮又擁有一身不同的能力，例如空手道和懂樂器，更是眾男女生夢想的女神。要讀者代入恭介的身份，亦不難作出選擇。

恭介的角色設定比起一般男性來得更優柔寡斷，這亦是不少讀者「痛恨」恭介的地方。然而這實在是故事延續的最重要元素，越是和光在一起，越不能割切這段關係而與圓一起。光與圓越是好朋友，便越不能因恭介而打破這種關係，友情與愛情便越是糾纏不清了。然而最佳的愛情故事，總不能缺少這些橋段，這或許是恭介的原罪吧。

《橙路》雖然是與《相聚一刻》齊名的 80 年代動漫，當年的年青讀者 (即現在已 30 開外的朋友)，以我所知大部份都較懷念和欣賞《相聚一刻》。雖然如此，其實《橙路》真的很適合年青的讀者，尤其是十五二十時的中學至大學生，但假如是大學畢業、上班或經歷過戀愛婚姻的人，總會對裕作和響子的故事有較親切的感覺。《橙路》就像踏入青春期的少男少女一樣，既青澀又濃烈像剛開瓶的新酒一樣耳目一新，而《相聚一刻》則像久釀的老窖，醇醇的酒香引發著久被淡忘的情感。

 
與其拿兩者去比較，倒不如說這兩套動漫互相輝映，令我更懷念精采的 80 年代。

1/2 後記：
全套十八卷，今早終於睇晒喇！

今個星期五，高妹會再借我 "相聚一刻"，又有得煲喇！

Louis 召集，為 17/1 壽星女 "韻怡" 慶祝生日

都係呢個時候至知韻怡跟小美怡同一個月牛一

好彩仲趕及選購生日禮物

今日除了 "輝少" 外，一行十人總動員去到富豪軒嘆茶

食下食下 …… 多咗個不速之客

佢滿場飛，搶去壽星女不少風頭

生日蛋糕當然唔少得喇

薄荷朱古力慕絲蛋糕

切蛋糕之前，當然要一齊唱番首生日歌喇

13/1/2010

阿哈約咗高妹同細細粒呢兩位一月壽星女晚飯，藉以提醒我哋又大咗一歲喇！！

呢晚高妹提議食素，並推介『大自然素食』，果然係好介紹，呢位『飲食男女』確非浪得虛名

阿哈跟細細粒一打開個餐牌，已經有好多嘢想食，流晒口水 ……

我哋四個 (benny 亦係座上客) 一共點咗八樣嘢，仲差不多掃清光，食量真係驚人！

究竟呢八樣係咩：

• 霸王西施（凍豆腐配上秘製醬汁）

• 原個金瓜焗飯

• 牛油野菌卷  

• 芝士牛油果鮪魚焗多士  

• 泥棗（芋頭，栗子）

• 野菌炒蛋

• 雜錦壽司（似模似樣，口感十足）

• 蒸素餃

• 最後仲有渣渣糖水送添 ^o^

（其實每樣食物都有個靚名，之不過小妹唔記得咁多）

 

 

 

 

細細粒向來很喜歡買鞋，尤其 BOOTS

(長嘅，短嘅，高嘅，矮嘅，幼跟嘅，粗跟嘅，加加埋埋超過 10 對)

之不過可能個子矮小，雙腳又細，

實在好難買到心頭好，所以一有啱心水，好多時都唔介意價錢，

而且個人認為只要舒適，貴一點都可以；

就好似今晚，做完瑜伽，係朗豪坊路經

無意中睇啱兩對 BOOTS，於是無睇價錢就一口氣掃晒

直到找數才知兩對加埋要三千幾塊 ……

又真係貴咗 D，但唔講你唔知，

細細粒啲 BOOTS 款式多選 "襟興"，

加上小妹輕巧又斯斯文文，所以未試過著爛鞋，

對對 BOOTS 閒閒地都著成 5 年，計落都係值得嘅！！

老實講，呢兩對鞋係小妹咁大個女以來，最貴o架！！

剛過去的星期六、日，細細粒聯同 bonnie, angel & sukyi 參加美食之旅主辦的【五星級《江門逸豪酒店》、《酒店中西式豪華自助晚餐》、《酒店豐富自助早餐》、泉林動感山莊、新會紫雲觀、周恩來像，《三鄉特色宴》、《會城風味宴》，美食純玩二天團】團費 $418。

DAY 1

0915 到羅湖口岸集合。

 0930 開車到黃崗接齊其餘的團友後正式出發。全團 47 人。

旅遊車沿廣深高速，轉京珠高速往中山，沿途都很暢通。1200 前已抵達中山三鄉嘉豪酒樓，享用「三鄉特色宴」。圍餐有九菜一湯，當中最特別的菜色有「大頭魚」，一魚多味，美味非常。

1245 大家都捧腹上車，之後抵達中山泉林動感山莊，這裏集「荔園式」、「歡樂天地式」的機動和攤位遊戲共 60 多項目集於一身的遊樂場，更有滑草、山水泳池、觀光纜車、空中飛人、室外卡丁車、賽車場等，之不過這些玩意毫不吸引，惟有 hea 下 hea 下等夠鐘集合。

1430 啟程到酒店。1640 抵達江門逸豪酒店。我們四人都是第一次光臨，對酒店的印象唔錯，房間確實寬敞、豪華、舒適。最高興係酒店附設左右兩旁的大型購物商場，內有大型超市，貨色琳瑯滿目，包羅萬有，足以消磨整日的時間在內購物、娛樂、消閑。

1800 到酒店餐廳享用自助晚餐，雖然食物的種類不算多，不過質素唔錯。

2100 與 angel & sukyi 走到酒店五樓，以 $136 享用兩小時香薰按摩至 2300 才回房休息。

DAY 2

0800 享用自助早餐，食物款式同樣不多，是比較令人失望的五星級酒店自助早餐。之後再到金匯廣場閒逛至 1100 check out。

先後抵新會圭峰山玉湖公園，內有周恩來總理像；以及香火鼎盛的紫雲觀。

1300 到酒家午饍，享用九餸一湯「會城特色宴」，另有『芝麻茶』供大家清熱解毒。

1430 啟程返深圳，沿途頗為暢通，1715 已返抵羅湖，結束這兩天休閒、美食之旅。

呢兩日都幾開心，之不過真係好凍呀！

 酒店外貌

  酒店大堂  

   

 

 酒店餐廳

 周恩來像

 

由 bangkok 回港已兩個多星期，老實講，個人係香港，但個心仍係曼谷，可想像到那四日三夜的旅程是何等輕鬆愉快。 

出發前，大家 plan 了一連串行程，各自心目中都有想買嘅，想食嘅，而最終亦算是 mission completed，harmony 應是最大收穫嘅一個，滿載而歸；grace 都唔弱，戰利品載滿一個大喼，細細粒買嘅相對地少，之不過三個加埋就 …… overload 呀！真係嚇死，去嘅時候個個喼都輕飄飄，返嚟就 …… 機場過磅，居然超重咗 7kg，於是臨急臨忙 “減磅"，變 hand carry。

 

細細粒去旅行純粹散心，即使戰利品唔多，但收穫依然豐富，我所講嘅收穫係『一個難能可貴嘅旅行』，grace，harmony & 細細粒相識於 F.1 ，屈指一算，已廿多年，能夠保持聯繫已不簡單，今次還可以一齊出埠，真係好值得一記。實不相暪，出發前亦有少許擔心，因為以往兩次『三人行』嘅經驗都不太好，有點陰影，幸好今次我哋三伙子又好夾好開心啊！期待今後每年都有一次結伴外遊嘅機會，嗱！grace & harmony 一於每年拋低 benny & kent 一次咁多喇！！滿足一下小妹嘅心願。 

究竟呢幾日有咩搞作？？

行遍各大 shopping mall，chatuchak，BigC；食過海南雞、街邊粉麵、小食檔；嘆過兩次 foot massage & body massage

   http://flash.picturetrail.com/pflicks/3/spflick.swf  

這兒倒想記下一些 “驚喜事"：

1)  iberry cafe (品嚐咗有特色有水準嘅甜品)

2)  chatuchak (細細粒第一次逛呢個市集，印象唔錯，這裡可謂包羅萬有；

                        而且當日仲幫襯咗一間食物超正嘅餐廳)

3)  綠茶專門店 chaho (非常正，簡直一試難忘，所以連續幫襯咗兩日)

   

 

 

 

 

 

 

 

 

 

 

我哋一連兩日 (day 3 & 4) )都去咗 chaho 嘆沬茶，

看！harmony & grace 幾咁偷得浮生半日閒 ……

睇真 d，day 4 個樣出現疲態，鬼咩！我哋晚晚都兩點幾至瞓

另 “烏龍事" 一則：

第一日蒲出機場，打的去酒店，個司機居然送咗我哋去另一間 (同集團)酒店，而我哋三個又居然朦下朦下走進 check-in，而個櫃台服務員又烏下烏下，搞咗一輪至知我哋 “運吉"，真係得啖笑，好彩我哋下榻個間酒店只是一街之隔咋。

就係呢位帶黑超嘅司機車咗我哋去另一間酒店囉！大家有冇發現佢貼咗好多不同嘅貨幣係車廂內呢！ 

Baiyoke Suite Hotel 比如期中差，雖然早知道是 3 ，預咗無得要求，房間雖大，但陳設卻十分殘舊，看似很久沒有人住過，最離譜是冷氣機不斷噴出一舊一舊嘅塵，還有大群螞蟻日日夜夜在散步搵食！最終忍無可忍之下，於第三日要求換房，可能適逢週一，我哋嘅要求好快被接納，至於服務員嘅態度，當然不太好，擺出一副唔多願意嘅咀臉，先要我哋自行把所有行李拎落大堂，我哋當然照辦無異議，亦不覺有何問題，噢！原來他們是安排了隔離嘅房間給我們，又唔早響，卻要我哋將啲行李搬上搬落，擺明玩嘢！算吧！無謂影響心情，反正沒有第二次。

雖則由踏入房門一刻開始，我哋都彈個不停，間房除咗大之外，真係一無是處 ……

5/12 泰皇壽辰 …… 當日逛完 JJ，傍晚時分先折返酒店放低戰利品，突然 …… 外邊傳來巨響，嘩！原來放煙花呀！我哋間房可以 180 度觀賞，呢個時候至發現間房仲有第二個優點喔！

呢次旅程，細細粒知道咗 ……

(1)  grace 唔可以有一刻鐘肚餓，一餓就會跌晒 watt，好似未上鍊

(2)  harmony 唔可以唔瞓或者瞓少 d，否則對眼袋同對眼有得揮

仲有第三係

(3)  meiyee 唔可以無咗呢兩位最關心自己嘅好知己

謝謝妳倆給我帶來這次愉快嘅旅程！

今個星期天，約咗肥媽咪行工展會

嘩！勁多人呀！

迫咗兩粒鐘，買咗少少嘢

今晚約了 bonnie 去旅行社報名，會於來年一月九號

聯同 angel & sukyi 一行四人跳出香港

去江門玩兩日 relax 一下

 美食之旅

準五星級 <江門逸豪酒店>

兩日一夜，包四餐：

酒店中西式豪華自助晚餐

酒店豐富自助早餐

三鄉特色宴

會城風味餐

暢遊：

泉林動感山莊

新會紫雲觀

周恩來像

團費：$418 (另小費每天 $50)

自從 "白面仔" 泊到大碼頭 "科學怪人" 而離開扒房後，"高佬區" 唔使再對住個眼中釘，成個人即刻開朗晒，但講到高興，當然唔及 flora, cally & daniel，老闆 "肥老鼠" 將白面仔個 CON 位一拆三，促使呢三個愛將齊齊晉升為 AC，真係皆大歡喜，"技安" 頓時失勢，無晒聲氣，至於 "孫悟空" 則繼續不問世事，我行我素

今晚，三個新 AC 大宴親朋，於中環鏞記擺兩圍，請來一眾高層，自命係部門得力助手嘅 "黑面神" 慣例出席，更事先張揚，向細細粒晒命，係小妹眼中，實屬白痴，因為三位主角早已邀請小妹，惟個人唔想對住班牛鬼蛇神，食咗背脊骨落而婉拒了

近日，扒房真係動盪，繼白面仔走，peter & vivian 兩位亦相繼決定離職，今日從 daniel 口中得知 "麻秘 lucy" 亦打算離開，咦！下一位要離開嘅又會否是細細粒呢？