｡。｡▫❤♡❤‥外星小美怡‥❤♡❤▫｡。｡

係雲南，家家戶戶都愛掛上大串大串嘅玉米同辣椒

大家估唔估到點解？

玉米係喻意豐衣足食，辣椒係熊熊大火之意，寄望家族人強馬壯

沒預計雲南處處開滿櫻花

相中係麗江市嘅翠湖花園，玉龍雪山隱約可見

呢個小朋友好搞笑，一發現細細粒影佢，即刻不停撲向相機

呢張相係隔著車窗影的

旅遊車突然剎停，原來前面有一群羊隻要過馬路啊！

呢座係陳年普洱茶葉

係雲南隨處可見 

完

15/4/10 後記

忘記寫下對呢次旅行嘅感受：

去之前都擔心當地旱災會否影響到我哋，於是自備了樽裝水，

(旅行社好體貼，每日都有蒸餾水供應）

基本上身處旅遊區，並不會察覺旱災帶來嘅影響有多大；

但當途經郊區，一片一片枯竭嘅農田就隨處可見，

以往，旅程中若然碰上下雨，細細粒總感到麻麻煩煩，好掃興 ……

呢次就好唔同，係麗江短短兩日，不時下著雨，但個心卻感到欣喜，

頓時覺得以往令自己開心嘅人和事，都總認為係好理所當然，從不會珍惜分毫，

偶爾還覺得快樂係好難求，其實，不 …….

看！回港不足兩星期，地球某角落又發生天災：

青海玉樹發生 7.1 級大地震

冰島發生火山爆發

可以身處香港已經係一件好幸福嘅事，係你同我嘅福氣

願天災無情，人間有愛

WINNIE & RICKY 外遊買回來嘅手信喔

d 手信果然跟他們嘅外號 (食神 + 廚神) 有著密切嘅關係

都係離唔開個『食』字

一於影番張相記低佢先 ……

呢個係三色蛋糕 (原味，咖啡，斑斕葉)

一打開個盒，嘩！香噴噴，好香吖！

噢，yummy！yummy！

仲有『三叔公』嘅雞仔餅，老婆餅

個包裝好得意，好唔好食就未知

拆開睇睇，原來同我哋係香港見到嘅唔多同喎！

WINNIE 都唸得好周到，緊係怕細細粒食完呢堆熱氣嘢會喉嚨痛

所以仲有百寶花茶

w

成堆手信唯一唔食得落肚嘅係一對百家姓筷子

雖則唔食得，之不過又係同食扯上關係

真係要寫個『服』字比佢哋兩個囉！哈哈

　多謝晒

昨日同 bonnie 食飽飽，跟住去咗行街街！ 

太子花墟街頭有一間樓高 ４ 層嘅 "繽紛花店"，細細粒每次途經太子都例必入去逛逛。皆因裡面售賣嘅種類包羅萬有，有花樽、有乾花、有掛畫 …… 琳瑯滿目，美不勝收，真係林林總總嘅家居小擺設都可以係呢度搵到，最適合愛靚一族，閒時愛把家居粉飾一番的姊妹們啊！雖然 d 花都係 "假嘢"，但係仿真度極高，我就係貪佢又靚又唔會凋謝嘛 –<-<-<@

 ~@^_^@~  呢日細細粒又有斬獲呀！

一支四呎高嘅太陽花 ($128)

搭港鐵回家途中，不停有途人問我支花係真定假？幾多錢？真係搞笑！！

講到搞笑，生得咁 "高" 嘅細細粒捧住呢支花個樣仲搞笑 ^0^

o(≧v≦)o 每日望見佢，人都靚 d，開心 d o(≧ω≦)o

另外兩件唔等使嘅小擺設 ($148/$168)

心思思．．．．．．好想試

Our Restaurant 是一家吃土耳其食物的餐廳，
廚師是土耳其人；
我估食物應該是比較正宗吧！？

餐廳主要供應的食物有把肉類插在棍上的轉轉烤肉，另外也有鐵板煎肉類，
可以配合成為卡巴、白飯、沙律和薯菜。

餐廳是 grace 推介，原本安排係前天嘅 "阿哈生日飯局" 時幫親，
可惜當晚未能品嚐，原因 …… 最關鍵當然係 grace 有個無良老闆囉！

雖然呢晚未能一飽口福，係好奇心驅使下，上網搜查過相關資料，
原來餐廳背後．．．．．．

 雞肉卡巴

 

（因為 bonnie 鍾意食嘢，又愛新嘗試，加上佢食量大，咁我就可以試多幾味喇）

我哋試咗咩？

土耳其肉丸配沙律

肉丸味濃 juicy，配菜新鮮，正 ……

卷皮是脆脆的，雞肉配上秘製醬汁，yummy yummy ……

Bonnie 另叫了一客 轉轉燒羊卡巴卷　＊細細粒唔食羊

佢邊食邊讚不絕口 ……

 

接近三星期沒有上瑜伽課，前天開始恢復練習

明顯有點力不從心，吃力非常，帶點沮喪

今早上完堂，隨即同 bonnie 飽嚐美食，成個人開心晒

31/03/2010 星期三  DAY 3

麗江。觀音峽

一處好值得去嘅景區

 下午剛抵步，即下起大雨來

導遊指當地已很久沒有下過雨，笑指大家貴人招風雨，為麗江帶來罕貴嘅雨水

31/03/2010 & 1/04/2010 星期三/四  DAY 3 & 4

麗江。兩晚都係行古城：

『束河茶馬古城』及『麗江古城』

古城內有很多店舖，售賣工藝品、茶葉、絲綢等，兩城大同小異

當中以麗江古城嘅規模大好多好多

原來呢個古城已經有 800 多年歷史喔

行古城呢晚未夠七點就食晚飯，所以細細粒同 bonnie 無幾耐鬼咁肚餓，

決定兩個人離團 …… 去咗邊 …… 食宵夜囉！

一嚐地道嘅過橋米線，仲認識咗一對自悠行嘅年青夫婦 ……

之後又有 dd 斬獲，十點幾自行搭的士返酒店

不如係度介紹一下其中一晚嘅團餐，有咩特別？係正宗雲南過橋米線

每人一個大大大湯碗，盛有沸騰嘅湯

趁熱自行放入配料 (相中層層疊，一人一碟)，攪拌

最後再放入米線，大功告成

好唔好食？其實味道唔錯

之不過，唔食得辣嘅細細粒就慘囉！食咗兩啖 …… 變咗孖潤腸，哈哈哈

整個行程最吸引細細粒嘅就係麗江呢段路，雖然逗留嘅時間唔長，總算印象難忘，

除咗第一次睇到落雪之外，

還有另一個意外驚喜 …… 來往大理與麗江，沿途居然開滿油菜花，

城城表示今天因為乾旱，油菜花田少之又少，

特意往羅平拍攝油菜花田嘅旅客都感到非常失望，

然而沒預計會睇到花田嘅，卻可一飽眼福 …… 若果可以落車拍拍照就更加好喔！

  待續……

1/04/2010 星期四  DAY 4

麗江。玉龍雪山

慶幸跟“它”遇上 …… 興奮莫名

？是誰？

 牦牛

一隻只能生存於三千幾海拔以上，價值不菲嘅牛隻 (閒閒地八萬蚊隻)

數年前，九寨溝之旅，往神仙池時，沿山路行車途中曾與它有過一面之緣，但無法合照

背後就係玉龍雪山

是北半球最近赤道的山脈

位處青藏高原東南邊緣的喜瑪拉雅山山脈盡頭

終年積雪的玉龍十三峰，中主峰 (扇子陡) 高達 5596 米

由北向南一字排開，南北綿延 35 公里

山腰雲騰霧繞，遠望像一條銀白色的巨龍在半空騰飛，因此得名

是麗江自然景觀的核心區域

我哋呢日最高只係去到海拔 ~3800 米嘅『牦牛坪』

『牦牛坪』係觀賞雪山嘅最佳位置

當日整個上晝都下著茸茸細雨，相當寒冷，約 2-3 度

乘廿分鐘索道上到牦牛坪 …… 咦！雪山呢？？

因為太大霧，眼前只是朦朧一片

雖然係專程嚟睇雪山，呢刻卻跟它緣慳一面

大部份團友都感到好失望

但細細粒又沒感到太大可惜喎，或許預感 ……

希望在明天嘛！總會見到嘅 ……

（之後去到白水河就見到佢喇！）

突然

落雪呀！無眼花，真係落雪呀！！

嘩！好興奮吖！！！！

之前係無預計會睇到雪o架！係細細粒第一次見到下雪

係一個意外收獲

  

       

                     http://flash.picturetrail.com/pflicks/3/spflick.swf  

 

 

 

 

差點兒忘記咗：乘索道上牦牛坪之前，我哋欣賞了一場震撼人心的表演 －《印象‧麗江》(雪山篇)。

《印象‧麗江》是三位名導演王潮歌、張藝謀和樊跃精心打造的大型實景演出。

《印象‧麗江》的露天舞台建在海拔 3100 米，玉龍雪山下的索道站旁，

背景便是玉龍雪山。雖然當天雪山被雲霧蓋著，

但坐在其中，我已能想像如果天朗氣清的話，是如何的有氣勢！

表演由500名來自10個少數民族的演員演出，整個節目沒有什麼豐富的劇情，歌舞是很有氣勢，但其實也很簡單，甚至可說是有點粗糙，因為表演者全是非專業的演員。但不知為何，總是掀動著你的情緒，可能正是那種率性簡樸的民族元素，最能感動人心。不懂如何去形容，總之一句：精彩！

玉龍雪山順遊地點 ─ (1) 白水河

像九寨溝+黃龍
白水河是玉龍雪山融雪所匯成的河流，位於雲杉坪附近，因為河底有白色石頭映照河水，因此得名白水河。
而在這裡河流當中有個人工建成的白水台瀑布，當然沒有中甸真正的白水台壯觀，不過此地倒是欣賞雪山美景及拍照的好地點。
真正的白水台是著名的世界奇觀之一，原本清澈無比的江水，由於含豐富的鈣質，與空氣結合後，產生白色結晶體，日積月累後便凝結成了白色的河床，經過幾千萬年的堆積，層層疊疊的成了疊瀑。

玉龍雪山順遊地點 ─ (2) 玉水寨

風景秀麗，還可再次跟牦牛作近距離接觸，予你任影唔嬲

點解咁鍾情牦牛？純粹因為佢個樣夠傻囉 ^o^

 

待續……

30/03/2010 星期二  DAY 2

大理。古城

其實我哋係大理逗留嘅時間很短

第二日傍晚抵大理

飯後行咗『大理古城』(建於 1382 年)

大理古城城樓雄偉，風光優美。大理城的規模壯闊，方圍 12 裏，原城牆高 7.5 米，厚 6 米，東西南北原有四座城門，上有城樓。
城內市井儼然，布局呈棋盤狀，從南到北有 5 條街，從東到西有 8 條巷。古城的建築為清一色的青瓦屋面，顯得十分的古樸。街邊有各種專賣大理石製品、紮染、草編等名特產品的店鋪和風味十足的白族飲食店。大理人愛花，白族傳統民居都有在庭院內養花種草的習慣。大理古城也就有「家家流水，戶戶養花」之說。

穿過城樓，進入洋人步行街

兩旁商店售賣工藝品，茶葉等

之後會抵『五華樓』

閒逛約一粒鐘，都有收穫吖！買咗塊披肩

31/03/2010 星期三  DAY 3

大理。三塔寺

『三塔寺』係大理嘅地標，清晨時分只在外圍拍拍照

三塔曾經歷了 1925 年的大地震，但依然屹立不倒

大家可有發現左右兩塔塔身呈傾斜狀？是地震做成嘅

之後乘船出島

途中突然風雲變色，還下起雨來

很快又雨過天晴，仲比我哋見到兩道彩虹添

島上有小販賣小食：炸魚，炸蝦等

島上有幾座廟，沒甚特別

從天鏡閣下望是 "洱海"

隨意影番張相 …… 到此一遊吧！

 驟眼看，大理嘅街頭都幾整潔

但實情呢到超多 "蒼蠅"，非常討厭！！

城城表示係跟氣候有關，並非衛生問題，你信唔信？？

街道兩旁開滿櫻花，傍晚景緻好靚

待續．．．．．．

30/03/2010 星期二 DAY 2

昆明。石林

阿詩瑪的故鄉

北京看城頭！上海看人頭！西安看墳頭！到昆明一定要看石頭！

當地有一句順口溜是這麽形容石林的：

遠看石頭大、近看大石頭、石頭果然大、果然大石頭！

來到眼前的巨石群，有獨立成景，有縱橫交錯，奇石拔地而起千姿百態，

或許，因石林被譽為“天下第一奇觀”，

亦是現今世界上 “喀斯特 (溶岩) 地貌之最”，

並於 2007 年評選為“世界自然遺產”，

以使細細粒抱太大期望，結果有點失望！

走進石林，別忘發揮一下你豐富的想像力

二億七千萬年前，這裡是一片汪洋大海，後來由於地殼變動，海底上升而變成陸地，

再經雨水長期沖刷及溶蝕，形成無數的石柱，石群和石峰

這片萬石成林，群峰壁立的仙境，遠望猶如一片蒼茫壯觀的森林，因而得名 "石林"

其中較有名景觀的有 <蓮花峰>，<劍峰>，<望峰亭>，<阿詩瑪>，<母子偕遊> 及 <南海觀音> 等

3/04/2010 星期六 DAY 6

昆明。花卉市場 (中國鮮花批發集散地)

呢度範圍唔算好大，有乾花同鮮花賣，價錢真係平到你唔信

玫瑰花 1 支唔使 1 蚊就有交易

↓細細粒手上嘅花都唔使 30 蚊人仔↓

↓ 順道讓呢位朋友仔跟大家見見面 ↓

佢係呢幾日同細細粒玩得好開心

係全團唯一嘅小朋友

“5 歲大嘅熙熙””

買花嘅時候，當然要講下價喇！

細細粒仲話自己係學生，無咩錢

結果原本 $10 一支，變成 $10 三支成交   YEAH！！

仲有千萬唔好比佢知你係香港人，否則 $3 一大束變成 $3 一支

29/03/2010 星期一 DAY 1

昆明。地標 (金馬碧雞坊) / 夜市 (昆明蘭桂芳)

待續　．．．．．．

真係世事難料

細細粒講咗去雲南呢個地方都講咗好幾年

遲遲未有起行

今年決定去嗱

咁啱就遇上當地 80 年來最嚴重嘅旱災

無緊要，如期出發

出發日期：29/3/2010

去程航班：HKG/KMG HX247  15:50/18:25

集合地點：二號客運大樓 P 區

回程日期：3/4/2010

回程航班：KMG/HKG HX248  19:00/21:10

香港領隊：Tony Lau

當地導遊：Ivan Chan (城城 / 金毛城，最叻搞氣氛)

團友數目：19 人 (人少少，但個個都玩得)

雲南咁大，係短短 6 日可以去得邊？

簡單嚟講，就係：昆明 → 大理 → 麗江 → 昆明

Day 2  昆明 → 大理 (車程約 5 小時)

Day 3  大理 → 麗江 (車程約 4 小時)

Day 5  麗江 → 昆明 (車程約 9 小時)

嘩！車程咁長，有冇嚇親大家？大家可能會問點解唔揀 d 有得搭內陸機嘅團，係咪為咗慳錢？？

實不相瞞，當初的確係想慳慳地，因為選搭內陸機嘅團，團費會貴近二千蚊；之不過 ……

哎喲！當地導遊表示，搭車跟搭內陸機所花嘅時間其實差不多，搭車仲可以沿途欣賞風景添！

咁大家又知唔知雲南係位處高海拔呢？

細細粒有冇高山反應？

• 昆明　海拔 1891 米

• 大理　海拔 2200 米

• 麗江　海拔 2400 米 (抵玉龍雪山海拔 ~3800 米處)

真係好彩，細細粒連日來都無高山反應 (就連上雪山當日亦安然無恙)，自己都有點出乎意料；全團 19 人，只有 1 人患上高原反應

天氣係點？早、晚 10度以下，下晝 20 度左右

最凍當然係上雪山喇！

當日只得 2-3 度，仲 …… 係度先買個關子

雲南有咩小數民族？有無特別稱號？

呢度大大話話有成 26 個小數民族 (中國總共有 56 個小數民族，以漢族最大)

• 昆明　彝族人　　女子稱 "阿詩瑪"　）

• 大理　白族人　　女子稱 "金花"　　）至於男子點稱呼，sorry 唔記得咗 ^0^

• 麗江　納西族人　女子稱 "胖金妹"　）

至於食、住方面，個人認為 OK，尤其住宿更是不錯，全程 4-5

• 昆明　尼斯酒店

• 大理　亞星酒店

• 麗江　心怡酒店

有咩好食？對團餐都唔會有咩要求，不過亦較預期中理想，比較有特色嘅 ……

• 天山野菌火鍋　　　　　

• 宜良烤鴨　　　　　　　

• 大理砂鍋魚

• 過橋米線汽鍋雞 

另試過當地一 d 地道小食：

• 烤乳扇 (超酥，唔係人人接受到)

• 喜州巴巴 (分咸，甜，類似咸占餅，味道唔錯)

有咩特產？當地係『鮮花基地』、『藥材寶庫』、『煙草王國』

咁細細粒有無買？當然有喇！

買咗鮮花 + 手工藝品做手信

團友就狂掃普洱茶餅 + 普洱茶磚，佢哋夾夾埋埋，起碼花咗兩萬蚊

 跟著會寫 D 咩？打算 Post 相片 + 簡單介紹，應該不會逐日詳述吧！

待續　．．．．．．

今日係細細粒嘅悠長假期的第三日 ……

 仲有唔夠三個鐘，又出發去旅行喇！

 又係同 bonnie 結伴行

 目的地係 ……雲南

 話時話 …… 雲南係細細粒一直好想去嘅地方之一

 聽聞當地風光明媚，希望拍到ｄ靚相

  期間會去昆明石林，麗江古城，仲會上玉龍雪山添！

 旅行期間，行下、食下、輕鬆下，希望可以心廣體胖

 呢幾日都應該唔會上網

 3/4 返黎先再同大家傾計啦！

 拜拜！遲 d 見！

究竟細細粒個面皮跟七仔同 IQ 博士有咩關係 ……

嘻！唔話你知

 

 

14/3 星期日   溫暖、天晴

早上八點就 check out 喔！其實仲想瞓下添，之不過，同得 bonnie 旅行，就預咗要早起

隨即係  "園區自助票務機" 輸入資料，自行換取香江野生動物園入場票

接著到『彩蝶谷』嘆自助早餐

只不過是八點幾，餐廳已坐滿一半遊客

食物 OK 豐富，味道亦不錯

醫飽肚，乘 shuttle 約十點抵野生動物園 (open hr: 09:30)

嚟得動物園，就梗係睇動物喇！吖！聽聞園內有好多稀有嘅動物o架！

拿著地圖，先遊覽『步行區』：

 青龍山、天鵝湖、非洲長廊、白虎白獅遊覽區、澳洲園、

大象表演場、大熊貓中心、飛禽表演場、猿猴王國、亞馬遜森林、亞洲園

行下食下！好悠閒

好快到了一點，排隊坐小火車進入『乘車區』：

亞洲莽原、亞洲森林、猛獸地帶、南非高原及東非草原

最後看過白老虎表演後，四點前離開

由於細細粒忘記替相機叉電，呢日無得影相，惟有搵 bonnie 代勞

* 相片要待 bonnie 稍後提供始能上載

http://flash.picturetrail.com/pflicks/3/spflick.swf 

 

http://flash.picturetrail.com/pflicks/3/spflick.swf 

廣州香江野生動物世界，全國首批、廣州唯一5A級旅遊景區。以大規模野生動物種群放養和自駕車觀賞為特色，被譽為中國最具國際水準的國家級野生動物世界，是亞洲最大的野生動物主題公園。園區分乘車遊覽區和步行遊覽區，  目前園區生活著 460 多種 20000 多頭來自世界各地的珍稀野生動物，包括樹熊，大熊貓，黑犀牛等一大批“國寶”級的珍稀動物。

http://www.xjzoo.com.cn/

16:15 乘 shuttle bus 抵漢溪長隆站 E 出口，轉乘地鐵《3 號綫 / 漢溪長隆站 → 廣州東站 (¥6)》

16:50 返抵廣州東火車站

 趁呢大半個鐘，係車站嘅『大快活』食咗個下午茶 

17:40 乘火車《和諧號 D7077 班次 / 廣州東 → 深圳 (¥75) / 車程同樣只需 1 小時 5 分鐘》

18:45 抵羅湖 → 香港

＊Have a Nice Day＊

星期天，晨早上過瑜伽課，回家沒事幹，待著 ……

忽然想起早前阿哈送我的 "小玩意"

砌圖 …… 超迷你

比起一副撲克牌還要細

卻有 204 塊之多  …… 咪好細塊

開封前，曾想過使唔使搵個 "箝" 幫下手？？

哎喲！隨盒有箝附送喎

唸唸下，附送眼藥水會實用 d 喔！！

 翻到桌上，頓時要屏息靜氣，冷不防一個噴嚏會將佢哋吹到雞飛狗走 ……

真係一 d 都無誇張o架　

幸細細粒隻手夠小巧，夠靈活，根本不需附助工具

之不過腦筋就唔夠快，眼睛亦唔夠精

足足花咗近兩粒鐘至砌完

對眼都花埋

 嘻！真失禮

後記：

決定搵一副仲多仲細塊嘅砌圖回禮，阿哈，等住接招

我揀咗呢隻色 ↓

細細粒講話想買新相機都講咗好耐吓，今日終於如願 ……

不過又好得意，本來想買 CANON POWER SHOT SX200IS ($3,180) 或 SONY CYBER SHOT DSC-H55 ($2,390)，結果係兩部都無買 …… 買咗 RICOH CX3 ($2,980)

呢部係小妹第 3 部嘅 DC (第 1 部係 2004 年買嘅 CANON；第 2 部係 2005 年買嘅 PANASONIC)

Ricoh 的 CX 系列一向都以高倍作為賣點，最新的 CX3 亦不例外，以跟上代幾乎是一模一樣的外觀，新機便沿用了一支 10.7 倍的變焦鏡頭，提供了 28-300mm 的等效焦距，以應付各種不同的拍攝題材。為了提高畫質，CX3 特別改用了一片背照式 back-illuminated 的 1000 萬像 CMOS，配合 GR DIGITAL III 的減訊噪運算，新機便相當強調高感光、低雜訊的表現。而透過新加入的「Scene-Auto」模式，相機更可按拍攝環境自動切換至最適合的拍攝模式，並自動優化主體，大大簡化了已往拍攝時需調校的的各種設定。

不單在畫質，新機在功能上亦同時有不少提升，其中新加入的「PetPet」模式便能自動追蹤貓狗面孔（會以無閃燈、高感光拍攝，以避免對貓狗造成驚嚇），相信必能得到一眾擁有寵物的用家歡心。而除了針對高反差拍攝的 「DR」 高動態模式（最高可達 12EV），CX3 亦新增了 720p 的高清拍片，功能上算是相當全面。

< CX3主要功能>

1)   採用全新背光CMOS 及新的減訊噪功能。

• 最新的 1,000 萬像素背光 CMOS 為 Ricoh CX3 提升低光拍攝的性能。

• 採用旗艦級相機 Ricoh GR DIGITAL III 的運算程式，令相片在減訊噪的表現得以大大提升，Ricoh CX3 在減低訊噪之外，亦保留相片的細節以及色彩。

• 減噪功能分為強、弱、自動、關閉及 MAX，使用 MAX 減噪時相機會為相片的不同分區進行減噪分析，使得出的相片能有效減低訊噪而又保留相片細節。

2)   28-300mm 廣角至超遠攝鏡頭。

• 採用 Ricoh 獨有的疊鏡技術，令 28-300mm 變焦鏡頭能夠收納於 29.4mm 的機身內，輕巧方便。

• 包含 28 mm 超廣角鏡至 300 mm 遠攝鏡的所有範圍，無論是拍攝任何主題的相片，都有最方便就手的焦段，不會因離主體的距離而限制拍攝。

• 最新的光學設計，採用多層鍍膜、超低色散鏡片及非球面鏡組，務求解像力達至最高水平。

3)   全新「Pet Pet」拍攝模式。

• 全新寵物拍攝模式會關閉閃燈及輔助對焦燈，提高相機的感光度配合光學防震，以及將相機轉為靜音，以防拍攝時嚇驚寵物。同時加上貓狗面孔對焦，為用家拍攝寵物帶來更自然的照片。

4)   只須將相機對著拍攝主體，自動情景模式 S-Auto 會為用家選取最合適的拍攝設定。

• 當用家將相機轉換到自動情景模式，相機會自動根據拍攝景物切換到人像、運動、夜景人像、風景、夜景及微距等模式，以及自動將拍攝設定調校到最合適，令用家能夠輕鬆方便地拍攝。

5)   更高相片質素

• 「DR」超廣闊動態範圍模式使相片的光暗位寬度如人眼所見，新加入「Auto」功能，相機將自動調校到最適合的動態範圍作拍攝之用，用家能更簡單地用到 Ricoh CX3 的 12EV 超廣闊動態範圍。 CX3 更加入陰影或強光優先，強化HDR 相片拍攝。

• CX3 使用 Ricoh Smooth Imaging Engine IV 影像處理器，配合超高速的 1000 萬像素 CMOS 感光件，使 CX3 拍攝出來的相片有更高的解像度之外，只有極低的訊噪。

• SIE IV 採用全新的線路、影像輸出處理能亦採用新算法，能有效減低相片「死白」的機會，拍攝出來的相片將有前所未有的質感。

• Ricoh CX3 擁有分區自動白平衡系統，相機會將相片分為 864 小區各自測量最準確的色溫及選用最佳白平衡 (如部份採用室外，部份為陰天，部份為螢光燈等組合)，能有效解決因前後景不同光源而造成的問題，大大提升相片的色彩還原能力。

6)   高速連拍

• 超高速連拍性能，CX3 能夠於最高解像度時達到每秒 5 幅相片的高速拍攝。* 連拍會因應記憶卡速度、容量、狀況等有所調節。

• 「M-連拍加」功能能夠連環快拍手指離開快門之前的相片，最多可拍攝 1000 萬像相片 15幅 (每秒 5 幅) 或 200 萬像相片 30 幅 (每秒 30 幅)

• 超高速連拍方面，CX3 可以每秒 120 幅相片的速度連拍 1 秒，或以每秒 60 幅相片的速度連拍 2 秒。* 相片為 N640 (VGA)

7)   3.0 吋 920,000 像素高清 LCD

• 擁有高達 920,000 像素的 3.0 吋 LCD 顯示屏 (一般為最頂級 DSLR 採用) 使Ricoh CX3 為用家提供最優質的相片重播媒介，配合其廣闊的視角及高對比度等特性，以及顯示屏表面的抗污、防刮保護膜，在任何時間，CX3 都有最佳的效果。

8)   更多的功能，使 Ricoh CX3 變成日常不可或缺的拍攝工具。

• 720P 高清影片拍攝。

• 1cm 微距拍攝。

•  將相片以日期分類，方便瀏覽。

<跟機配件>

• 充電池 (DB-100)
• 充電器 (BJ-10)
• USB 線
• AV 線
• 手帶
• 軟件 CD-ROM
• 使用說明書

<另加送>

• 8 GB 卡
• 腳架
• 相機套

28/3/10 後記

買咗一個禮拜，反覆睇過說明書兩次

部份 function 仍未能清楚點樣運用

終於要向個 sales 請教請教

相片源自：蘋果日報

DUO 陳奕迅 2010 演唱會
今次由朱祖兒擔任演唱會創作總監及海報設計，為了配合DUO的含意，在拍攝海報時，朱祖兒打造了兩個風格不同的 Eason，並以黑白照片營造出古典及沉鬱分裂的格調

Manhattan/渣打銀行信用卡優先訂票服務詳情如下：
優先訂票日期：2009年12月16日至12月23日 (9:00am-9:00pm)
信用卡訂票熱線：2861 1611
演唱會日期：2010年3月21日至4月6日 (共18場)
地點：紅磡香港體育館
時間：8:15pm
票價：HK$480、HK$280、HK$150

E~神~嘅演唱會紀念品,你會唔會買??

28/3/10 後記

昨晚終於去咗「紅館」欣賞「DUO 陳奕迅 2010 演唱會」

呢次係細細粒首次睇 Eason 嘅 concert

亦係第一次同 grace+benny & yan+kelvin 呢兩 pair "高人" 睇演唱會

演唱會於晚上 8 時 45 分開場，舞台由齒輪組成

Eason 個唱一開鑼已被廣泛報導因患感冒而表演失準

的確，昨晚亦如是，起初確是不在狀態，把聲超沙啞，亦間中走音

約大半個鐘過後，狀態突然回復大勇 …… 勁！

當然，如果要比分，個人就認為僅比合格好少少而已

係揀歌方面，個人就覺得有 d …… 錯囉！

唱謝安琪嘅囍帖街　及　王菲嘅約定

超難聽！簡直係耳仔受難

13/3 星期六  溫暖、天陰

10:00 沙田火車站月台集合 → 羅湖

11:25 轉乘火車《和諧號 D7016 班次 / 深圳 → 廣州東 (¥75) / 車程只需 1 小時 5 分鐘》

12:45 轉乘地鐵《3 號綫 / 廣州東站 → 漢溪長隆站 (¥6) 11 個站，需於體育西路站轉車，車程少於 30 分鐘》

大家都是首次係深圳坐火車 + 廣州地鐵

13:30 抵漢溪長隆站 E 出口，乘 shuttle bus 去長隆酒店

接近 14:00 始達酒店，何解？

因為大家都唔知道要係 "體育西路站" 轉車，結果浪費了相當時間兜兜轉轉

 大家決定先行醫肚，後再 check in

為了節省時間，只好在旅遊區範圍內覓食，選定位於新長隆酒店正門側『彩蝶谷美食廊』

 下午茶時段，點選了雲吞湯粉麵 x 5 + 小食 x 3

　　　　　　茶錢每位 ¥5，另 15% 服務費，埋單 ¥200

食飽飽，行約 5 分鐘往下榻『長隆酒店』check in

唉！原來要係新長隆酒店辦理入住手續o架！又白行一趟添

於是同 bonnie 折返新長隆，花了約 15 分鐘時間辦好手續，再到『園區票務中心』憑單據領取馬戲門票

於香港訂票時，得知每天只有 19:30 一場

沒料，服務員表示當天因入場人數太多，七點半場已爆滿，會加開 17:00 一場，而我哋亦係無得選擇嘅情況下，觀賞這加開場

其實睇 5 點加場仲好 ……

一)  唔使咁迫、又唔使提早個幾鐘入場 (持七點票嘅觀眾實在太多，因為又不設劃位，想坐 "靚位" 就需提早個幾鐘進場；當我哋散場時，嚇見外邊已經擠得水洩不通)

二) 時間更理想，我哋可以睇完馬戲，再返回房間稍事休息，七點半才外出晚飯

三) 加開場只有 3 成滿，我哋好輕易就取得有利位置 (VIP 區旁，對正台中央，兼巡遊區第一排)；唯一唔好：因觀眾少，略欠氣氛

個人覺得幾好睇，節目安排唔錯，票價 $190 (若入住長隆酒店，於票務中心購票，票價仲會平 d，只需 ¥153)，有緊張的，有搞笑的 …… 都值得一看

《森林密碼》

而最吸引小妹的 …… 莫過於以下的飛輪表演，難度相當高，技驚四座，吸引！吸引！

長隆國際馬戲大劇院位於國家級 5A 景區 ─ 長隆旅遊度假區內，隸屬廣州長隆集團。大劇院擁有全球最大的專業馬戲表演場，能夠接待 8000 名觀眾同時觀看演出。始創於 2000 年，秉承“彙粹全球馬戲精華”的一貫理念，長隆國際馬戲大劇院堅持全球化採購國際頂尖馬戲節目，從最初的世界馬戲薈萃集錦，到由好萊塢著名導演多麗安娜·桑切斯執導的半主題式星空馬戲《天啟》，以及由世界馬戲泰斗紮巴斯內創作的全球最大主題馬戲《月球侏羅紀》，再到全球最大情景馬戲《森林密碼》，歷經四代創新發展，不斷引領世界馬戲新潮流。先後被評為“廣州最具競爭力的文化品牌”和“《新週刊》2006 年度生活體驗獎”等，現已成為享譽中外的“廣州文化名片”和“羊城夜遊首選”！

http://www.clcircus.com/

七點幾外出用膳，看見『白老虎餐廳』宣傳海佈：Buffet 買 4 送 1，於是向酒店職員了解價錢，回覆 ¥138@

嘩！咪好抵，即去 ……

門口貼著價錢表：一看之下，¥138@ 屬小童平日收費

真係離譜！居然報錯料

周六/假日：成人收費 ¥258@；小童 ¥158@，另 15% 服務費

算一算，要過千埋單 …… 先派 bonnie 做探子，入去睇下多唔多嘢食 ……

阿 bon 話選擇唔多，不過有幾隻白老虎陪住你 (唔係講笑，真係有 4 隻真嘅白老虎係餐廳外嘅公園走來來去o架！) …… 噢！算吧！

 決定搭 taxi (¥25) 到『祈福美食街』搵食

係美食街行了一轉，選定幫襯《客家人》，叫咗七餸一湯，埋單 ¥188，真係平到你唔信，d 嘢仲係平得嚟又好鬼好味，而且仲有豆腐花送！細細粒同梓銘各食咗兩碗添！

• 鹽焗雞半隻

• 家鄉煎釀豆腐

• 蒜茸炒油麥菜

• 煎焗魚唇

• 苦瓜菜甫炒蛋

• 瑤柱粉絲

• 豉油皇炒麵

• 蕃茄蛋花湯

飯後搭 taxi (¥40) 返回酒店，四圍行下，十點鬆回房休息

       http://flash.picturetrail.com/pflicks/3/spflick.swf  

待續……

月初計劃 13-14 號往長隆旅遊度假區玩番兩日，決定隨團出發，於是往康泰報名，惟 11 號收到通知不成團，並碰上肥媽咪因病入院，本已打算擱置行程；12 號，媽咪情況穩定出院，放下心頭石，亦為免掃興，終決定跟 bonnie 等人按原定計劃出發，轉為購買自助遊套票：

因為大家都不太喜歡搭船，而且船程時間亦不太理想，所以決定從套票中扣除來回船票，令時間安排上更靈活。

(Bonnie，大家姐，梓銘，Dick & 細細粒)

每位套票 (梓銘不佔床位)：長隆酒店周六入住標準房：$899

套票包括：

(1) 早餐

(2) 香江野生動物園 / 長隆國際大馬戲 / 長隆歡樂世界 / 鱷魚公園 (任擇其一)

當中選擇大馬戲門票 4 張

另外訂購：

(1) 小童早餐票 $55

(2) 大馬戲門票：小童 1 張 $ 155

(3) 香江野生動物園門票：成人 4 張，每張 $160；小童 1 張，每張 $95

另扣除來回船票，成人每位 $230

成人每位 $899 + $160 – $230 = $829 (未計車費)

在韓國原名《秋天的童話》的《藍色生死戀》，通過是兄妹又不是親兄妹的恩熙與俊熙，描述了不被承認的愛情，被嘲弄的命運，也因此纔會如此淒慘美麗的愛情故事。從都市中心的感性又現實的電視劇中脫離出來，把人物定位在如詩般的畫面和優美的自然中，給觀眾傳達一種安逸的抒情影像及強烈的童話色彩。

藍色生死戀是大約九年前的電視劇，還記得當年是於播映中段才開始追看 ……

無意發現 "有視娛樂台" 本週一起重播；現在翻看還是覺得很不錯，尤其最愛主題曲 ─《祈禱》

故事內容

尹教授的女兒恩熙 (宋慧喬飾)，家境富裕，長得漂亮，成績又好，在學校裏成為同學們羡慕的對象。同班級女孩子芯愛 (韓彩英飾) 的爸爸因生病去世，哥哥遊手好閒，媽媽辛苦地經營一個小吃店，生活很艱難。在學校中，芯愛喜歡恩熙的哥哥俊熙 (宋承憲飾)，卻被拒絕，因此她尤其嫉妒恩熙。有一天下課以後，恩熙騎著自行車回家，與一輛突然從街道出來的貨車相撞，發生了嚴重的交通事故。被送到醫院以後，她因為失血過多需要輸血。但是她的父母在此時發現了一件很奇怪的事情，那就是恩熙的血型與尹教授夫婦的血型完全不一樣。尹教授夫婦找到當初恩熙出生的醫院，才瞭解到芯愛與恩熙被調換這一讓人吃驚的事實。

時光流逝，恩熙工作了，在飯店做電話接線員。一次很偶然遇見了飯店經理的小兒子太錫 (元彬飾)。太錫對恩熙產生了好感並展開了猛烈的攻勢，這時俊熙從美國回來了。太錫與俊熙，還有俊熙的未婚妻幼美 (韓娜娜飾) 在美國曾經是一起學習的很要好的朋友。幾次誤會以後，恩熙和俊熙開始頻繁地見面，俊熙對恩熙的感情也從原來對妹妹的牽掛轉變成強烈的愛，但是一想到未婚妻幼美，他就非常痛苦。

父母知道這件事以後表示強烈地反對，於是兩個人去了牧場，因為這件事幼美企圖自殺，太錫也來牧場找他們，於是他們只好和太錫一起回來了。兩個人雖然都非常痛苦，但還是為了回到原來的狀態很努力地掙扎。這時恩熙卻很偶然地發現自己患有白血病 ……