1/3 清晨六點半抵香港赤臘角機場會合 BONNIE
乘搭航班 CI 678 ~ 08:20
大約一個半小時便飛抵台北桃園機場
由機場轉乘國光客運 1819 (NT125)
五十分鐘車程過後，便到達台北車站
再行五分鐘就去到我們將一連三晚下榻嘅酒店 ~ 台北樂客商旅 LOOK HOTEL
Archive for the ‘台灣遊’ Category
2013 台北行‧住宿篇
Posted in 跳出香港, 台灣遊 on 08/03/2013| Leave a Comment »
滿載而歸台北遊 2013
Posted in 跳出香港, 台灣遊 on 06/03/2013| Leave a Comment »
終於完成喇！
Posted in 跳出香港, 台灣遊 on 23/02/2013| Leave a Comment »
下星期五便出發台北
近日開始編排行程
其實四日三夜的行程並不太多
當中最花時間的主要是交通安排
今天終於編好
待BONNIE過過目
如無修改
細細粒稍後就會上網訂定車票
一齊準備就緒
如期出發
2013 向世界出發第一站：台北
Posted in 跳出香港, 台灣遊 on 26/01/2013| 4 Comments »
今日約咗Bonnie上旅行社
係 “新怡旅遊" 買咗去台北嘅套票
將於三月一日前往台北四天relax一下
呢次將會係細細粒首次台灣自由行
好興奮喔 !!!!!!
係 “新怡旅遊" 買咗去台北嘅套票
將於三月一日前往台北四天relax一下
呢次將會係細細粒首次台灣自由行
好興奮喔 !!!!!!
將於三月一日前往台北四天relax一下
呢次將會係細細粒首次台灣自由行
好興奮喔 !!!!!!
呢次將會係細細粒首次台灣自由行
好興奮喔 !!!!!!
套票價錢: $2,215 (機票, 酒店) + $700 (稅) = $2,915-
住宿: 台北樂客商旅
http://www.lookhotel.com.tw/index.php
台中清閒四天遊 ~ Day 4 (完結篇)
Posted in 跳出香港, 台灣遊 on 13/12/2011| Leave a Comment »
昨晚消夜過後，各忙於執拾行李
過去 3 日都買咗唔少嘢，瞧 …
呢堆係 Winnie 嘅戰利品，至於細細粒買咗咩，其實都係大同小異，只比她多買幾盒鳳凰酥
轉眼間，行程來到最後一日，中午十二點集合前，係自由活動時間
今早，我同 Winnie 選擇遲一點起床，之後外出食早餐
台灣人嘅早餐以饅頭和蛋餅為主
所以我哋叫咗兩份蛋餅 (原味 + 火腿) 及豆漿，盛惠 NT$60-
醫飽肚，在附近逛了一會便返回酒店，正午起行前往機場
乘搭華信航空 2:30 班機飛返香港，正式結束四天台中之旅
完
台中清閒四天遊 ~ Day 3 (下)
Posted in 跳出香港, 台灣遊 on 11/12/2011| Leave a Comment »
今早順利看到日出，還意外地見到流星
實在興奮莫名，即使昨晚睡不好，亦沒點兒疲累
12:00 離開娜嚕灣民宿，從清境折返台中市
行程：文武廟 → 日月潭
開始行程前，大家先往醫肚，呢個團只有 3 餐團餐，其餘係 “食自己"
抵達酒家，細細粒同 Winnie 第一時間走咗去
買導遊 “小梁" 推介嘅茶葉蛋
講番團餐，之前兩餐都無咩特別，所以無影相
今餐有兩味餸比較地道，影咗相比大家睇睇
龍鬚菜
是台灣本土菜，為佛手瓜植株莖蔓之嫩梢約15-20公分之部份，蠻好吃的
生長於日月潭嘅蝦
(唔好意思，忘記了叫什麼蝦)
當其他團友仍在用膳之際，我同 Winnie 早就閃咗出去周圍逛
發現咗一條『文武年梯』
總長 150 公尺，共 366 階級，象徵著一年 366 日
每級刻有歷史人物名字
Winnie 提議各自找出自己出生日期之歷史代表人物
細細粒心唸，即是要差不多走到最底 (因為我係一月生日嘛)
之後行番上嚟咪好甘，咪搞我！！
於是 Winnie 自行出發，走落 9.18
過咗約 15 分鐘 … 大汗疊細汗嘅 Winnie 終於爬番上來
佢好勞氣喎！哈哈！
原來 9.18 個一級沒有刻名喔！白行一趟！
之後會合團友繼續行程
『文武廟』
有無奇怪百年歷史嘅文武廟何解咁新淨？
其實係重新興建o架！之前個座係 2009 年因大地震而整座倒塌咗
台灣都有求籤嘅習俗，呢度用嘅籤筒係咁樣o架 ↓ ↓
點求？？先雙手轉動竹籤 3 次，然後抽突出最高個一支
『日月潭』
坐遊艇遊潭約半粒鐘，一上岸，我倆又身痕 … 買嘢食嘢
發現咗呢款雪糕 ~ 香菇冰淇淋
YUMMY YUMMY
離開日月潭，隨團去咗茶藝館 & 一福堂買手信
之後返酒店 check in
今晚個餐各自搞掂
Winnie 按旅遊書推介，帶咗細細粒去食泰國菜
order: 人氣必食 “月亮蝦餅" + 生蝦 + 菜
埋單 ~NT$900 都幾貴喔！！
呢頭食完泰菜，轉個頭我哋又買宵夜返酒店
牛肉麵 (NT$80) ＋ 麵線 (NT$15) 真抵食！！
本來仲想去幫襯首創珍珠奶茶嘅 “春水堂"
之不過，荷包所剩無幾，要留番明天用，只好忍口
明天還有半天自由活動時間
我哋荷包只餘 NT$106
點算！！！！
(曾向領導要求兌換台幣，佢居然咋傻扮矇)
待續
台中清閒四天遊 ~ Day 3 (上)
Posted in 跳出香港, 台灣遊 on 09/12/2011| Leave a Comment »
台中清閒四天遊 ~ Day 2
Posted in 跳出香港, 台灣遊 on 05/12/2011| 2 Comments »
小瑞士花園
台中清閒四天遊 ～ Day 1
Posted in 跳出香港, 台灣遊 on 03/12/2011| Leave a Comment »
起程 … 台中
Posted in 跳出香港, 台灣遊 on 13/11/2011| Leave a Comment »
2011 向世界出發第三站：台中
Posted in 跳出香港, 台灣遊 on 02/11/2011| Leave a Comment »
細細粒將會同阿妹 Winnie 結伴旅行
目的地係台中
聽講當地風景如畫
其中清境農場更可媲美瑞士
細細粒一直好想去0架！
本月十三日終可如願
康泰旅行社
TMQ04-MGS
台中清境農場日月潭四天
團費：$2,399-
機場稅/出入境稅：$238-
燃油附加費：$460-
2009 向世界出發第二站：高雄．墾丁（自遊行）
Posted in 跳出香港, 台灣遊 on 28/03/2009| Leave a Comment »
10/3 至今已超過半個多月，遲遲未有收到遊行社回覆機票酒店是否作實 …
一心唸住去唔成，哈！今日終於 confirm … 係時候 plan 下行程喇！
10-13/4 紅色假期出發，玩 4 日，$2,500 + $380
價錢預咗貴一截，不過無計喇，唔係個個都好似細細粒咁幸福，大假又多又可以隨時放嘛！
台北四天脹爆團﹝下集﹞
Posted in 跳出香港, 台灣遊 on 05/05/2007| Leave a Comment »
踏入行程的第三日，天色跟之前兩日一樣，又曬又熱 
。
。0800 morning call，酒店早餐…差勁！小芬四周圍問團友昨天的節目，看見「加國二人組」講到面容扭曲，原來他們跟我哋一樣…中招！「hitson 一家親」就醒目得多，忠於自己的安排，走訪了中正紀念堂等歷史性景點，不過靚仔就唔多高興，咀扁扁，噢！原來無去到 Gundam Base Taipei….
今早第一站是去泡湯呀！地點係「烏來日月光溫泉」。個多小時的車程，小芬繼續追問各人昨日的去向，小妹忍唔住『潤』咗佢幾句…
首次來到烏來，感覺是原始自然且容易親近，對於喜好大自然的細細粒，對它可謂一見鍾情…
可惜走進去，小芬和溫泉職員強迫大家購買泳帽一事 (NT$50)，或多或少影響了一眾人的心情 
…
…日月光溫泉旅館是進入烏來的第一家溫泉旅館，腹地廣大而以露天風呂為特色，溫泉溫度由 42 度到 35 度不等，其中有一座是只有十多度的冷泉池。這裡其實有些接近大自然 SPA 風味道，溫泉山莊臨近河邊，風景秀麗，視野遼闊，遠山、近水盡收眼底。
可能時間尚早，偌大的露天池子只有數人，非常過癮。winnie 和我選擇躺在水温 38 度的熱水中，倚著氣泡按摩床，好 relax！而 ricky & yuki 好犀利，浸在高達 42 度的泉水中，面不改容，呵呵！浸完變咗隻“紅燒乳豬”+“紅燒乳鴿”？！獨嫌時間太短，一個多小時便要離開，趕緊拍下幾張相，未知 yuki 是否太過沉醉，居然忘記了旅行袋…結果是要獨自下車跑回溫泉旅館…tony & 小芬竟置身事外，實在有點兒那個…
泡完湯，差不多全車人都睡了…還有交響樂團傾力合奏，而細細粒只好玩偷拍自娛。
午餐享有正宗台菜。接著參觀故宮博物院，闊別年半，博物館以新面貌呈現眼前，小芬作簡單介紹後，大家自行參觀，winnie，ricky & yuki 興趣不大，選擇四周拍照，小妹唯有自己逛，看過鎮院之寶「白菜豬肉」，聽聞向稱完美無瑕的翠玉白菜與「東坡肉」，原來已經破損！菜葉上面的螽斯（類似草蜢的昆蟲）左邊觸鬚折斷；至於形同半肥瘦豬肉的肉形石，也缺了一小角。可能缺損非常微細，小妹未有察覺。
這段時間實在有點沉悶，團友們都顯得沒精打采；不過悶氣好快散去，因為下一站是「士林夜市」。跟午餐相隔了幾小時，肚子空了，使大家不知不覺地鯨吞便宜又無窮的美食。我哋四個先排隊買豪大大雞排，然後找了一間出售十全大寶湯嘅店舖坐下，點了豬骨湯米線和塘虱魚湯，邊喝湯邊吃雞排，嘩！豬骨湯夠濃，魚湯亦清甜，配以香噴噴和鮮嫩嘅大雞排，實在令人回味無窮啊！咀都未抹，又買了一客“棺材板”、yuki 最愛的炒新竹米粉，再來苦瓜汁、柑桔檸蜜、西瓜等解解渴，可以用吃得精采、吃得過癮和吃得忘形來形容。
接著，轉戰「西門町」，一齊吃過阿宗麵線後，各自各閒步，約定 0845 於港記餅店訂購鳳梨酥、綠豆糕等作手信，而 winnie 按 alan 吩咐，走到老天祿買鴨舌；至於 yuki 就專注搜購飾物；而我亦花上 NT$2,200 買了東西給自己，並光顧“三兄妹”再買了最愛的益力多苦瓜汁，比饒河街夜市和士林夜市出售的好飲好多 (05 年已幫襯過)。
甚少 "掃街" 的細細粒，連日橫掃四大食市，雖未至於 "豁出去"，但總算入鄉隨俗，看見 winnie，yuki 食得興奮、吃得盡情，自己亦感到好雀躍 
當晚比較早回酒店休息，是時候執行李，噢！原來買了很多東西，無法全部擠進行李箱…大袋小袋，滿載而歸…弊！明天還有幾盒鳳梨酥…
最後一天，風雲色變，整天下雨，轉涼。
0800 醒來，自行到附近的「永和豆漿」食早餐，四個人點了油條、蔥油餅、窩貼、小籠包、素菜包、牛肉餡餅、豆漿等，放滿一檯，吃得飽飽，亦只不過 NT$120，好鬼滿足 
之後隨大隊走訪一連串購物中心，悶悶的…四時許便到達機場，奈何天雨影響，航班延誤，滯留機場幾粒鐘，winnie & ricky 去搵食；我就上網消磨時間、yuki 戇居居坐於候機室…最終八時許乘坐 CX451 班機飛返香港，正式結束為期四天暴飲暴食的驚嚇旅程
台北四天脹爆團﹝中集﹞
Posted in 跳出香港, 台灣遊 on 02/05/2007| 2 Comments »
好嘢！今天是行程中最期待的一日，是自由行啊！
拿住張捷運一日票四圍騰
一早 0800 起床，視察過酒店嘅早餐唔啱胃口，決定出去搵食。行了好一陣子，發現大部份店舖還未營業，莫非台灣人不習慣外出食早餐？？氹氹轉轉，走入東門路，看見一間地道食店“福滊”剛巧開舖，非常雀躍，我哋呢班百厭星，係人哋個爐灶又扮煮麵又影相，搞到個老闆娘唔知好嬲定好笑！接著一下子點了陽春麵、酸辣湯拉麵、鹵水豆干湯米、肉絲炒米、水餃、餛飩等制五臟，都只盛惠 NT$165，好味 
超低！
超低！
食飽飽，係時候要起行，乘捷運由府中站出發，沿板南線 (永寧→昆陽)，於忠孝復興站轉木柵線 (中山國中→動物園)，用上半小時抵達木柵動物園 (NT$60，0900-1700)。這個被譽為亞洲最大的動物園是小芬的推介景點，有咩睇？？答案是無嘢好睇！園區大而無當，人流多，動物少；深感被騙，加上烈日當空，決定看完那個聽講最有睇頭嘅「夜行性動物館」後立即離開，沒想到我哋四個同樣傻下傻下，無端端坐上了遊覽列車 (NT$5)，氹咗上山頂，真係激死！大家又熱又渴，停下商量著，yuki 又被小食店吸引著，買了麻醬冷麵和果汁舒緩一下悶熱的心情！吃罷，“摩打腳”急步落山，找到夜行性動物館，繞場一周，又再失望而回，小芬真係大整古！！大家二話不說，向著出口快馬加鞭…足足花了三個小時，實在豈有此理！
離開動物園，乘捷運返回忠孝復興站，做咩？食晏囉！走進 sogo，咦！鼎泰豐，噢！排長龍，為免再誤時間，決定係美食廣場醫肚算了，一人來一客便當吧 (~NT$160@)！嘻！味道也不錯啊！接著，按原定計劃前往參觀袖珍博物館 (NT$180，1000-1800)。若乘捷運，可於木柵線南京東路站步行約 15 分鐘。唔係咁熟路，都係打的為妙。約 15 分鐘便到達，走進去，可以看到逾 200 件珍品，當中最有趣的莫過於動畫迷你電視、郵票大小的油彩真跡油畫等，不枉是亞洲第一座專門收藏當代袖珍藝術品的主題博物館，絕對值得一看！
踏出博物館，跳上的士，要求司機送往台北車站，並查詢一條專售賣廚具的街道，看來司機亦不太清楚，惟有落車後再問問路人，左穿右插，不果；winnie 好眼利，看見遠遠….不是廚具，而是一檔街頭小食，飛身撲去，買了一客八個小籠包 (NT$50)，棟篤企慢慢嘆，超好食呀！順便問問老闆附近有否出售廚具的店舖，ricky 按他所指的方向走去，未幾，失望而回。決定不再耽誤時候，趕快步行至台北車站，乘捷運往淡水。
坐著，靜下來，大家都面露疲態，幸有 yuki 搞搞震，搞下氣氛，大家又再精神起來，有講有笑…之前都講過我哋幾個都係傻下傻下，果然無錯，今趟又再傻一次，無睇清楚，有車就上，結果上了北投為終站的列車，又要再過對面月台轉車…趁列車未到，係月台左影右影…車廂擠得滿滿，我哋幾個無聊嘅香港人指著車廂內的廣告說笑不停，突然兩位老人家搭訕，講廣東話！？！原來是早年留學後定居台灣的香港人，碰著我哋四個嘩鬼，兩老笑逐顏開，說過不停…
很開到了淡水站，嘩！人山人海。急急腳朝著淡水老街進發，開展小吃之旅，橫掃鹽酥菇、乳酪豬扒、白庶汁，真係飽到上心口，一於走入「信不信由你」的搜奇博物館，(週年優惠價 NT$59，原價 NT$180)，一來停下個咀，二來滿足一下 yuki 的要求，博物館細得很，數十呎地方，一眼睇晒，至於好睇與否，則見仁見智！之後繼續掃街，吃了蚵嗲、巨無霸冰淇淋等，最可惜是馳名的「阿媽的酸梅湯」沒有營業 (之後聽小芬講，該店出售的酸梅湯懷疑有問題而被查封，哎喲！好彩無飲 
)。攰攰地，搵間食店休息一下，順便食晚飯，揀了「楊鱻阿給」，點了鮑魚阿給、菜肉雲吞、香菇魯肉飯、鮮蝦雲吞湯米、灼菜等，當中以阿給最美味，一件四方形的豆腐，掏空後放入浸泡肉汁的粉絲，再以魚漿封口，蒸熟後淋上特製的甜辣醬汁，實在令人回味無窮！大飽口福後，再嘆杯庶汁，然後沿海濱公園折返捷運淡水站，前往忠孝敦化站，到誠品書店打書釘。由淡水站往忠孝敦化站前後共 23 個站，個 3 隻嘢坐足全程，ricky 還食飽睡一睡 zzz，而細細粒就企足咁耐，真係攰到想坐係地哩！
)。攰攰地，搵間食店休息一下，順便食晚飯，揀了「楊鱻阿給」，點了鮑魚阿給、菜肉雲吞、香菇魯肉飯、鮮蝦雲吞湯米、灼菜等，當中以阿給最美味，一件四方形的豆腐，掏空後放入浸泡肉汁的粉絲，再以魚漿封口，蒸熟後淋上特製的甜辣醬汁，實在令人回味無窮！大飽口福後，再嘆杯庶汁，然後沿海濱公園折返捷運淡水站，前往忠孝敦化站，到誠品書店打書釘。由淡水站往忠孝敦化站前後共 23 個站，個 3 隻嘢坐足全程，ricky 還食飽睡一睡 zzz，而細細粒就企足咁耐，真係攰到想坐係地哩！
於書店逗留近一小時，沒有斬獲。接著打的往饒河街觀光夜市，不得不提今趟所搭嘅的士，好豪啊！不但舒適寬敞，前後座有電視，不過個司機看來太投入睇電視了，笑呵呵，我哋條命仔似乎…
這個夜市除了小吃外，還有很多攤擋售賣日常用品、服飾等，當地人及遊客川流不息，看著一街小食，winnie & yuki 好似已經將之前所吃的完全消化，雙眼發光，口水開始… 即使仍飽著肚子嘅我，亦被受影響，由街頭掃至街尾，狼吞炸蝦卷、韮菜餅、蚵仔煎、臭豆腐、牛排串燒、木瓜奶、蜂蜜苦瓜汁等…還未夠，仲要打包胡椒餅、蘿蔔絲餅回酒店再開餐，食量實在驚人啊！
即使仍飽著肚子嘅我，亦被受影響，由街頭掃至街尾，狼吞炸蝦卷、韮菜餅、蚵仔煎、臭豆腐、牛排串燒、木瓜奶、蜂蜜苦瓜汁等…還未夠，仲要打包胡椒餅、蘿蔔絲餅回酒店再開餐，食量實在驚人啊！2315 決定離開，原定打的回酒店，司機指要 NT$400 多塊，噢！太貴了！宜慳 d，趕快乘捷運吧 (尾班車 0000)！大家有講有笑下，近一小時的車程轉眼間過去，回到酒店，佢哋三個繼續開餐，我就開速梳洗 & zzz。
今日得出兩個字：喪食
台北四天脹爆團 ﹝上集﹞
Posted in 跳出香港, 台灣遊 on 28/04/2007| 2 Comments »
日期：20-23/4/2007 【四天 (Day 2 自由行)】
同行者：Ricky, Winnie & Yuki
航班：國泰
去程 CX450 1010；回程 CX451 2000
酒店：冠君大飯店
旅行社：美麗華旅遊
團費：$1,599-
領隊：Tony Li
導遊：小芬
這是第二次遊玩台北。記得 05 年尾與 bonnie 結伴，跟康泰旅行社遊台北四天。今次重遊舊地，可能同行者有所不同，自然擦出了不一樣的火花。
出發前，選團、行程、以至網上簽証的工作，一切交由 winnie 負責，細細粒只有少許要求：不遊六福村主題樂園，不到中正紀念堂。對於首次到台灣的 winnie 顯得份外興奮，努力“刨書”，為第二日行程作好編排，還預訂了“紅蟹將軍”任食火鍋 (NT$605)。
20/4 準時機場集合，跟 yuki 首次見面。
1200 抵桃園機場，開始一連四天暴飲暴食的非人生活
晴朗的一天，旅遊巴沿山路緩緩上行，車多路窄，確驚險萬分，秀麗的風景盡收眼簾，這裡所指的就是九份。可能當天是平日，人流不太多，較上次逛得輕鬆自在。由“舊道口”起行，食指不由自主地郁動，這裡小食實在太多，決定先由頭到尾逛一次，選定目標才大舉“掃蕩”。當行至“阿信”，終忍不住試食了果凍、米麻米署、鐵蛋等。之後繼續閒逛，沿途店舖各具特色，winnie & yuki 亦看得投入。yuki 亦開始發揮其搞笑本能，不時玩自拍、偷拍、喪笑，忙於娛人娛己。相比之下，ricky 顯得沉默、內歛…
肚子開始咕嚕咕嚕…是時候回頭了，先後吃下鹽酥菇、花枝丸、花生捲餅冰淇淋、“魚丸伯仔”嘅魚丸，以及“舊道口牛肉麵”。當然不忘返回“阿信”買手信喇，大袋小袋，滿載而歸！
1500 下山，感覺更為驚險，但可能早起關係，九成團友都 Zzzz 
(香港人即係香港人，習慣性上車就瞓覺) 而小妹就目不轉睛地看著窗外景緻，似乎仍沒半點疲累。
(香港人即係香港人，習慣性上車就瞓覺) 而小妹就目不轉睛地看著窗外景緻，似乎仍沒半點疲累。很快就到了下一站深坑豆腐街 (約 1 小時)，故名思義，這是一條專營豆腐小吃及菜餚的小街，05 年亦有到此一遊，那次是夜訪，比較冷清，只吃了豆腐花作飯後甜品；今趟定要大快朵頤，吃盡香噴噴嘅串燒豆腐和秘製嘅臭豆腐哩！嘩！正！還有“唐山伯古味”嘅酸梅湯亦是不容錯過 ！yuki 又有鬼主意，替大家影了幾張好搞鬼的照片 離開前，按 bonnie 吩咐，幫襯“豆齋舖”買了南瓜子酥 (NT$150)。
！yuki 又有鬼主意，替大家影了幾張好搞鬼的照片 離開前，按 bonnie 吩咐，幫襯“豆齋舖”買了南瓜子酥 (NT$150)。
從落機起，個咀一直未有停過，係時候要抖一抖，等個胃 d 嘢消化一下。但細細粒最討厭旅行時逛百貨公司，係 101 購物區逗留嘅一粒鐘，還跟 winnie 等失散了，一個戇居居，幾乎悶死 
而廚神 ricky 就趁機走到 page one 買了兩本厚厚的烹飪書，滿心歡喜！
1900 到了“點水樓”食晚餐，對於滿檯的小籠包，小妹感到有點滯，然而 winnie、yuki，以及“加國孖寶”、“巴辣雙鷹”等，都食得津津有味。當大家忙於醫肚，而我就跟“hitson”傾過不停，這個大男孩的一言一語、一舉一動，都教人啼笑皆非…成為了這幾天眾人的解悶劑。
飯後返下塌嘅酒店，稍事整理，決定自行外出逛街，約十分鐘路程就去到夜市，兩位大胃王見到各式各樣的街頭小食，又忍不住點了，拿著大塊雞排，邊走邊吃，滋味無窮。其實，小妹並不熱衷街頭小食，亦不愛邊行邊食的文化，不過來到台灣，總要入鄉隨俗，學 yuki 話齋『豁出去吧』！可怕是細細粒個胃沒有那麼大吧！轉個頭，佢哋又買了車仔麵、大腸麵絲，繼而往便行店掃貨，回酒店再開餐。
總括第一天的感受，得出一個字：食
2007 向世界出發第二站：台北
Posted in 跳出香港, 台灣遊 on 19/04/2007| Leave a Comment »
明早乘國泰航空 CX450 1000 飛台北，展開 4 天吃喝玩樂之旅，同行包括廚神 ricky、為食 winnie 和靚妹仔。
埃及遊記又要再押後完成 
｡。｡▫❤♡❤‥外星小美怡‥❤♡❤▫｡。｡ 