2009 東亞運動會左麟右李演唱會海報
佢哋之前兩次嘅《左麟右李演唱會》(2003 & 2004)，細細粒都有捧場架！
咁鍾情麟李演唱會，係因為佢哋係細細粒分別係小學及中學年代喜愛嘅歌手，可以係一個演唱會一次過睇晒兩個偶像，仲唔係物超所值！
同樣係"新正頭"開 SHOW (是日初十二)，自然不少得 逗利是環節，氣氛熱鬧，阿麟今年仲有備而戰 "祈福袋一大個"，勁搞鬼！
今晚嘅嘉賓係阿 B & 彭健生，兩個加埋阿麟、克勤 (阿強)、錢嘉樂 (陳友) = 09 新溫拿
"靚聲王" 克勤除咗表演出近乎完美嘅聲線外，"舞"功更大有進步，仲練得一身肌肉
ＧＯＯＤ ＳＨＯＷ！！
重新裝修完嘅紅館，座位雖然靚咗，但就唔係咁好坐，坐咗3粒鐘，有點腰酸背痛添！
｡。｡▫❤♡❤‥外星小美怡‥❤♡❤▫｡。｡ 
d 座位幾乎無分別啦, 不過要賺$…點會有好櫈吖?!克勤唱功真係好勁…alan 都好但差dd 兼且成日唱錯歌詞 / luck咀 (有歌詞睇都咁!)個台細到爆囉, 第一次睇 concert 既舞台細成咁!!!
佢哋之前講過, 每次開左麟右李演唱會, 都會特登收細個舞台, 因為想容納更多fans你話d 座位幾乎無分別, 但對我嚟講就有好大分別啦!我以前坐係唔會吊腳架, 尋晚就吊足三粒鐘, 好彩坐正梯邊位, 可以踏下腳囉 ^u^