跟 HKWC 同事隨獵影遊遠足，上午九時半鑽石山荷李活廣場冒險樂園門外集合，乘 92 號巴士往西貢，北港站落車作起點。
轉入北港路，行經北港屋場，初段上斜，再沿石梯拾級而上，頗為吃力，不久扺茅坪，於基維爾營地稍事休息，順道欣賞 "過江龍" (一棵樹因生長形態而得名)，繼而穿越密林古道，兩旁草叢茂盛，不少路段的草長得比人還要高，幸好細細粒有備而來，穿上長衫長褲，頭帶 cap 帽，否則必定變成「花面貓」。最後經大水坑，抵梅子林，沿梅子林路出富安花園散，全程約四小時。
基維爾營地位置，十字路設有一指示牌，分別指向昂平、北港、梅子林等，穿茂林可分別抵達西貢、馬鞍山、慈雲山，四通八達，不失為一個郊遊好地方，所以人氣沸騰，熙來攘往。
張貼於親親大自然 | 2 Comments »
行完山，到柴灣會合阿慧、法蘭西一家三口，搞什麼？咪就係履行早前係 ho yin 婚宴當晚嘅約定囉！去 wai yip 位於柴灣 PMQ 嘅屋企，沒想到平日怕怕醜醜嘅 "熙熙" 竟然跟 "賢仔" 一見如故，呢兩個小朋友嘅一舉一動、一言一語好自然就成為咗今晚嘅焦點，為大家帶來不少歡樂。睇嚟呢 d 聚會都應該要繼續 keep 住，亦相信不久嘅將來必定有更多 "新力軍" 嘅加入，到時嘅場面就定必更加熱鬧啊！
唉吔！講到 "新力軍"，差 d 忘記介紹今晚嘅另一主角 "樂仔" 添！ 佢係 wai yip 投資嘅「第二層豪宅」，實在非同小可，唔知各位兄弟姊妹會否跟 wai yip 一樣積極「入市」，又抑或望而卻步呢？
張貼於我思我想 | Leave a Comment »
是日重陽，最佳節目當然是登高吧！
同一路線，今次是第二次行，上次已是 23/10/2005。選擇重行，當然是易行、景靚之故。
惟今次只有 Grace, Benny, Harmony, Winnie，人丁單薄 
真係要唸 d 計仔氹個 d "零運動" 嘅朋友仔參與一下 
筲箕灣地鐵站出巴士總站乘搭 9 號巴至大潭峽懲教所下車
大家準確落車 …. 行下行下，點解同上次條路唔多似？！雖然上次行已是兩年前嘅事，但都未之於毫無印象啩！奇怪，滿腦子？
噢！原來係中途嘅分岔路揀錯路，結果不出一粒鐘時間就輕易抵達大浪灣，我就梗係意猶未盡啦！至於 winnie，當然係 
正呀！
以下是原定路線
港島徑第八段部份，初段平坦小徑，中途轉上打爛埕頂山龍脊，沿山脊而行，兩旁風景秀麗，下望大浪灣、石澳、大潭港及一望無際大海，清風送爽，令人心懭神怡。
全程時間：漫步約三小時
於大潭峽懲教所下車後，即見石澳郊野公園入口標誌。行完梯級，接行寬闊車路。到一分叉路口，選行右邊（左邊往大浪灣），車路盡頭轉入山路小徑。此段山路平坦易行，樹木茂密。空曠處可望向對面石碑山，山上石碑清晰可見。見到港島徑標誌左轉上龍脊。上打爛埕頂山一段略為陡斜，小心慢行。登上龍脊，面對浩瀚大海，俯望大浪灣及綠草如茵的高爾夫球場，令人豁然開朗。回望景色優美的大潭灣。站在打爛埕頂山頂，但覺此處山勢起伏，狀如巨龍撲向柏架山，故此地亦稱「龍脊」。俯望石澳海灘，途經一風谷強風澶烈。回望龍脊雄姿。此處見巨型植樹牌，右轉下山。三塊怪石擋著回程路。穿過此石不久便到石澳道。到達石澳道目的地，可在此乘搭 ９ 號巴士折返筲箕灣。
張貼於親親大自然 | Leave a Comment »
得閒無事過下大海飲下食下、穿梭各大賭場睇下人生百態，都不失為一件賞心樂事。
趁 short wk，聯同 crystal、bonnie ，一早出發往澳門會合 winnie、ricky，一行五人先到金莎嘆番個 lunch buffet，接著穿梭各大新酒店，拉拉老虎機，crystal 仲羸咗四佰幾蚊添，笑到見牙唔見眼，見好即收，離開賭場，拆返新馬路一帶搵食，順道買番 d 手信後返港。
張貼於跳出香港, 澳門遊 | Leave a Comment »
已是零晨時分，小妹理應去覺覺豬，但實在好鬼開心，一於要寫埋網誌先至心息。
放咗工，趕快回家扮靚靚，正因今天是浩然+翠玲嘅大婚之日，新郎哥是細細粒初中時代，係童軍活動時結識嘅朋友仔，記憶中是“不鬥咀不相識個隻”。
兩個星期前，收到浩然嘅邀請，一直覺得有點意外，根本沒想過我會是被邀之列，但暗地裡卻感到欣慰，居然未有被遺忘。
今晚除咗係一個婚宴外，仲為『梁記』嘅一班同學仔提供了一個聚舊嘅機會，彼此了解下近況之餘，亦方便咗呢班善忘嘅貴人夾定時間，安排之後嘅聚會。對於我呢位『梁記叛徒』來講，就更加慶幸仍可以跟他們坦然相對，內心深深處嘅那一份喜悅真係非筆墨可以形容。
好希望呢種聚會可以陸續有來，其實收『炸彈』都可以係一件開心事嚟架！
張貼於我思我想 | Leave a Comment »
秋高氣爽，又是細細粒重投大自然、舒活筋骨嘅好時機。今次選擇到海豚保護區、沙洲島、尖鼻咀、紅樹林一行。嘩！沒想到仍有卅多度，又曬又熱，細細粒熔咗喇！兩邊面頰曬到紅卜卜 
。好彩！有緣目睹一群中華白海豚，有粉紅色和灰色兩種，總算值得。
行程簡介
海豚保護區，觀賞瀕臨絕種之中華白海豚 登上有「雁蕩平洲」之稱之西海明珠【沙洲島】
尖鼻咀位於香港西北面，由多種不同的濕地組成，這片多元化的濕地為不同種類的雀鳥提供豐富的食物及安全的棲息地
張貼於親親大自然 | Leave a Comment »
終於等到“闊條麵豬麥”的換領期，中午一心相約食神、廚神光顧 spaghetti house，唸住帶隻豬兜走，沒料細細粒居然什麼“士多啤梨啤梨蘋果橙”信用卡都帶齊，就是無帶 citibk visa。噢！換唔成，激死我喇！
張貼於小美怡事件簿 | 2 Comments »
樊記過兩日便返回花旗國風流快活，臨別前仍記得我這個小人物，小妹實在榮幸之至。
昨晚應約於 city garden hotel garden cafe 聚舊，除了小妹外，跟他稱兄道弟的“大眼仔”亦是座上客，這個「老‧中‧青」配搭看來有點“騎呢”，而實質上卻又能激起化學作用，全程笑聲洋溢，氣氛熱鬧，絕無冷場，夾在樊氏兄弟中間的我亦絕對投入、享受。
歡樂時光不經意溜走，每次跟他“分手”，小妹總有相逢恨晚之感，惟有期盼下一次的見面。
半年，就等半年，希望屆時，他會再次找我跟他“談談情，說說笑”。
張貼於我思我想 | Leave a Comment »
噚日係中秋節，例牌無假放，不過個人就靈魂出竅 
好彩上星期已經同屋企人做咗節，所以放工唔使滾水淥腳咁趕返歸。
係呢個人月兩團圓嘅日子，最怕寂寞嘅細細粒又點可以呆坐家中，所以早兩日就買定戲票，約咗 micky、charle、winnie、mark 等食飯兼睇戲 …… 話事話，噚晚居然唔記得賞月添
張貼於節日Fun Fun Fun | Leave a Comment »
經電郵收到哈記送上的暖意，決定將它放上網誌，跟大家分享 
我對佛說：讓我所有朋友永遠健康快樂 ~！ 佛說：只能四天 ~！
我說：好，春天、夏天、秋天、冬天。
佛說：三天。我說：好，昨天、今天、明天。
佛說：不行，兩天。我說：好，白天、黑天。
佛說：不行，就一天 ~！我說：好 ~！佛茫然問到：哪一天？
我說：在我所有朋友活著的每一天 ~！！
佛哭了……說：以後你所有朋友將天天健康快樂 ~
看到此信息的人轉發給朋友，
祝你的朋友們都是快樂健康 ~
天氣涼了 …. 加件衣服吧 (把溫暖傳下去)
張貼於外星人語錄 (文章分享) | Leave a Comment »
習慣性閒逛書店，多集中旅遊書籍。上週六，無意中看到書店張貼的「龍虎榜」，由“斌仔”撰寫的「我要安樂死」亦榜上有名，即以七十多塊將它據為己有，更極速地一字不漏看過一遍 …… 單是斌仔的各方友好為他所寫的序言，已令細細粒感動至眼濕濕 ……
姑勿論是否認同作者要求安樂死的想法，但小妹卻清楚知道自己絕對是世界上幸福的一群 ……
張貼於學習+興趣 | Leave a Comment »
今日好開心，有幸拜訪智仔嘅小天地，第一次作客，阿 ling 好鬼客氣，吩咐 "賓賓" 煮咗餐住家飯比小妹食，真係好有家嘅感覺 ……
張貼於我思我想 | Leave a Comment »
跟大細 Bee 都有一段日子沒見面，心血來潮相約會面，節目任由他倆安排 ….. 迴轉壽司、柏麗灣、青衣城
沒料一種東西、一個地方，竟再次勾起細細粒對「他」思念起來，將過去兩年決心忘懷的努力付諸一炬 …… 究竟是自欺欺人，根本由始至終未有忘記，抑或是在找藉口，心裡有數 ……
張貼於我思我想 | Leave a Comment »
利用中秋及十‧一假期，只需取兩日大假就連放六天，實在太捧了！
BON 記又身痕，找我陪她外遊，由於阿 BON 彈藥有限，只好選東南亞短線團，左揀右揀 …… 越南吧！因為大家都未去過 … hehe 
康泰旅行社
越南 (胡志明、頭頓、美拖椰子島) 五天超值團
出發日期：26/9/07 (Wed)
回程日期：30/9/07 (Sun)
航班 (去程/回程)：VN763 14:25 / VN762 10:05
團費：$1,799-
機場稅：$263-
簽証費：$450-
保險費：$189-
代收機票徵費服務費：$30-
燃油附加費：$206-
總數：$2,937-
張貼於越南遊, 跳出香港 | Leave a Comment »
昔日曾是「總廚」至愛嘅「巾幗」，自「技安」進駐後，地位不保，屈居二奶位，未免心有不甘；加上技安為人囂張，使得一眾「廚師仔」口服心不服 …… 噢！那又如何？最緊要有總廚“照住”！
四時許，巾幗竟憤然怒闖總廚大本營，未幾傳出兩人激烈的爭吵聲 …… 原來導火線又係技安留低 d“蘇州屎”，搞到巾幗無法再啞忍，終於大發雌威！
張貼於小美怡事件簿 | Leave a Comment »
航班：香港 
布吉 OX219 0830
布吉 香港 OX218 1655
話咁快就係布吉 hea 咗五日， 雖然無想像中咁精彩，但總算達到"過冷河，吸收日月精華"嘅目的，仲係"靈"到你唔信個隻，一抵布吉，即傳來喜訊，直頭係執番身彩，隔岸觀火 ……
可能因為"食神"係第一晚已經唔舒服 (先後睇咗兩次醫生，打咗 3 支針 
)，搞到無晒心機無晒癮，少了佢搞搞震，大家連日來都好似洩了氣 …… 
惟有寄望遲 d 再次同遊吧！
呢個 trip 花了近六千蚊，嘆咗 spa (3,000B/3 hrs) 
、睇咗 FantaSea show + buffet (1,600B) 
Tarn Tara Spa and Health Cuisine
Special SPA Packages
No.1 (Andaman Sunshine) 3,000B/3 hrs (summer promotion: extra 30 mins)
Steam/Jacuzzi/Swimming Pool
Tamarin Skin Exfoliation with Thai Herbs
Herbal oil Massage
Cucumber and Honey Facial Treatment
Shampoo hair creme bath & blow dry or foot massage
Thai herbal tea/fresh fruits
張貼於跳出香港, 泰國遊 | Leave a Comment »
想到 1-5/8 去布吉島吃喝玩樂，心情好鬼興奮，皆因首次跟 "老鼠兄"及"老鼠嫂"出埠，連同"廚神"和"食神"一共 5 人 
張貼於跳出香港, 泰國遊 | 1 Comment »
« Newer Posts - Older Posts »
，終於約到智媽帶智仔出嚟見見，心情好興奮 
“喳喳臨”影相 
……啊！原來佢要小睡片刻……係時候比阿玲抖抖同醫肚。 
，仲同佢影咗張合照添 
嘩！智仔果然份量十足，搞到細細粒手仔軟 
