昨晚約十點抵港，七天假期轉眼結束，今日重新投入工作，期待著幾天過後的另一個七天假期 (19-25/3)。
假期前，收到 FANFAN 會今日抵港的消息。果然一早接到 FANFAN 來電，並相約下星期聚餐。
今日係阿哈嘅牛一，祝佢一日靚過一日。
細細粒跟 grace, benny, kent 早於上星期日晚提早同佢食飯慶祝，當晚如壽星女所願，享用了一餐豐富嘅齋菜。
張貼於小美怡事件簿 | Leave a Comment »
已經三個月無飛啦！一直心癢癢 ……
好開心，好興奮！終於得償所願，搵到旅伴。本月六至十二號，一連七日，細細粒會聯同廚神和食神一齊以自由行形式去馬來西亞一趟，行程仍在編排中，但大致會先到老越探親，於廚神表姐家中作客，由她作嚮導，帶我哋四圍捐窿捐罅，吃喝玩樂；之後再到沙巴 join local tour。
廚神早已訂好機票，小妹就負責保險事宜，至於行程食宿就交由食神安排。
Oh！Oh！想起都興奮 …..
沒料，早兩日開始患上感冒 
，發燒、咳嗽、鼻涕、噴嚏，樣樣齊，希望出發前可以痊癒 
，發燒、咳嗽、鼻涕、噴嚏，樣樣齊，希望出發前可以痊癒 張貼於跳出香港, 星馬遊 | Leave a Comment »
又到了一年一度新春聯歡聚餐，是晚假座 The Graces Restaurant, 20/F, Lee Theatre Plaza, Causeway Bay 筵開六席。細細粒成為幸運兒之一，先於麻雀枱一家羸三家 (tammy, carol & ah tat)，後再於大抽獎中獲得禮品，又食又拎，過肥年！
今日除了是智仔生日外，亦是細細粒老爸的舊曆生日，舉家連同外婆共 13 人，齊齊整整一起享用了一頓豐富酒席，實在是非常難得，皆因已經很久很久沒有全家總動員聚會了，除了大哥一家大細外，二哥及細佬亦有攜眷出席，整晚氣氛熱鬧，樂也融融，好彩有帶備相機，把歷史性一刻留住。
張貼於小美怡事件簿 | Leave a Comment »
今日是智仔的一歲生辰，細細粒給他送上益智玩具作禮物。
一如既往，一見小妹就四萬咁口，總是氹得你滿心歡喜。
希望佢快高長大，健康快樂，聰明伶俐，聽教聽話。
張貼於小美怡事件簿 | Leave a Comment »
親友共聚年初一 (7/2)
跟 connie, cook, mark 攻打四方城，坐咗幾粒鐘，得個桔，和氣收場
好友歡聚年初二(8/2)
又係埋首四方城，gloria, yan, kawai 成為手下敗仗，比小妹贏咗 $560 + 晚飯
唔好以為小妹進步神速，純粹運氣搭夠 
密友拜會年初三 (9/2)
"赤口"，百無禁忌，去咗高妹媽咪屋企拜年+飲茶 
病入膏肓年初四 (10/2)
由初一開始喉嚨痛，今天就咳到甩肺，個喉嚨好似爛咗咁，沒精打采，留家休息 
開工大吉年初五 (11/2)
跟大圍開工，收到好多利是，大豐收 
放工趕返屋企，因為是日兄妹團拜
休假養病年初六 (12/2)
咳到無覺好瞓，喉嚨發火，樣衰衰，好彩噚日攞定假
今日係智仔舊曆生日，本想到阿 ling 家拜年，不過有心無力
全人祝壽年初七 (13/2)
又大一歲，亦係拆利是嘅日子，嘩！三千幾蚊呀！
沉醉演唱年初八 (14/2)
適逢情人節，沒有慶祝，求其填飽肚，趕往紅館，
欣賞靚聲王『你的克勤演奏廳』good show
長江7號年初九 (15/2)
四美團聚年初十 (16/2)
與bonnie+ivy約咗一位好耐好耐無見嘅人── 小妹 gh 第一位老闆，00 年退休嘅 selina chan
bonnie 為大家預備了一頓豐富私房菜，超正！
兩埸團拜初十一 (17/2)
上半埸：應邀到安蔭 s wong 屋企開大食會，嘩！17人呀！非常熱鬧，s wong 整咗勁多嘢食，正！
(s wong x 4, sandy+hin, uncle wong, yau wong x 5, bonnie, angel, miko+tzeying)
下半場：matthew, heihei, sochung, harmony, kent & meiyee 向榮昇太太級嘅 grace 拜年，
有旅行相睇，又有 wedding video 睇，仲食埋晚飯添，好開心呀！
雙重驚喜初十二 (18/2)
驚喜 1：收到 ex-boss chiu 嘅利是呀！
開心到不得了，因為個人覺得係一個 luck，代表今年會好好好好……. 
驚喜 2：收到神秘禮物 ……
打開個旅行匧，嘩！唔係「吉」口架！有「餡」口架！多謝"阿姨+賓尼" 
傻狒飯局初十三 (19/2)
跟狒狒晚飯，感觸良多，希望佢呢次真係可以坐言起行，飛起"世紀賤男"
團友狂歡初十四 (20/2)
泰國團友一行7人，尖咀松屋嘆日式放題，位位$160，平靚正 
(teddy, wah, gary, maggie, yuki, winnie)
元宵佳節初十五 (21/2)
呆坐家中→寫blog
今天是年卅晚，細細粒仲要返工，心情有點失落，好彩晏晝約咗一班來自五湖四海嘅同事食團年飯，成個人開心番晒！
午飯過後，呆呆地等著五點嘅來臨 …… 三點，喜出望外，高佬區批准小妹放工，哈哈！興奮到彈起 
由於爹娘返咗鄉下過年，剩低我哋幾個"孤兒仔"，黃昏時分，約好太子新世紀廣場 2/F le fauchon colour cafe 再食餐團年飯 (早於 28/1 已全家人食過)。
飯後到附近花墟年宵市場行咗個 round，買咗年花、吹氣肥老鼠等，呢次係我哋三兄妹第一次一齊逛年宵，好開心呀！
細細粒羸咗百伍蚊 
年廿八，洗邋遢？
細細粒急不及待，於年廿五 (1/2) 便開始大掃除，卻未有顧及安全，竟企在摺枱上抹窗，不慎弄翻摺枱，幸好身手尚算敏捷，未致血光之災，之不過，卻將一大桶水倒在地上，搞到屋企水浸， 雞手鴨腳，連忙"索水"，嘻！好兆頭 …… 『水為財』是也！
呢個月係細細粒嘅"牛一月"，分別同 d 三五知己食咗好多餐 ……
18 號 銅鑼灣利舞臺廣場 21樓《客家好棧》
Ivy, Bonnie, Helen, Joan, Carol, Rita, Jessica, Mandy, Shan+囝囝
20 號 太子始創中心 5 樓《帝皇庭宴會廳》
Elaine
25 號 (1) 香港仔舊大街《緬泰皇宮》
Bonnie, Crystal
(2) 銅鑼灣世貿中心《阿拉麵館》
Harmony, Grace, Benny
27 號 中環花園街 53 號科達中心 3 樓《心齋》
Dick
31 號 銅鑼灣駱克道銅鑼灣廣場二期 8 樓《黃珍珍泰國菜館》
Angel, Miko, Bonnie
嘩！前前後後總共 6 餐，非常滿足 可以跟朋友食飯聚舊，真係好鬼開心 
可以跟朋友食飯聚舊，真係好鬼開心 張貼於小美怡事件簿 | Leave a Comment »
近年，細細粒幾乎聞肉色變，多年戒食紅肉之餘，連向來嗜食嘅白肉亦開始敬而遠之。不過講親食 "齋" 
，嚟嚟去去都係心目中個兩三間，唔知邊間好食真係唔敢亂試，因為質素實在太參差 
。早前無意中係飲食雜誌睇到推介中環《心齋》，小妹趁 "127" 呢日去試試，咦！果然不負所望，值 
，嚟嚟去去都係心目中個兩三間，唔知邊間好食真係唔敢亂試，因為質素實在太參差 。早前無意中係飲食雜誌睇到推介中環《心齋》，小妹趁 "127" 呢日去試試，咦！果然不負所望，值 店舖裝修幽雅，環境清靜，店內雖只提供『清齋』(即沒有蛋類、奶類、酒精、味精及*"五辛")，但食物味道一點也不「寡」。* "五辛"指蔥、蒜、洋蔥、韮菜和興渠
小妹 order 咗個「齋宴」可以一次過試到 19 道菜，兩個人食到飽飽 
，盛惠 $4xx，物超所值 
，以下就係個 set …..
，盛惠 $4xx，物超所值 ，以下就係個 set ….. -
消滯花茶
-
前菜「六小碟」，包括：香煎麵根、椒鹽金菇菜、芥末百靈菇、醬汁南瓜粒、滷水猴頭菇及涼拌雲耳百合
-
海珊瑚雜菜沙律
-
老火湯
-
香草焗牛肝菌
-
南瓜雜菜咖喱配香椿菜烤麵包
-
香菇紅棗佛手瓜炆魔芋
-
三耳扣娃娃菜
-
竹笙扒菜遠苗
-
香菇飯
-
白粥
-
點心併盆
-
蓮子百合紅豆沙
-
紅豆糕 + 馬豆糕
每位只需 $180 的齋宴共有 19 道菜 (兩位起，必須預訂)，可以係一個咁舒適寧靜嘅環境享用美味優質的素菜，絕對是抵 
細細粒好奇地向店內修道之士發問，何解齋宴定為 19 道 …… 答覆是『實夠飽』嘅意思，其實點至夠飽咁簡單，簡直係飽到上心口
地址：中環花園道 51 號科達中心 3 樓 (訂座電話：2525 0552)
張貼於小美怡事件簿 | Leave a Comment »
早前收到消息，多年無見的姨婆竟然獨個兒回港養老，中午決定往護老院探望，營營役役大半生，為他人而幹活，今日卻遭致如此下場，問世間親情何在 ……
張貼於我思我想 | Leave a Comment »
今日與二佬去咗探外公+外婆，從舊相簿中有所發現 …… 係細細粒歲幾時同大佬及二佬嘅"排排坐"合照
大佬個樣最傻、最笨；二佬最精靈、笑容最燦爛；至於最可愛嘅就當然係 …… 當中最搞笑嘅莫過於我哋嘅衣著打扮，簡直係超型仔！
照片保存得好好，從表面看，絕對看不出它是一張超過 xx 載嘅相片，但當中三位主角 ……
嘩！實在太珍貴了，決定往"快靚正"複製留念
一邊看相，一邊笑說兒時嘅百厭行為，頓時感到時光飛逝，歲月不留人 ……
張貼於我思我想 | 2 Comments »
西曆二00八年一月十二日 (農曆丁亥年十二月初五) 星期六 宜嫁娶
天公造美 撮合了這一對璧人GRACE & BENNY，用郎才女貌來形容他們就最合適不過；在這個大喜日子，天公還替他們撥開雲霧，送上藍天白雲、陽光普照的一天。
十一號放假，與 Grace 為事前作最後衝刺；當晚，細細粒更提早 11:15 上床睡覺，務求以最佳狀態投入明天的任務。前天曾被 vicky戲言，指小妹會因為好姊妹出嫁而失眠，結果被講中，不知是否情緒太過高漲，又抑或過於緊張，展轉反側，無法入眠；噢！接近零晨 1:00，仍眼光光 …… 4:10 醒過來，扭開收音機聽著 "輕談淺唱不夜天"，合上眼，靜待著 …… 5:00 決定起床梳洗，替疲累乾澀的雙眼帶上隱形眼鏡最是痛苦。
6:00 出門，廿多分鐘已抵TK MTR station，原定為新娘及一眾姊妹預備外賣早餐，無奈有心無力 (附近所有食肆均未開)。6:55 到 Grace 家門外，為著讓她可多睡一點，決定等待化妝師 Vivian 到步才按鐘之際，原來 Grace 已被升降機發出 "叮" 的一聲所提示，小妹來了！
Grace，一臉疲憊 …… 實屬意料之內。
7:30 過後，harmony, yan 相繼到來，一個接一個 make up + hair setting，對於向來素顏示人而一下子濃妝艷抹的細細粒實在有點不自在。
新娘子 Grace，天生美人兒，清秀可人，配以高佻身材，再經過 vivian 替她悉心打扮，穿上裙褂的高妹更顯得明艷照人，簡直是勁靚，個個讚不絕口！
9:30 "娛樂"主持人 fion 到來，向姊妹們重新講解遊戲節目，一齊預備各種用以"招乎" Benny 及兄弟團的 "爆笑" 物品 ……
10:15 收到消息，"大軍" 進駐；攝影師跟攝錄師先到場，開始現場拍攝 …… 到了姊妹自我介紹環節，細細粒講不到兩句，感動得嗚咽起來，眼濕濕，幸得身旁的 harmony 輕按手背，得以強忍淚水。
接著是一連串指定項目：接新娘、開門利是、敬茶、祝賀、拍照、出門、入門、敬茶、祝賀、拍照 …… 場面熱鬧、爆笑、溫馨、浪漫、感人，兼而有之，共冶一爐。
4:00 九龍公園拍照，新娘子招徠不少艷羨目光，更有途人誤以為是雜誌 model 拍外景相，真搞笑！
4:45 折返酒樓，開始全日最緊湊的時刻，一對新人及主人家當然是忙於招呼賓客，弟兄姊妹們亦全情投入，分工合作；而細細粒當晚的任務就是全程緊貼新娘子。
先後穿過晚裝、婚紗的 GRACE，每次從新娘房步出時，均引起全場嘩然，讚美聲此起彼落，絕對是勁靚。
其實，細細粒當日經常不知不覺眼紅紅，好想喊出來，百感交集，更有過上前跟 GRACE 擁抱的衝動 …… 直到播放 vedio 一刻，眼淚終忍不住流下 …… 待一對新人進場，自己返回座位，從螢光幕見證他倆註冊一刻，眼淚又再一次掉下來。
婚宴於 11:30 正式結束，一眾兄弟姊妹猶如「專業婚禮特工隊」，使全程順利進行，GRACE & BENNY 及家人均表示非常滿意。
而細細粒亦好慶幸可以參與其中，與 harmony 合作無間，亦好高興認識到 fion 這一位朋友。
最後藉此再次祝賀一對新人
白頭偕老 永結同心
而今日 14/1 是 GRACE 牛一
生日快樂 身體健康
張貼於我思我想 | 3 Comments »
