今日天氣好好，決定到郊區走走，惟有放棄跟沙巴三人組到珍寶嘆茶 
9:15 中環交易廣場巴士總站會合標叔叔。
乘 6 號車，中途下車後向淺水灣坳方向行，穿叢林，跨淺水灣坳 (該段是今天最辛苦的路段，雖然只約 10 分鐘，但足以令你 "行到喘氣" 加上 "大汗淋漓" )。
接著出赤柱西引水道，抵紫崗橋小休；後靠引水道左轉上紫羅蘭山徑，拾級而上，行一小段，見指示版 "KK 117 622" 後，轉右手小徑而行，平路易走，兼可欣賞附近翠綠山巒，以及高處鳥瞰大潭郊野公園內大潭中與大潭篤水塘的優美風景。
後接大潭西引水道，再經集水區過大潭崗，最後接港島徑六段出大潭道散，全程約四小時。
全程易行，可惜大部份時間頗為沉悶；好在亦有小驚喜，細細粒無意中發現了一個 "蟻巢" 懸於樹上，對於從未見過蟻巢嘅小妹來講，可謂新鮮、奇趣，不過看過後，不其然感到有點身痕。
張貼於親親大自然 | 4 Comments »
今晚約了 "沙巴三人組" 食飯聚一聚，食神按表姐喜好而選了日式料理。
細細粒當然要掏荷包請客啦！其實，相比起三月去沙巴度假時，表姐嘅熱情款待，這一餐又算得上什麼呢！
離開餐廳時，巧遇 carol
餐後走到附近的日式百貨公司逛逛，allen 獲廚神送上心頭好 nike 籃球一個，喜上眉梢；而小妹亦無意中有所收穫，買了一對童裝波鞋，外型的的骰骰，款式靚之餘，價錢還非常抵，只 $250 成交，我想這就是長得細粒的著數吧！
日式放題，6 位埋單只 $1,140
張貼於小美怡事件簿 | Leave a Comment »
細細粒是四眼妹一名，除去眼鏡，眼前只有一片朦朧 ……
正當在享受洗白白之際，眼尾察覺有 "黑色物體" 閃過，心知不妙，登大雙眼一看 …… 呀！救命呀！有 "小強 (曱甴)" 呀 
慘叫了好幾聲，才醒覺無救星 …… 蹲下來 …… "震過貓王" …… 定一定神，決定採取主動 
因為明白若果睇唔到小強條屍，小妹今晚一定 "有得震，無得瞓"
一於拍拍心口，"立架餐"，xx 牌殺蟲水
經過一輪追逐戰，小妹雖然大獲全勝，"大強" 終於反肚啦 
之不過 …… 全屋佈滿殺蟲水，好臭呀 
真的無眼睇囉！
小妹由細到大，最怕就是 "曱甴"，今晚幾乎 "心臟病發" …….
求神拜佛，唔好再來啦
張貼於小美怡事件簿 | 2 Comments »
沙巴表姐、沙巴強 & 沙巴 allen 來港一遊，廚神會一盡地主之宜，擔任導遊，安排節目，而細細粒亦打算週日跟他們見見面。
張貼於小美怡事件簿 | Leave a Comment »
IVY 早幾日生咗對孖女，分別重五磅幾同四磅幾。
恭喜晒小學同學仔 "維仔" 榮升 daddy
張貼於小美怡事件簿 | Leave a Comment »
是日先與卡通爹、大家姐、梓銘、bon、桃桃嘆茶相聚
之後，洪記三姊妹結伴往珀麗灣，走進馬灣舊村逛逛，巧遇村民曬蝦膏，細細粒覺得好有趣，立即把它拍下。
烈日當空，大家身水身汗，走進附近茶餐廳休息小食，來了一客 "大狗王"，正！
知己加上美食，近日的冤屈氣，一掃而空！
張貼於親親大自然 | Leave a Comment »
昨晚同洪記一班好姊妹食日式串燒，相信在坐幾位 (mandy, rita, carol, tammy, joan) 都曾經跟黑面神交過手，即使未有交手，都定必見過她那張 "包公" 面口，絕對清楚黑面神是"非一般人" ，所以非常明白及同情細細粒的苦況，希望日後一有時間可多跟小妹飯聚，好讓小妹盡吐苦水。
晚飯地點一啲都唔起眼，係 joan 推介 …… 全程亦由熟客仔 joan 點菜，點了約二十碟 … 埋單盛惠 $9xx
… 可以再幫襯！
個肚打鼓啦，快 d 開餐喇！
點杯嘢飲先…
紫貝天葵…
雪梨無花果茶…
我哋邊傾邊等 … 點解咁耐架！
(排名依上枱先後次序…)
紅腸… 
雞泡魚乾…
牛脷…
多春魚…
煙肉車厘茄…
雞腎…
金菇豬肉卷…
雞全翼… 
露筍牛肉卷…
釀尖椒…
雞中翼…
黃花魚…
大蜆…
清酒煮蜆…
鮑魚…
汁燒鮮冬菇…
翠玉瓜…
雞軟骨…
雞皮…
蒜蓉牛油菠菜…
菠蘿…
這裡地方不大，但勝在整齊乾淨，沒有一般串燒店的油煙味。小店有點像舊式的家族生意一樣，大家打成一片，熱鬧之餘又親切。這裡以各款海鮮做主打，紅魚、油甘魚、黃花魚、巨扇貝、鮮蜆、大海蝦、生蠔 …… 種類之多，可媲美海鮮專門店。而串燒的做法亦以簡單為主，調味料亦不多，純粹靠鮮味取勝。由於店舖鄰近街市，所以海鮮串燒，款式天天不同，保證新鮮。
"皇府串燒" – 西營盤第二街88號地下 3 號舖
2549 0988
營業時間：1800-0100 (逢星期一休息)
之後 joan 仲帶埋我地去老字號嘅 "源記" 食糖水添…
真係好有懷舊 feel 呀…
合桃糊 & 杏仁糊…
"源記" 嘅雞蛋糕都好出名，口感唔錯，而且好重雞蛋味…
雖然細細粒又怕熱氣又唔好肉，但不要緊，同朋友仔聚會，談天說地比醫肚仲緊要，今晚大家都非常開心，6 個女仔兩個墟，有傾有講有 
，輕鬆開懷大吃一番…
* 相片盜取自麗達
張貼於小美怡事件簿 | 2 Comments »
過檔龍頭公司足足一個月，跟黑面神對足二百多小時，實在好難頂，唔明她為何日日黑口黑面，說話尖酸刻薄，細細粒恐怕終有一天會忍無可忍，跟她吵起來。
屈指一算，佢今年五十一，還有九年才退休，看來細細粒未必等到佢呢日都已經打退堂鼓，又或者已經比佢激死咗！
張貼於我思我想 | Leave a Comment »
今天過後，鳥巢將會重歸靜寂，水立方將會留下一片止水 ……
經過16天緊張的賽程，第29屆北京奧運會今天正式落幕。8月8日晚，一個令世人驚嘆的開幕式，此刻仍歷歷在目，教人畢生難忘；轉瞬間，一個令人熱切期待的閉幕式又再激起眾人高昂的情緒。
國家隊更以百面獎牌 (51金、21銀、28銅) 為今屆奧運劃上完美的句號。
張貼於小美怡事件簿 | Leave a Comment »
應 miko 之約，請假一天，連同 bonnie 及 angel 往澳門閒逛大半日，憑金莎會會員証換來免費船票，整天只花上兩百多元享用 lunch buffet 及拉老虎機，心情輕鬆。
張貼於跳出香港, 澳門遊 | Leave a Comment »
2008 年 8 月 8 日 晚上 8 時 8 分
中國人辦的奧運，開幕了
齊為中國隊、香港隊打打氣
努力！加油！
張貼於小美怡事件簿 | Leave a Comment »
隨庸社 9:00 藍田德田邨起步
藍田公園 → 沿緩步徑上安達臣徑觀音廟 → 東南小徑登五鬼山 → 接衛奕信徑第三段 (可盡情暢覽將軍澳新市鎮及調景嶺區最新發展) → 山脊晨運園地俯瞰馬遊塘村 (將軍澳隧道就處於馬遊塘村的地底) → 北下觀塘晨運徑行一程馬遊塘路 → 落村口巴士站跨寶琳路 → 離開衛徑轉入翠林路 → 抵將軍澳翠林邨散 (全程只兩小時)
張貼於親親大自然 | Leave a Comment »
31/7 星期四，一眾洪記友好宴請小妹
地點：銅鑼灣客家好棧
出席有：Joan, Carol, Mandy, Andy, Raymond, 阿浩, 友仔, Ivy, Bonnie, Li
張貼於小美怡事件簿 | Leave a Comment »
天文台在下午錄得今年以來的最高記錄 33.3 度的氣溫，新界大部分地區氣溫更高達 35 度。
並發出酷熱天氣警告
今早 9:15 西貢巴士總站海濱廣場與獵影遊會合。
然後乘專船 ($65@) 往東丫登岸，見海胆養殖場，大隊沿天后宮旁山徑拾級而上，遠眺白腊灣，後原路拆返再轉入草叢，沿隱密山路而行，大上大落的山徑，對於置身三十多度，烈日當空的細細粒來講，猶如 "乾煎蝦碌"，不過可以俯瞰白虎山與伙頭墳洲之間的鎖匙門 (這是進出大浪灣與西貢海必經水道)，細賞甕缸群島自然美景，總算不枉此行。
行程原定登白虎山 (陰影山) 出企頭角頂，但由於天氣實在太悶熱，恐防有隊友中暑，以安全為由，決定取消登山。中午大隊原路拆返東丫，再經打鐵洲到北丫村，這時天色開始轉壞，雷聲更是不絕於耳，不久刮起強風，落起暴雨來，大家只好留在碼頭旁的一間小食店，等待專船返西貢。
* 來回船程各 1 小時
張貼於親親大自然 | Leave a Comment »
23/7 正式成為龍頭公司的一份子，連日來忙著 set up 我的新天地，而整個部門亦於昨天完全地佔據新領土，開張大吉，"大籮" 更擇定吉時 12:30 進行切豬儀式，場面熱鬧，多名高層俾面出席。而小妹一向不愛"趁墟"，靜靜拉埋 carol & tammy 自己醫肚，無謂食得唔自在。
講回我的新 office，經過兩天埋頭整理，總算見得人；但一想到要跟 "黑面神" 鄰坐，實在好 "難頂。
張貼於小美怡事件簿 | Leave a Comment »
只係兩天無見，bonbon & taotao 已經好鬼掛住我呢個細細粒，急不及待於 24/7 星期四約食飯，只不過無見兩日，大家一見就雞啄唔斷，小妹心情頓然開朗，把連日來的激氣事說個痛快，阿 bon 真係無批錯，小妹今後日子一定唔易過，跟 "黑面神" 一日對足 8 粒鐘，EQ 低 d 都唔掂。
張貼於我思我想 | Leave a Comment »
15/12/1997 是細細粒係洪記的第一個工作天，還記得當天驚驚青青，被 bonnie 的 "江湖人物"外表嚇到唔敢出聲，原來佢虛有其表，不出兩日，我哋已經混熟 …… 今時今日仲成為密友添，是小妹投放係洪記的青蔥歲月所換來的最大收穫。
雖然細細粒比較文靜，不過係工作上亦跟各部門同事保持聯繫，關係良好，偶爾會參與大堆頭聚會，昨天是小妹係洪記工作的最後一天，早上跟幾位高層開過會之後，下晝把握時間向各方朋友仔道別，拍拍照，中午還約了華姐、鎮長等一起食晏。
來自五湖四海 (不同部門) 的朋友仔，嚟緊 31/7 約咗食晚飯，歡送小妹
張貼於我思我想 | Leave a Comment »
一直覺得洪記是一個沒有值得小妹留戀的地方，沒想到在離別前的今晚，依依不捨之情突然湧上心頭 ……
張貼於我思我想 | Leave a Comment »
自阿 ling 成為媽咪級後，想約這位大忙人的確唔容易，早幾日是阿 ling 牛一，直至今日小妹才可以跟她見見面，補祝生日
我已經歲半啦！識行識講嘢，食得又瞓得，仲出咗十六隻牙仔添！
最叻唱歌跳舞，我真係人見人愛，車見車載架！
張貼於小美怡事件簿 | Leave a Comment »
部門終於落實於本月廿五日正式遷往龍頭公司，為了作出全面配合，扒房今天起開始停工兩星期，一眾扒王各自執拾家當，但看來卻雞手鴨腳。
今天是第一期搬遷日，細細粒這個「閒人」一早就去到新 office 等收貨，至於滅絕師太當然留守大本營，拿著 "雞毛"，發號施令啦！別以為師太給我一份優差，乃大錯特錯，師太算過度過一定無死錯人，由 8:30am 呆企到 4:45pm，連人影都無個，靜到心寒，企到腳仔軟，好彩帶備雜誌解悶，此時此刻最想擁有是遊戲機 
咦！小妹的新天地，整形過後果然眼前一亮，面積超過 350 呎，非常寬敞，但一切只是假象，最終屬於在下的實質只有 40 多呎 …… 鄰隔房間是老細的，亦有 300 多呎，兩房是子母房，細細粒日後真是要打醒十二分精神了 
張貼於小美怡事件簿 | Leave a Comment »
« Newer Posts - Older Posts »
