由 bangkok 回港已兩個多星期，老實講，個人係香港，但個心仍係曼谷，可想像到那四日三夜的旅程是何等輕鬆愉快。 

出發前，大家 plan 了一連串行程，各自心目中都有想買嘅，想食嘅，而最終亦算是 mission completed，harmony 應是最大收穫嘅一個，滿載而歸；grace 都唔弱，戰利品載滿一個大喼，細細粒買嘅相對地少，之不過三個加埋就 …… overload 呀！真係嚇死，去嘅時候個個喼都輕飄飄，返嚟就 …… 機場過磅，居然超重咗 7kg，於是臨急臨忙 “減磅"，變 hand carry。

 

細細粒去旅行純粹散心，即使戰利品唔多，但收穫依然豐富，我所講嘅收穫係『一個難能可貴嘅旅行』，grace，harmony & 細細粒相識於 F.1 ，屈指一算，已廿多年，能夠保持聯繫已不簡單，今次還可以一齊出埠，真係好值得一記。實不相暪，出發前亦有少許擔心，因為以往兩次『三人行』嘅經驗都不太好，有點陰影，幸好今次我哋三伙子又好夾好開心啊！期待今後每年都有一次結伴外遊嘅機會，嗱！grace & harmony 一於每年拋低 benny & kent 一次咁多喇！！滿足一下小妹嘅心願。 

究竟呢幾日有咩搞作？？

行遍各大 shopping mall，chatuchak，BigC；食過海南雞、街邊粉麵、小食檔；嘆過兩次 foot massage & body massage

   http://flash.picturetrail.com/pflicks/3/spflick.swf  

這兒倒想記下一些 “驚喜事"：

1)  iberry cafe (品嚐咗有特色有水準嘅甜品)

2)  chatuchak (細細粒第一次逛呢個市集，印象唔錯，這裡可謂包羅萬有；

                        而且當日仲幫襯咗一間食物超正嘅餐廳)

3)  綠茶專門店 chaho (非常正，簡直一試難忘，所以連續幫襯咗兩日)

   

 

 

 

 

 

 

 

 

 

 

我哋一連兩日 (day 3 & 4) )都去咗 chaho 嘆沬茶，

看！harmony & grace 幾咁偷得浮生半日閒 ……

睇真 d，day 4 個樣出現疲態，鬼咩！我哋晚晚都兩點幾至瞓

另 “烏龍事" 一則：

第一日蒲出機場，打的去酒店，個司機居然送咗我哋去另一間 (同集團)酒店，而我哋三個又居然朦下朦下走進 check-in，而個櫃台服務員又烏下烏下，搞咗一輪至知我哋 “運吉"，真係得啖笑，好彩我哋下榻個間酒店只是一街之隔咋。

就係呢位帶黑超嘅司機車咗我哋去另一間酒店囉！大家有冇發現佢貼咗好多不同嘅貨幣係車廂內呢！ 

Baiyoke Suite Hotel 比如期中差，雖然早知道是 3 ，預咗無得要求，房間雖大，但陳設卻十分殘舊，看似很久沒有人住過，最離譜是冷氣機不斷噴出一舊一舊嘅塵，還有大群螞蟻日日夜夜在散步搵食！最終忍無可忍之下，於第三日要求換房，可能適逢週一，我哋嘅要求好快被接納，至於服務員嘅態度，當然不太好，擺出一副唔多願意嘅咀臉，先要我哋自行把所有行李拎落大堂，我哋當然照辦無異議，亦不覺有何問題，噢！原來他們是安排了隔離嘅房間給我們，又唔早響，卻要我哋將啲行李搬上搬落，擺明玩嘢！算吧！無謂影響心情，反正沒有第二次。

雖則由踏入房門一刻開始，我哋都彈個不停，間房除咗大之外，真係一無是處 ……

5/12 泰皇壽辰 …… 當日逛完 JJ，傍晚時分先折返酒店放低戰利品，突然 …… 外邊傳來巨響，嘩！原來放煙花呀！我哋間房可以 180 度觀賞，呢個時候至發現間房仲有第二個優點喔！

呢次旅程，細細粒知道咗 ……

(1)  grace 唔可以有一刻鐘肚餓，一餓就會跌晒 watt，好似未上鍊

(2)  harmony 唔可以唔瞓或者瞓少 d，否則對眼袋同對眼有得揮

仲有第三係

(3)  meiyee 唔可以無咗呢兩位最關心自己嘅好知己

謝謝妳倆給我帶來這次愉快嘅旅程！

今晚約了 bonnie 去旅行社報名，會於來年一月九號

聯同 angel & sukyi 一行四人跳出香港

去江門玩兩日 relax 一下

 美食之旅

準五星級 <江門逸豪酒店>

兩日一夜，包四餐：

酒店中西式豪華自助晚餐

酒店豐富自助早餐

三鄉特色宴

會城風味餐

暢遊：

泉林動感山莊

新會紫雲觀

周恩來像

團費：$418 (另小費每天 $50)

而家係凌晨四點幾，細細粒剛剛起身

一切準備就緒，出發前往機場

開始一連五天嘅假期

聯同高妹和阿哈

享受四日三夜曼谷悠閒之旅

今次真係要多謝 NET Travel 嘅 Samuel Hui

小妹都係第一次幫襯，但對呢間公司印象唔錯，日後有機會定必再光顧 ……

上月初，細細粒曾預告，十二月初會跟高妹和哈小姐一行三人到曼谷自遊行

大家傾好出發日子後，就一直再無下文

今日，細細粒終於跑到旅行社訂購機票 + 酒店

或許，我哋實在太坐定粒六，從沒想過原本十二月頭，很多 exhibition 會於曼谷舉行，以致機位緊張及大多數酒店都爆滿

結果，小妹係旅行社逗留了個多小時，好彩最終都 confirm 到機位，至於酒店，雖然唔係大家心目中嘅要求，但無辦法喇！無理由因此而擱置外遊嘛！

期待著出發 ……

日期：4/12 – 7/12/2009

航班：HK/BK OX 203     BK/HK OX 200

酒店：Baiyoke Suite (double room + extra bed)

包括： 早餐 / BTS 一天任乘車票 / 古法按摩券

回程日期：26/10/2009

去程航班：HKG/HAN HX518   21:45/22:40

回程航班：HAN/HKG HX519   08:20/11:20

同  行  者：Winnie, Maggie & Gary

領　　隊：小強 (曱甴)

導　　遊：林仔

睇下呢幾日去咗邊？？

DAY 1

第一天抵酒店 Sport Hotel 已是晚上 12 點

小插曲：

香港出發時，團友 39 人；抵越南後，只有 37 人；點解？？

有兩位團友誤以為自己手持的簽證可以一個月內多次入境，結果梗係搞錯晒！！唔好意思，無得入境，仲要係機場坐天光，等第二朝折返香港，真慘情！！

不得不提：

當地啲關員認真離譜，跟強盜無咩分別，刻意唔幫旅客係出入境紙上蓋印，仲強行將你推行，聽領隊講佢哋係想係遊客出境時，屈你係偷渡，然後向你罰款，真係恐怖！超可惡！莫非又係共產國嘅指定屈錢手法？？當時 Winnie & Gary 都經過一輪爭吵至取回印章咋！

DAY 2

細細粒坐車坐到腰骨痛，Winnie 就瞓到頸梗膊痛 …….

早餐後，離開河內，花近三小時車程，由河內往《陸龍灣》『寧平碧洞古寺』遊覽

 

午餐後，乘小船遊陸龍灣『三谷湖』，細細粒同 Winnie 兩人一船

當日天氣很好，藍天白雲，又不太熱，沿途風景美麗，泛舟湖上，感覺好平靜，偶爾涼風吹來，感覺很舒服，優遊自在，Winne 仲話差點兒睡著添

 

 

 

 

 

之後再來四小時車程往《下龍灣》，當晚入住 Long Beach Hotel (海景房)

飯後，跟十幾位團友去咗按摩 (自費 HK$130／1.5小時) +

                         宵夜 (路邊檔果然有風味，大大碗湯粉都係 1500 盾咋！)

DAY 3

呢日天氣比較悶熱，烈日當空 …..

對於平日少運動嘅 Winnie & Maggie 來說可謂 "勞動日"，兩個行到上氣唔接下氣，Winnie 仲成身大汗，d 汗勁到好似沖完涼咁款，細細粒梗係彈開幾丈遠喇，怕怕！！

早餐後，祇需幾分鍾車程到達碼頭出海

一團 37 人，包船 (兩層)

先往下龍灣 A 區串遊岩洞『天宮洞 + 藏木洞』

沿途風景係咪真係好靚呢？小妹個人認為見仁見智吧！

這兒由三千多個大大小小石灰岩島嶼形成，於 1994 年被列入《世界文化遺產》

係洞裡面，Winnie 不時依傍著岩石，搞咩？過冷河囉！d 石涼浸浸

o架！

 

 

 

 

 

 

之後船上午膳，個多小時後抵下龍灣 B 區『天堂島』(自費 HK$120)

中途可看到下龍灣地標『鬥雞石』

 

  

 

天堂島確實幾靚，不過要橕三百幾級石梯，都咪話唔辛苦，平日訓練有素嘅細細粒都大汗疉細汗，更何況 Winnie & Maggie 呢！ 

係天堂島逗留個多小時後，下龍灣嘅行程就七七八八

乘個半鐘船返回酒店，食番碗越南湯粉，再來個小睡至晚飯

飯後係附近市集行街街，我就無收穫，Winnie 就買咗幾個好 cutie 嘅木公仔

集合時，發現四人幫左一袋右一袋，才知道佢哋逛完超市，原來就係附近咋 (林仔連日來都話無超市)，真激氣！

呢晚同埋四人幫一齊宵夜，番兜噚晚街邊檔

DAY 4

又坐長途車 …….

呢日午飯安排食 buffet，係連日來最豐富嘅一餐

晚餐係法國餐廳 …… 不過唔係食法國餐

早餐後，坐四粒鐘折返河內

呢日係市內觀光，不停上車落車，先後去過 Hilton 監獄、聖荷西大教堂、巴亭廣場 (胡志明陵墓、胡志明故居、主席府)、西湖鎮國寺、一柱廟、孔子廟等

之後 (自費 HK$70／1小時) 乘三輪車遊 36 古街 + 自由時間近一粒鐘，同 Winnie 幾經辛苦至搵到間蚊型超市，掃咗 d 公仔麵 + 腰果

 

 

 

傍晚時分觀賞水中木偶，老實講，唔多好睇，悶到死，係五六十年代嘅把戲

返回酒店，林仔將團友之前向佢訂購嘅手信分發比大家，唔知中間搞錯什麼，細細粒訂落嘅部份手信居然不翼而飛，林仔只好退還款項，小妹真係比佢激死！！

DAY 5

半夜四點 morning call

呢日搭八點早機返港，北越五天之旅正式結束

小插曲：

正當小強派過登機證後，Winnie 始發現自己嘅出入境表放咗入篋，點算好呢？？佢個樣都不知幾驚，四日前幾經辛苦至攞番個印，都係唔想有機會被屈錢，真係無唸到佢咁大頭蝦 …… 好彩最終側側膊填過張新表，順利過關，真係有驚無險，Winnie 先識笑番咋！

相中為越南特產：扎肉、夫妻糕、花生糖、腰果

其他如咖啡、龍眼肉都屬當地特產

越南地方比較落後，北越更甚，當地沒有什麼東西吸引我買，祇好幫襯林仔買下扎肉 + 腰果 (明知幫佢買會貴 d，不過無計！佢日日都話無超市，又話超市無嘢啱我哋買，問佢邊隻牌子魚露好，佢又話唔知)，唉！！！

不過點都好

 =  +

我地都會好 enjoy 呢！

今朝凌晨四點 morning call，當地八點早機飛返香港

一點前已安全返抵 UFO

一連五日嘅假期即將結束，明天又要繼續挨騾仔喔

識咗高妹同阿哈超過廿年，但從未試過三個一齊去旅行

2003 曾經準備台灣行，最終因為沙士而擱置咗

雖然之前都有提過，惟一直只聞樓梯响

哈哈！

今天終於傾好

我哋會係十二月初起行，計劃四日三夜曼谷行

主要係行街 shopping, spa, 搵嘢食，真係唸起都興奮

「一飛飛上隱，唔飛周身痕」小妹酷愛去旅行，但不愛坐飛機，之不過去旅行如果不是搭飛機，就不似去旅行，多矛盾！越南，前年九月才遊覽過胡志明市、美拖市和頭頓，想不到今年會捲土重來……其實又唔算係重來，因為上次係去南部，今次係遊北部嘛！！

全新法式情懷

下龍灣、陸龍灣、河內 (首都) 美食 5 天之旅

日    期：2009 年 10 月 22 至 26 日

同    伴：Winnie, Maggie & Gary

旅行社：星級假期

團    費：HK$1,842- (包括：機場稅、燃油附加費、保險費)

19-20/9 又名"十大一細食食食" 澳門遊

Winnie 化身領隊 + 導遊

由頭到尾包辦這個 "食食食" 旅行團，果然搞得唔錯

哎呀！唔記得比小費添 ^0^

最特別係 join 咗金都水療坊嘅 package (因為威尼斯人 fully booking)

$350 包括：去程船票、45 分鐘按摩、24 小時任食 buffet、免費電影院 … 但限時 12 粒鐘

最搞鬼莫過於 "日式太空睡眠艙"

當晚 10 點抵達，12 點嚟個按摩、之後宵夜，1 點幾仲睇埋場戲，成 3 點多至瞓覺 …

8 點半 morning call，10 點前要離開

出發前 …
決定帶埋 dick 同行，佢跟多位團友仔是素未謀面的，有點擔心 …
繼而出發前，15/9 掛起八號風球 幾天都不停落住雨，再有點擔心 … 好彩無影響 …

結果 …

整體上，大家都有傾有講，非常投入

Winnie 帶大家去食嘅嘢，都好令人滿意，大家食得非常開懷，細細粒亦食得好開心
加上仲有好多免費嘅娛興節目：富貴龍吉祥樹煙花匯演音樂噴泉天幕 (龍騰)

雖然已經去過澳門 "N" 次，不過可以講，今次係最開心滿意嘅一次，事關跟 10 多位朋友仔去吃喝玩樂，實在是很難得嘅機會

希望之後仲會有一齊去旅遊嘅機會


美食回味
1. <順德公> 雞鮑翅

朋友們，看過先前的『街頭巷尾篇』，

若然覺得意猶未盡，

這次的人物篇，你真不可錯過啊！

下面一張是細細粒很喜歡的，可惜拍攝失敗

往印度前，曾有朋友勸告細細粒切記勿拿起相機拍攝當地人，

她指稱當地人不太友善，而且亦不喜歡被拍，

又或是不停向你要錢；

然而，細細粒遇到的當地人卻是十分友善，他們會不停向你揮手示意，

每當小妹拿著相機，他們都會面露笑容，

甚至要求為他們拍照，部份更會擺出鬼馬的姿勢，又或是表情多多，

之後還會爭相翻看相片，

個人覺得，給他們拍照絕對是樂趣多多，樂此不疲 ……

今次收穫豐富，都是多得他們喔！！

八天的旅程霎眼過去，當中並沒有發生過甚麼特別或有趣的事，

所以今次決定以景點介紹，並加入個人感受的形式跟大家分享，

沒再像以往的遊記般作每天詳述。

當大家聽見細細粒說沒甚麼趣事發生，

或許你會想到“吓！咪好悶喔？？”，倒又不是呢！

對小妹來講，旅行的最大樂事莫過於捕捉到一些畫面，

不論是人物抑或景物，從中得到的樂趣及滿足感是永久的；

還記得 2007 年初跟 Bonnie 結伴往埃及遊玩時所拍下的照片，

直至今日偶爾翻看，依然會發出會心微笑。

而且，每晚返回酒店，臨睡前，

跟 partner 分享當天拍下的照片，亦是旅行期間的一大樂事啊！

在印度短短的八天，細細粒可說是分秒必爭，

從喀什米爾起，到返抵德里，及之後遊玩金三角：

德里ð愛加拉ð齋浦爾ð德里，段段車程都花上 4-5 小時之久，

作為旅客，無理由一上車就倒頭入睡，當然要細看車窗外的景致，

或許會有意外收穫啊！ 

今次被攝入鏡頭的人和物可真不少，

如果大家有興趣的話，不妨花點時間看看，

或許你也會感受到小妹所講的樂趣和滿足感。

現在就引領大家走進世界四大古文明之一的印度。 

其實 Jaipur 還有一個地方是細細粒好喜歡的 ……貝拉廟 ─ 就是印度廟的意思

最可惜，這裡嚴禁拍照

遊客只可以在指定範圍 (遠距離) 拍照

Birla Temple 外觀不同於蒙兀兒式建築，因為它是座印度教廟，是由印度富豪貝拉家族出資所興建。據說貝拉先生年少時曾向毗濕奴的妻子“吉祥天女”許過願，後來他果真在拉賈斯坦省靠著交易棉花而成為印度的大富豪，於是就在印度許多地方蓋貝拉廟來謝神，這是其中一座他在齋布爾所建的貝拉廟。貝拉廟是用印度當地特有的「透光大理石」堆砌而成，相當漂亮，廟內的彩繪玻璃及畫作，都呈現印度教的莊嚴素穆。進去參觀須脫鞋，廟裡不可以拍照。(德里也有一庭貝拉廟，但跟齋布爾的貝拉廟很不一樣，是用磚紅色與鵝黃色組成的建築。)

齋浦爾 Jaipur 是一個非常特別的城市，因為全城的建築都被髹成粉紅色，故這裡有「粉紅城市」之稱。而在這個面積不大的古城，有著相當多的宮殿，因此齋浦爾又有「宮殿城市」的稱號，在這裡你絕對可感受到印度獨有的風土人情。

既然齋浦爾有「宮殿城市」的稱號，那不得不提 城市皇宮 及 水中宮殿 及 風之宮

城市皇宮是齋浦爾全市唯一不是粉紅色的建築物。參觀四座門扉以及用大理石構建的宮殿，建築形式和牆壁上所繪的花紋圖案明顯受到莫臥兒風格的影響。

走進宮殿博物館，最先看到的是中庭中央的 Baggi Khana，陳列有雙輪戰車，四輪馬車，19 世紀歐洲馬車，宗教節慶用的雙輪馬車，以及牆面上被排列成圓形狀的古代槍箭。

在槍器博物館，展示有曼辛一世王公的笨重武器，沙迦罕王及賈汗季王的刀劍，阿克巴大帝的防護頭盔，阿克巴大帝和沙迦罕王夜間打馬球用的信號槍，17 世紀製造的槍械，以及弓箭，長矛和象座墊等。

而我對兩個銀質大水甕最感興趣，是當年齋浦爾王公馬德侯辛二世 Madho Singh II 前往英國倫敦參加愛德華七世 Edward VII 加冕典禮時特別打造的，甕裡盛裝的是印度恒河的聖水，兩甕的聖水加起來足夠供人飲用一年 (聴聞已入了世界記錄大全，是世界最大的銀器)。

水宮   Jai Mahal

是 16 世紀時期，拉賈斯坦君主在炎炎夏日爲了避暑，而特別在人工湖中興建的，現時的人工湖仍在，宮殿卻已荒廢了，聽講將會改建為酒店。

在一片粉紅色的建築物中，有一棟是特別惹人注視的，那就是「風之宮殿」Hawa Mahal，亦即是英文的 Palace of the Winds。風之宮殿其實並非一座真正的宮殿，只是在外貌上看去有如皇宮般華麗、壯觀，而且站在裡頭的每個角落都感受到有風吹入，因而得名。此外型特出的建築物建於 1799 年，由 953 扇窗戶以金字塔排列方式所構成，共有 5 層，整座建築物皆為粉紅色，而各扇窗戶則以白色的邊框與別緻的圖案所點綴，是每位遊客來到印度都會一看的景點之一。
當初興建風之宮殿的原因是為了讓昔日的皇家妃嬪可以站在窗戶後，觀看出面的世界，而不用拋頭露面，在窗後看看平民的日常生活對她們來說已是一件非常有趣的娛樂節目。今天的風之宮殿已開放給遊人參觀，站在裡頭可以俯瞰齋浦爾舊城的全景，還不快來體驗一下古代印度妃子窺看街上行人的趣味！

在文明古國印度，充滿特色的建築藝術每年皆招徠不少遊人。20/8 下午離開愛加拉（途經勝利宮），乘坐近 5 小時車程前往齋浦爾　Jaipur (距離二百多公里)，翌日早上開始遊玩這個粉紅城市，鋪天蓋地的粉紅色已成了當地的建築風格，漫步這粉紅城內，你可看到多姿多采的風之宮、城市宮殿、古老天文台及琥珀堡等獨特的古典建築。

坐大象遊 琥珀堡　山上皇宮　極具氣勢

位於齋浦爾城郊的一座小山上的琥珀堡 Amber Fort，四周有高山城牆環繞，看起來非常宏偉。要登上這印度長城最好不要用腳，因為在入口處有一頭頭打扮得花枝招展的大象，在等待把賓客們接載上山。這些有兩個人那麼高的大象，坐上去時雙腳離地，雖然有點驚嚇，然而可以一邊輕鬆上山，一邊俯瞰山下齋浦爾那迷人的風光，想來也是值得的。但對於有畏高症的 bonnie 來講，20 分鐘的象程，就真是怕怕了，嚇得花容失色，全程沒有舉起過相機，因為她的雙手一直緊握著扶手，狀甚搞笑，真是很難想像大大隻的 bonnie 竟然畏高，而我則顯得悠然自得，輕輕鬆，笑騎騎！

 http://flash.picturetrail.com/pflicks/3/spflick.swf  

琥珀堡始建於 1592 年，由於城堡由奶白、淺黃、玫瑰紅及純白石料建成，遠看猶如琥珀，故稱之爲琥珀堡。不過堡內不同的宮殿則是於不同時期完成。宮殿處處洋溢著傳統的印度宮殿風味，圓拱屋頂、大理石柱、幾何窗戶裝飾，都是典型的印度建築風格。而要數最華麗的，肯定是又名「鏡之宮」的虛什瑪哈勒宮殿 Sheesh Mahal，因其琥珀色的大理石壁面，有很多大大小小的寶石及鏡面鑲嵌成的美麗花草植物圖案，在陽光的反射下，整個宮殿熠熠生輝，那如繁星閃爍的光芒，美得教人目眩。

勝利宮　一個令細細粒永世難忘的地方

在前往勝利宮途中，導遊已經比定心理準備大家，表示這兒絕對是個「麻煩宮」，皆因裡裡外外都是小販，向遊客纏繞不休 ……

當小妹走過陡峭的階梯，及穿越眾多的小販後，眼前呈現的景象絕對是震撼和難忘，宮內到處擠滿著乞丐，男的女的，年老的年幼的，幾乎任何年紀都有，而最驚嚇的莫過於一群一群的蒼蠅向你迎面撲來，為免「誤服」，細細粒全程雙唇緊閉，不敢作半句交談。雖說出發前已經有一定心理準備會見到當地貧乏的一面，然而親眼看過，心情難免沉重 ……

勝利宮的建築是用最普通的紅砂岩作材料，結合印度，中亞和伊朗一帶的建築風格；造成這雄偉中不失華麗的宮殿。阿克巴的三位妻子在這裏具有不同宗教特色的宮中居住 (其中以回教妻子的宮殿最大，其次是印度教，基督教的最小)。

當阿克巴大帝把印度北部納入帝國版圖後，開始為王位繼承問題而煩惱 (因他的妃嬪都不能為他誕下兒子)。後來他聽從西克里城聖者 Shalkh Salim Chishti’s 的預言；娶了一名印度教的妻子，果然生下一名男孩。阿克巴大帝喜得皇子之後，龍顏大悅，及非常感激契斯堤，想邀他至阿格拉同住，但契斯堤以出家人身份不妥為由婉拒，於是阿克巴 1570 年開始在契斯堤所住的法第普西克利 Fatehpur Sikri 興建城市、宮殿，1572 年遷都至此。1573 年，他打了一場大勝仗，所以把法第普西克利稱為勝利城，宮殿遂名為勝利宮。在這幢仍是紅砂岩構築的城堡裡，有阿克巴分別為回教、印度教、天主教等不同信仰妻子所建的宮殿、有他少不了「聽書」用的圖書館、有欣賞表演專用的廳堂、更有以宮女作旗子的巨型西洋棋盤。不但在西克里城建了勝利宮，還決定遷都，把首府搬至這個離阿格拉三十八公里的城市。

勝利宮建成後十五年，聖者過世，加上水源不足，於是皇室又不得不把都城遷回亞格拉。

注意：入宮前必須脫鞋 (入口處有尃人代為看管，但需給予金錢) 及穿著長褲或過膝的短褲或裙。