到外地旅遊，我蠻喜歡逛市集

只有在當地的市集，才可以看到最地道的寫實生活

或許沒有什麼東西可以買得上

起碼，可以看到了當地人的文化

曼谷算是我最常去的城市

能成為全球最受歡迎的旅遊城市之一，定有她的迷人之處

說真的，每次到曼谷，都一直在累積我對這個城市的喜愛

她真的有一種很有味道的魅力

即使已經成為一個國際化的地方，總一直默默保留著純樸的一面

這就是我喜愛曼谷的原因

Damnoen Saduak Floating Market

&

Or Tor Kor Market

&

Grand Place

&

Wat Arun

多年來我一直想去 

可是，每次都去不成

今趟，旅伴不再是 Harmony & Grace

沒有 crazy shopping & massage

換上 Bonnie，終於成事

待續

Read Full Post »

行程目的：遊覽 Damnoen Saduak Floating Market！

去年十二月才去過一趟 …… 之不過，在我心目中的最佳旅伴 bonnie 的力邀之下，怎麼可以推卻呢？趁大家都有大假 + 旅遊淡季 + 有心情有閒錢，一於 4 日 3 夜玩轉 Bangkok！

今次的旅程沒有精心的安排，亦沒閒時到 thailandfans.com 看看資料，我想這才是自由行的精髓嘛！老實講，細細粒的方向感向來麻麻，好多謝 bonnie 相信我有能力帶著她自由行啊？！

今早 (0515) 出發喇！期待旅程愉快！

OX 203   0815

Read Full Post »

下個月 10 號又飛喇！

(10-13/3/2011)

呢次會同 bonnie 一齊飛去 Bangkok 逗留四日三夜

又係 Bangkok ？？？

大家無眼花，真係又係 Bangkok 呀 ！！！

係 Bonnie 好想細細粒陪佢去一趟

見佢盛意拳拳，應承佢喇！

呢次都係幫襯『新怡旅遊』

機票 + 酒店：$2,690-@

乘坐 OX

住宿設計型格嘅 I Residence Hotel – Silom

雖然距離出發尚有三個星期

之不過，細細粒已經上網跟當地旅行社聯絡

計劃好行程第二日 join local tour

去邊？唔講，係度賣個關子！

Read Full Post »

快樂嘅時光總是過得特別快，

四日嘅旅程轉眼已到了最後一日

陽光普照嘅一日

今早同樣是細細粒最早起床，亦由我負責 room service

呢日下午一點半就要前往機場，所以時間有限

十點幾起行往 Central World 逛街，影影相；主攻 Isetan 超市，嘩！阿哈和高妹又大手掃貨呀！

途經家品部，高妹睇中一個空氣淨化機，千幾蚊，心思思想買

既然都係時間要返酒店 check out，稍後會再折返，比時間佢唸下喇！

返回酒店，收拾細軟，將之寄存；三人又再次出動，去邊？去醫肚吖！

細細粒係 day 2 遊記曾經提及鄰近酒店嘅 Peninsula Plaza 嘅 Provence … 當天食咗個『閉門羹』！！

大家都心心不息，所以係臨走前決意再去一趟 … 果真好好味o架！135 baht 一碗魚蛋粉以當地消費指數嚟講絕對係貴，之不過一場嚟到無理由唔試下！

食完再折返 Central，順道幫襯 Chaho … 時間緊湊

雖則一個簡簡單單嘅午餐，只要係知己共聚，一樣可以食得好開心，好滿足

 呢個就係高妹買咗嘅淨化機

一點幾，摩打腳急步返回酒店取過行李，打的趕抵機場

行李過磅 … 噢！又 overload 吖！去年超重７kg，高妹係 “罪魁禍首"；今次超重９kg，輪到阿哈 “出事" … 又要即場減磅 … 幾經努力，仍未達標 … counter 個靚仔見我哋實在無計可施，隻眼開隻眼閉，好心放過我哋

登機 … 嘩！靚仔畫咗機頭位比我哋呀！係第四行呀！飛咁多次都係第一次坐咋！好興奮啊！

我哋嘅行程就此畫上一個完滿句號

呢堆就係細細粒買嘅手信，一睇就知導致超磅唔關我事喇！

Read Full Post »

行程第三日，節目一樣豐富 …

今早，細細粒有個特別任務 …

就係去酒店餐廳 pack 早餐，因為我哋入住二人房，只得兩張早餐劵，若然另買一張早餐劵，再三人一齊落餐廳，又有點礙眼 …

早前從別人嘅 blog 知道，呢間酒店可容許住客 pack 早餐上房，所以小妹就負責 room service。講真，餐廳經理真係好 nice，佢幫手 pack 之餘，仲話幫我送上房添！

食完早餐，揸揸臨起行，乘 BTS（Ratchadamri → Phrom Phong），我哋要趕住去 Asia Herb Association 充電呀！

每次來到曼谷，定必心癢癢來個 massage，貪其價錢便宜、環境靜謐優雅以及空間寬敞舒適，而這間由日本人開的 AHA 更是我們三人一致喜愛的 “叉電站"；店子裝修帶和式嘅清雅味道，陳列簡約加上柔和的音樂，氣氛夠 relax。店內更有獨家混合草藥調製的草藥球按摩，是小妹的必試項目，草藥球的熱力加上香味，按摩時分外舒適。今趟是細細粒第三次光顧，一於試個新 package ……

早在出發前，已上網 reserved 了一個 4 小時的項目；安排於行程第三日的上午十點：

Asia Perfect Body & Foot [4 hours] (Regular price 2,500B → 2,250B)

1. Kon nyaku enzyme body scrub 60 min
2. 100% Pure blend oil body massage 60min
3. Organic herbal ball for body 30min
4. 100% Pure blend oil foot massage 60min
5. Head & shoulder massage 30min

http://www.asiaherbassociation.com/

之前兩次光顧都覺得好滿意，沒料今次卻大失所望：

• 1 hour 30 mins ~ foot, head & shoulder massage 安排咗係地下一間三人房，坐在按摩椅，先按腳，後按肩頸，不過按摩過程令人感覺唔舒服之餘，亦感到按摩師不就手，肩頸位根本係按咗等如無按

• 要我哋兩頭騰：按完腳、肩之後，要我哋轉去另一座嘅二樓房間。我哋都幫襯過唔少按摩店，從沒試過要中途轉房，客人好多時係按摩過程中都會眠一眠，怎料到會被叫醒，叫你轉房；更何況 AHA 規模都唔細，加上我哋已經事前預訂好，無理由安排得如此失當

• 個間二樓房超殘舊，好似好耐無人用過咁款，浴室更是殘舊不堪，無熱水、無沐浴液、地下去水位又淤塞，ｄ水倒流入房，真係嚇死人！現在唸起都火滾！！！

• 明知ｄ客 “光脫脫"，間房仲開勁大冷氣，我哋凍到騰騰震，要求將溫度調高；轉過頭，佢哋又較回勁低溫，我哋知道按摩師用力按摩時會覺得熱，會出汗，但我哋係客，總無理由要ｄ客去遷就佢啩！

1500 離開 AHA，係附近 Emporium 嘅 food court 嚟個 quick lunch

之後再到 NaRaYa 逛逛，蝴蝶袋是阿哈的心頭好，雖然第一晚已經係 central 分店 “破咗財"，之不過每間款式總有差異，想找齊目標，總需走訪幾間呢！

＊ 食咗鴨飯同埋湯粉

我哋點解好似咁趕時間？

因為我哋決定再去 JJ market 呀！Oh！Let’s GO GO GO …

BTS（Phrom Phong → Mo Chit）又大半粒鐘

去到 JJ 五點有多，依然十分擠迫，部份有瓦遮頭嘅店舖陸續關閉，流動小販則爭相擺賣 … 逛著逛著，喧鬧嘅市集一下子靜了，國歌奏起，全體肅立；我哋當然都要入鄉隨俗喇！其實細細粒係兩秒後至識得反應，呢次係第一次見到，覺得好搞笑！

我哋今趟主要想買香薰，仲係想搵番去年幫襯過個間，其實昨天已搵過但搵唔到 … 哈！今日居然比我哋誤打誤撞搵得番，依舊係個位 “矇下矇下" 嘅靚仔看舖，價錢貴咗，所以買少咗 … 轉眼間，天黑了，原來已經七點幾，要轉戰 BigC 喇！

由於 Central 對面間 BigC 仲未開番，所以今次要去到鄰近 BTS Saphan Khwai 站分店。

乘 BTS（Mo Chit → Saphan Khwai）只一個站，出站後已看到 BigC 個大招牌，行五分鐘就到；（係商場外買咗 3 個番石榴），先在超市樓下嘅 food court 食晚餐，填飽個肚至有體力掃貨嘛！超市收十點半，真係要分秒必爭！！！

由於時間唔多，我哋都買得好匆忙 … 慣例地，細細粒係買得最少的一個，只用上 315 baht；買得最多係阿哈，幾大袋之餘，仲要 “納" 埋個紙皮箱，睇嚟，阿哈會取代高妹，成為今次曼谷行嘅『出血天后』吖  ^0^

BigC 關門正是我哋離開之時，乘 BTS（Saphan Khwai → Ratchadamri）返酒店去

呢兩位靚女賣梗橙汁廣告？

是晚宵夜：番石榴（超淡）＋大樹菠蘿（超甜）

返抵酒店，阿哈同高妹都忙於『砌俄羅斯方塊』，我就梗係第一時間洗白白喇！

早出晚歸的一日，同樣一點幾至 ZzzZzz

（待續）

Read Full Post »

行程嘅第二日係星期六

血拚 Chatuchak (JJ market) 係呢日嘅主要節目，這個週末市集，面積有 80 多個足球場大，過萬個檔口，貨品種類五花八門，要穿梭其中，都要一定體力，向 JJ 進發前，當然要先醫飽個五藏廟喇！

昨夜臨瞓前，大家已經傾好，呢日嘅早餐會去鄰近酒店嘅 Peninsula Plaza 嘅 Provence 食個好出名，三十幾蚊（135 baht）嘅魚蛋粉，仲講到鬼咁開心 … 旅遊書註明十點營業 …. 我哋 0945 係酒店行過去（唔使五分鐘）…

喔！坐下，影影相 … 十點，無人招呼，侍應嘅眼神仲怪怪的 … 經追問下，始知是十一點至營業，怪不得侍應報以不友善眼光，覺得我哋攪攪震無幫襯喇 … 一早食咗個『閉門羹』添！！

唉！呢日嘅時間好緊迫嘛，無端端係這兒 hea 咗半粒鐘 … 決定去到 JJ 至食早餐！

乘搭 BTS (Ratchadamri → Mo Chit) 前往 JJ 都要大半個鐘 …

先搵食，平價魚蛋粉，好好味o架！不過環境就差ｄ，好熱呀！邊食邊滴汗

食完嘢，就緊係開始 shopping 喇！行到兩點幾，唸住搵番之前幫襯過嘅泰國菜餐館，點不知兜咗幾轉都搵唔到，最終都要放棄，只隨意係路邊檔醫肚 … 四點幾，攰攰地，係 MangoTango 食甜品，小休一會 … 再繼續 shopping，約七點離開 JJ。

點解咁早走？？因為我哋要趕下場呀！

今日都有ｄ收穫o架！

 一碟一碗共 650 baht

 坐檯燈 250 baht

先返回酒店梳洗換衫（十二月都成卅幾度，超熱，行完 JJ 成身臭汗 ），因為我哋呢晚會去 C’est Bon 嘆法國菜

Address: G/F, President Tower Arcade, Intercontinental Bangkok Hotel

點咗 set dinner (990 baht + 10% service charge + 7% government tax) x 3

以 ~HK$300 係一個環境舒適兼食一個 9 道菜嘅法式 dinner 來講，可說是超值；當中最失色、最令我哋失望嘅係甜品囉！心太軟，個心居然凍咗，有無搞錯呀！

1. Manguro tuna with sesame, lemon, dill & wasabi dressing
2. Pan fried goose liver with raspberry sauce
3. King clams & mussels served with garlic, chili, tomatoes & white wine cream sauce / Green cos salad serves with bacon & croutons, parmesan cheese dressing
4. Pumpkins cream soup with croutons / Lobster cream soup with cognac
5. Sorbet
6. Spaghetti with crispy bacon, garlic & chili
7. Grilled salmon served with pesto sauce  / Roasted Australian rack of lamb served with ratatouille, rosemary sauce
8. Warm chocolate cake with vanilla icecream
9. Coffee / Tea

 細細粒最喜歡嘅 3 道菜

食完餐法國菜都已經十一點幾，四周店舖多關了門，慢慢步回酒店吧！

呢晚同樣接近零晨兩點至瞓 …

吖！我哋係酒店前往 C’est Bon 沿途影咗ｄ相

（待續）

Read Full Post »

十二點幾抵達 BTS Chit Lom 站，距離我哋今次下榻嘅五星酒店 Grande Centre Point Hotel & Residence Ratchadamri 其實只需約 10 分鐘步程，但因為不熟路，途中要問路，兜兜轉轉就花上了廿幾分鐘。

我哋入住 Grande Deluxe 房，面積有 44 平方米，不過實不相暪，呢間其實係二人房，因為買 package 時，Executive Suite（一廳一房，72 平方米）已 full booking，旅行社職員建議我哋『屈蛇』，據了解 GCP 屬 serviced apartment，即使 grande deluxe 都相當寬敞，房內另放有一張足以成為細細粒嘅床舖嘅貴妃椅，所以最終採納了屈蛇嘅建議。

我哋入住屬低層嘅 25 樓，景觀也十分開揚，面向廣闊嘅高爾夫球場；房間果然好闊落，更備有廚房、餐桌、微波爐、廚具、餐具、洗衣機、40 吋 LCD 電視、Fax 機等。

 呢張就係細細粒瞓咗三晚嘅貴妃椅

安頓好，都已經三點，當然係先出發醫肚喇！我哋打算去水門街嘅 Kaiton Pathumwan 食海南雞飯（09 年去到收咗鋪，無得食）；噢！今次又咁啱遇上收緊鋪（原來每日 1500-1700 係休市o架），無法喇！惟有幫襯附近另一間，點了一人一客海南雞飯（09 年係臨別前嚟過買外賣！），味道都相當唔錯。

食飽飽，先搵 SuperRich 兌換泰銖。離開時，係街口碰上賣『沙糖桔』榨汁，我哋好興奮呀！事關上次 09 曼谷行嘅最後一日曾經飲過，一飲就愛上，它比橙汁更好飲；今次嚟到，當然要一飽口福喇！

 晚飯後，仲買咗半打返酒店添！yummy

大家拿住支果汁邊行邊飲，話咁快就行到大型超市 BigC 嘅所在地，不過 BigC 就唔見咗，因為數月前被暴徒縱火焚毀嘅 BigC，因為結構受損，需要拆卸，眼前只剩一個地盤。

之後過到對面嘅百貨公司 Isetan & Central，據知它們同被暴徒破壞過，經一輪翻新後，大部份商店已重新開業；不過相連嘅 Zen 就依然封著圍板，未能重開，我哋係ｄ畫滿圖畫嘅圍板前影咗ｄ相。

行到攰攰地，當然要去 Chaho 抹茶店坐下喇！09 年在誤打誤撞之下喝過 Chaho 嘅綠茶豆奶、乳酪後，對那味道仍念念不忘；大家於出發前，早就講明一定要再來一次。

＊ 今次試咗曲奇、紅豆芝士餅、cappuccino

充完電，繼續 shopping；商場聖誕氣氛濃厚，我哋邊行邊影相 …

＊ 大家係第一日就有收獲，包括 boots、蝴蝶袋、內衣褲、零食

 阿哈呢日最開心係買咗呢 3 支蘋果汁

行下食下，不經不覺已九點，店舖陸續關門，所以我哋隨意係商場內搵咗間拉麵店醫肚，味道一般喇！

晚飯後，細細粒要求返酒店休息，皆因整天都頭赤赤，痛都想嘔，但為免影響佢哋兩個興緻，所以一直沒有出聲 … 一返酒店即食咗粒特效必利痛，唔使半粒鐘，舒服晒！

呢日晨早起身出發，以為早ｄ返酒店會早ｄ瞓 … 3 個死黨走埋，話題不盡 … 傾下講下，零晨一點幾至瞓。

（待續）

Read Full Post »

10/12/2010 細細粒跟兩位旅伴 harmony & grace 約好 0700 機場見，小妹同阿哈先後到達 …

有驚無險嘅事就發生：高妹竟然唔知醒 … 0655 細細粒打電話比佢，噢！benny 接電話？！？哎呀！嘈醒咗佢添，真係唔好意思 …

十多分鐘後，benny 來電稱高妹剛上了的士，趕緊嚟！原來佢唔知醒呀！

小妹跟阿哈都心急如焚，先向 counter 問問最後 check in 時間 … 0735，我倆唸到萬一趕不及，惟有將佢個喼棄置，改為 hand carry，於是預備了幾個環保袋 …

好彩 … 最後一秒趕到，無誇張，真係最後一秒，counter 職員正準備撤退之際，高妹拉著行李飛奔著，最終趕及，真係一額汗！！實在要多謝個位的士司機，由康山到機場只用上廿五分鐘，勁！

查實高妹都係情有可原嘅，事關佢要忙於準備搬屋，晚晚都半夜三更至有得瞓，唔攰就有鬼喇！

跟 09 年一樣，乘搭 OX 0855 航班飛往曼谷新國際機場 Suvanabhumi International Airport

不過今年我哋抵達曼谷後，決定唔做伸手派，因為新機場鐵路，在 2010 年 8 月 12 日泰國皇后生日已正式營運；不用再費周章找的士出市區酒店，亦不怕言語不通引起誤會，交通上的煩惱一掃而空！

領取行李後，一路順著「Train to City」的指示牌去到 B 層，就可以搭機場快線 City Line 了。到售票機買票，分別是賣 Express (紅色線) 及 City Line (藍色線)。City Line，費用是 15 銖，即港幣四元，超平！全程 30 分鐘，搭到終站 Phaya Thai 便有天橋直駁至 BTS，之後就真係想去邊都得。比起時時塞車及動輒三四百銖嘅的士實在方便、便宜，相信可令曼谷更受自由行旅客的歡迎。

細細粒對機場鐵路又並非有讚無彈，個人認為遊客去程時搭就無問題，但回程就有所保留；因為由鐵路到 BTS，沿途需多次上落樓梯，並無升降機之類嘅協助，真有點兒吃力！ 去程個喼唔太重，還可以；回程，就咪囉！無謂攞苦嚟辛喇！

機場鐵路資料：

分兩條線 SA Express 和 SA City Line。

SA Express Line：屬快線，不停站來回機場同市區嘅 Makkasan 站，全程只需 15 分鐘，收費 150 銖 (約 $36)。

SA City Line：合共有 8 個站，包括機場、Lad Krabang、Thab Chang、Hua Mark、Ram Khamhaeng、Makkasan、Rajprarop、Phaya Thai，全程 30 分鐘，都快過坐的士，收費平好多，只係 15 至 40 銖 ( $3.6 至 $9.6)，便宜到你不相信！而每隔二十分鐘就有班次開出，相當頻密。終站 Phaya Thai 落車最方便，有天橋連接地鐵 Phaya Thai BTS 站。

（待續）

Read Full Post »

2010 年即將過去，係呢年細細粒沒有長線遊，大部份都是短程的中國大陸遊： 

“旅遊事件簿"

Read Full Post »

來去匆匆 ……

0930 金光飛航 → 澳門氹仔碼頭

1200-1430 凱旋門 lunch buffet

1700-1830 水舞間 (特別場)

1930 金光飛航 → 香港上環信德

昨天又去了澳門一趟，這次沒打算以有限的時間挑戰無限的美食誘惑，只選了凱旋門酒店四樓咖啡廳慢嘆 lunch buffet。

細細粒一向對澳門的印象不錯，喜歡她仍可保留大量古老建築，大街小巷彷彿也充斥著段段花樣年華的陳年往事，蘊藏濃厚的舊日情懷。除了美食、賭業、懷舊氣息外，近期澳門更成為了大型藝術表演集中地。

此行另一目的就是欣賞堪稱超越拉斯維加斯的大型水上匯演《水舞間》，整場表演藉著水陸多變的舞台和公主與英雄、邪惡與正義相爭的故事，將高台跳水、高難度體操、亡命飛車、空中飛人與馬戲雜技，包裝成一個極盡視聽之娛的震撼製作。由於場地不算大，座位離台頗近，每當水陸場景轉變，表現者近距離爬出水面的各種驚險場面，都令人緊張得透不過氣。

在這個不斷變化的水舞台上，是才能、團隊、默契的華麗結合；通過視、聽、觸、感、味覺以及科技，帶領觀眾進入不同時空的感官世界，去經歷喜、怒、哀、懼、愛、惡、慾這七種情緒。

《水舞間》的表演時間只有七十分鐘，然而台上的每一位演員都花了數年時間去排練；成功背後是努力、嘗試、失敗、反思、再嘗試、堅毅磨練！

人生舞台也是一個感覺的流程，是理性與感性的結合，只是我們都不知道何時是閉幕的時候；然而我們雖不能決定生命的長度，卻可以控制生命的寬度。只要演對角色，性格健康穩定、表裡一致的話，那當下的選擇就是最合適和最好的選擇。

不論是親情、愛情、友情，能夠在人生舞台上相遇的都是緣份；有些人有緣無份，有些人有份卻無緣。然而就算有緣又有份，若希望一段關係長久的話，就要懂得珍惜；時間資源有限，機會過了就是過了，再來的機會是另一件事情，所創造出來的是另一個結果。

言歸正傳，《水舞間》的女主角梁菲，曾奪得多項國際芭蕾舞獎項，其天生優雅的公主氣質，在整個演出中以飄逸的服裝，展露出具說服力的氣質，大增劇中的浪漫愛情元素；這位東方公主，在整個製作中，不僅古今時空交錯呈現，更增加了其中的東方元素。

純看故事，內容 4 個字就能概括：『英雄救美』。但若以特技、舞台設計、燈光音效來看，《水舞間》可謂一絕。各項挑戰人體極限的特技表演確令人目不暇給，『玩命』之餘，『玩水』亦玩到淋漓盡致，可謂絕無冷場。綜觀而言，全劇略有堆砌驚險之嫌，但只是付出數百元，就能觀賞籌劃 5 年、耗資 20 億港元的驚世鉅鑄，還是十分化算。

《水舞間》由世界享負盛名的靈感創作大師 Franco Dragone 特別為新濠天地全新製作，目前全球已有超過 6,500 萬人體驗過這位天才導演的精彩奇藝。

為了打造《水舞間》這齣空前鉅製，新濠天地特別興建備有頂尖科技器材的劇院，其舞台泳池容量破紀錄地高達 370 萬加侖，相等於 5 個奧林匹克標準泳池的容量。《水舞間》更糅合了前所未有的高難度特技表演，配上絢爛炫目的服裝及匠心獨韻的空間設計，完美演繹出一個穿越時空的浪漫傳奇。

故事內容：《水舞間》創作靈感源自中國文化，以穿越時空的史詩式愛情故事為題，整個《水舞間》是屬於安妮公主的國度。《水舞間》故事發生在一個奇妙國度，國王育有兩名兒女，貌美的大公主為早逝的仙女所生；二王子雖為惡毒的蛇蠍女王所生，卻酷愛和平。國王死後，繼母蛇蠍女王為使親兒登上王位，於是把公主驅逐並困在籠裏。但是，被囚禁的公主，其絕望的呼喚卻掀起一股神秘力量，一場暴風雨令事情峰迴路轉，暴風雨將英勇的青年沖到岸上，他最後成為拯救公主的英雄。這故事實在與和路迪士尼的卡通片有幾分相似，編劇的也是外國人，他們在驚險重重、穿越時空的史詩式愛情故事加入了中國元素。表演中有高空跳水，電單車飛躍舞台等高難度動作，和特技效果。

 《水舞間》大解構：推介 5 個必睇位

第一位：至先進舞台：台下有 11 部輔助舞台的水底升降機，只要製作人員按動開關，便可在 1 分鐘內把 26 呎深的大海變成陸地，瞬間又能把平坦的陸地變成怒號的大海。舞台還配合多種特別設備，包括噴射 18 米高水柱的噴泉，又可變為音樂噴泉。每分鐘在池中打進 12.5 萬公升空氣，可製造煙霧迷漫、沸騰洶湧、降水潮退及煙火紛飛的特殊效果。

第二位：軍式下水禮：最深刻印象首推海難序幕，三支兩層樓高的船桅從舞台緩緩升起，約 30 名特技演員在船桅上爬上爬下叫救命，然後輪流從兩層樓高的桅杆跳入水中，水花四濺，一開幕先來個震撼感，鋪排之好足令觀眾都拍爛手掌。

第三位：人肉水晶燈：一般馬戲團內，人肉水晶燈會由 3 人組成，但《水舞間》這盞水晶燈卻是龐大版，足足有廿人之多。他們全穿著銀色的閃衣，在約 15 米高空的吊架上做出一連串的反身、懸掛、走位、垂吊和騰空等動作，真是少些臂力都不可。最難得是廿人行動一致，沒半點差異，勁！

第四位：勁 fing 鞦韆俠：不少場景都是過場式插播，如一幕俄羅斯韆鞦跳水隊。隊員被大鞦韆 fing 上半空，再如人肉炮彈般從 3 個方向跳出 20 多米高空，並做出一連串騰空翻身打觔斗等花式跳水動作，之後再趺入水中，確實超高難度。

第五位：亡命高台飛車：這幕有 7 位專業電單車特技人高速飛越 15 米高、20 米寬的高台，並做出一連串飛躍、翻騰等高難度動作，看得人心跳加速，忍不住大叫起來。

睇 SHOW 小貼士 

1. 劇場共分 4 個票區，可容納 2,000 名觀眾。想睇得最清楚當然係揀正前方最高位置的 VIP 區，但票價動輒千多元。幸好舞台採用 270 度設計，故側角度的效果也不俗，票價為 $680 及 $880。
2. 前排 C 區位置會濕身，但可跟演員近距離接觸。
3. 場刊要錢買的，每本 $150，持門票購買亦要 $120。由於全劇無字幕和對白，不少情節頗為抽象，所以手持場刊會有助了解劇情。

Read Full Post »

這幾年間，泰國出現過好幾次的大型動盪 — 紅衫軍和黃衫軍的連番對峙，四面佛被毀，曼谷機場被佔 …… 這些事都令很多遊客對曼谷卻步，慶幸每次出事後約三個月，一切又回復正常，無礙細細粒和兩位好姊妹 (harmony & grace) 三人年尾『曼遊』的計劃。

今天就是我們期待已久的日子，出發喇！！

航班資料

去程：10/12/10  OX 203  08:15/09:55

回程：13/12/10  OX 200  16:50/20:40

Read Full Post »

DAY 1　　

抵澳門連過關已是下午 12:30，趕快乘巴士前往路環，惟碼頭旁的巴士站沒有合適的巴士 … 唸了一唸．吖！一於先乘新濠天地／威尼斯人渡假村嘅 shuttle bus 過氹仔，再轉車吧！

我倆很快已找到了位於新濠天地對開的巴士站，等了約十分鐘，上了21A ($4.4)，轉眼間便抵路環市『里斯本地帶餐廳』食晏

路環市中心水鴨街的「里斯本地帶餐廳」，餐廳分兩層，有如歐陸式小屋。

餐廳小小，環境清幽，佈置優雅

二樓有一個小露台，放有四張二人檯

餐廳不供開水，客人需 order (每樽 $24)；餐前先來一碗橄欖供你開開胃，另有一籃熱烘烘的麵包

我倆點了以下食物，埋單 $500。主菜一到，細細粒就顧著食，忘記了影相，直到甜品來到才如夢初醒 …

• 薯蓉青菜湯 $40　

• 炸馬介休球 $70　

• 炭燒原條鱸魚伴薯菜 $150　

• 露荀磨菇意粉 $110

• 雞蛋布甸 $50（太甜）

食飽飽，順道於附近逛逛 …

聖芳濟各教堂

可能路環始終較為偏遠，所以即使是週日，人流亦很少

路環市有好幾間餐廳，這是其中一間叫『雅憩花園餐廳』，其門外放有這個大頭四眼公仔

離開路環前，當然要一嚐『安德魯餅店』的葡撻喇！

每個 $8；聞到香噴噴，即使怕熱氣都忍不住食了

之後乘巴士折返威尼斯人渡假村

係外圍影完相，我倆入了賭場行了一轉，用了 $300 投注，結果係 … 財散人安樂！！！！

因為下晝食得太飽，所以晚餐決定到 『六記粥麵』，來個 light dinner

數年前一講起水蟹粥，細細粒只會想起官也街的誠昌飯店 (近年水準每況愈下)；加上自從兩年前，winnie 帶我試過 “六記粥麵" 的水蟹粥之後，每當想食水蟹粥，六記就成為不二之選了 (每碗 $50)　＜小窩 $120；大窩 $150＞

六記的雲吞都是不可不食 ($19)

晚飯過後，走進大三巴，議事亭附近遊逛，目的是幫助加速消化，因為細細粒打算再戰 『九如坊』

返酒店前，雖則仍飽著，仍堅持前往 『九如坊』

目的就是這件木槺蛋糕 ($58)，實在令人一食難忘 (2005 年，grace 兩姊妹 + 細細粒兩姊妹，結伴澳門行，當日 grace 介紹之下，便從此愛上)，定要一食再食，份量不算大，確實是貴了一點，但貴得有道理，那高水準之作絕對是值回票價。細細粒喜歡它那凍實的口感，煉奶和淡忌廉的份量和比例調配得剛剛好，不會過甜，很香滑很好味

今天個五臟廟好滿足，九點幾了，是時間步行返回酒店喇！

DAY 2

食完早餐，先回房間收拾行裝，hea 一會。接著前往漁人碼頭閒逛兼拍拍照 ……

依舊人煙稀少

不久，細細粒又口痕，想找食 …… 好！一於食我的至愛，香滑豆腐花 — “榮記" + dick 少最愛的 “耀記”椰汁

好香滑的豆花，$5@，超抵食，正！！！另點了一碟咸味，$10@

$15 一杯，都幾貴，dick 少飲完後投訴肚仔唔舒服；而細細粒向來很怕椰子味，所以無飲，好彩！！

12:30 先返酒店 check out，並寄存行李

之後步行往美高梅金殿酒店參觀一下，第一次踏足，好 grand 呀！

拍拍照 ……

臨近聖誕，酒店佈置得美輪美奐，充滿節日氣氛

離開美高梅，走到手信街買了幾盒杏仁餅，然後折返十六浦酒店

由於入住時獲送 $100 餐飲優惠券，所以與 Dick 少回酒店大堂吧嘆個下午茶；酒吧的布置幾優雅，梳化椅又多又闊落，空間感不錯，是偷得浮生的好地方

$195 tea set for 2ps

嘆完下午茶已近 4:00，於酒店櫃檯取回行李；乘 shuttle bus 到碼頭搭 4:30 船離開

（完）

Read Full Post »

DAY 1　　酒店掠影

乘搭早上 11:00 turbojet（不過 10:30 已抵上環信德中心，因為要先到明星旅遊門市部，憑 confirmation letter 兌換船票）。1 小時船程一陣子便過 (全程睡魔急 call)，抵達澳門，嘩！人山人海，花上 20 分鐘才過了關卡，由於已屆 lunch time，決定先趕往路環尋食 (里斯本地帶餐廳)，直至下午 4:30 才返抵下榻酒店 check in。這間酒店相當不錯，一定要拍拍照喇 ……

大堂佈置典雅舒適

 升降機頂上鑲滿了玻璃裝飾，透過燈光的反射，感覺很美

打開房門給人好簡潔舒服的感覺，我最喜歡近窗的那張椅

可以一面浸浴一面看電視

左邊是有幾個按摩花洒頭的淋浴室

 洗手盆旁邊放有 L’OCCITANE 洗頭水、護髮素、沐浴露與潤膚霜，還有香皂

晚上的酒店外貌份外瑰麗

DAY 2　　酒店早餐篇

翌日早上 9:15 已抵酒店六樓餐廳 MISTRAL 享用早餐 ……

麵包非常好食

有多款的粟米片給你選擇

奶類有脫脂奶、低脂奶、全脂奶、純牛奶、高鈣低脂奶與豆奶

白粥與粟米瘦肉粥，材料可自行配搭

無論早餐如何豐富，細細粒選的都是如此吧！

餐廳外面是泳池，有人選擇在泳池旁邊的餐枱吃早餐，吸收一下新鮮空氣。環境很寧靜優美，食完早餐出來走走亦好舒服呢！

（待續）

Read Full Post »

剛從澳門回來 …

下月中將會到澳門觀賞水舞間，原本沒打算在那天之前再往澳門，最終卻折服於 Dick 少的堅持之下，於昨天去了一趟。（聽來有點難為，但不要誤會，純粹不想太花費吧！）

出發前，Dick 少上網經明星旅遊訂了套票 (HKD$1,840)：

十六浦索菲特酒店套票

Sofitel Macau at Ponte 16

套票詳情：

• Superior Room 客房住宿一晚。
• 兩份自助早餐，並於酒店內 Mistral Restaurant 享用。
• 價值 $100 餐飲券，可於澳門十六浦及澳門十六浦索菲特大酒店內任何一間餐飲設施消費。
• Turbojet 噴射飛航來回港澳船票 2 套。
• 酒店往來碼頭交通接送。
• 價格已包含包括出入境稅，旅遊業印花稅。
• 價格已包含 15% 酒店服務費及政府稅。

兩日一夜的行程如下：

第一日

住宿        ：    十六浦索菲特大酒店 (Ponte 16)

午餐        ：    里斯本地帶餐廳

下午茶    ：    安德魯葡撻

晚餐        ：    六記粥麵

甜點        ：    九如坊餐廳

是日活動：    閒遊路環市中心、到訪新濠天地、威尼斯人渡假村、

　　　　　　大三巴、議事亭 

第二日

早餐        ：    酒店 buffet

甜點        ：    榮記豆腐花 + 耀記椰子汁

下午茶    ：    十六浦索菲特大酒店大堂吧 Rendezvous

是日活動：    漁人碼頭、到訪美高梅金殿酒店、買手信 

（待續）

Read Full Post »

今早 7:30 上環信德會合 bonnie & 梓銘，乘 8:00 巨龍航班前往澳門

抵氹仔，即打的往旅遊塔 (因梓銘未曾到此一遊)，是日吹強風，細細粒東歪西倒 …… 剛有四位日本妹玩笨豬跳，駐足觀看，睇得膽戰心驚

接著再打的往新濠天地，先取過 12:30 天幕龍騰入場票 (其實 bonnie 同我都已經睇過兩次，但梓銘未睇過)，順道訂購

“水舞間門票"

可能時間尚早，不用排隊

售票員向我表示不設揀位，由電腦隨機派位，小妹向他表示只欲購得靚位，價錢不是問題，他相當 nice

小妹一次過給他 6 個星期六的日子，他竟然逐一查看售票情況，並將之先記錄下來，然後讓小妹從中揀選

最後我買了 18/12/2010，B 區 501 段 G 行 1-5 座位，票價 $680 共 5 張 (用新濠 member card 可享九折，citibank visa 則八五折)，位置剛貼近 VIP 區，超正！Bonnie 跟我都感到非常滿意和雀躍呀！

看過龍騰，再打的前往官也街買手信和食晏，突然下起雨來，即走進波爾圖葡國餐館避雨兼醫肚 (3 x set lunch + 豬扒包)；之後去了威尼斯人渡假村逛逛和影相

最後乘 5:00 航班折返香港

Read Full Post »

不經不覺又一年喇！

去年十二月，細細粒同 harmony & grace

去曼谷玩咗 4 日

勁開心，仲滿載而歸添！

嚟緊十二月我哋三人決定再戰曼谷 (10-13/12/10)

還記得去年因為懶懶閒，遲訂 package

結果揀無可揀之下，迫住揀 d cheap 酒店

為免重蹈覆轍，今年一於早兩個月去搞搞

呢日，細細粒就去咗旅行社

實在無唸到機票和酒店已相當緊張

細細粒穿梭各大小旅行社近三粒鐘 ……

幸皇天不負有心人

最終都 book 到我哋一致想住嘅個間 5 星酒店

(機票 + 酒店 + Tax)

去年，$3,080 住 3 星

今年，$2,936 住 5 星

而家 package 備妥，仲有大把時間 plan 行程

就靜待那一天嘅來臨吧！

Read Full Post »

今早 7:15 約咗 Bonnie 係上環信德中心

我哋兩個一起過大海吖！

搭巨龍，$88 來回港澳，利用新濠會會員卡，由實惠位升級至豪華位

頭尾 8 粒鐘

主要係食下，逛下，玩下，總之就係 hea！！

今日帶咗相機，不過無影過相

食咗：

(1) 三元粥品專家 (鯇魚片粥)

(2) 雅香 (緬甸魚湯粉，緬甸撈麵)

(3) 莫義記大菜糕 (綠茶，菠蘿)

(4) 頤德行 (豆腐花)

(5) 九如坊 (三文魚梳乎厘，木糠布甸)

逛咗：

(1) 大三巴

(2) 手信街 (買咗咀香園杏仁餅，鉅記花生糖 + 蛋卷 + 肉乾)

(3) 路氹歷史館 (入場費 $5)

(4) 新濠天地 (觀賞天幕 — 龍騰)

玩咗：

(1) 威尼斯人渡假村 (老虎機 — 各花 $100)

Read Full Post »

Read Full Post »

<行程簡介>

Read Full Post »

Read Full Post »