下個月 10 號又飛喇！

(10-13/3/2011)

呢次會同 bonnie 一齊飛去 Bangkok 逗留四日三夜

又係 Bangkok ？？？

大家無眼花，真係又係 Bangkok 呀 ！！！

係 Bonnie 好想細細粒陪佢去一趟

見佢盛意拳拳，應承佢喇！

呢次都係幫襯『新怡旅遊』

機票 + 酒店：$2,690-@

乘坐 OX

住宿設計型格嘅 I Residence Hotel – Silom

雖然距離出發尚有三個星期

之不過，細細粒已經上網跟當地旅行社聯絡

計劃好行程第二日 join local tour

去邊？唔講，係度賣個關子！

Read Full Post »

快樂嘅時光總是過得特別快，

四日嘅旅程轉眼已到了最後一日

陽光普照嘅一日

今早同樣是細細粒最早起床，亦由我負責 room service

呢日下午一點半就要前往機場，所以時間有限

十點幾起行往 Central World 逛街，影影相；主攻 Isetan 超市，嘩！阿哈和高妹又大手掃貨呀！

途經家品部，高妹睇中一個空氣淨化機，千幾蚊，心思思想買

既然都係時間要返酒店 check out，稍後會再折返，比時間佢唸下喇！

返回酒店，收拾細軟，將之寄存；三人又再次出動，去邊？去醫肚吖！

細細粒係 day 2 遊記曾經提及鄰近酒店嘅 Peninsula Plaza 嘅 Provence … 當天食咗個『閉門羹』！！

大家都心心不息，所以係臨走前決意再去一趟 … 果真好好味o架！135 baht 一碗魚蛋粉以當地消費指數嚟講絕對係貴，之不過一場嚟到無理由唔試下！

食完再折返 Central，順道幫襯 Chaho … 時間緊湊

雖則一個簡簡單單嘅午餐，只要係知己共聚，一樣可以食得好開心，好滿足

 呢個就係高妹買咗嘅淨化機

一點幾，摩打腳急步返回酒店取過行李，打的趕抵機場

行李過磅 … 噢！又 overload 吖！去年超重７kg，高妹係 “罪魁禍首"；今次超重９kg，輪到阿哈 “出事" … 又要即場減磅 … 幾經努力，仍未達標 … counter 個靚仔見我哋實在無計可施，隻眼開隻眼閉，好心放過我哋

登機 … 嘩！靚仔畫咗機頭位比我哋呀！係第四行呀！飛咁多次都係第一次坐咋！好興奮啊！

我哋嘅行程就此畫上一個完滿句號

呢堆就係細細粒買嘅手信，一睇就知導致超磅唔關我事喇！

Read Full Post »

行程第三日，節目一樣豐富 …

今早，細細粒有個特別任務 …

就係去酒店餐廳 pack 早餐，因為我哋入住二人房，只得兩張早餐劵，若然另買一張早餐劵，再三人一齊落餐廳，又有點礙眼 …

早前從別人嘅 blog 知道，呢間酒店可容許住客 pack 早餐上房，所以小妹就負責 room service。講真，餐廳經理真係好 nice，佢幫手 pack 之餘，仲話幫我送上房添！

食完早餐，揸揸臨起行，乘 BTS（Ratchadamri → Phrom Phong），我哋要趕住去 Asia Herb Association 充電呀！

每次來到曼谷，定必心癢癢來個 massage，貪其價錢便宜、環境靜謐優雅以及空間寬敞舒適，而這間由日本人開的 AHA 更是我們三人一致喜愛的 “叉電站"；店子裝修帶和式嘅清雅味道，陳列簡約加上柔和的音樂，氣氛夠 relax。店內更有獨家混合草藥調製的草藥球按摩，是小妹的必試項目，草藥球的熱力加上香味，按摩時分外舒適。今趟是細細粒第三次光顧，一於試個新 package ……

早在出發前，已上網 reserved 了一個 4 小時的項目；安排於行程第三日的上午十點：

Asia Perfect Body & Foot [4 hours] (Regular price 2,500B → 2,250B)

1. Kon nyaku enzyme body scrub 60 min
2. 100% Pure blend oil body massage 60min
3. Organic herbal ball for body 30min
4. 100% Pure blend oil foot massage 60min
5. Head & shoulder massage 30min

http://www.asiaherbassociation.com/

之前兩次光顧都覺得好滿意，沒料今次卻大失所望：

• 1 hour 30 mins ~ foot, head & shoulder massage 安排咗係地下一間三人房，坐在按摩椅，先按腳，後按肩頸，不過按摩過程令人感覺唔舒服之餘，亦感到按摩師不就手，肩頸位根本係按咗等如無按

• 要我哋兩頭騰：按完腳、肩之後，要我哋轉去另一座嘅二樓房間。我哋都幫襯過唔少按摩店，從沒試過要中途轉房，客人好多時係按摩過程中都會眠一眠，怎料到會被叫醒，叫你轉房；更何況 AHA 規模都唔細，加上我哋已經事前預訂好，無理由安排得如此失當

• 個間二樓房超殘舊，好似好耐無人用過咁款，浴室更是殘舊不堪，無熱水、無沐浴液、地下去水位又淤塞，ｄ水倒流入房，真係嚇死人！現在唸起都火滾！！！

• 明知ｄ客 “光脫脫"，間房仲開勁大冷氣，我哋凍到騰騰震，要求將溫度調高；轉過頭，佢哋又較回勁低溫，我哋知道按摩師用力按摩時會覺得熱，會出汗，但我哋係客，總無理由要ｄ客去遷就佢啩！

1500 離開 AHA，係附近 Emporium 嘅 food court 嚟個 quick lunch

之後再到 NaRaYa 逛逛，蝴蝶袋是阿哈的心頭好，雖然第一晚已經係 central 分店 “破咗財"，之不過每間款式總有差異，想找齊目標，總需走訪幾間呢！

＊ 食咗鴨飯同埋湯粉

我哋點解好似咁趕時間？

因為我哋決定再去 JJ market 呀！Oh！Let’s GO GO GO …

BTS（Phrom Phong → Mo Chit）又大半粒鐘

去到 JJ 五點有多，依然十分擠迫，部份有瓦遮頭嘅店舖陸續關閉，流動小販則爭相擺賣 … 逛著逛著，喧鬧嘅市集一下子靜了，國歌奏起，全體肅立；我哋當然都要入鄉隨俗喇！其實細細粒係兩秒後至識得反應，呢次係第一次見到，覺得好搞笑！

我哋今趟主要想買香薰，仲係想搵番去年幫襯過個間，其實昨天已搵過但搵唔到 … 哈！今日居然比我哋誤打誤撞搵得番，依舊係個位 “矇下矇下" 嘅靚仔看舖，價錢貴咗，所以買少咗 … 轉眼間，天黑了，原來已經七點幾，要轉戰 BigC 喇！

由於 Central 對面間 BigC 仲未開番，所以今次要去到鄰近 BTS Saphan Khwai 站分店。

乘 BTS（Mo Chit → Saphan Khwai）只一個站，出站後已看到 BigC 個大招牌，行五分鐘就到；（係商場外買咗 3 個番石榴），先在超市樓下嘅 food court 食晚餐，填飽個肚至有體力掃貨嘛！超市收十點半，真係要分秒必爭！！！

由於時間唔多，我哋都買得好匆忙 … 慣例地，細細粒係買得最少的一個，只用上 315 baht；買得最多係阿哈，幾大袋之餘，仲要 “納" 埋個紙皮箱，睇嚟，阿哈會取代高妹，成為今次曼谷行嘅『出血天后』吖  ^0^

BigC 關門正是我哋離開之時，乘 BTS（Saphan Khwai → Ratchadamri）返酒店去

呢兩位靚女賣梗橙汁廣告？

是晚宵夜：番石榴（超淡）＋大樹菠蘿（超甜）

返抵酒店，阿哈同高妹都忙於『砌俄羅斯方塊』，我就梗係第一時間洗白白喇！

早出晚歸的一日，同樣一點幾至 ZzzZzz

（待續）

Read Full Post »

行程嘅第二日係星期六

血拚 Chatuchak (JJ market) 係呢日嘅主要節目，這個週末市集，面積有 80 多個足球場大，過萬個檔口，貨品種類五花八門，要穿梭其中，都要一定體力，向 JJ 進發前，當然要先醫飽個五藏廟喇！

昨夜臨瞓前，大家已經傾好，呢日嘅早餐會去鄰近酒店嘅 Peninsula Plaza 嘅 Provence 食個好出名，三十幾蚊（135 baht）嘅魚蛋粉，仲講到鬼咁開心 … 旅遊書註明十點營業 …. 我哋 0945 係酒店行過去（唔使五分鐘）…

喔！坐下，影影相 … 十點，無人招呼，侍應嘅眼神仲怪怪的 … 經追問下，始知是十一點至營業，怪不得侍應報以不友善眼光，覺得我哋攪攪震無幫襯喇 … 一早食咗個『閉門羹』添！！

唉！呢日嘅時間好緊迫嘛，無端端係這兒 hea 咗半粒鐘 … 決定去到 JJ 至食早餐！

乘搭 BTS (Ratchadamri → Mo Chit) 前往 JJ 都要大半個鐘 …

先搵食，平價魚蛋粉，好好味o架！不過環境就差ｄ，好熱呀！邊食邊滴汗

食完嘢，就緊係開始 shopping 喇！行到兩點幾，唸住搵番之前幫襯過嘅泰國菜餐館，點不知兜咗幾轉都搵唔到，最終都要放棄，只隨意係路邊檔醫肚 … 四點幾，攰攰地，係 MangoTango 食甜品，小休一會 … 再繼續 shopping，約七點離開 JJ。

點解咁早走？？因為我哋要趕下場呀！

今日都有ｄ收穫o架！

 一碟一碗共 650 baht

 坐檯燈 250 baht

先返回酒店梳洗換衫（十二月都成卅幾度，超熱，行完 JJ 成身臭汗 ），因為我哋呢晚會去 C’est Bon 嘆法國菜

Address: G/F, President Tower Arcade, Intercontinental Bangkok Hotel

點咗 set dinner (990 baht + 10% service charge + 7% government tax) x 3

以 ~HK$300 係一個環境舒適兼食一個 9 道菜嘅法式 dinner 來講，可說是超值；當中最失色、最令我哋失望嘅係甜品囉！心太軟，個心居然凍咗，有無搞錯呀！

1. Manguro tuna with sesame, lemon, dill & wasabi dressing
2. Pan fried goose liver with raspberry sauce
3. King clams & mussels served with garlic, chili, tomatoes & white wine cream sauce / Green cos salad serves with bacon & croutons, parmesan cheese dressing
4. Pumpkins cream soup with croutons / Lobster cream soup with cognac
5. Sorbet
6. Spaghetti with crispy bacon, garlic & chili
7. Grilled salmon served with pesto sauce  / Roasted Australian rack of lamb served with ratatouille, rosemary sauce
8. Warm chocolate cake with vanilla icecream
9. Coffee / Tea

 細細粒最喜歡嘅 3 道菜

食完餐法國菜都已經十一點幾，四周店舖多關了門，慢慢步回酒店吧！

呢晚同樣接近零晨兩點至瞓 …

吖！我哋係酒店前往 C’est Bon 沿途影咗ｄ相

（待續）

Read Full Post »

十二點幾抵達 BTS Chit Lom 站，距離我哋今次下榻嘅五星酒店 Grande Centre Point Hotel & Residence Ratchadamri 其實只需約 10 分鐘步程，但因為不熟路，途中要問路，兜兜轉轉就花上了廿幾分鐘。

我哋入住 Grande Deluxe 房，面積有 44 平方米，不過實不相暪，呢間其實係二人房，因為買 package 時，Executive Suite（一廳一房，72 平方米）已 full booking，旅行社職員建議我哋『屈蛇』，據了解 GCP 屬 serviced apartment，即使 grande deluxe 都相當寬敞，房內另放有一張足以成為細細粒嘅床舖嘅貴妃椅，所以最終採納了屈蛇嘅建議。

我哋入住屬低層嘅 25 樓，景觀也十分開揚，面向廣闊嘅高爾夫球場；房間果然好闊落，更備有廚房、餐桌、微波爐、廚具、餐具、洗衣機、40 吋 LCD 電視、Fax 機等。

 呢張就係細細粒瞓咗三晚嘅貴妃椅

安頓好，都已經三點，當然係先出發醫肚喇！我哋打算去水門街嘅 Kaiton Pathumwan 食海南雞飯（09 年去到收咗鋪，無得食）；噢！今次又咁啱遇上收緊鋪（原來每日 1500-1700 係休市o架），無法喇！惟有幫襯附近另一間，點了一人一客海南雞飯（09 年係臨別前嚟過買外賣！），味道都相當唔錯。

食飽飽，先搵 SuperRich 兌換泰銖。離開時，係街口碰上賣『沙糖桔』榨汁，我哋好興奮呀！事關上次 09 曼谷行嘅最後一日曾經飲過，一飲就愛上，它比橙汁更好飲；今次嚟到，當然要一飽口福喇！

 晚飯後，仲買咗半打返酒店添！yummy

大家拿住支果汁邊行邊飲，話咁快就行到大型超市 BigC 嘅所在地，不過 BigC 就唔見咗，因為數月前被暴徒縱火焚毀嘅 BigC，因為結構受損，需要拆卸，眼前只剩一個地盤。

之後過到對面嘅百貨公司 Isetan & Central，據知它們同被暴徒破壞過，經一輪翻新後，大部份商店已重新開業；不過相連嘅 Zen 就依然封著圍板，未能重開，我哋係ｄ畫滿圖畫嘅圍板前影咗ｄ相。

行到攰攰地，當然要去 Chaho 抹茶店坐下喇！09 年在誤打誤撞之下喝過 Chaho 嘅綠茶豆奶、乳酪後，對那味道仍念念不忘；大家於出發前，早就講明一定要再來一次。

＊ 今次試咗曲奇、紅豆芝士餅、cappuccino

充完電，繼續 shopping；商場聖誕氣氛濃厚，我哋邊行邊影相 …

＊ 大家係第一日就有收獲，包括 boots、蝴蝶袋、內衣褲、零食

 阿哈呢日最開心係買咗呢 3 支蘋果汁

行下食下，不經不覺已九點，店舖陸續關門，所以我哋隨意係商場內搵咗間拉麵店醫肚，味道一般喇！

晚飯後，細細粒要求返酒店休息，皆因整天都頭赤赤，痛都想嘔，但為免影響佢哋兩個興緻，所以一直沒有出聲 … 一返酒店即食咗粒特效必利痛，唔使半粒鐘，舒服晒！

呢日晨早起身出發，以為早ｄ返酒店會早ｄ瞓 … 3 個死黨走埋，話題不盡 … 傾下講下，零晨一點幾至瞓。

（待續）

Read Full Post »

10/12/2010 細細粒跟兩位旅伴 harmony & grace 約好 0700 機場見，小妹同阿哈先後到達 …

有驚無險嘅事就發生：高妹竟然唔知醒 … 0655 細細粒打電話比佢，噢！benny 接電話？！？哎呀！嘈醒咗佢添，真係唔好意思 …

十多分鐘後，benny 來電稱高妹剛上了的士，趕緊嚟！原來佢唔知醒呀！

小妹跟阿哈都心急如焚，先向 counter 問問最後 check in 時間 … 0735，我倆唸到萬一趕不及，惟有將佢個喼棄置，改為 hand carry，於是預備了幾個環保袋 …

好彩 … 最後一秒趕到，無誇張，真係最後一秒，counter 職員正準備撤退之際，高妹拉著行李飛奔著，最終趕及，真係一額汗！！實在要多謝個位的士司機，由康山到機場只用上廿五分鐘，勁！

查實高妹都係情有可原嘅，事關佢要忙於準備搬屋，晚晚都半夜三更至有得瞓，唔攰就有鬼喇！

跟 09 年一樣，乘搭 OX 0855 航班飛往曼谷新國際機場 Suvanabhumi International Airport

不過今年我哋抵達曼谷後，決定唔做伸手派，因為新機場鐵路，在 2010 年 8 月 12 日泰國皇后生日已正式營運；不用再費周章找的士出市區酒店，亦不怕言語不通引起誤會，交通上的煩惱一掃而空！

領取行李後，一路順著「Train to City」的指示牌去到 B 層，就可以搭機場快線 City Line 了。到售票機買票，分別是賣 Express (紅色線) 及 City Line (藍色線)。City Line，費用是 15 銖，即港幣四元，超平！全程 30 分鐘，搭到終站 Phaya Thai 便有天橋直駁至 BTS，之後就真係想去邊都得。比起時時塞車及動輒三四百銖嘅的士實在方便、便宜，相信可令曼谷更受自由行旅客的歡迎。

細細粒對機場鐵路又並非有讚無彈，個人認為遊客去程時搭就無問題，但回程就有所保留；因為由鐵路到 BTS，沿途需多次上落樓梯，並無升降機之類嘅協助，真有點兒吃力！ 去程個喼唔太重，還可以；回程，就咪囉！無謂攞苦嚟辛喇！

機場鐵路資料：

分兩條線 SA Express 和 SA City Line。

SA Express Line：屬快線，不停站來回機場同市區嘅 Makkasan 站，全程只需 15 分鐘，收費 150 銖 (約 $36)。

SA City Line：合共有 8 個站，包括機場、Lad Krabang、Thab Chang、Hua Mark、Ram Khamhaeng、Makkasan、Rajprarop、Phaya Thai，全程 30 分鐘，都快過坐的士，收費平好多，只係 15 至 40 銖 ( $3.6 至 $9.6)，便宜到你不相信！而每隔二十分鐘就有班次開出，相當頻密。終站 Phaya Thai 落車最方便，有天橋連接地鐵 Phaya Thai BTS 站。

（待續）

Read Full Post »

這幾年間，泰國出現過好幾次的大型動盪 — 紅衫軍和黃衫軍的連番對峙，四面佛被毀，曼谷機場被佔 …… 這些事都令很多遊客對曼谷卻步，慶幸每次出事後約三個月，一切又回復正常，無礙細細粒和兩位好姊妹 (harmony & grace) 三人年尾『曼遊』的計劃。

今天就是我們期待已久的日子，出發喇！！

航班資料

去程：10/12/10  OX 203  08:15/09:55

回程：13/12/10  OX 200  16:50/20:40

Read Full Post »

由 bangkok 回港已兩個多星期，老實講，個人係香港，但個心仍係曼谷，可想像到那四日三夜的旅程是何等輕鬆愉快。 

出發前，大家 plan 了一連串行程，各自心目中都有想買嘅，想食嘅，而最終亦算是 mission completed，harmony 應是最大收穫嘅一個，滿載而歸；grace 都唔弱，戰利品載滿一個大喼，細細粒買嘅相對地少，之不過三個加埋就 …… overload 呀！真係嚇死，去嘅時候個個喼都輕飄飄，返嚟就 …… 機場過磅，居然超重咗 7kg，於是臨急臨忙 “減磅"，變 hand carry。

究竟 harmony 嘅戰績如何，瞧！！…… 勁呀！

 

相片由阿哈提供

 

細細粒去旅行純粹散心，即使戰利品唔多，但收穫依然豐富，我所講嘅收穫係『一個難能可貴嘅旅行』，grace，harmony & 細細粒相識於 F.1 ，屈指一算，已廿多年，能夠保持聯繫已不簡單，今次還可以一齊出埠，真係好值得一記。實不相暪，出發前亦有少許擔心，因為以往兩次『三人行』嘅經驗都不太好，有點陰影，幸好今次我哋三伙子又好夾好開心啊！期待今後每年都有一次結伴外遊嘅機會，嗱！grace & harmony 一於每年拋低 benny & kent 一次咁多喇！！滿足一下小妹嘅心願。 

究竟呢幾日有咩搞作？？

行遍各大 shopping mall，chatuchak，BigC；食過海南雞、街邊粉麵、小食檔；嘆過兩次 foot massage & body massage

   http://flash.picturetrail.com/pflicks/3/spflick.swf  

 

這兒倒想記下一些 “驚喜事"：

1)  iberry cafe (品嚐咗有特色有水準嘅甜品)

2)  chatuchak (細細粒第一次逛呢個市集，印象唔錯，這裡可謂包羅萬有；

                        而且當日仲幫襯咗一間食物超正嘅餐廳)

3)  綠茶專門店 chaho (非常正，簡直一試難忘，所以連續幫襯咗兩日)

   

我哋係 iberry 品嚐咗呢兩款甜品，好味，好正呀！齋睇都已經流晒口水喇！

 

 

 

呢兩位靚女就係 harmony & grace

 

 

 

 

 

我哋係第二日逛 JJ market，當日行到忘形，結果兩點幾至唸起要食晏，想中嘅餐廳除咗有特色嘅佈置外，食物嘅質素亦不錯，我哋點咗春卷、菠蘿飯、炒金邊粉、椰青、香蕉汁及檸檬汁，春卷實在太好味，所以一點再點，呢餐超滿足，又唔貴，大家叉足電，再戰 JJ

 

 

 

 

 

我哋一連兩日 (day 3 & 4) )都去咗 chaho 嘆沬茶，

看！harmony & grace 幾咁偷得浮生半日閒 ……

睇真 d，day 4 個樣出現疲態，鬼咩！我哋晚晚都兩點幾至瞓

 

另 “烏龍事" 一則：

第一日蒲出機場，打的去酒店，個司機居然送咗我哋去另一間 (同集團)酒店，而我哋三個又居然朦下朦下走進 check-in，而個櫃台服務員又烏下烏下，搞咗一輪至知我哋 “運吉"，真係得啖笑，好彩我哋下榻個間酒店只是一街之隔咋。

就係呢位帶黑超嘅司機車咗我哋去另一間酒店囉！大家有冇發現佢貼咗好多不同嘅貨幣係車廂內呢！ 

Baiyoke Suite Hotel 比如期中差，雖然早知道是 3 ，預咗無得要求，房間雖大，但陳設卻十分殘舊，看似很久沒有人住過，最離譜是冷氣機不斷噴出一舊一舊嘅塵，還有大群螞蟻日日夜夜在散步搵食！最終忍無可忍之下，於第三日要求換房，可能適逢週一，我哋嘅要求好快被接納，至於服務員嘅態度，當然不太好，擺出一副唔多願意嘅咀臉，先要我哋自行把所有行李拎落大堂，我哋當然照辦無異議，亦不覺有何問題，噢！原來他們是安排了隔離嘅房間給我們，又唔早響，卻要我哋將啲行李搬上搬落，擺明玩嘢！算吧！無謂影響心情，反正沒有第二次。

雖則由踏入房門一刻開始，我哋都彈個不停，間房除咗大之外，真係一無是處 ……

5/12 泰皇壽辰 …… 當日逛完 JJ，傍晚時分先折返酒店放低戰利品，突然 …… 外邊傳來巨響，嘩！原來放煙花呀！我哋間房可以 180 度觀賞，呢個時候至發現間房仲有第二個優點喔！

呢次旅程，細細粒知道咗 ……

(1)  grace 唔可以有一刻鐘肚餓，一餓就會跌晒 watt，好似未上鍊

(2)  harmony 唔可以唔瞓或者瞓少 d，否則對眼袋同對眼有得揮

仲有第三係

(3)  meiyee 唔可以無咗呢兩位最關心自己嘅好知己

謝謝妳倆給我帶來這次愉快嘅旅程！

Read Full Post »

Read Full Post »

仲有唔夠兩個禮拜就出發曼谷喇！

 等細細粒 plan 下個幾日點 hea 至得

 相信都不外乎食，買，SPA

Read Full Post »

Read Full Post »

Read Full Post »

晚飯過後，去到 Suan Lum Night Plaza 行夜市，由於團友中有近一半係耆英，為咗顧及佢哋，要早 d 返酒店 check in，所以導遊只係比咗兩粒鐘我哋行，當然唔夠喉喇

不過重臨舊地，呢晚好明顯冷清咗，不少店舖都無開，細細粒亦無咩收穫，只買了一件 Tee (200bht)

回酒店途中遇上塞車 … 個多小時才抵酒店

夜闌人靜，又係我哋出動搵食嘅時段 … 先發現一個大排檔，不過係食火鍋自助餐，略嫌 heavy 咗 d，於是繼續搵 … 行下！行下！終於搵到一個當地夜鬼嘅大撻地 … 這兒有不少地道美食，winnie & gary 又可大快朵頤 …

夜夜笙歌，第二朝 0800 morning call，真係好鬼眼瞓 ZZZ

呢日食過早餐，約十點就去到『非洲冒險世界及暹羅動感水上樂園』(包任玩套票)

我哋先後係入場處影咗張合照，好讓大家睇下我哋“玩前玩後”有無異樣

先坐船，後坐吉普車，輕輕鬆鬆睇下 d 假嘅野生動物，另再進入『侏羅紀公園』

之後，除咗 dick，我哋５個先後玩咗 360 度螺旋翻滾嘅『沖天飛車』、極速瘋狂迴旋、俯衝、翻轉嘅『超級雲霄飛車』，細細粒真係有點暈佗佗 @.@

winnie & ricky 仲玩埋 75 米高嘅『跳樓機』，可能年紀大咗，小妹已經唔敢玩

呢日嘅午餐係園內享用 buffet …

食飽飽，我哋分道揚鑣 …. 細細粒同 dick 無去到水上樂園，只係四處影下相，仲玩咗 d 無咁刺激嘅機動遊戲 … 食下雪糕

Read Full Post »

日    期：25/2 – 2/3/2009

旅行社：美麗華

團    號：BAXX05

團    費：$1,699 + $475 + $177

去    程：OX203  0815

                (傻瓜，小妹一直以為乘坐國泰班機，到飛呢日至知係坐泰國東方，

　　　　　原來 26/2 & 27/2 出發至會提升坐 CX)

回    程：OX200  1710

同行者：Winnie, Ricky, Maggie, Gary, Dick

領    隊：黃仔 (Lok Wong) <一個懶領隊>

導    遊：劉仔 <把口無停，但講嘅嘢好悶，最好用嚟催眠>

                            http://flash.picturetrail.com/pflicks/3/spflick.swf

25/2 0500 起程，搭 taxi 到藍田接埋 maggie & gary 往機場，全包宴 $240-

0600 準時抵達，winnie & ricky 已早我哋一步到

嘩！我哋呢團有 31 人呀！有個 12 人嘅組合，全部都係耆英呀！真係嚇咗一跳

 

 

芭堤雅篇

住宿：MIKE GARDEN Resort Hotel

221/71-72 Moo 6 Pattaya 3rd Rd., Soi Chalermprakiat 1 Naklua

Bangiamung Chonburi 20150 Thailand

Tel: 66 38 416622     Fax: 66 38 420651

e-mail: info@mikegardenresort.com

www.mikegardenresort.com

 

兩個多小時機程，話咁快就到咗曼谷機場，擾攘一輪，已經十一點，接著乘旅遊巴前往芭堤雅，行程正式展開 …

第一日，基本沒什麼行程 …

中午時分，係時候醫醫肚，導遊中途放大家落車 "搵食"，我哋隨意揀咗間食店，買咗幾碗泰式湯粉，海南雞飯同埋豬手飯，好好味呀！都係花咗  280 銖咋

食飽飽，梗係四圍行下 … 見到樣古怪嘅食物，ricky 買咗一份比大家試下，細細粒因為好怕 "椰" 味，所以咪搞！一於影低佢先 … 話時話，個舊究竟係咩？點解我無問嘅！？！

                            http://flash.picturetrail.com/pflicks/3/spflick.swf

點幾終於抵達下榻嘅酒店 check in，之後大家自由活動兩粒鐘，4:00 再集合往古法按摩，係免費嘅！由於按摩師手勢唔錯，所以細細粒跟winnie, ricky & dick 就自費  250 銖多按一粒鐘 … maggie & gary 就去咗行街 shopping

The Pavlion Physical Massage 富全閣

78/67-8 M.9 Pattaya 2nd Rd. Nongprue, Banglamung, Chonburi 20260

(near Palladium Discoteque)

Tel: (038) 414-611-3   Fax: (038) 412-547

 

傍晚，係導遊介紹下，各自用咗  800 銖享用一餐魚翅燕窩晚餐，質素尚算唔錯嘅，之不過唔飽囉！無緊要喇，夜ｄ食宵夜

Kinnaree Seafood Restaurant 金娜麗海鮮大酒樓

3/4 M.6 North Pattaya Rd, Naklua, Banglamung, Chonburi 20150 Thailand

Tel: (66) 38 370852-5, 370528-9   Fax: (66) 38 370091

                            http://flash.picturetrail.com/pflicks/3/spflick.swf

之後去咗附近一個新 shopping mall "Central" 逛逛，據聞今年 23/1 至開幕架！

我哋係 "BOOTS" 掃咗一輪貨仔，好抵呀！買一送一，個個滿載而歸，小妹亦花上  2000 銖

真係想像唔到，gary 係最雀躍個位，幾乎樣樣都試上手，樣樣都喊住要買

掃完 d 唔食得嘅嘢，又係時候為今晚餐宵夜張羅一下 … 就係同一商場，買咗個 pizza + 中式點心 + 啤酒 + 多款生果 (西瓜、提子、榴槤、大樹菠蘿、金柚等)

開餐地點緊係 maggie 間房喇！呢晚吹水吹到凌晨

 

 

翌日，當團友們晨咁早 morning call 往珊瑚島干煎蝦碌之際，我哋６個就梗係自己搵節目喇！

1100 搭 "篤篤" 去番噚晚個 mall "central" 食咗餐超抵超豐富嘅日本菜，我哋喪叫一輪，個個飽到上心口，食到尾段，大家好自然你推我攘，最後 gary 就緊係壯烈犧牲個位喇！

埋單都只不過 2700 銖咋，超抵！

 "Fuji Japanese Restaurant" www.fuji.co.th

                            http://flash.picturetrail.com/pflicks/3/spflick.swf

食飽，有咩搞？

緊係做 Spa！

原定幫襯 Let’s Relax，不過既然咁鬼飽，一於四圍行下，話唔定會發現到 d 筍嘢

另外，早上 winnie 曾經上網搵到間又平又靚，可惜打電話預約又無人聽，攞住地址同地圖搵咗好耐又搵唔到，當地人又唔識，最後惟有放棄 …

之後沿途都入過好幾間睇下環境，問下價錢，順便過下冷河，其中兩間比較理想

(1)

      http://flash.picturetrail.com/pflicks/3/spflick.swf  

           

(2)              

  http://flash.picturetrail.com/pflicks/3/spflick.swf

兩者環境都相當好，而且前者價錢仲平 d 添，24xx 銖/3hrs，可惜個度只得兩間房具備按摩池，不足供我哋６位享用，所以最後揀咗  2700 銖/3hrs 個間，我哋都用咗成半粒鐘時間講價至可享用到呢個價錢咋！(原價係 3500)

 

經過３粒鐘療程，成個人醒神晒！非常正呀！果然無揀錯 ^o^

肚仔當然有點餓，又係搵食嘅時候 … 決定係附近路邊大排檔搞掂，財政大臣 maggie 派過家用，大家各自搜尋美食，結果又係 "眼闊肚窄"，咩都話想食，不過勝在又平又好味，呢餐用咗  1000 銖

                           http://flash.picturetrail.com/pflicks/3/spflick.swf

晚飯後，去咗 BigC 掃貨，都係食得嘅嘢多，呢晚又係去 maggie 間房宵夜傾偈 …

呢日整天都未有見過導遊同埋其他團友

明早我哋會歸隊，因為要跟車返曼谷 …

 

Read Full Post »

Read Full Post »

Read Full Post »

航班：香港  布吉  OX219 0830

           布吉  香港  OX218 1655

住宿：Patong Resort

 

話咁快就係布吉 hea 咗五日， 雖然無想像中咁精彩，但總算達到"過冷河，吸收日月精華"嘅目的，仲係"靈"到你唔信個隻，一抵布吉，即傳來喜訊，直頭係執番身彩，隔岸觀火 ……

 

可能因為"食神"係第一晚已經唔舒服 (先後睇咗兩次醫生，打咗 3 支針  )，搞到無晒心機無晒癮，少了佢搞搞震，大家連日來都好似洩了氣 ……  惟有寄望遲 d 再次同遊吧！

 

呢個 trip 花了近六千蚊，嘆咗 spa (3,000B/3 hrs)  、睇咗 FantaSea show + buffet (1,600B)

 

Tarn Tara Spa and Health Cuisine

Special SPA Packages

No.1 (Andaman Sunshine) 3,000B/3 hrs (summer promotion: extra 30 mins)

Steam/Jacuzzi/Swimming Pool

Tamarin Skin Exfoliation with Thai Herbs

Herbal oil Massage

Cucumber and Honey Facial Treatment

Shampoo hair creme bath & blow dry or foot massage

Thai herbal tea/fresh fruits

Read Full Post »

想到 1-5/8 去布吉島吃喝玩樂，心情好鬼興奮，皆因首次跟 "老鼠兄"及"老鼠嫂"出埠，連同"廚神"和"食神"一共 5 人

Read Full Post »