中秋節快樂！人月兩圓！

大家今日有乜嘢節目？

去哪兒賞月？(天文台預測，睇唔到月光喔！)

食過月餅未？

不知大家選擇了什麼種類嘅月餅呢？

細細粒今年既無食傳統的蓮蓉蛋黃月餅，亦無嚐冰皮月餅，

只食了 1/2 個雪糕月餅，

正所謂 "小食多滋味，多食壞肚皮"，都係少食為妙

傍晚會同屋企人去富臨酒家食飯

今日已經到了年初八

WINNIE 由年廿九開始就玩失蹤

原來去完澳門，又返咗大陸，真係快活

今日終於蒲頭喇 …… 出動拜年逗利是

一於屈佢請食飯

食小妹最愛嘅日本嘢

羽壽司果然新鮮好味

YUMMY YUMMY

三文魚壽司  吞拿魚壽司  帶子壽司  雪場蟹柳壽司  鱆紅魚壽司  鰻魚壽司  帶子加州卷

炸蝦卷  螺肉  什錦天婦羅  冷豆腐  炸蝦餃子  豬軟骨拉麵  三文魚露筍卷  炒什菜

埋單 $33X

溫度稍為回暖嘅年初七

細細粒傍晚去到 "大家姐 S WONG" 屋企開大食會

MIKO & ANGEL 兩個齊齊爽約

場面依然熱鬧，有 "麵包超人"，梓銘，錡鋻，廚房佬，MARK少

BONNIE 整晚忙過不停

細細粒就食過唔停

開開心心度過人人生日嘅初七

一連六日的新春假期轉眼便過，即使十萬個不願意，終需面對現實 …… 上班去

決定開開心心 …… 無奈 "癲狗" 瘋狗症又發作

看來新一年，細細粒仍舊被這頭狗咬著唔放 ……

一開工就比狗咬，真係大吉利是

想今年大吉大利，過番啲好日子 …… 睇怕好難

是日初四，嚴寒

幸好今明兩日仍在放假中，不用早起

明日初五，約咗肥姨係九龍灣嘆茶聚舊

傳統上，初三不宜拜年 (16/2)

細細粒就覺得無所謂喇！照樣起程 ……

噢！呢日溫度長時間維持 10 度以下，真係好 … 好 …  好 … 凍呀！！

中午聯同肥媽咪，大佬一家，二佬+嘉儀，細佬一家

約咗外婆及細舅父一家人嘆茶兼拜年

B 仔都有跟住嚟

話晒都係第一年逗利是，幾凍都無有怕 …

一於禮多人不怪 … 恭喜發財，(脷)利是逗來！！

嘻嘻！！姑媽，你仲唔派利是比我，我嚟搶o架喇！！

三點幾離開婆婆家，接著趕下場

跟星爺，jack，fanny，忠少，的爺到阿生屋企團拜

七小福有咩搞？

圍在一起玩啤牌

jack + fanny 成為大贏家

無論誰勝誰負，大家都贏得了一個和諧融洽的下午

晚飯由兩位幸運兒請客

昨日年初二

天寒地凍，還下著毛毛細雨

中午食過開年飯，隨即

趕往沙田，會合 mark 哥、家偉、俊少、gloria、恩公等

噢！好凍呀！冷得我騰騰震

踩入玉姐 + 雄哥位於富豪花園嘅大宅

兩年無見兩位小公主，嚇見高咗好多

每年一聚，雀局係主要聯誼節目

不過細細粒呢日無落場，只是間中觀戰

其餘時間有咩搞 ……

玩 Wii 吖！嘩！好好玩吖！仲玩到出晒汗添！！

不過唔夠幾位小朋友玩囉！真丟臉

哈哈哈 ~ 今日超開心 …… 好有衝動去買番套返屋企玩

晚飯一行十人幫襯樓下新光酒家 …… 飯後，九點半，小妹先行離開

幾個麻雀鬼繼續竹戰 …… 戰績如何？

聽聞係恩公一家殺三家，過咗個肥年

肥媽咪已經有好多年沒有留港過年了

難得佢今年決定唔再跳出香港

細細粒當然要趁大年初一兼情人節呢個『雙喜日子』(14/2)

約定大佬一家三口，二佬 + 嘉儀

去踩肥媽咪個場，向佢拜拜年，逗下利是喇

邊食年糕，邊看賀歲片，氣氛熱鬧

最美中不足 …… winnie & gary 不在港

之後仲一齊食晚飯添

走進九龍城搵食 …… 金蘭花泰國菜

泰式併盆

鮮蝦冬蔭功湯，好辣！！ 

明爐烏頭魚窩，好滑！

咖哩炒蟹，超好味！！ 

青炒椰苗

泰式炒通菜

乾炒金邊粉，酸酸地幾好味！

芋頭海鮮飯，好香！

椰汁西米糕

南瓜西米露 (送既)

呢餐食得最滿足一定係阿 Bee ……

23:45 後記：收到遠方 "fanfan"  送上嘅祝福，特別窩心

祝您在新的一年里，身体健康，平安如意，阖家幸福
Kung Hei Fat Choy ! Wishing you all good health !  

大年初一

恭喜發財．添福添壽．龍馬精神．出入平安．大吉大利．

百業興旺．國泰民安．風調雨順．萬事如意．笑口常開．

喜氣洋洋．百子千孫．五世其昌．五福臨門．福星高照．

滿堂吉慶．穿金帶銀．金玉滿堂．財源廣進．東成西就．

身壯力健．一本萬利．如意吉祥．年年有餘．高薪厚祿．

步步高陞．平步青雲．鯉躍龍門．花開富貴．富貴榮華．

招財進寶．生意興隆．賭運享通．鴻圖大展．馬到功成．

青春常駐．豐衣足食．家肥屋潤．橫財就手．從心所慾．

快高長大．得心應手．一帆風順．吉星供照．學業進步．

金榜提名．衣錦還鄉．天賜良緣．身體健康．飛黃騰達．

豬籠入水．迎春接福．八星報喜．一團和氣．竹報平安

細細粒已經有好幾年沒有因為過年而買新衫新鞋

今日卻係無心掃貨之下

而大出血添置新裝

羊仔皮褸 ($3,390)

長身羽絨 ($1,790)

冷外套 ($759)

連身裙 ($699)

leggings ($269)

明天實行穿得靚靚拜年去 ……

週一至六總要早起，好不容易才等到一個週日，但往往這天的生理時鐘就是太聽話，一大清早就把人叫醒！

這週感到異常疲累，昨夜更是近一時才睡，今早本想多睡一會，奈何，還是一早醒了！

"沒事好幹" (其實有很多家務要幹)，結果把地板掃了一遍 …… 嘩！原來七天之間可以積聚那麼多的塵埃，我不是剛掃過嗎？！掃罷，很有滿足感，很喜愛乾淨整潔之感！

看看月曆，很快便到年廿八了，雖然定期也有執屋打掃，不過，還是想趁這一年一度的機會來一趟 "大掃除"！就趁今個週日 (年廿四) 提早動工吧！

8/2/10 後記：

今年請咗個外援，多得佢，我個寶庫至可以乾乾淨淨，反晒光！！