正式投入參與 …… 興奮、期待
Archive for the ‘我思我想’ Category
08 大 project
Posted in 我思我想 on 05/04/2008| Leave a Comment »
鐵三角
Posted in 我思我想 on 03/04/2008| Leave a Comment »
是晚跟闊別半年的 fanfan 聚會，加上大眼仔，三人行，
無所不談，彼此分享生活逸事、旅行趣聞，
或許環境氣氛所影響，就連人生哲理亦談起來 ……
感覺眼前嘅 fanfan 有點改變，變得平和、豁達，依然風趣幽默 …… 是好的
每次跟見解獨到嘅佢見面，總可以係佢身上學會一點點 ……
眼光更遠，思考更深、更全面
久別重逢
Posted in 我思我想 on 27/01/2008| Leave a Comment »
早前收到消息，多年無見的姨婆竟然獨個兒回港養老，中午決定往護老院探望，營營役役大半生，為他人而幹活，今日卻遭致如此下場，問世間親情何在 ……
樂在其中
Posted in 我思我想 on 26/01/2008| 2 Comments »
今日與二佬去咗探外公+外婆，從舊相簿中有所發現 …… 係細細粒歲幾時同大佬及二佬嘅"排排坐"合照
大佬個樣最傻、最笨；二佬最精靈、笑容最燦爛；至於最可愛嘅就當然係 …… 當中最搞笑嘅莫過於我哋嘅衣著打扮，簡直係超型仔！
照片保存得好好，從表面看，絕對看不出它是一張超過 xx 載嘅相片，但當中三位主角 ……
嘩！實在太珍貴了，決定往"快靚正"複製留念
一邊看相，一邊笑說兒時嘅百厭行為，頓時感到時光飛逝，歲月不留人 ……
112 大喜事
Posted in 我思我想 on 14/01/2008| 3 Comments »
西曆二00八年一月十二日 (農曆丁亥年十二月初五) 星期六 宜嫁娶
天公造美 撮合了這一對璧人GRACE & BENNY，用郎才女貌來形容他們就最合適不過；在這個大喜日子，天公還替他們撥開雲霧，送上藍天白雲、陽光普照的一天。
十一號放假，與 Grace 為事前作最後衝刺；當晚，細細粒更提早 11:15 上床睡覺，務求以最佳狀態投入明天的任務。前天曾被 vicky戲言，指小妹會因為好姊妹出嫁而失眠，結果被講中，不知是否情緒太過高漲，又抑或過於緊張，展轉反側，無法入眠；噢！接近零晨 1:00，仍眼光光 …… 4:10 醒過來，扭開收音機聽著 "輕談淺唱不夜天"，合上眼，靜待著 …… 5:00 決定起床梳洗，替疲累乾澀的雙眼帶上隱形眼鏡最是痛苦。
6:00 出門，廿多分鐘已抵TK MTR station，原定為新娘及一眾姊妹預備外賣早餐，無奈有心無力 (附近所有食肆均未開)。6:55 到 Grace 家門外，為著讓她可多睡一點，決定等待化妝師 Vivian 到步才按鐘之際，原來 Grace 已被升降機發出 "叮" 的一聲所提示，小妹來了！
Grace，一臉疲憊 …… 實屬意料之內。
7:30 過後，harmony, yan 相繼到來，一個接一個 make up + hair setting，對於向來素顏示人而一下子濃妝艷抹的細細粒實在有點不自在。
新娘子 Grace，天生美人兒，清秀可人，配以高佻身材，再經過 vivian 替她悉心打扮，穿上裙褂的高妹更顯得明艷照人，簡直是勁靚，個個讚不絕口！
9:30 "娛樂"主持人 fion 到來，向姊妹們重新講解遊戲節目，一齊預備各種用以"招乎" Benny 及兄弟團的 "爆笑" 物品 ……
10:15 收到消息，"大軍" 進駐；攝影師跟攝錄師先到場，開始現場拍攝 …… 到了姊妹自我介紹環節，細細粒講不到兩句，感動得嗚咽起來，眼濕濕，幸得身旁的 harmony 輕按手背，得以強忍淚水。
接著是一連串指定項目：接新娘、開門利是、敬茶、祝賀、拍照、出門、入門、敬茶、祝賀、拍照 …… 場面熱鬧、爆笑、溫馨、浪漫、感人，兼而有之，共冶一爐。
4:00 九龍公園拍照，新娘子招徠不少艷羨目光，更有途人誤以為是雜誌 model 拍外景相，真搞笑！
4:45 折返酒樓，開始全日最緊湊的時刻，一對新人及主人家當然是忙於招呼賓客，弟兄姊妹們亦全情投入，分工合作；而細細粒當晚的任務就是全程緊貼新娘子。
先後穿過晚裝、婚紗的 GRACE，每次從新娘房步出時，均引起全場嘩然，讚美聲此起彼落，絕對是勁靚。
其實，細細粒當日經常不知不覺眼紅紅，好想喊出來，百感交集，更有過上前跟 GRACE 擁抱的衝動 …… 直到播放 vedio 一刻，眼淚終忍不住流下 …… 待一對新人進場，自己返回座位，從螢光幕見證他倆註冊一刻，眼淚又再一次掉下來。
婚宴於 11:30 正式結束，一眾兄弟姊妹猶如「專業婚禮特工隊」，使全程順利進行，GRACE & BENNY 及家人均表示非常滿意。
而細細粒亦好慶幸可以參與其中，與 harmony 合作無間，亦好高興認識到 fion 這一位朋友。
最後藉此再次祝賀一對新人
白頭偕老 永結同心
而今日 14/1 是 GRACE 牛一
生日快樂 身體健康
準備就緒
Posted in 我思我想 on 11/01/2008| Leave a Comment »
籌備了大半年的project即將面世，有份參與嘅細細粒感到萬分榮幸，好期待呢一日嘅來臨，希望明天一切順順利利，咦！自己亦開始有點緊張添 ……
元旦
Posted in 我思我想 on 31/12/2007| Leave a Comment »
新年新願望
享受每一刻，開心每一天
健健康康 平平安安
受寵若驚
Posted in 我思我想 on 10/12/2007| Leave a Comment »
阿姐假期完結，回歸大本營，細細粒繁忙的工作生活暫時告一段落，一切回復平靜……
沒想到突如其來的消息，令小妹有點不知所措 ……
下午收到大蘿通知，老頂肥老鼠決定開個"ONE"位比小妹，剎那間實在有點受寵若驚！
細細粒自問向來工作效率高，盡心盡力，實事求是，甚得上司喜愛，但講到升職加薪，從不強求，並非自命清高，只是覺得這刻樂得逍遙，不想背負太多，何況"ONE"位對小妹來說，實是受之有愧，即使如 bonnie 所講，公司內"表現跟薪酬不相稱"的大有人在，何足掛齒，但細細粒始終認為凡事都要過得人過得自己才可『食得安，坐得落，瞓得好』呢！
時間飛逝，小妹加入這機構已 12 個寒暑，95 年入職，97 年首次升職，沒料 10 年後的今日，機會再一次降臨，是喜是憂，實屬見仁見智，最巧恰的是兩次都是情非得意。
大驚小怪
Posted in 我思我想 on 04/12/2007| Leave a Comment »
有名你叫細細粒，顧名思義就梗係"的的骰骰"個隻，從不起眼，真係無唸過外表只是作出少許改變啫，連日竟惹來如斯注目，實屬始料不及，真係估佢唔到 
…估佢唔到…
…估佢唔到… 喜訊
Posted in 我思我想 on 30/11/2007| Leave a Comment »
好消息一個接一個
恭喜
Harmony & Ken
"20081117"拉埋天窗
不知所謂
Posted in 我思我想 on 21/11/2007| Leave a Comment »
本星期是一班扒房小廚師嘅考試週，扒房休業，一心以為可以輕鬆完成手頭工作，過兩日就樂得逍遙，飛去 Bali 嘆下，點不知做到趴街，比幾個“無能但又愛出風頭”嘅烏合之眾搞到小妹個頭都大晒，真係想化身做叮噹，攞 d 法寶教訓下佢哋
有勇無謀
Posted in 我思我想 on 16/11/2007| Leave a Comment »
呢次真係無眼睇 
"不聽老鼠言，吃虧在眼前"
聚首一堂
Posted in 我思我想 on 19/10/2007| Leave a Comment »
行完山，到柴灣會合阿慧、法蘭西一家三口，搞什麼？咪就係履行早前係 ho yin 婚宴當晚嘅約定囉！去 wai yip 位於柴灣 PMQ 嘅屋企，沒想到平日怕怕醜醜嘅 "熙熙" 竟然跟 "賢仔" 一見如故，呢兩個小朋友嘅一舉一動、一言一語好自然就成為咗今晚嘅焦點，為大家帶來不少歡樂。睇嚟呢 d 聚會都應該要繼續 keep 住，亦相信不久嘅將來必定有更多 "新力軍" 嘅加入，到時嘅場面就定必更加熱鬧啊！
唉吔！講到 "新力軍"，差 d 忘記介紹今晚嘅另一主角 "樂仔" 添！ 佢係 wai yip 投資嘅「第二層豪宅」，實在非同小可，唔知各位兄弟姊妹會否跟 wai yip 一樣積極「入市」，又抑或望而卻步呢？
婚宴
Posted in 我思我想 on 08/10/2007| Leave a Comment »
已是零晨時分，小妹理應去覺覺豬，但實在好鬼開心，一於要寫埋網誌先至心息。
放咗工，趕快回家扮靚靚，正因今天是浩然+翠玲嘅大婚之日，新郎哥是細細粒初中時代，係童軍活動時結識嘅朋友仔，記憶中是“不鬥咀不相識個隻”。
兩個星期前，收到浩然嘅邀請，一直覺得有點意外，根本沒想過我會是被邀之列，但暗地裡卻感到欣慰，居然未有被遺忘。
今晚除咗係一個婚宴外，仲為『梁記』嘅一班同學仔提供了一個聚舊嘅機會，彼此了解下近況之餘，亦方便咗呢班善忘嘅貴人夾定時間，安排之後嘅聚會。對於我呢位『梁記叛徒』來講，就更加慶幸仍可以跟他們坦然相對，內心深深處嘅那一份喜悅真係非筆墨可以形容。
好希望呢種聚會可以陸續有來，其實收『炸彈』都可以係一件開心事嚟架！
天下無不散之筵席
Posted in 我思我想 on 06/10/2007| Leave a Comment »
樊記過兩日便返回花旗國風流快活，臨別前仍記得我這個小人物，小妹實在榮幸之至。
昨晚應約於 city garden hotel garden cafe 聚舊，除了小妹外，跟他稱兄道弟的“大眼仔”亦是座上客，這個「老‧中‧青」配搭看來有點“騎呢”，而實質上卻又能激起化學作用，全程笑聲洋溢，氣氛熱鬧，絕無冷場，夾在樊氏兄弟中間的我亦絕對投入、享受。
歡樂時光不經意溜走，每次跟他“分手”，小妹總有相逢恨晚之感，惟有期盼下一次的見面。
半年，就等半年，希望屆時，他會再次找我跟他“談談情，說說笑”。
住家飯
Posted in 我思我想 on 13/09/2007| Leave a Comment »
今日好開心，有幸拜訪智仔嘅小天地，第一次作客，阿 ling 好鬼客氣，吩咐 "賓賓" 煮咗餐住家飯比小妹食，真係好有家嘅感覺 ……
昨日‧今天
Posted in 我思我想 on 09/09/2007| Leave a Comment »
跟大細 Bee 都有一段日子沒見面，心血來潮相約會面，節目任由他倆安排 ….. 迴轉壽司、柏麗灣、青衣城
沒料一種東西、一個地方，竟再次勾起細細粒對「他」思念起來，將過去兩年決心忘懷的努力付諸一炬 …… 究竟是自欺欺人，根本由始至終未有忘記，抑或是在找藉口，心裡有數 ……
難忘十年
Posted in 我思我想 on 30/06/2007| Leave a Comment »
香港回歸不經不覺已十年，期間跌宕起伏，走過不少不尋常的旅程。傳媒的回顧報道，鋪天蓋地，同時亦勾起細細粒點點回憶，一幕一幕重現眼前……97，是一眾親友見證小妹走上人生另一階段嘅一年；07，卻是小妹再次站在人生交义點，面對重要決擇嘅一年。
這刻，小妹只想將過去的樂與悲收藏心坎，不想再花太多時間回望……多點時間做自己喜歡的事，活得逍遙一些，多好。
父親節
Posted in 我思我想 on 17/06/2007| Leave a Comment »
翻開生果報，看到一篇文章，感慨無限 ……
好爸爸
好 爸 爸 不 一 定 要 有 錢 ， 甚 至 也 不 一 定 要 有 很 多 時 間 ， 做 一 個 好 爸 爸 ， 最 重 要 的 條 件 ， 是 具 備 愛 的 能 力 。
一 個 不 懂 得 愛 的 男 人 ， 只 要 有 女 人 肯 接 收 的 話 ， 當 然 可 以 結 婚 。 可 是 一 個 不 懂 得 愛 的 男 人 ， 即 使 結 了 婚 ， 也 絕 對 不 應 該 生 兒 育 女 。 子 女 在 缺 乏 愛 的 環 境 中 成 長 ， 長 大 後 ， 男 人 會 變 得 冷 酷 、 懦 弱 、 自 私 、 缺 乏 責 任 感 、 缺 乏 尊 嚴 、 游 離 社 會 邊 緣 。 女 孩 子 更 糟 糕 ， 她 們 自 憐 自 怨 ， 一 輩 子 找 不 到 安 全 感 。
有 一 次 看 一 篇 名 人 訪 談 ， 那 學 究 味 甚 重 的 文 人 在 談 到 家 庭 時 說 ： 「 我 無 條 件 寵 愛 女 兒 ， 我 得 讓 她 知 道 ， 爸 爸 永 遠 是 最 愛 她 的 人 ， 這 樣 ， 她 才 不 會 隨 隨 便 便 把 自 己 嫁 掉 。 」 沐 浴 著 父 愛 長 大 的 女 人 ， 姿 態 永 遠 優 雅 ， 她 們 底 氣 十 足 ， 父 親 的 愛 讓 她 們 成 為 有 愛 有 尊 嚴 的 人 。 而 那 些 成 長 期 不 快 樂 的 女 人 ， 很 年 輕 的 時 候 已 經 渴 望 嫁 人 ， 只 要 有 男 人 對 她 稍 微 好 一 點 ， 她 就 義 無 反 顧 離 開 家 庭 ， 跟 他 走 在 一 起 。 她 在 下 意 識 彌 補 成 長 期 的 缺 憾 ， 而 這 種 缺 憾 是 永 遠 無 法 彌 補 的 。 一 個 不 懂 得 愛 ， 卻 又 對 愛 需 索 無 窮 的 女 人 ， 注 定 了 不 會 快 樂 。
一 個 不 懂 得 愛 的 男 人 ， 只 要 有 女 人 肯 接 收 的 話 ， 當 然 可 以 結 婚 。 可 是 一 個 不 懂 得 愛 的 男 人 ， 即 使 結 了 婚 ， 也 絕 對 不 應 該 生 兒 育 女 。 子 女 在 缺 乏 愛 的 環 境 中 成 長 ， 長 大 後 ， 男 人 會 變 得 冷 酷 、 懦 弱 、 自 私 、 缺 乏 責 任 感 、 缺 乏 尊 嚴 、 游 離 社 會 邊 緣 。 女 孩 子 更 糟 糕 ， 她 們 自 憐 自 怨 ， 一 輩 子 找 不 到 安 全 感 。
有 一 次 看 一 篇 名 人 訪 談 ， 那 學 究 味 甚 重 的 文 人 在 談 到 家 庭 時 說 ： 「 我 無 條 件 寵 愛 女 兒 ， 我 得 讓 她 知 道 ， 爸 爸 永 遠 是 最 愛 她 的 人 ， 這 樣 ， 她 才 不 會 隨 隨 便 便 把 自 己 嫁 掉 。 」 沐 浴 著 父 愛 長 大 的 女 人 ， 姿 態 永 遠 優 雅 ， 她 們 底 氣 十 足 ， 父 親 的 愛 讓 她 們 成 為 有 愛 有 尊 嚴 的 人 。 而 那 些 成 長 期 不 快 樂 的 女 人 ， 很 年 輕 的 時 候 已 經 渴 望 嫁 人 ， 只 要 有 男 人 對 她 稍 微 好 一 點 ， 她 就 義 無 反 顧 離 開 家 庭 ， 跟 他 走 在 一 起 。 她 在 下 意 識 彌 補 成 長 期 的 缺 憾 ， 而 這 種 缺 憾 是 永 遠 無 法 彌 補 的 。 一 個 不 懂 得 愛 ， 卻 又 對 愛 需 索 無 窮 的 女 人 ， 注 定 了 不 會 快 樂 。
興奮莫名
Posted in 我思我想 on 06/06/2007| Leave a Comment »
「食晚飯」離開了“扒房”已近半年，早陣子飛去美國風流快活兩個多月，好彩佢無玩創個心，仲記得我呢個小人物，一回港就打電話比我，氹得我鬼咁開心…相約明天老地方見 
老實說，沒有他的日子又確實十分枯燥、沉悶 
原來，當你心裡經常惦念著一個人，那股念力真係會使夢想成真的！！
｡。｡▫❤♡❤‥外星小美怡‥❤♡❤▫｡。｡ 