｡。｡▫❤♡❤‥外星小美怡‥❤♡❤▫｡。｡

很久前，高妹曾經請我食過一件自家製嘅紅豆糕，一食難忘；原來係 Benny 個姨姨向一位自家製糕點嘅人訂購o架！聽講佢真係盒盒都係自己屋企做o架！除咗紅豆糕，還有馬豆糕．

自此，高妹每次訂都會預我一份，兩星期前 order 咗兩盒，今日到手喇！又可大飽口福！

有好嘢，第一時間介紹比愛吃嘅 bonnie，呢次佢都訂咗 3 紅 3 白．

上完兩課瑜伽，好鬼肚餓 … 今日最高氣溫錄得 32.9 度，一於開著冷氣，慢慢嘆，噢！真係透心涼啊！！！！好滿足！！！

紅豆糕用料質優，豆豆大大粒，仲份量十足，放入口就好似食梗紅豆沙咁樣，好有質感，真係一食就停唔到口，實在 yummy yummy，價錢仲一 d 都唔貴，只係 $30 一盒咋，超抵食！(馬豆糕每盒 $27.5)