C9 梁 sent 咗呢隻“貓”俾我

幾好 wor，一於 post 出嚟

你哋諗唔到煲乜湯，可以參考下 

1. 白花蛇舌草抗癌解毒佳
功效： 白花蛇舌草加半枝蓮煲水飲, 有抗癌功效, 並消炎解毒;加鹽的 白花蛇舌草水
有減肥功效. 可作家居保健飲品
材料： 白花蛇舌草(半斤), 半枝蓮(半斤), 片糖(3片), 水(15碗)
做法： 將材料洗淨放進煲內, 水滾後轉慢火煲2-1/2 小時, 再加入片糖滾一會即可

2. 猴頭菇燉北菇
功效： 固本扶正, 強身健體, 抗癌, 補血, 強胃, 治十二指腸
材料： 猴頭菇(3隻), 冬菇(4隻), 當歸(8片), 紅棗(15粒), 滾水(3碗)
做法： 猴頭菇出水, 冬菇浸軟, 紅棗去核, 將材料洗淨放入燉盅內, 用慢火燉2小時
即可

4. 栗米鬚水
功效： 降低血糖, 利尿減肥. 糖尿病患者可作長期性飲料
材料： 粟米鬚(二兩), 水(4碗)
做法： 將粟米鬚洗淨, 放入煲內用慢火煲45分鐘即可

5. 甘苦茶抑制糖尿消炎
功效： 甘苦的藥味對現代人有一定的好處, 油柑子的天然酸澀味, 可助消化及抑制糖尿
材料： 綠茶葉(少許), 苦瓜(半隻), 油柑子(10粒), 水(適量)
做法： 苦瓜去核切片, 油柑子拍扁後一起煲水, 煲至出味後再用來泡綠茶

6. 栗子粟米湯
功效： 降膽固醇, 補腎益腸增氣, 養顏潤膚
材料： 栗子(二兩), 粟米(3條), 冬菇(10隻), 紅蘿蔔(1隻), 花,生(二兩),薑(2片),
水(10碗)
做法： 栗子, 花生洗淨, 粟米切段, 紅蘿蔔去皮切塊, 冬菇浸軟, 將材料放入煲內,
水滾轉慢火煲2小時, 加鹽即可

7. 白背木耳蘋果湯降脂軟化血管
功效： 適合高血脂者飲用, 因白木耳能軟化血管, 紅棗能強心補血兼補脾胃, 蘋果則
調理腸胃助消化
材料： 白背木耳(3隻), 蘋果(4個), 紅棗(15粒), 燉肉(3塊), 果皮(1個), 水(適量)
做法： 蘋果去皮核切塊, 木耳及果皮浸軟, 紅棗去核. 水滾後下材料, 用慢火煲2小
時, 加鹽即可

8. 昆布海藻煲黃豆湯
功效： 治單純性甲狀腺腫慢性淋巴結炎, 高血壓, 宜作暑天清涼飲料忌體質虛寒,胃寒者
材料： 昆布(一兩), 海藻(一兩), 黃豆(四兩), 水(10碗)
做法： 昆布浸洗切段, 黃豆白鑊炒香, 海藻浸洗乾淨, 將材料放入煲內煲1小時, 加
鹽或加糖即可

9. 草菇勝瓜蛋花湯
功效： 清熱下火, 生津止渴, 身體燥熱, 口乾口渴, 尿液黃, 血壓高, 頭痛等
材料： 草菇(四兩), 勝瓜(2條), 雞蛋(2隻), 生薑(2片), 水(適量)
做法： 草菇出水切開邊, 勝瓜去皮切方塊, 水滾後下薑片, 草菇, 勝瓜再滾15分鐘,
打入蛋花, 加鹽即成

10. 黑木耳煲紅棗湯
功效： 潤燥利腸, 養血, 止血, 常用於痔瘡出血, 血小板減少, 出血性疾患及因以上
原因致貧血者. 大便滑泄者忌用
材料： 黑木耳(五錢至一兩), 紅棗(20-30粒), 水(5碗)
做法： 木耳浸軟, 紅棗去核. 將材料洗淨放入煲內煎水至2碗即可

11. 紅棗紅糖煮南瓜
功效： 補中益氣, 健肺氣, 治支氣管哮喘, 慢性支氣管炎
材料： 南瓜(一斤), 紅棗(15粒), 紅糖(適量), 水(適量)
做法： 南瓜去皮去核切塊, 紅棗去核. 將材料洗淨放入煲內煲至南瓜腍身即可

12. 清肺火袪痰止咳湯
功效： 清肺火,祛痰止咳潤心肺, 慢性支氣管炎, 精神疲勞, 補氣和胃寒痰
材料：玉竹(五錢), 沙參(5枝), 百合(一兩), 雪耳(1隻), 黑棗(5粒), 燉肉(1塊),
白胡椒(1茶匙), 水(6碗)
做法： 將材料洗淨後放進煲內用慢火煲1小時, 煲至4碗加鹽即可

13. 黃耳燉鮮奶肌膚幼嫩
功效： 潤肺, 滋陰, 養顏, 清心安神, 滋潤肌膚
材料： 黃耳(浸軟發大2朵), 鮮百合(1個), 鮮蓮子(10粒), 鮮奶(1瓶),冰糖(適量), 滾水(1碗)
做法： 將材料洗淨放進燉盅內, 用文火燉1小時

14. 雪耳桂肉雞蛋茶
功效： 潤燥養顏, 補腦益智, 寧神安心, 治心悸失眠, 記憶力減退, 腎虛耳鳴, 肺陰
虛燥熱, 咳嗽, 大便秘結者
材料： 雪耳(一兩), 圓肉(五錢), 雞蛋(4隻), 冰糖(適量), 水(適量)
做法： 雪耳浸軟, 雞蛋煮熟去殼, 將材料洗淨放進煲內, 水滾後轉慢火煲20分鐘, 加
入雞蛋冰糖即可

15. 木瓜薏米玉竹湯
功效： 木瓜含蛋白質可分解脂肪, 配合生熟薏米等材料後, 則利水去濕去暑,滋潤中
氣, 健睥胃, 潤腸通便, 皮膚光滑, 治濕疹, 益皮膚
材料： 木瓜(一斤), 生熟薏米(三錢), 玉竹(三錢), 淮山(三錢), 燉肉(3塊), 水(10
碗)
做法： 木瓜去皮切塊, 將材料洗淨放進煲內, 水滾轉慢火煲2小時, 加鹽即可

16. 蜜瓜蓮子湯
功效： 滋潤, 健脾, 潤肺養顏
材料： 蜜瓜(1磅), 百合(一兩), 白蓮子(二兩), 茨實(一兩), 蜜棗(6粒), 果皮(1個), 水(13碗)
做法： 蜜瓜去核切塊, 將材料洗淨放入煲內, 水滾轉慢火煲2小時, 加鹽即可

17. 治虛不受補之婦女
材料： 田七片(三錢), 黨蔘(五錢), 燉肉(1塊), 紅棗(5粒), 滾水(2碗)
做法： 將材料洗淨放入燉盅內, 用慢火燉2小時, 加鹽即可

18. 首烏黑豆素肉湯養血烏髮
功效： 補血養血, 使頭髮不易變白, 面色紅潤
材料： 首烏(六錢), 黑豆(四兩), 圓肉(15粒), 紅棗(10粒), 生薑(2片), 燉肉(2塊), 水(8碗)
做法： 將所有材料洗淨放進瓦煲內, 水滾轉慢火煲2小時即可

19. 雪耳辣椒燉肉湯多飲手腳免冰冷
功效： 袪風散寒, 活血袪瘀, 增加血液循環
材料： 雪耳(八錢), 紅辣椒(2隻), 燉肉(3塊), 紅棗(10粒), 水(9碗)
做法： 雪耳浸軟切小塊, 紅棗去核, 燉肉切片. 將材料放進煲內, 水滾後轉慢火煲1
小時, 加鹽即可

20. 人參附子湯
功效：治四肢冰冷, 面色無華, 驅寒補陰
材料： 高麗蔘(五錢至一兩), 熟附子(三錢), 燉肉(3塊), 生薑(2片), 水(8碗)
做法： 將材料放入煲內, 水滾轉慢火煲2小時即可

21. 圓肉黑豆素肉湯補血氣不足
功效： 補血益心, 健脾補腎, 治貧血, 怕冷頭暈目眩, 心悸等
材料： 圓肉(五錢), 黑豆(二兩), 大豆腸一段(四兩), 甘草(6片), 生薑(2片), 水(9碗)
做法： 黑豆用白鑊炒香, 大豆腸切方塊. 將材料放進煲內, 水滾後轉慢火煲2 小時,
加鹽即可

22. 補血氣湯
材料： 大黨參(半兩), 杞子(1湯匙), 淮山(8片), 燉肉(2 塊), 果皮(1片),滾水(2碗)
做法： 將材料洗淨放入燉盅內, 用慢火燉2小時, 加鹽即可

23. 田七片煲燉肉湯促進新陳代謝
功效： 此湯甘中帶微苦, 常飲可加速新陳代謝, 活血袪風, 防止瘀阻腫瘤硬結不適
的症狀. 如面色鯬, 口唇顏色深紫, 肌膚甲錯, 婦女兼有月經不調, 痛經之症狀, 均可以此湯佐膳作食療, 孕婦不宜多飲
材料： 田七片(三錢), 燉肉(3塊), 紅棗(10粒), 薑(一兩), 水(8碗)
做法： 紅棗去核, 薑切片, 將材料洗淨放進煲內, 用武火煲滾後轉文火煲2 小時, 加
鹽即可

24. 雞蛋川芎湯治行經腹痛
功效： 活血. 宜婦女月經不調, 經痛或閉經, 身體虛弱及貧血者
材料： 雞蛋(2隻), 川芎(五錢), 水(5碗)
做法： 將材料洗淨放進煲內用慢火煲45分鐘即可

25. 燉肉當歸湯
功效： 補血行氣
材料： 燉肉(3塊), 當歸(一兩), 紅棗(10粒), 黑豆(二兩), 生薑(2片), 水(10碗)
做法： 將材料放入煲內, 水滾轉慢火煲2小時即可

26. 紅黑綠健康湯
功效： 補血強身. 四季豆能強肝並易吸收
材料： 紅棗(15粒), 白背黑木耳(2朵), 四季豆(6條), 水(4碗)
做法： 紅棗去核, 木耳浸軟切粗條, 四季豆切段. 將材料洗淨放進煲內用慢火煲30
分鐘, 後加四季豆滾1分鐘, 加鹽即可

27. 杏仁黑豆湯
功效： 補血活血, 化痰, 通絡, 開竅, 袪風補腎
材料： 杏仁(三錢), 黑豆(二兩), 紅糖(一兩), 水(4碗)
做法： 黑豆白鑊炒至豆衣裂開再洗淨. 將黑豆杏仁放入煲內, 用慢火煲35分鐘, 後
加黃糖滾1分鐘即可

28. 茯神合桃糖水
功效： 補血養心, 治失眠
材料： 茯神(四錢), 合桃肉(二兩), 龍眼肉(二錢), 冰糖(少許), 水(適量)
做法： 將材料洗淨後放進煲內用慢火煲30分鐘, 加糖煲至2碗即可

29. 紅棗雞蛋茶
功效： 滋陰養血補虛, 婦女產後風痛風寒, 強身平胃氣, 助十二經等
材料： 雞蛋(2隻), 紅棗(15粒), 黑豆(二兩), 水(6碗)
做法： 雞蛋煲熟去殼, 紅棗去核, 黑豆白鑊炒香. 將材料放入煲內, 水滾轉慢火煲1
小時即可

30. 紅棗茶
功效： 養血補脾, 補中益氣, 強身平胃氣
材料： 紅棗(15粒), 當歸(5片), 黑眉豆(2湯匙), 水(5碗)
做法： 紅棗去核. 將材料洗淨放入煲內, 水滾轉慢火煎至1碗半水即可

31. 圓肉茶
功效： 適合貧血, 面色不華, 腰膝痠痛, 頭暈眼花者
材料： 圓肉(四錢), 何首烏(二錢), 當歸(一錢), 紅棗(6粒), 水(4碗)
做法： 紅棗去核, 將所有材料洗淨放入煲內, 水滾轉慢火煎成1碗水即成

32. 玫瑰提子茶
功效： 提子乾補血減肥又易被身體吸收, 適合工作過勞者, 最好加入鮮奶.
睥胃差的人則不能用鮮奶, 改為煲茶較好
材料： 玫瑰花(十幾朵), 提子乾(2湯匙), 水(2 碗)
做法： 將提子乾放入煲內, 水滾後轉慢火煲5分鐘加入玫瑰花焗1分鐘即可

33. 蓮藕增顏湯
功效： 補血養血. 治貧血病, 心跳失眠, 面色不華者. 特別是婦人產後貧血者
材料： 蓮藕(一斤), 紅棗(一兩), 圓肉(一兩), 水(適量)
做法： 蓮藕洗淨切段拍鬆, 紅棗去核. 將材料放入煲內, 水滾轉慢火煲2小時, 加鹽
即可

34. 蓮藕湯補血強身
功效： 消除疲勞, 滋補淨化血液, 養顏潤膚
材料： 蓮藕(一斤), 紅蘿蔔(半斤), 花生(四兩), 冬菇(10隻), 水(13碗)
做法： 蓮藕洗淨切段拍鬆, 紅蘿蔔去皮切段, 冬菇浸軟. 將材料放入煲內, 水滾轉慢
火煲2小時, 加鹽即可

35. 補血明目湯
材料： 素羊腩(3粒), 圓肉(1湯匙), 杞子(1茶匙), 淮山(3片), 南棗(4粒), 滾水(2碗)
做法： 南棗去核. 將材料洗淨放入燉盅內, 用慢火燉2小時, 加鹽即可

36. 補血袪濕茶(一)
材料： 天麻(二錢), 全歸(四錢), 川芎(三錢), 首烏(四錢), 南棗(3粒), 水(4碗)
做法： 將材料洗淨用4碗水煎成1碗水飲用

37. 補血袪濕茶(二)
材料： 茯神(五錢), 雲苓(五錢), 黨參(2枝), 淮山(3片), 紅棗(10粒), 水(4碗)
做法： 將材料洗淨用4碗水煎成1碗水飲用

38. 宣木瓜燉肉湯袪風除濕
功效： 袪風濕, 舒筋活絡, 治腳氣病, 水腫, 腰膝痠痛, 四肢乏力
材料： 宣木瓜(一兩), 燉肉(3塊), 花生(四兩), 眉豆(三兩), 薑(2片), 水(適量)
做法： 將材料洗淨放進煲內, 水滾後轉慢火煲2 小時, 加鹽即可

39. 薏米粥治腳氣袪風濕
功效： 袪風濕, 清水腫, 治腳氣水腫, 風濕關節痺痛
材料： 薏米(一兩半), 粳米(一兩), 水(適量)
做法： 將所有材料洗淨放進煲內, 水滾轉慢火煲至薏米腍身, 加鹽即可

40. 木瓜茶紓緩風濕
功效： 治風濕關節炎痺痛, 舒筋活絡, 緩和胃腸平滑肌痙攣等
材料： 宣木瓜(2片), 桑葉(7片), 紅棗(3粒), 水(1-1/2碗)
做法： 宣木瓜, 桑葉洗淨後, 待乾則磨粉. 將紅棗去核與其他材料一起放進煲內煲
15分鐘即可

41. 黑豆獨活湯紓筋活絡
功效： 治腰膝痠軟, 肢體乏力, 風濕痺症, 並可益氣養血, 散寒止痛, 袪風活絡
材料： 黑豆(四兩), 獨活(六兩), 燉肉(3塊), 水(12碗)
做法： 黑豆放入鑊中用慢火炒至豆衣裂開, 再將材料洗淨放進煲內, 水滾後轉慢火煲2 小時, 加鹽即可

42. 菌陳茶解毒清熱
功效： 此涼茶藥味不重, 能清熱, 解毒, 袪濕熱, 濕毒. 對熱毒性毒瘡, 皮膚紅斑熱毒, 濕重之腸胃熱毒, 肛門熱毒等, 均有功效
材料： 菌陳(一兩), 土銀花(一兩), 夏枯草(一兩), 大生地(一兩), 土茯苓(一兩),
綠豆(二兩), 水(12碗)
做法： 將所有材料加水一起煎至4碗

43. 銀杏甘草燉蜜糖
功效： 止咳潤肺, 清熱解毒, 治療小兒夜尿和尿頻
材料： 銀杏(二兩), 甘草(三錢),蜜糖(適量), 滾水(2碗)
做法： 銀杏去殼出水去衣去芯, 將銀杏, 甘草, 滾水放進燉盅內, 用慢火燉1小時,
取出待涼後加入蜜糖便可

44. 木瓜生薑糖水
功效： 開胃健脾, 增加食慾並迅速恢復體力. 適合發育中的兒童
材料： 木瓜(1片), 生薑(一兩), 洋薏米(一兩), 冰糖(適量), 水(8碗)
做法： 木瓜去皮去核洗淨切塊, 生薑去皮切片拍鬆, 將材料效進煲內, 水滾轉慢火
煲1 小時, 加冰糖滾一會即可

45. 降眼火湯溫和見效
功效： 適合眼睛長期偏紅和血絲者. (患者若不加理會, 日子久了, 眼和肝都會慣性
有毛病)
材料： 大海欖(10粒), 羅漢果(1個), 甘菊花(一 兩), 水(8碗)
做法： 將材料洗淨放進煲內, 煎成2碗, 分2 次飲用

46. 杞子明目茶
功效： 治視力衰退, 夜盲, 白內障, 肝虛眼病等目疾
材料： 枸杞子(二至三錢), 白杭菊(二錢), 水(3碗)
做法： 將材料洗淨用3碗水煎至1碗即可

47. 杜仲湯補筋骨
功效： 補腎, 溫肺潤腸, 固陽益精, 補養氣血
材料： 杜仲(五錢), 北氏(三錢), 黨蔘(三錢), 栗子(四兩), 燉肉(1塊), 水(8碗)
做法： 將材料洗淨後放進煲內用慢火煲2小時, 加鹽即可

48. 補腎氣湯
材料： 田七(三錢), 巴戟(五錢), 杜仲(五錢), 黨參(一兩), 雲苓(五錢), 蜜棗(2粒), 水(6碗)
做法： 將材料洗淨用6碗水慢火煎成2碗水飲用

49. 醒腦寧神湯
功效： 適合氣血消耗過度, 精神衰弱或疲勞者
材料： 花旗參(一兩), 淮山(二兩), 圓肉(二兩), 燉肉(3塊), 水(10碗)
做法： 將材料洗淨放進煲內用武火煲滾, 後轉文火煲2 小時, 加鹽即可

50. 貧血性營養不良致耳鳴
材料： 大棗(即黑棗)(6粒), 蜂蜜(五錢), 水(適量)
做法： 大棗去核, 煎水待溫加蜂蜜. 飯後一碗, 連飲數天或1個月始見效

51. 茅根水治乾燥多痰
功效： 治乾燥多痰. 茅根雖寒涼, 但老桑枝卻能抵消其涼性並補其不足
材料： 茅根(一兩), 老桑枝(一兩), 水(4碗)
做法： 將材料洗淨放入煲內, 水滾後轉慢火煲1小時即可. 另外, 可加入羅漢果或燉
肉(一塊)同煲至2碗水即可

52. 土伏苓袪濕湯
功效： 去骨火, 去濕, 清熱毒
材料： 土伏苓(一斤), 粉葛(一斤), 赤小豆(二兩), 扁豆(二兩), 果皮(1個), 水(15碗)
做法： 土伏苓去皮切段, 粉葛去皮切塊, 將材料放入煲內, 水滾轉慢火煲3小時即可

53. 潺菜鹹蛋湯
功效： 潺菜含大量維生素, 鐵質, 纖維質, 能通腸胃, 利大便, 並預防濕熱痢瀉
材料： 潺菜(半斤), 鹹蛋(1隻), 燉肉(2塊), 薑(3片), 水(6碗)
做法： 潺菜, 鹹蛋洗淨, 鹹蛋去殼待用, 燉肉切片, 水滾後下材料, 滾一會再加鹽即
可

54. 黃豆榨菜湯
功效： 清潤下氣. 黃豆營養高, 含豐富蛋白質
材料： 黃豆(三兩), 榨菜(二兩), 燉肉(3塊), 水(適量)
做法： 黃豆用白鑊炒至金黃色並洗淨, 榨菜洗淨切片, 燉肉切片. 將材料放進煲內,
水滾轉慢火煲1個半小時, 加鹽即可

55. 竹笙金針湯
功效： 竹笙含高蛋白質, 助消化, 金針止血安眠, 利小便
材料： 竹笙(10條), 金針(二錢), 冬菇(8隻), 薑(3片), 水(7碗)
做法： 竹笙出水切段, 金針出水, 冬菇浸軟, 水滾後下材料, 用慢火煲45分鐘, 加鹽
即可

56. 龍利葉蜜棗湯化痰止咳
功效： 常飲可健肺滋潤, 化痰止咳
材料： 龍利葉(二兩), 蜜棗(8粒), 燉肉(3塊), 水(10碗)
做法： 將材料放進煲內, 水滾後轉慢火煲1 小時即可

57. 白蘿蔔湯
功效： 白蘿蔔含 維他命A-E, 可消除飽滯悶結, 清滌頑痰及飲食過量, 嘔吐而吐不
出者
材料： 白蘿蔔(十兩), 薑(3片), 水(6碗)
做法： 白蘿蔔去皮切塊. 將材料洗淨放入煲內, 水滾轉中火煲至出味腍身, 加鹽即可

58. 馬齒莧綠豆湯
功效： 清血解毒止痢, 治痢疾, 腸炎, 濕熱腹痛, 熬癤痱子等. 宜作夏季清熱涼血之
飲料
材料： 馬齒莧(四兩)或窟貨(一兩), 綠豆(二兩), 水(適量)
做法： 將材料洗淨放入煲內慢火煲1小時, 加鹽即可

59. 老黃瓜湯清熱消暑
功效： 含植物性蛋白及維他命, 可清熱解毒, 消暑散熱, 袪濕毒, 降燥火等
材料： 老黃瓜(1隻), 扁豆(一兩), 赤小豆(一兩), 蜜棗(5粒), 果皮(1個), 粟米(2條), 水(13碗)
做法： 老黃瓜洗淨切塊, 粟米切段, 果皮浸軟, 將材料放進煲內, 水滾轉細火煲3小
時, 加鹽即可

60. 黨參白芍湯
功效： 養血柔肝, 緩和止痛, 收歛汗水, 治肝火盛, 補中益氣
材料： 黨參(4 條), 白芍(一兩), 燉肉(1塊), 紅棗(10粒), 水(5碗)
做法： 黨參切段, 紅棗去核, 燉肉切片. 將材料放入煲內, 用慢火煲至2碗即可

61. 補中益氣湯
功效： 調和脾胃, 補血, 降壓, 能增加血液中的白血球
材料： 羊腩(3粒), 黨參(5枝), 紅棗(10粒), 水(5碗)
做法： 黨參切段, 紅棗去核. 將材料放入煲內用慢火煎至2碗水即可

62. 黨參炒米茶
功效： 補中益氣, 調理脾胃, 補血降壓
材料： 炒米(半兩), 黨參(一兩), 水(4碗)
做法： 將粘米白鑊炒香(即炒米), 黨參切粒. 將材料放入煲內用4碗水煎至1碗半即可

63. 竹蔗茅根甘荀湯清潤滋養
功效： 清潤滋養, 宜四季飲用, 乃家居之保健飲品
材料： 新鮮竹蔗(半斤), 茅根(二兩), 甘筍(半斤), 冰糖(適量), 水(9碗)
做法： 將竹蔗茅根切段, 紅蘿蔔切片, 水滾後下材料, 用慢火煲2-1/2小時, 加糖煲2
分鐘即可

64. 五果湯潤五臟六腑
功效： 此湯能滋潤心, 肝, 脾, 肺, 宜秋冬時節, 天氣乾燥, 皮膚爆裂的日子飲用
材料： 龍利葉(五錢), 枇杷葉(五錢), 羅漢果(六分一邊), 無花果(3-5個), 蘋果(3
個), 水(5碗)
做法： 蘋果去皮去核切塊, 將材料洗淨放進煲內用慢火煲1 小時即可

65. 三潤薑湯
材料： 雪梨(4個), 蜜棗(8粒), 腐竹(2塊), 老薑(8片), 水(8碗)
做法： 雪梨去芯切塊, 將材料放進煲內, 水滾後轉慢火煲1 小時, 加冰糖即可

66. 清潤湯
材料： 玉竹(二錢), 沙參(三錢), 熟地(一兩), 淮山(8片), 百合(一兩), 燉肉(2塊), 杞子(2湯匙), 蜜棗(8粒), 水(適量)
做法： (5人用) 將材料洗淨放入煲內, 用慢火煲1-1/2小時即可

67. 雪耳紅蘿蔔湯
功效： 清潤滋陰, 順氣化痰, 潤肺止咳, 利尿清熱, 健胃消化
材料： 雪耳(二兩), 紅蘿蔔(一斤), 燉肉(3塊), 果皮(1個), 水(10碗)
做法： 雪耳, 果皮浸軟洗淨, 紅蘿蔔去皮切塊, 水滾後下材料用慢火煲2小時, 加鹽
即可

68. 鮮蓮藕雪梨汁治流鼻血
功效： 蓮藕汁能清熱潤燥, 止血, 止咳. 常飲此汁, 可清燥, 去痰, 防止熱氣發生.
對於因熱流鼻血, 口乾鼻渴,頭部不適, 唇舌乾燥, 大便秘結, 食慾不振, 聲音嘶啞,
咳嗽痰多, 痰中帶血絲, 乾咳等均有功效
材料： 蓮藕(半斤), 雪梨(2個)
做法： 蓮藕洗淨切塊, 雪梨去皮去芯切塊. 將蓮藕雪梨放入榨汁機內搾汁即可

69. 菊花蜜糖山楂露
功效： 化積消滯, 健胃生津, 可清熱解毒明目
材料： 白菊花(三錢), 金銀花(三錢), 山楂(一兩), 蜜糖(少量), 水(5碗)
做法： 將山楂加入水中, 用慢火煲20分鐘, 熄火後加入白菊花, 金銀花焗5分鐘, 最
後再加蜜糖便可

70. 雙瓜豆腐湯清熱解毒
功效： 清熱氣, 解煩渴
材料： 西瓜(半斤), 絲瓜(半斤), 豆腐(1塊), 薑(2 片), 燉肉(2塊), 水(適量)
做法： 西瓜, 豆腐切塊, 絲瓜去皮切塊, 燉肉切片. 水滾後下薑片, 將其餘材料全放
入煲內用中火煲20分鐘, 加鹽即可

71. 蕹菜(通菜)馬蹄蜜棗湯
功效： 清熱, 利尿, 涼血解毒, 生津滑腸 治血熱流鼻血, 口乾咽涸, 有感肌膚灼熱,
煩燥胸悶, 大便不暢
材料： 蕹菜(通菜) (十二兩), 馬蹄(14粒), 蜜棗(4粒), 水(6碗)
做法： 馬蹄去皮切片, 通菜洗淨切段. 將馬蹄, 蜜棗放進煲內用慢火煲20分鐘, 加入
通菜滾3分鐘, 後加鹽油調味即可

72. 北菇白菜豆腐湯
功效： 適合身體燥熱, 腸胃積熱, 牙肉腫痛, 血壓高, 大便秘結者咳嗽痰延清稀者不
宜
材料： 北菇(一兩), 白菜(十二兩), 豆腐(2塊), 薑(4片), 水(8碗)
做法： 北菇浸軟, 白菜洗淨切段, 豆腐1塊切開4小塊, 水滾後下材料再滾15分鐘, 加
油鹽調味即可

73. 杏仁雪梨蜜棗湯
功效： 清熱除痰, 潤燥止咳. 適合身體燥熱, 喉乾口渴, 咳嗽痰多痰黃, 黏稠或咳痰
帶血絲, 大便不順或秘結者. 咳嗽痰涎清稀之人不宜
材料： 南杏仁(一兩), 北杏仁(四錢), 雪梨(2個), 蜜棗(4粒), 生薑(3片), 水(8碗)
做法： 雪梨洗淨去芯切塊, 再將所有材料放入煲內用慢煲1小時, 加鹽即成

74. 木瓜湯
功效： 清熱明目, 清腸熱, 養顏潤膚
材料： 木瓜(一斤), 眉豆花生(各二兩), 枝竹(3條), 冬菇(10隻), 果皮(1個),水(13碗)
做法： 木瓜去皮切塊, 冬菇果皮浸軟. 將材料洗淨放入煲內, 水滾轉慢火煲2小時,
加鹽即可

75. 西洋菜湯
功效： 清熱潤肺
材料： 西洋菜(一斤), 黃豆(四兩), 果皮(1個), 蜜棗(6粒), 水(12碗)
做法： 西洋菜洗淨, 黃豆白鑊炒香, 果皮浸軟. 將材料放入煲內, 水滾轉慢火煲2小
時, 加鹽即可

76. 清熱解渴湯
功效： 下火, 清熱毒, 生津止渴
材料： 涼瓜(半斤), 黃豆(四兩), 鹹菜(三兩), 薑(2片), 水(12碗)
做法： 涼瓜切條去核洗淨, 鹹菜切粗條, 黃豆白鑊炒香. 將材料放入煲內, 水滾轉慢
火煲2小時即可

77. 金針木耳合掌瓜湯
功效： 清熱氣, 除煩燥, 使人心境平和, 精神愉快
材料： 金針菜(五錢), 白背木耳(三錢), 合掌瓜(半斤), 燉肉(2塊), 水(適量)
做法： 金針木耳浸軟, 合掌瓜去皮去核切塊, 燉肉切片, 水滾後下材料, 用慢火煲1
小時, 加鹽即可

78. 決明子煲白菜仔湯
功效： 清熱利尿, 清肝明目, 潤腸通便
材料： 決明子(一兩), 白菜仔(一斤), 燉肉(3塊), 蜜棗(5粒), 生薑(3片), 水(適量)
做法： 決明子用布袋盛載, 將材料洗淨, 水滾後下材料用慢火煲1小時, 加鹽即可

79. 杏仁蘋果豆腐湯
功效： 清熱下心火, 生津解渴, 化熱祛痰. 治身體燥熱, 大便秘結, 肺燥咳嗽, 口乾
口渴, 口腔潰瘍, 唇舌損爛, 小便不暢, 尿液黃赤
材料： 南杏仁(三錢), 北杏仁(二錢), 蘋果(1個), 豆腐(1塊), 雪菜(一兩), 生粉(適量), 麻油(少許), 水(適量)
做法： 蘋果去皮去芯切粒, 雪菜切小段, 豆腐切小塊. 水滾後下各材料, 滾15分鐘後
加豆腐, 麻油, 鹽調味, 生粉開水放入湯內埋獻即可

80. 節瓜湯
功效： 預防感冒, 清腸胃利小便, 補腎, 養顏潤膚
材料： 節瓜(一斤), 紅蘿蔔(1個), 花生(二兩), 栗子(二兩), 冬菇(10隻), 薑(2片), 水(13碗)
做法： 節瓜去皮切段, 紅蘿蔔去皮切塊, 冬菇浸軟. 將材料放入煲內, 水滾轉慢火煲
2小時, 加鹽即可

81. 烏梅茶
功效： 強壯肝臟
材料： 烏梅(六兩), 金錢草(三兩), 甘草(一兩), 甘菊花(一兩), 黃糖(四兩),水(20碗)
做法： 將所有材料放進煲內煎成8碗水, 每天飲1碗

82. 補血強腰益腎湯
材料： 紅棗(20粒), 合桃(二兩), 腰果(二兩), 三角豆(一兩), 冬菇(10隻),果皮(1個), 水(10碗)
做法： 紅棗去核, 合桃出水, 冬菇, 果皮浸軟, 將材料洗淨放入煲內, 水滾轉慢火煲
2小時, 加鹽即可

83. 風栗健脾湯
功效： 補腎止瀉, 益腸增氣, 強壯助消化
材料： 栗子(四兩), 燉雞(半隻), 淮山(一兩), 冬菇(10隻), 紅蘿蔔(1隻),水(13碗)
做法： 燉雞切塊, 冬菇浸軟, 紅蘿蔔去皮切塊. 將材料放入煲內, 水滾轉慢火煲2小
時, 加鹽即可

84. 花旗參杞子百合湯
功效： 潤肺養胃, 生津解燥, 明目緩胸肺, 開肝鬱補腸胃
材料： 花旗參(一兩), 杞子(1茶匙), 百合(一兩), 燉肉(2塊), 滾水(5碗)
做法： 花旗參, 燉肉切片. 將材料洗淨放入大燉盅內, 用慢火燉2小時, 加鹽即可

85. 花旗參西瓜皮雲茯苓湯
功效： 解暑熱, 暑濕, 生津止渴, 暑天多飲有益, 老少皆宜
材料： 花旗參(一兩), 西瓜皮乾品(三兩)或鮮品(一斤), 雲茯苓(一兩),
鮮荷葉(1塊), 扁豆(二兩), 竹茹(一兩), 薏米(二兩), 陳皮(一塊), 水(適量)
做法： 將材料洗淨放入煲內用慢火煲2小時即可

86. 蕃茄皮蛋湯治小便黃
功效： 適合夏天, 解暑清熱, 治口渴火燥小便黃
材料： 蕃茄(十兩), 皮蛋(4隻), 綠色蔬菜(三兩), 薑(3片), 水(適量)
做法： 蕃茄去皮切塊, 皮蛋去掉外殼切塊, 菜洗淨切段. 水滾後下材料, 滾20分鐘,
加鹽調味即可

87. 金菇芽菜燉肉湯
功效： 健脾開胃, 去濕除煩, 更可消除疲勞, 暢通小便, 可預防肝臟疾病和降低膽固
醇
材料： 金菇(1扎), 大豆芽菜(四兩), 燉肉(2 塊), 薑(4片), 水(適量)
做法： 燉肉切片, 大豆芽菜白鑊炒香加水燒滾, 再下其他材料再滾10分鐘, 加鹽即成

88. 玉竹煲沙參湯
功效： 降血壓, 補中氣, 潤肺, 化痰止熱咳, 平肝燥. 適合多吃煎炸刺激食物, 燒烤
人士
材料： 玉竹沙蔘(各五錢), 西洋蔘(四錢), 黃豆(二兩), 陳皮(小塊), 水(適量)
做法： 將材料洗淨, 水滾後下, 用慢火煲1小時, 加鹽即成

89. 海底椰滋陰養腎湯
功效： 滋陰養腎, 潤肺養顏, 強身健體
材料： 海底椰乾(二兩), 南杏(五錢), 北杏(四錢), 燉肉(4塊), 無花果(8粒), 栗子(10粒), 水(適量)
做法： 將材料洗淨放入煲內, 水滾後轉慢火煲2小時, 加鹽即可

90. 大芥菜煲蕃薯薑湯治感冒
功效： 健胃生津, 通暢胃腸, 強身健體適合感冒風寒, 惡寒, 無汗, 大便不暢, 食慾
不振人士
材料： 大芥菜(一斤), 蕃薯(半斤), 薑(4片), 水(適量)
做法： 大芥菜洗淨切段, 蕃薯去皮切塊. 將材料洗淨放入煲內滾20分鐘, 加鹽即可

91. 慈菇煲湯袪濕利尿
功效： 預防貧血, 抵抗力弱所引起之水腫, 便秘及腳氣病, 能解毒涼血, 消除疲勞,
促進食慾, 治肺熱肺燥
材料： 慈菇(半斤), 土茯苓(一兩), 燉肉(3塊), 蜜棗(5粒), 薑(2 片), 水(適量)
做法： 慈菇去皮切厚塊, 將材料洗淨放進煲內, 水滾後轉慢火煲2小時, 加鹽即可

92. 椰子燉北菇
功效： 強胃, 十二指腸, 補血, 滋腎, 強身
材料： 大椰子(1個), 黃耳(4隻), 冬菇(4隻), 淮山(4片), 紅棗(10粒), 杞子(1茶匙), 滾水(適量)
做法： 椰子開蓋, 倒去內裏的水, 將材料洗淨浸軟後全放進注滿滾水的椰子內, 蓋
上椰蓋並放入煲內用慢火燉3小時即成

93. 淮山燉香菇素雞
功效： 補血, 明目, 滋腎, 強身
材料： 淮山(一兩), 燉雞(四份一隻), 杞子(1湯匙), 圓肉(一兩), 當歸(5片),紅棗(10粒), 滾水(4碗)
做法： 燉雞切塊, 紅棗去核, 將材料洗淨後放進大燉盅內用慢火燉2小時, 加鹽即可

94. 髮菜眉豆花生湯
功效： 補血烏髮, 通便利尿, 化痰止咳, 解毒滋補, 滋陰補腎潤膚, 健脾益氣, 補腳
氣消腫
材料： 髮菜(浸軟1碗), 眉豆花生(各二兩), 冬菇(10隻), 燉肉(3塊), 果皮(1個),紅棗(15粒), 水(12碗)
做法： 冬菇浸軟, 紅棗去核. 將材料洗淨後放進煲內, 水滾後轉用慢火煲2小時, 加
鹽即可

95. 闔家補身湯
材料： 燉雞(半隻), 紅棗(20粒), 雲苓(二兩), 茨實(二兩), 薑(4片), 水(12碗)
做法： 紅棗去核, 燉雞切塊. 將材料洗淨放入煲內, 水滾轉慢火煲2小時, 加鹽即可

96. 白果腐竹湯
功效： 強肺益氣, 補腸胃, 補充體力強身
材料： 白果(三兩), 腐竹(2塊), 百合(二兩), 黃豆(三兩), 薑(2片), 水(12碗)
做法： 白果去殼再出水去衣, 黃豆白鑊炒香. 將材料放入煲內, 水滾轉慢火煲2小時,
加鹽即可

97. 五色豆湯
功效： 多飲強身保健
材料： 紅豆綠豆(各一兩), 黃豆黑豆(各二兩), 眉豆(一兩), 蜜棗(6粒), 果皮(1個), 水(10碗)
做法： 黃豆, 黑豆白鑊炒香, 果皮浸軟. 將材料洗淨放入煲內, 水滾轉慢火煲2小時,
加鹽即可

98. 補健湯
功效： 滋養強壯, 助消化, 明目, 平血壓, 強筋骨
材料： 淮山(4片), 杞子(1茶匙), 白蓮子(15粒), 栗子(5粒), 冬菇(4隻), 水(6碗)
做法： 將材料洗淨放入煲內用6碗水煎至2碗水, 加鹽即可

99. 木瓜蕃薯南北杏湯
材料： 木瓜(一斤), 蕃薯(半斤), 南北杏(二兩), 無花果(8粒), 黃豆(三兩), 薑(4片), 水(12碗)
做法： 木瓜去皮去核切塊, 蕃薯去皮切塊, 無花果一開二, 將材料洗淨後放進煲內,
水滾轉慢火煲2小時, 加鹽即可

100. 南瓜營養湯
材料： 南瓜(一斤), 蕃茄(2個), 波菜(四兩), 罐頭紅腰豆(3湯匙), 薑(4片), 水(適量)
做法： 南瓜, 蕃茄去皮切塊, 波菜洗淨切段, 南瓜煮腍, 將南瓜, 菠菜, 蓄茄, 薑放
入攪拌機內加水打碎待用. 將鑊燒熱用慢火加入麵粉, 牛油, 水煮成糊, 再加入打碎
了的材料拌勻煮滾, 加入紅腰豆, 鹽即成

101. 蠶豆雪菜湯
材料： 去衣蠶豆(五兩), 雪菜(二兩), 紅蘿蔔(1隻), 冬菇(5隻), 薑(4片), 水(8碗)
做法： 雪菜洗淨切段, 紅蘿蔔去皮切方塊, 冬菇浸軟切粗粒, 將材料洗淨後放進煲
內, 水滾後轉慢火煲1小時, 加鹽即可

102. 青豆湯
材料： 實青豆(半碗), 蕃茄(2個), 紅蘿蔔(1隻), 冬菇(8隻), 薑(4片), 水(10碗)
做法： 紅蘿蔔去皮切粒, 蕃茄切塊, 冬菇浸軟切粒, 將材料開鑊爆香後放進煲內, 水
滾後轉慢火煲1小時, 加鹽即可

103. 南瓜海帶湯
功效： 南瓜味甘, 性寒, 含維生素B, C, 營養豐富, 能充飢去熱, 除蟲定喘 加海帶
可減肥, 去脂肪膽固醇, 降血壓
適合肥胖高血壓者長期飲用, 功效更勝服藥
材料： 南瓜(一斤), 海帶(四兩), 燉肉(2塊), 薑(3片), 水(10碗)
做法： 南瓜去皮去核切塊. 海帶洗淨浸軟切段出水, 水滾後材料用慢火煲2小時, 加
鹽即可

昨晚送別 Cindy

還記得 3/4 由昆明抵港當晚，收到 SMS 的通知，得悉你永永遠遠離大家而去，剎那間 …… 淚如泉湧

可能已慢慢接受了，心情亦平復過來 …… 昨夜沒有太大悲痛

細細粒明白每人都有權選擇自己要行嘅路，亦知道每個人的決定總有著自己嘅理由

但事實終歸事實 …… 你已離去了

即使個人絕對唔認同你用這麼一個愚蠢嘅方法來結束生命，仍盼你得到安息

大家將會永遠永遠懷念你

近日，細細粒都不時回想到自己中三那年，以插班生身份加入 3M 嚟個大家庭

開學當日，來到一個陌生嘅環境，戰戰兢兢，你就是細細粒第一位認識嘅新同學，我們還相鄰而坐

後來因分科及畢業，彼此疏遠了，仍偶爾會見見面，亦會跟 elaine 提及你

沒料兩年半前嘅飯聚竟成為絕響 ……

星期天

上完瑜伽課，隨即趕到 CWB

呢日約咗一班朋友仔 (係泰國團友) K Buffet

我哋九男女，當中有兩位牛一

分別係壽星仔阿華 & 壽星女 Maggie

呢到嘅 K Buffet 都好多嘢食

因為個個都食到好飽，所以兩個免費生日蛋糕打包走

由於 Terry 識得 K 場個經理，免加一

5:30 唱到 11:00

仲又食又拎

埋單每位 $170

算 OK 抵喇

真是一點兒也沒有誇張，細細粒自離開校園，就一直沒有踏足過太空館，只是偶爾路過 ….. 還記得最後一次參觀太空館已是高中時代，當時是跟修讀地理科嘅同學於 "沙皮狗 (地理科主任嘅花名，至於他姓甚名誰，現在一下子想不起)" 帶領下到天象廳觀看一套關於星際嘅電影 ……

今天特意重遊舊地，全因一套全天域電影『木乃伊之謎』，原來已公映了一段時間 (1/11/2009-30/4/2010)，好彩還趕得上尾班車。

就在短短的 40 分鐘，勾起了細細粒於 2007 年遊玩埃及的歡樂片段 ……

電影內容

千百年來，為何那麼多人會對木乃伊著迷呢？世人對製造木乃伊過程的好奇經年不減，就如木乃伊本身一樣歷久不衰。 

古埃及人相信要把屍體保存，逝者才能得享永生，為此而製作了數以百萬計的木乃伊。在全天域電影「木乃伊之謎」中，觀眾將經歷一次時光倒流數千年的旅程，回到埃及法老王年代，探究何以木乃伊對古埃及人的生活如此重要。這部電影將揭露古埃及帝王木乃伊的秘密，包括木乃伊的防腐處理程序及隱蔽的陵墓位置。電影更會展示科學家如何為木乃伊進行基因分析，為研究人類疾病作出重大貢獻。

現在，就讓我們一起撥開時間的塵土，一起破解「木乃伊之謎」，探索古埃及的神秘力量吧！

 

  

儘 管 古 埃 及 人 有 記 載 他 們 的 戰 爭 、 神 話 及 傳 說 ， 但 有 關 木 乃 伊 製 作 方 法 的 完 整 文 獻 卻 一 直 未 有 發 現 ， 令 它 成 為 千 百 年 來 的 不 解 之 謎 。 研 究 古 埃 及 的 學 者 和 歷 史 學 家 認 為 ， 天 然 的 防 腐 物 料 和 乾 燥 劑 對 保 存 屍 體 而 言 是 非 常 關 鍵 的 因 素 。 古 埃 及 人 會 使 用 鈉 鹼 液 ( 蘇 打 和 鹽 的 混 合 物 ) 、 乳 香 、 沒 藥 、 蜜 蠟 、 松 木 樹 脂 和 蜂 蜜 作 為 木 乃 伊 的 防 腐 物 料 ， 在 製 作 時 先 把 較 易 腐 爛 的 內 臟 從 屍 體 取 出 ， 但 將 心 臟 保 留 在 原 位 ， 因 為 他 們 相 信 人 的 意 識 是 存 在 於 心 臟 的 。 祭 司 亦 會 進 行 宗 教 儀 式 ， 確 保 木 乃 伊 會 在 來 世 重 生 。

過 去 二 十 年 來 ， 科 學 家 一 直 不 斷 嘗 試 從 古 埃 及 的 木 乃 伊 取 得 有 用 的 脫 氧 核 糖 核 酸 (DNA) ， 可 惜 至 今 還 未 成 功 。 以 瘧 疾 為 例 ， 許 多 古 埃 及 人 感 染 和 死 於 瘧 疾 ， 現 時 每 年 仍 有 數 以 十 萬 計 的 人 死 於 瘧 疾 。 從 法 老 王 時 代 至 今 ， 雖 然 已 經 過 了 幾 千 年 ， 古 代 瘧 原 蟲 ( 引 致 瘧 疾 的 寄 生 蟲 ) 的 DNA 可 能 仍 會 留 在 木 乃 伊 體 內 。 科 學 家 把 一 具 捐 贈 出 來 作 科 研 用 途 的 遺 體 ， 按 照 古 埃 及 的 方 法 製 成 一 具 「 現 代 木 乃 伊 」 。 鮑 勃 ‧ 布 賴 爾 博 士 和 安 熱 莉 ‧ 克 科 爾 斯 博 士 成 功 地 從 這 個 「 現 代 木 乃 伊 」 的 體 內 抽 取 DNA ， 如 能 在 古 埃 及 木 乃 伊 取 得 瘧 原 蟲 的 DNA ， 科 學 家 便 可 了 解 疾 病 在 漫 長 歲 月 間 的 演 化 過 程 。

 拉美西斯二世的木棺

 拉美西斯二世的木乃伊

拉 美 西 斯 二 世 ( 或 稱 拉 美 西 斯 大 帝 ) 是 古 埃 及 最 有 權 勢 的 三 位 法 老 王 之 一 ， 他 相 信 自 己 的 木 乃 伊 會 在 天 堂 復 活 ， 並 且 認 為 人 們 只 要 提 及 其 名 字 便 會 記 起 他 ， 因 此 為 自 己 和 皇 后 納 菲 爾 塔 莉 興 建 了 著 名 的 阿 布 辛 貝 神 廟 。

 阿布辛貝神廟 (細細粒係 2007 年曾到此一遊)

以下資料轉載自蘋果日報

香港太空館何鴻燊天象廳於去年 7 月 1 日重新開放。入場市民只需安坐椅中，透過高達 5,300 萬像素的超高清數碼天象投影系統，便可在逼真的宇宙中穿梭、重溫寫下人類征空歷程重要章節的太空漫步，以及勇闖阿爾卑斯山冰峯的驚險之旅。

歷時七個多月、耗資約 3,400 萬元的太空館天象廳翻新工程終於竣工，於去年 7 月 1 日重新開放。太空館館長陳己雄表示，有別於昔日的光學機械系統，天象廳換上解像度高達 5,300 萬像素的數碼天象投影系統，「同舊時完全係兩回事！」目前為止，國際間只有北京天文館及香港太空館擁有，這個超高清影像質素的數碼投影系統於美國生產，由 28部高效電腦組成。

可模擬天體運動

陳己雄稱，新系統可充份使用天象廳的全圓頂銀幕，播放動畫或電影，「任何角度都有嘢睇」。新系統又網羅最新的天文研究數據，可模擬天體運動，讓觀眾於浩瀚神秘的宇宙穿梭，漫遊各個星體及觀賞極光、日全蝕等天文奇景。

天象廳設有 270 個座位，每張椅子的斜度都按照與銀幕的距離設計，又配備多語言互動系統，提供廣東話、英語或普通話等語言。座椅扶手設有顯示屏，播放天文資訊及圖片之餘，更可讓觀眾參與遊戲，增加影片的互動性。

7.1 揭幕票價不變

天象廳將推出全新天象節目以及全天域電影。

票價維持不變，分別是前座 24 元及後座 32 元，全日制學生、殘疾及 60 歲或以上人士均獲半價優惠。  

  全新座椅的斜度經精密計算而設計

 座椅扶手裝設顯示屏，播放資料

好開心好開心吖！又到咗印度芒果當造嘅日子，記得去年五月，高妹送咗兩個比我試試；今年佢公司又再集體訂購，細細粒請佢預留咗半打，今日 (23/4) 到咗手啦！雖然 size 較去年細 (可能是因為第一造啩)，但一樣好香呀！回家即急不及待食咗一個，好甜、好正、好好味啊！

印度芒同大閘蟹一樣，一年得一次機會有得食咋！高妹表示公司稍後會再訂，小妹一於再搭單，再飽口福 ……

打算多留一個比自己慢慢嘆，其餘四個 …… 有好嘢梗係要同朋友仔分甘同味喇！正所謂獨食難肥嘛！

多謝晒高妹

 說來真是失禮，中國四大名著，只看過西遊記及三國演義，記得中學時有老師講過，將來待累積相當人生經驗後，才細閱《紅樓夢》一書，定必領略更深層次味道。

《紅樓夢》被評為中國最具文學成就的古典小說及章回小說的巔峰之作，「中國古典文學四大名著」之首。

今日起，準備細閱這本家傳戶曉小說，進入紅樓夢嘅世界 …… 個人認為是一項希望工程，冀望自己可以細味且看畢。

故事簡介

《紅樓夢》是一部描寫賈寶玉和林黛玉的愛情悲劇，以及賈寶玉與薛寶釵的婚姻悲劇；全書有著深厚的儒、釋、道思想和社會內容，並在它的主題「愛情」這個中心事件的週圍，安排了眾多的貴族、庶民，以及奴婢出身的女子的悲劇，而其生活環境的廣闊、性格鮮明的眾多人物、錯綜複雜的人與事的關係，都被作者曹雪芹以其極精湛的文字藝術，表現得既恰到好處，而又發揮得極生動、極淋灕盡致。總體而言，《紅樓夢》的寫作藝術，不僅豐富、深厚、逼真、自然，且寫情、摩境，更見人物的鮮活，一點不見斧鑿痕。對於《紅樓夢》的研究，早已成為全世界公認的專門之學「紅學」，而從各個層面做出無數的探討；惟本書最大的特色，是一個具有創作百萬字長篇小說經驗的學者，用他的創作心得直入紅樓堂奧，就《紅樓夢》高妙的創作技巧和思想內涵，明明白白的將如何欣賞、體會，並進而學習創作的精要，以最淺明、暢練的語言，表現出來。

人物關係圖

主要人物

• 賈寶玉–紅樓夢一書的男主角，書中的情節主要是以他為中心，故事從他的前世寫起，幾乎就是在寫他一生悟道的經過。脂硯齋評賈寶玉用「情不情」二字，某些人認為指賈寶玉具有深廣的人文主義思想，能夠對將自己的感情賦予沒有感情的人、事、物。
• 林黛玉–一般認為她是紅樓夢一書的女主角，與賈寶玉相映襯，是中國古典文學中性靈形象的典型。林黛玉為賈母外孫女，即寶玉的表妹，寄居賈府，父母雙亡，體弱多病，多愁善感，才情高捷，文采風流，字顰顰，在詩社中號為『瀟湘妃子』。脂硯齋評林黛玉用「情情」二字，指林黛玉能夠對將自己的感情賦予自己所愛的人。
• 薛寶釵–紅樓夢又一女主角，與林黛玉相對，是所謂的「金玉良緣」。是徹底維護並始終貫徹封建思想的典型人物。薛寶釵為王夫人的外姪女，即寶玉的表姊，隨母親薛姨媽、哥哥薛蟠居住賈府。她體態豐豔，才情亦高，為人親和圓融，心思細膩，在賈府眾多下人中，比多情敏感的林黛玉受歡迎得多，也深得賈母喜愛；在詩社中號為『蘅蕪君』。薛寶釵服膺世俗價值，雖然她身上所佩戴的金鎖，和賈寶玉的通靈寶玉是為『金玉良緣』，但在寶玉心中仍不及超凡脫俗的林黛玉。因書稿80回後丟失，不知曹雪芹給其的評語為何，但書中反覆隱喻，如：冷香丸、所居院落「蘅蕪苑」前大石封閉及無花冰冷的環境來看，似乎應為「無情」。
• 史湘雲–賈母娘家(史家)的姪孫女兒，和寶玉、黛玉同輩，父母雙亡，由叔父母撫養長大，幼年時因賈母疼愛，也曾在榮府居住過一段時日，是寶玉的第一個青梅竹馬。性格爽朗明快不扭捏，好幾次因此得罪了林黛玉。作者形容史湘雲的外表是『蜂腰猿臂，鶴勢螂形』，才思不輸薛林二人。有些紅學家推測，作者原有寫湘雲與寶玉結合的打算，因此有『因麒麟伏白首雙星』一回；但目前的通行本中，湘雲乃是嫁給別的男子，而丈夫婚後不久即得癆病，她終身守寡，又是一個薄命的紅顏。
• 王熙鳳–普遍認爲是紅樓夢中最爲鮮活的人物，具有強烈的世俗氣息。為賈璉之妻，即寶玉堂嫂，是王夫人的姪女兒，因此雖然身為邢夫人的媳婦，卻幫王夫人處理榮府家務，精明能幹，口舌伶俐，手腕靈活，手段毒辣。
• 李紈–字宮裁，寶玉長兄賈珠之妻。賈珠死後，守寡撫養其子賈蘭長大。有別於王熙鳳，李紈性格恬淡守靜，待下寬和，雖是王夫人長媳，但主要工作是陪眾小姑們讀書女紅，偶爾協理家務。作者以『梅』作為李紈的象徵，梅為歲寒三友，品格高潔，足見作者對這個角色的評價。大觀園內，李紈住在稻香村，詩社內號稻香老農。
• 賈元春–寶玉長姐，同為王夫人所出，元月一日出生，故名元春，被選入宮中，封為賢德貴妃，賈府蓋大觀園就是為了元春回家省親。作者對賈元春著墨較少，元春和迎、探、惜春四姊妹名字諧音為『原應嘆息』；姓名諧音是作者慣於暗示意涵的手法之一。
• 賈迎春—賈寶玉的堂姐，賈赦的女兒，性格懦弱，信奉道教，但最終被嫁給一個性格暴躁的色狼武將，抑鬱而終。
• 賈探春—賈寶玉的庶出妹妹，是大觀園中僅次於王熙鳳的最能幹的女人，有人誤以為她不願意承認自己的親生母親，尊嫡母為母親，實為當時風俗禮法如此，非其不認親也。曾在賈府協助王熙鳳主事，最終頂替郡主名義被遠嫁番邦。
• 賈惜春–寧府賈珍之妹，在榮府長大，是眾姊妹中年紀最小的一個。性格孤僻，善繪畫，喜佛法，賈家衰敗後帶髮修行，終身未嫁。是紅樓夢中另一個遠避俗世的角色。
• 秦可卿–賈珍之媳，賈蓉之妻。名字諧音為『情可輕』，小名兼美，暗喻兼有黛玉、寶釵之美，處理寧府家務，待下寬和，不落褒貶。她是金陵十二釵中唯一由曹雪芹執筆完成的人物，她第五囘出場，第十三囘死亡。同時脂硯齋評指出原有「秦可卿淫喪天香樓」一節，即可卿與賈珍通姦，事發後上吊自殺，此節後被刪去。現行版本中，仍看得見賈珍為媳婦的喪禮大肆鋪張等情節，引發讀者的揣想。
• 妙玉–賈府家廟中的尼姑，生性好潔，最終反而被強盜虜去，生死不明。
• 賈母–賈家的大家長，原為史侯家之女，嫁與賈代善為妻，生下賈赦、賈政二子，有一個女兒名賈敏，即黛玉之母。賈母和一般的老人一樣，溺愛孫兒，喜歡熱鬧，賈家眾人皆以討賈母歡心為務，不敢拂逆，因此賈母在諸多事件中都是一個具有最後決定權的人物。
• 劉姥姥–賈家農村的遠房親戚，由於其詼諧無知，成為賈府眾人的笑柄，王熙鳳曾給予她資金贊助，使她感恩永記，在賈府危機時拯救了王熙鳳的女兒。
• 襲人—賈寶玉的丫鬟，本名花蕊珠，後寶玉因見古詩『花氣襲人知晝暖』而改其名。很得賈寶玉的母親王夫人賞識，曾和賈寶玉偷情，後嫁給伶人蔣玉菡為妻。
• 晴雯—賈寶玉的丫鬟，美麗但受到賈寶玉的母親王夫人厭惡，最終因病被遣送回家病逝，賈寶玉為她寫吊唁文。
• 紫鵑–原名鸚哥，是賈母身邊的二等丫環，黛玉來賈家後，賈母將紫鵑派去服侍黛玉，名字與黛玉帶來的小丫頭『雪雁』成對。紫鵑對黛玉十分忠心，常設法寬慰多愁善感的林黛玉，又明白黛玉心事，幾次試探寶玉；是一個『癡情』人物。
• 鴛鴦–賈寶玉祖母賈母的丫鬟，被賈赦看中要娶為妾，她寧死不從，受到賈母的保護，賈母去世時自殺。
• 平兒–王熙鳳的陪嫁丫環，賈璉之妾。對王熙鳳忠心耿耿，並助理榮府諸事，但平兒聰穎善良，常暗中幫助他人。

今個春天真係大整蠱 ……

上週初廿七八度，星期中又一下子急降至十四度

到下週又話回暖兼潮濕，乍暖還寒，真係好容易中招

雖然有句廣東方言 "未食五月粽，寒衣不入籠"

之不過，細細粒都唔理，急不及待趁週末來個大換季，重整衣服的排位

「寒衣們，辛苦了！下個冬天再見吧！」

春裝係時候要久休復出喇！

細細粒上星期仲添置咗一批新貨，

既有今年睇到花多眼亂，大大小小不同顏色嘅碎花裙，

亦有年年都會受歡迎嘅牛仔褸，牛仔裙

洗衣機裏的人

把一大堆五顏六色的衣物倒進洗衣機裏洗，洗得幾次便雪白的內衣變成灰色，粉紅色的 T恤褪了色，黑色的褲子亦似乎不夠黑了。藍最易脫色，一個不小心放了進去一起洗，那便好些衣服會沾了一片再也洗不掉的藍。
人就像讓扔進了洗衣機的衣物，越洗越失去本來的顏色，洗得多了，便全部都帶上了灰色。即使不是扔進去，小心翼翼的分色放進去，在攪拌之後，都是同一樣結果。再放進乾衣機裏在熱風中轉啊轉的，鈕扣掉了，絲質睡衣讓扯裂了，何止變色，還會變形和毀損。
純純的一個小孩，自從上幼兒班直到長大工作，都無法恢復本來的純和白了，洗衣機尚可以把不同的顏色分開來洗，但是社會中的人是什麼都有的，就算看起來潔白，底子裏卻是黑；外表是溫柔可愛的粉紅，底子裏卻是陰森的墨綠；碰上會脫色的藍，人便染上不良嗜好，永不超生。
我們在不同的時期會沾上了不同的顏色，人家也會沾上了你的顏色，社會本來就是濁水，沒有人能夠免掉一層灰色，那就叫做風塵，滄桑，本色是沒有的了，即使有，也是一些殘漬。不跟原來的顏色比一下，人根本不自覺自己已經變了。
想起這些，因為我同時買了兩件粉紅色的 T恤，一件穿過幾次，傭人洗過幾次，我不覺察有什麼不同，直至拿沒穿過那件出來放在一起，才驚覺洗過幾次那件顏色淺了，帶灰了，不再是像粉紅花兒明亮地天真一笑了。我們的一生，就像洗衣機裏面的衣服，雖洗仍髒，難以如蓮花般出污泥而不染了，誰能在世界尋回自己？

係雲南，家家戶戶都愛掛上大串大串嘅玉米同辣椒

大家估唔估到點解？

玉米係喻意豐衣足食，辣椒係熊熊大火之意，寄望家族人強馬壯

沒預計雲南處處開滿櫻花

相中係麗江市嘅翠湖花園，玉龍雪山隱約可見

呢個小朋友好搞笑，一發現細細粒影佢，即刻不停撲向相機

呢張相係隔著車窗影的

旅遊車突然剎停，原來前面有一群羊隻要過馬路啊！

呢座係陳年普洱茶葉

係雲南隨處可見 

完

15/4/10 後記

忘記寫下對呢次旅行嘅感受：

去之前都擔心當地旱災會否影響到我哋，於是自備了樽裝水，

(旅行社好體貼，每日都有蒸餾水供應）

基本上身處旅遊區，並不會察覺旱災帶來嘅影響有多大；

但當途經郊區，一片一片枯竭嘅農田就隨處可見，

以往，旅程中若然碰上下雨，細細粒總感到麻麻煩煩，好掃興 ……

呢次就好唔同，係麗江短短兩日，不時下著雨，但個心卻感到欣喜，

頓時覺得以往令自己開心嘅人和事，都總認為係好理所當然，從不會珍惜分毫，

偶爾還覺得快樂係好難求，其實，不 …….

看！回港不足兩星期，地球某角落又發生天災：

青海玉樹發生 7.1 級大地震

冰島發生火山爆發

可以身處香港已經係一件好幸福嘅事，係你同我嘅福氣

願天災無情，人間有愛

WINNIE & RICKY 外遊買回來嘅手信喔

d 手信果然跟他們嘅外號 (食神 + 廚神) 有著密切嘅關係

都係離唔開個『食』字

一於影番張相記低佢先 ……

呢個係三色蛋糕 (原味，咖啡，斑斕葉)

一打開個盒，嘩！香噴噴，好香吖！

噢，yummy！yummy！

仲有『三叔公』嘅雞仔餅，老婆餅

個包裝好得意，好唔好食就未知

拆開睇睇，原來同我哋係香港見到嘅唔多同喎！

WINNIE 都唸得好周到，緊係怕細細粒食完呢堆熱氣嘢會喉嚨痛

所以仲有百寶花茶

w

成堆手信唯一唔食得落肚嘅係一對百家姓筷子

雖則唔食得，之不過又係同食扯上關係

真係要寫個『服』字比佢哋兩個囉！哈哈

　多謝晒

昨日同 bonnie 食飽飽，跟住去咗行街街！ 

太子花墟街頭有一間樓高 ４ 層嘅 "繽紛花店"，細細粒每次途經太子都例必入去逛逛。皆因裡面售賣嘅種類包羅萬有，有花樽、有乾花、有掛畫 …… 琳瑯滿目，美不勝收，真係林林總總嘅家居小擺設都可以係呢度搵到，最適合愛靚一族，閒時愛把家居粉飾一番的姊妹們啊！雖然 d 花都係 "假嘢"，但係仿真度極高，我就係貪佢又靚又唔會凋謝嘛 –<-<-<@

 ~@^_^@~  呢日細細粒又有斬獲呀！

一支四呎高嘅太陽花 ($128)

搭港鐵回家途中，不停有途人問我支花係真定假？幾多錢？真係搞笑！！

講到搞笑，生得咁 "高" 嘅細細粒捧住呢支花個樣仲搞笑 ^0^

o(≧v≦)o 每日望見佢，人都靚 d，開心 d o(≧ω≦)o

另外兩件唔等使嘅小擺設 ($148/$168)

心思思．．．．．．好想試

Our Restaurant 是一家吃土耳其食物的餐廳，
廚師是土耳其人；
我估食物應該是比較正宗吧！？

餐廳主要供應的食物有把肉類插在棍上的轉轉烤肉，另外也有鐵板煎肉類，
可以配合成為卡巴、白飯、沙律和薯菜。

餐廳是 grace 推介，原本安排係前天嘅 "阿哈生日飯局" 時幫親，
可惜當晚未能品嚐，原因 …… 最關鍵當然係 grace 有個無良老闆囉！

雖然呢晚未能一飽口福，係好奇心驅使下，上網搜查過相關資料，
原來餐廳背後．．．．．．

 雞肉卡巴

 

（因為 bonnie 鍾意食嘢，又愛新嘗試，加上佢食量大，咁我就可以試多幾味喇）

我哋試咗咩？

土耳其肉丸配沙律

肉丸味濃 juicy，配菜新鮮，正 ……

卷皮是脆脆的，雞肉配上秘製醬汁，yummy yummy ……

Bonnie 另叫了一客 轉轉燒羊卡巴卷　＊細細粒唔食羊

佢邊食邊讚不絕口 ……

 

接近三星期沒有上瑜伽課，前天開始恢復練習

明顯有點力不從心，吃力非常，帶點沮喪

今早上完堂，隨即同 bonnie 飽嚐美食，成個人開心晒

31/03/2010 星期三  DAY 3

麗江。觀音峽

一處好值得去嘅景區

 下午剛抵步，即下起大雨來

導遊指當地已很久沒有下過雨，笑指大家貴人招風雨，為麗江帶來罕貴嘅雨水

31/03/2010 & 1/04/2010 星期三/四  DAY 3 & 4

麗江。兩晚都係行古城：

『束河茶馬古城』及『麗江古城』

古城內有很多店舖，售賣工藝品、茶葉、絲綢等，兩城大同小異

當中以麗江古城嘅規模大好多好多

原來呢個古城已經有 800 多年歷史喔

行古城呢晚未夠七點就食晚飯，所以細細粒同 bonnie 無幾耐鬼咁肚餓，

決定兩個人離團 …… 去咗邊 …… 食宵夜囉！

一嚐地道嘅過橋米線，仲認識咗一對自悠行嘅年青夫婦 ……

之後又有 dd 斬獲，十點幾自行搭的士返酒店

不如係度介紹一下其中一晚嘅團餐，有咩特別？係正宗雲南過橋米線

每人一個大大大湯碗，盛有沸騰嘅湯

趁熱自行放入配料 (相中層層疊，一人一碟)，攪拌

最後再放入米線，大功告成

好唔好食？其實味道唔錯

之不過，唔食得辣嘅細細粒就慘囉！食咗兩啖 …… 變咗孖潤腸，哈哈哈

整個行程最吸引細細粒嘅就係麗江呢段路，雖然逗留嘅時間唔長，總算印象難忘，

除咗第一次睇到落雪之外，

還有另一個意外驚喜 …… 來往大理與麗江，沿途居然開滿油菜花，

城城表示今天因為乾旱，油菜花田少之又少，

特意往羅平拍攝油菜花田嘅旅客都感到非常失望，

然而沒預計會睇到花田嘅，卻可一飽眼福 …… 若果可以落車拍拍照就更加好喔！

  待續……

1/04/2010 星期四  DAY 4

麗江。玉龍雪山

慶幸跟“它”遇上 …… 興奮莫名

？是誰？

 牦牛

一隻只能生存於三千幾海拔以上，價值不菲嘅牛隻 (閒閒地八萬蚊隻)

數年前，九寨溝之旅，往神仙池時，沿山路行車途中曾與它有過一面之緣，但無法合照

背後就係玉龍雪山

是北半球最近赤道的山脈

位處青藏高原東南邊緣的喜瑪拉雅山山脈盡頭

終年積雪的玉龍十三峰，中主峰 (扇子陡) 高達 5596 米

由北向南一字排開，南北綿延 35 公里

山腰雲騰霧繞，遠望像一條銀白色的巨龍在半空騰飛，因此得名

是麗江自然景觀的核心區域

我哋呢日最高只係去到海拔 ~3800 米嘅『牦牛坪』

『牦牛坪』係觀賞雪山嘅最佳位置

當日整個上晝都下著茸茸細雨，相當寒冷，約 2-3 度

乘廿分鐘索道上到牦牛坪 …… 咦！雪山呢？？

因為太大霧，眼前只是朦朧一片

雖然係專程嚟睇雪山，呢刻卻跟它緣慳一面

大部份團友都感到好失望

但細細粒又沒感到太大可惜喎，或許預感 ……

希望在明天嘛！總會見到嘅 ……

（之後去到白水河就見到佢喇！）

突然

落雪呀！無眼花，真係落雪呀！！

嘩！好興奮吖！！！！

之前係無預計會睇到雪o架！係細細粒第一次見到下雪

係一個意外收獲

  

       

                     http://flash.picturetrail.com/pflicks/3/spflick.swf  

 

 

 

 

差點兒忘記咗：乘索道上牦牛坪之前，我哋欣賞了一場震撼人心的表演 －《印象‧麗江》(雪山篇)。

《印象‧麗江》是三位名導演王潮歌、張藝謀和樊跃精心打造的大型實景演出。

《印象‧麗江》的露天舞台建在海拔 3100 米，玉龍雪山下的索道站旁，

背景便是玉龍雪山。雖然當天雪山被雲霧蓋著，

但坐在其中，我已能想像如果天朗氣清的話，是如何的有氣勢！

表演由500名來自10個少數民族的演員演出，整個節目沒有什麼豐富的劇情，歌舞是很有氣勢，但其實也很簡單，甚至可說是有點粗糙，因為表演者全是非專業的演員。但不知為何，總是掀動著你的情緒，可能正是那種率性簡樸的民族元素，最能感動人心。不懂如何去形容，總之一句：精彩！

玉龍雪山順遊地點 ─ (1) 白水河

像九寨溝+黃龍
白水河是玉龍雪山融雪所匯成的河流，位於雲杉坪附近，因為河底有白色石頭映照河水，因此得名白水河。
而在這裡河流當中有個人工建成的白水台瀑布，當然沒有中甸真正的白水台壯觀，不過此地倒是欣賞雪山美景及拍照的好地點。
真正的白水台是著名的世界奇觀之一，原本清澈無比的江水，由於含豐富的鈣質，與空氣結合後，產生白色結晶體，日積月累後便凝結成了白色的河床，經過幾千萬年的堆積，層層疊疊的成了疊瀑。

玉龍雪山順遊地點 ─ (2) 玉水寨

風景秀麗，還可再次跟牦牛作近距離接觸，予你任影唔嬲

點解咁鍾情牦牛？純粹因為佢個樣夠傻囉 ^o^

 

待續……

30/03/2010 星期二  DAY 2

大理。古城

其實我哋係大理逗留嘅時間很短

第二日傍晚抵大理

飯後行咗『大理古城』(建於 1382 年)

大理古城城樓雄偉，風光優美。大理城的規模壯闊，方圍 12 裏，原城牆高 7.5 米，厚 6 米，東西南北原有四座城門，上有城樓。
城內市井儼然，布局呈棋盤狀，從南到北有 5 條街，從東到西有 8 條巷。古城的建築為清一色的青瓦屋面，顯得十分的古樸。街邊有各種專賣大理石製品、紮染、草編等名特產品的店鋪和風味十足的白族飲食店。大理人愛花，白族傳統民居都有在庭院內養花種草的習慣。大理古城也就有「家家流水，戶戶養花」之說。

穿過城樓，進入洋人步行街

兩旁商店售賣工藝品，茶葉等

之後會抵『五華樓』

閒逛約一粒鐘，都有收穫吖！買咗塊披肩

31/03/2010 星期三  DAY 3

大理。三塔寺

『三塔寺』係大理嘅地標，清晨時分只在外圍拍拍照

三塔曾經歷了 1925 年的大地震，但依然屹立不倒

大家可有發現左右兩塔塔身呈傾斜狀？是地震做成嘅

之後乘船出島

途中突然風雲變色，還下起雨來

很快又雨過天晴，仲比我哋見到兩道彩虹添

島上有小販賣小食：炸魚，炸蝦等

島上有幾座廟，沒甚特別

從天鏡閣下望是 "洱海"

隨意影番張相 …… 到此一遊吧！

 驟眼看，大理嘅街頭都幾整潔

但實情呢到超多 "蒼蠅"，非常討厭！！

城城表示係跟氣候有關，並非衛生問題，你信唔信？？

街道兩旁開滿櫻花，傍晚景緻好靚

待續．．．．．．

30/03/2010 星期二 DAY 2

昆明。石林

阿詩瑪的故鄉

北京看城頭！上海看人頭！西安看墳頭！到昆明一定要看石頭！

當地有一句順口溜是這麽形容石林的：

遠看石頭大、近看大石頭、石頭果然大、果然大石頭！

來到眼前的巨石群，有獨立成景，有縱橫交錯，奇石拔地而起千姿百態，

或許，因石林被譽為“天下第一奇觀”，

亦是現今世界上 “喀斯特 (溶岩) 地貌之最”，

並於 2007 年評選為“世界自然遺產”，

以使細細粒抱太大期望，結果有點失望！

走進石林，別忘發揮一下你豐富的想像力

二億七千萬年前，這裡是一片汪洋大海，後來由於地殼變動，海底上升而變成陸地，

再經雨水長期沖刷及溶蝕，形成無數的石柱，石群和石峰

這片萬石成林，群峰壁立的仙境，遠望猶如一片蒼茫壯觀的森林，因而得名 "石林"

其中較有名景觀的有 <蓮花峰>，<劍峰>，<望峰亭>，<阿詩瑪>，<母子偕遊> 及 <南海觀音> 等

3/04/2010 星期六 DAY 6

昆明。花卉市場 (中國鮮花批發集散地)

呢度範圍唔算好大，有乾花同鮮花賣，價錢真係平到你唔信

玫瑰花 1 支唔使 1 蚊就有交易

↓細細粒手上嘅花都唔使 30 蚊人仔↓

↓ 順道讓呢位朋友仔跟大家見見面 ↓

佢係呢幾日同細細粒玩得好開心

係全團唯一嘅小朋友

“5 歲大嘅熙熙””

買花嘅時候，當然要講下價喇！

細細粒仲話自己係學生，無咩錢

結果原本 $10 一支，變成 $10 三支成交   YEAH！！

仲有千萬唔好比佢知你係香港人，否則 $3 一大束變成 $3 一支

29/03/2010 星期一 DAY 1

昆明。地標 (金馬碧雞坊) / 夜市 (昆明蘭桂芳)

待續　．．．．．．

真係世事難料

細細粒講咗去雲南呢個地方都講咗好幾年

遲遲未有起行

今年決定去嗱

咁啱就遇上當地 80 年來最嚴重嘅旱災

無緊要，如期出發

出發日期：29/3/2010

去程航班：HKG/KMG HX247  15:50/18:25

集合地點：二號客運大樓 P 區

回程日期：3/4/2010

回程航班：KMG/HKG HX248  19:00/21:10

香港領隊：Tony Lau

當地導遊：Ivan Chan (城城 / 金毛城，最叻搞氣氛)

團友數目：19 人 (人少少，但個個都玩得)

雲南咁大，係短短 6 日可以去得邊？

簡單嚟講，就係：昆明 → 大理 → 麗江 → 昆明

Day 2  昆明 → 大理 (車程約 5 小時)

Day 3  大理 → 麗江 (車程約 4 小時)

Day 5  麗江 → 昆明 (車程約 9 小時)

嘩！車程咁長，有冇嚇親大家？大家可能會問點解唔揀 d 有得搭內陸機嘅團，係咪為咗慳錢？？

實不相瞞，當初的確係想慳慳地，因為選搭內陸機嘅團，團費會貴近二千蚊；之不過 ……

哎喲！當地導遊表示，搭車跟搭內陸機所花嘅時間其實差不多，搭車仲可以沿途欣賞風景添！

咁大家又知唔知雲南係位處高海拔呢？

細細粒有冇高山反應？

• 昆明　海拔 1891 米

• 大理　海拔 2200 米

• 麗江　海拔 2400 米 (抵玉龍雪山海拔 ~3800 米處)

真係好彩，細細粒連日來都無高山反應 (就連上雪山當日亦安然無恙)，自己都有點出乎意料；全團 19 人，只有 1 人患上高原反應

天氣係點？早、晚 10度以下，下晝 20 度左右

最凍當然係上雪山喇！

當日只得 2-3 度，仲 …… 係度先買個關子

雲南有咩小數民族？有無特別稱號？

呢度大大話話有成 26 個小數民族 (中國總共有 56 個小數民族，以漢族最大)

• 昆明　彝族人　　女子稱 "阿詩瑪"　）

• 大理　白族人　　女子稱 "金花"　　）至於男子點稱呼，sorry 唔記得咗 ^0^

• 麗江　納西族人　女子稱 "胖金妹"　）

至於食、住方面，個人認為 OK，尤其住宿更是不錯，全程 4-5

• 昆明　尼斯酒店

• 大理　亞星酒店

• 麗江　心怡酒店

有咩好食？對團餐都唔會有咩要求，不過亦較預期中理想，比較有特色嘅 ……

• 天山野菌火鍋　　　　　

• 宜良烤鴨　　　　　　　

• 大理砂鍋魚

• 過橋米線汽鍋雞 

另試過當地一 d 地道小食：

• 烤乳扇 (超酥，唔係人人接受到)

• 喜州巴巴 (分咸，甜，類似咸占餅，味道唔錯)

有咩特產？當地係『鮮花基地』、『藥材寶庫』、『煙草王國』

咁細細粒有無買？當然有喇！

買咗鮮花 + 手工藝品做手信

團友就狂掃普洱茶餅 + 普洱茶磚，佢哋夾夾埋埋，起碼花咗兩萬蚊

 跟著會寫 D 咩？打算 Post 相片 + 簡單介紹，應該不會逐日詳述吧！

待續　．．．．．．