｡。｡▫❤♡❤‥外星小美怡‥❤♡❤▫｡。｡

因年頭攝過太歲

決定今日還太歲

嘩！係荃灣等 81 號專線小巴條人龍好長呀！

皆因人人都要趕及立春 (4/2) 前還神

加上係週日兼又係好日

結果等咗一個鐘頭四十五分才上到車

無計喇！

   有借有還至係上等人嘛   

31/1 後記：

 

 

 

 

 

 

今日係細細粒嘅牛一

懶洋洋的起床後，忽然想到很久沒有到海洋公園了

安安、佳佳、盈盈和樂樂到香港那麼久，我也未有探望過它們

於是決定同 Dick 兩人出發到 Ocean Park 去

(哈哈！其實係想起生日可以免費入場咋！！)

去玩！去癲！嚟 Ocean Park！GO GO GO GO GO GO！
那裡 10 時開門，我們 11:00 已到達，唔使 10 分鐘已換到免費入場票

 先去到大熊貓館拍拍照，可惜跟安安、佳佳緣慳一面

(一隻叭咗係度大覺瞓，另一隻唔知去咗邊）

 跟著坐海洋列車

 水母萬花筒  太平洋海岸  海洋館  觀光塔  

用咗 1.5 小時 + $130 畫咗張漫畫

 坐鑬車

 熊貓山莊 (見到盈盈 + 樂樂)  金魚寶殿  鱷魚潭 

 係度逗留咗近 5 粒鐘

 呢日沒有玩過任何機動遊戲，因為身邊有隻膽小鬼囉

呢個世界真係好細，咁都碰到 ……

表妹 "少薇" + "芊芊" 喎

晚上決定搵間有特色嘅餐廳試下

想起之前係飲食雜誌介紹過嘅『Organic Life Cafe & Restaurant』

ORGANIC 我鍾意呀！！一於去試試

看名字已經點了題，就是主打健康飲食文化

餐廳採用落地玻璃設計，猶如一個『空中花園』

2/F Podium Garden, Exchange Tower, 33 Wang Chiu Road, Kowloon Bay

Tel: 2420 0363  www.olcafe.hk

 海鮮湯 ($118)

 帶子刺身 ($110)

 OL 特色海鮮闊麵 ($148)

 慢煮挪威三文魚 ($220)

今晚約咗同樣係一月牛一嘅肥媽食飯，佢係月初生日嘅，但佢當時碰啱病咗，所以嚟到自己嘅生日前夕才跟她一起食飯慶祝

細細粒之所以選擇『翡翠拉麵小籠包』，

絕非愛拉麵，亦非愛小籠包，而是最愛這兒的 …..

 甜酸青瓜簾 ($38)

 宮廷醬茄子 ($38) 

呢兩款係小妹嘅至愛孖寶 …… 只夠攝牙罅

另外仲叫咗

松子桂魚 ($128)  賽螃蟹 ($60)  山東手抓餅 ($22)

 整體算係 OK 好味

今日放工趕赴另一生日飯局

係同 bonnie 撐枱腳吖！！ 

反正還有很多很多款餸菜想試試

 

    

多謝 bonnie 嘅鬼主意！好心思！

 

 飛碟 (脆脆地，甜甜地) 好好味！

 

深圳市羅湖區春風路 3068 號置地廣場 A 棟 2-3 樓

(國貿地鐵站 A 出口，佳寧娜廣場後面)

點心質素唔錯，而且仲好平

平日仲有六八折，至於週日就只得九折  

今日 21/1  FANFAN 的生日

為遠方的你送上蛋糕一個！！(睇得唔食得)

22:50 後記：

好開心呀！剛收到 fanfan 嘅 email 回覆：

哈哈！多謝！小弟未在你心中忘掉，非常感激！
記起你生日亦在本月，大家都老了一歲。
保重身体，勿勞氣。鬨長命！
我用小蒙恬中文寫板囘信。很好玩。
暑期囘港和你再叙！
文仔上。

好驚喜呀！fanfan 打中文呀！！！

松本泉的《橙路》以及其女主角鮎川圓，一直是與《相聚一刻》和音無響子齊名於 80 年代的動漫和角色。

可惜的是《橙路》在亞視多次播放中我都有完整地看過一遍，現在唯有看漫畫了。

(感謝高妹借來全套 18 卷，YEAH~~~)

《橙路》的主線是擁有超能力的中學男生春日恭介，與他的女同學鮎川圓及檜山光所發展的一系列三角關係。由於春日家的成員擁有超能力，加上恭介身邊的好友們的搗蛋，令整個故事的發展既胡鬧又搞笑，成為一套輕鬆的愛情小品故事。

 
《橙路》能成為當時得令的動漫之一。相信不少男讀者希望成為恭介般既擁有超能力，又能獲得兩位美少女垂青。而阿圓既漂亮又擁有一身不同的能力，例如空手道和懂樂器，更是眾男女生夢想的女神。要讀者代入恭介的身份，亦不難作出選擇。

恭介的角色設定比起一般男性來得更優柔寡斷，這亦是不少讀者「痛恨」恭介的地方。然而這實在是故事延續的最重要元素，越是和光在一起，越不能割切這段關係而與圓一起。光與圓越是好朋友，便越不能因恭介而打破這種關係，友情與愛情便越是糾纏不清了。然而最佳的愛情故事，總不能缺少這些橋段，這或許是恭介的原罪吧。

《橙路》雖然是與《相聚一刻》齊名的 80 年代動漫，當年的年青讀者 (即現在已 30 開外的朋友)，以我所知大部份都較懷念和欣賞《相聚一刻》。雖然如此，其實《橙路》真的很適合年青的讀者，尤其是十五二十時的中學至大學生，但假如是大學畢業、上班或經歷過戀愛婚姻的人，總會對裕作和響子的故事有較親切的感覺。《橙路》就像踏入青春期的少男少女一樣，既青澀又濃烈像剛開瓶的新酒一樣耳目一新，而《相聚一刻》則像久釀的老窖，醇醇的酒香引發著久被淡忘的情感。

 
與其拿兩者去比較，倒不如說這兩套動漫互相輝映，令我更懷念精采的 80 年代。

1/2 後記：
全套十八卷，今早終於睇晒喇！

今個星期五，高妹會再借我 "相聚一刻"，又有得煲喇！

Louis 召集，為 17/1 壽星女 "韻怡" 慶祝生日

都係呢個時候至知韻怡跟小美怡同一個月牛一

好彩仲趕及選購生日禮物

今日除了 "輝少" 外，一行十人總動員去到富豪軒嘆茶

食下食下 …… 多咗個不速之客

佢滿場飛，搶去壽星女不少風頭

生日蛋糕當然唔少得喇

薄荷朱古力慕絲蛋糕

切蛋糕之前，當然要一齊唱番首生日歌喇

13/1/2010

阿哈約咗高妹同細細粒呢兩位一月壽星女晚飯，藉以提醒我哋又大咗一歲喇！！

呢晚高妹提議食素，並推介『大自然素食』，果然係好介紹，呢位『飲食男女』確非浪得虛名

阿哈跟細細粒一打開個餐牌，已經有好多嘢想食，流晒口水 ……

我哋四個 (benny 亦係座上客) 一共點咗八樣嘢，仲差不多掃清光，食量真係驚人！

究竟呢八樣係咩：

• 霸王西施（凍豆腐配上秘製醬汁）

• 原個金瓜焗飯

• 牛油野菌卷  

• 芝士牛油果鮪魚焗多士  

• 泥棗（芋頭，栗子）

• 野菌炒蛋

• 雜錦壽司（似模似樣，口感十足）

• 蒸素餃

• 最後仲有渣渣糖水送添 ^o^

（其實每樣食物都有個靚名，之不過小妹唔記得咁多）

 

 

 

 

細細粒向來很喜歡買鞋，尤其 BOOTS

(長嘅，短嘅，高嘅，矮嘅，幼跟嘅，粗跟嘅，加加埋埋超過 10 對)

之不過可能個子矮小，雙腳又細，

實在好難買到心頭好，所以一有啱心水，好多時都唔介意價錢，

而且個人認為只要舒適，貴一點都可以；

就好似今晚，做完瑜伽，係朗豪坊路經

無意中睇啱兩對 BOOTS，於是無睇價錢就一口氣掃晒

直到找數才知兩對加埋要三千幾塊 ……

又真係貴咗 D，但唔講你唔知，

細細粒啲 BOOTS 款式多選 "襟興"，

加上小妹輕巧又斯斯文文，所以未試過著爛鞋，

對對 BOOTS 閒閒地都著成 5 年，計落都係值得嘅！！

老實講，呢兩對鞋係小妹咁大個女以來，最貴o架！！

剛過去的星期六、日，細細粒聯同 bonnie, angel & sukyi 參加美食之旅主辦的【五星級《江門逸豪酒店》、《酒店中西式豪華自助晚餐》、《酒店豐富自助早餐》、泉林動感山莊、新會紫雲觀、周恩來像，《三鄉特色宴》、《會城風味宴》，美食純玩二天團】團費 $418。

DAY 1

0915 到羅湖口岸集合。

 0930 開車到黃崗接齊其餘的團友後正式出發。全團 47 人。

旅遊車沿廣深高速，轉京珠高速往中山，沿途都很暢通。1200 前已抵達中山三鄉嘉豪酒樓，享用「三鄉特色宴」。圍餐有九菜一湯，當中最特別的菜色有「大頭魚」，一魚多味，美味非常。

1245 大家都捧腹上車，之後抵達中山泉林動感山莊，這裏集「荔園式」、「歡樂天地式」的機動和攤位遊戲共 60 多項目集於一身的遊樂場，更有滑草、山水泳池、觀光纜車、空中飛人、室外卡丁車、賽車場等，之不過這些玩意毫不吸引，惟有 hea 下 hea 下等夠鐘集合。

1430 啟程到酒店。1640 抵達江門逸豪酒店。我們四人都是第一次光臨，對酒店的印象唔錯，房間確實寬敞、豪華、舒適。最高興係酒店附設左右兩旁的大型購物商場，內有大型超市，貨色琳瑯滿目，包羅萬有，足以消磨整日的時間在內購物、娛樂、消閑。

1800 到酒店餐廳享用自助晚餐，雖然食物的種類不算多，不過質素唔錯。

2100 與 angel & sukyi 走到酒店五樓，以 $136 享用兩小時香薰按摩至 2300 才回房休息。

DAY 2

0800 享用自助早餐，食物款式同樣不多，是比較令人失望的五星級酒店自助早餐。之後再到金匯廣場閒逛至 1100 check out。

先後抵新會圭峰山玉湖公園，內有周恩來總理像；以及香火鼎盛的紫雲觀。

1300 到酒家午饍，享用九餸一湯「會城特色宴」，另有『芝麻茶』供大家清熱解毒。

1430 啟程返深圳，沿途頗為暢通，1715 已返抵羅湖，結束這兩天休閒、美食之旅。

呢兩日都幾開心，之不過真係好凍呀！

 酒店外貌

  酒店大堂  

   

 

 酒店餐廳

 周恩來像