｡。｡▫❤♡❤‥外星小美怡‥❤♡❤▫｡。｡

由哈小姐結集嘅 21人隊伍，名為 "集牌軍"，準時十點半南昌站 Ｄ 出口集合，乘搭由大會提供嘅接駁巴士，抵起步點。

集牌軍主要由阿哈，高妹同細細粒三人，分別連同自家嘅親朋好友集結而成，當中有一位成員不得不提，佢今日發揮了重大作用 …..

就係呢位一歲多，剛學會行路嘅 BB，

因為佢嘅加入，將集牌軍嘅平均年齡拉低，

使得各人忽然後生咗，行起嚟零舍起勁！！

由於大家彼此步伐不一致，所以一起步就已經分開咗，而小妹就拍著二佬，嘉儀，廚神同食神，由昂船洲高架路出發，沿昂船洲大橋、青衣東高架路，到南灣隧道西面出口嘅終點站 (全程長約 6.5 公里)，用上近 2 小時行畢，沿途一邊拍照，一面欣賞藍巴勒海峽景致，即使天色陰暗，周遭朧罩著煙霧，未能飽覽風景，但對細細粒來講，可以親身走在這條世界上第二長的斜拉橋 —— "昂船洲大橋"，仍感到非常興奮。

完成百萬行後，乘大會安排嘅接駁巴士，折返青衣機鐵站巴士總站。

據知今次嘅參與人數有三萬之多，能參與其中，真係要多謝發起人阿哈喔！

21/12/2009 後記：20/12  0700 正式通車