Halloween
今晚約咗羊咩咩＋馬仔食飯，唸住搵埋老鼠二人組
喔！佢哋居然話落"蘭桂芳"蒲
真係出人意表
"蘭桂芳"
咪搞我
嘩！！！人頭湧湧，分分鐘抖唔到氣
咁牛牛同羊咩咩＋馬仔食什麼好呢？？
嘻！！食草 …
都差唔多喇！
係去咗紅磡食齋 (觀音廟對面)
Archive for 2009 年 10 月
Halloween
Posted in 節日Fun Fun Fun on 31/10/2009| Leave a Comment »
返來囉！！
Posted in 越南遊, 跳出香港 on 26/10/2009| Leave a Comment »
今朝凌晨四點 morning call，當地八點早機飛返香港
一點前已安全返抵 UFO
一連五日嘅假期即將結束，明天又要繼續挨騾仔喔
出發喇！！
Posted in 越南遊, 跳出香港 on 22/10/2009| Leave a Comment »
5:45 等候機場巴士
7:15 抵機場二號客運大樓P區集合
21:45 登機
向越南進發執包袱
Posted in 跳出香港 on 18/10/2009| Leave a Comment »
趁星期天執定行李
過幾日又飛喇！
公益金百萬行
Posted in 小美怡事件簿 on 13/10/2009| Leave a Comment »
阿哈召集！阿哈召集！
今日哈小姐來電，問細細粒有冇興趣參加十一月十五日嘅公益金百萬行，小妹當然第一時間答應喇！
喔！好耐好耐無參加囉！
係細細粒讀小學及初中嘅時候，都同兩個阿哥參加過好幾次，數下手指，咪好耐歷史囉！
我哋呢次打算以團體參加，所以要搵至少 20 個朋友仔，照計都唔太難，細細粒都已經拉到 winnie, charlie & alan 一齊參加喇！仲有 ricky 都可能會加入添！加埋高妹，哈小姐嘅親朋好友，20 個濕濕碎喇！
昂船洲大橋 – 座落於繁忙的葵涌貨櫃碼頭入口，橫跨藍巴勒海峽，不但是全球跨度最長的斜拉橋之一，亦將成為香港海岸的顯著地標。今年，香港公益金新界區百萬行將於這項宏偉的基建上舉行。參加者除可為公益金資助之「兒童及青年服務」籌募善款外，亦可把握機會，在這項基建通車前置身其中，體會工程之浩瀚及所面對之挑戰，更可欣賞藍巴勒海峽的景色。
15/10 後記：
湊夠廿人喇！已經報咗名，等消息
21/10 後記：
由阿哈徵召，名為 "集牌軍" 嘅小隊，共有 21 人
27/10 後記：
舉行之日，10:45 南昌 mtr 集合
噩夢一週年
Posted in 小美怡事件簿 on 09/10/2009| Leave a Comment »
今日係十月九日，去年嘅同一日，一單偽造文件案被細細粒揭發，噩夢就從那天起沒完沒了
係一週年前夕，收到周 sir 嘅通知，結果係自己意料不到 …… 實在荒謬
或許，事件告一段落，對自己也是一件好事，但呢個想法未免太天真，恐怕另一個噩夢正在迫近 ……
2009 向世界出發第四站：泰國
Posted in 跳出香港, 泰國遊 on 08/10/2009| Leave a Comment »
2009 向世界出發第三站：北越
Posted in 越南遊, 跳出香港 on 04/10/2009| Leave a Comment »
「一飛飛上隱，唔飛周身痕」小妹酷愛去旅行，但不愛坐飛機，之不過去旅行如果不是搭飛機，就不似去旅行，多矛盾！越南，前年九月才遊覽過胡志明市、美拖市和頭頓，想不到今年會捲土重來……其實又唔算係重來，因為上次係去南部，今次係遊北部嘛！！
全新法式情懷
下龍灣、陸龍灣、河內 (首都) 美食 5 天之旅
日 期：2009 年 10 月 22 至 26 日
同 伴：Winnie, Maggie & Gary
旅行社：星級假期
團 費：HK$1,842- (包括：機場稅、燃油附加費、保險費)
BBQ@迎月夜
Posted in 小美怡事件簿 on 02/10/2009| Leave a Comment »
不少人都愛於中秋期間去 BBQ，細細粒都不例外，因為一大班人邊吃邊玩，氣氛夠晒熱鬧，確實係聯誼嘅好方式
兩日前決定係迎月夜，一家人到美孚九華徑燒烤場賞月 (貪佢唔使自己買嘢之餘，地點又方便)，可惜 full booking
winnie 即改變計劃，指派我哋兵分兩路：由細細粒 + 老鼠二人組 (放假一族) 負責買嘢 + 霸爐
至於其他 (繁忙一族)：肥媽，大佬三人組，阿四，肥文等，放工後就自己蒲頭
地點係邊？？什麼什麼，天馬苑嘅燒烤場，係樂富打的，廿蚊有找喎！！使咩咁複雜，咪就係獅子山郊野公園囉！
五點幾已經同老鼠二人組係樂富街市 + 超市買齊嘢
六點抵達燒烤場，噢！個場原來好細咋，得十多個爐，早被人霸晒，點算！！
腦袋盤算一陣子，突然唸起大佬個 "地盤"，急電有關單位轉移陣地 ……
就係咁，我同二人組攞住幾袋又大又重嘅食物上斜落斜，四圍騰，真攞命！！
雖然唔係郊外燒，查實呢個 "竇" 都唔錯喔！勝在方便，又唔使比蚊咬
話時話，記憶當中我哋呢家人從未試過一齊 BBQ 啊！呢個安排真係值得一記
蒲台全島遊
Posted in 親親大自然 on 01/10/2009| Leave a Comment »
今日天氣很好，原本都非常擔心煙花匯演要延期舉行，幸得天公造美 ……
細細粒都有一段時間沒走到郊外，決定係今天十‧一國慶公眾假期，去到位於香港最南面的一個小島 ─ 蒲台島。
今次是參加「發達行」本地一日遊，所以一行有四十多人，中午於尖沙咀碼頭登船。今次是小妹第二次踏足，還記得上一次也是隨團出發，已是十年八載前的事。
團費每位 $308，包括：遊蒲台島，索罟灣海鮮晚餐，維港觀賞國慶煙花匯演
蒲台島是假日旅遊熱門地，這兒聚集了很多人，人山人海，水洩不通。我們先看過僧人石、靈龜上山石、佛手岩、南角咀、天后廟和響螺石，這些奇形怪狀的岩石，確實維肖維妙！之後本打算走到巫氏古宅 (鬼屋) 和棺材石，可惜這裡擁著的人實在太多，寸步難行，而集合時間又迫近，最終只好放棄。
身處島上，除了視覺享受外，聽聽海浪拍岸的音韻，海風不時擦身而過，多麼寫意，令人沉醉，教人嚮往。
離開蒲台島，乘船一小時抵索罟灣食晚餐，呢餐飯都算離普，足足等咗個幾鐘至有得食，因為遊客太多，酒家根本應付不來 …..
好彩最終都趕及八點前返回維港 ……
小妹是第一次坐船睇煙花，除了數以萬計的市民及旅客聚集在維港兩岸觀賞外，海中亦停泊著很多大大細細的船隻，各自進佔有利的位置，場面非常壯觀，加上兩岸聚集大量觀賞的市民，並不時發出熱烈的歡呼聲，現場氣氛異常熱鬧 …… 走到甲板，屏息以待 …… 近距離觀賞煙花 …… 相當精采，不過因為風浪很大，雙臂需不時用力抓緊，好攰，好攰！
廿多分鐘的煙花發放完畢，海上再次出現一場爭奪戰，船隻紛紛加速趕返碼頭落客，場面更為激烈 …… 為避開人群，船長決定改往大角咀碼頭泊岸。
其實，細細粒好怕搭船，個人唔多自在，有點暈眩，每次搭船前總提自己要記得食定暈浪丸，何解總是忘記 ……
遊人魚貫而來，舉步維艱
響螺石 
天后廟
僧人石
126 燈塔 (最南面的一座燈塔) 
靈龜上山石
佛手岩
｡。｡▫❤♡❤‥外星小美怡‥❤♡❤▫｡。｡ 