細細粒覺得自己好犀利，好叻呀！
10K 起跑時間為 5:35，限兩小時內完成，即必須 7:35 抵達終點
細細粒係 7:05 已經到達終點喇！好興奮呀！
Carol 比我快，而我就比小麗快
(真確成績就要係收到証書至知)
老實講，細細粒之前並無練跑，就連跑步機也無踏過，相信今次之所以可以順利完成，可能與一直勤練瑜伽有關 …
小妹之前都講過，目標只係想係限時內跑畢，而家可以係個半鐘完成，真係好開心，覺得自己好了不起呀！
對首次參與，加上『手短腳短』嘅細細粒來講，呢個成績都應該相當唔錯啩 
噚晚九點幾就覺覺豬
一覺瞓到凌晨 3:50，精神奕奕，狀態唔錯(無唸過會咁好瞓)
一覺瞓到凌晨 3:50，精神奕奕，狀態唔錯(無唸過會咁好瞓)
4:25 準備就緒，出發喇！(細細粒並無穿上由大會派發嘅 Tee，因為實在太大件囉！)
收到 Tammy 傳來 SMS 打氣，仲提我係過終點時擺個靚 POST 影相添！乘港鐵往天后，沿途可見個個裝束都係波鞋、運動衫褲，全部同我一樣都係參賽健兒
噢！人頭湧湧，由月台行到 A2 出口都要花上 12 分鐘 (我哋無寄存行李，所以係 A2 出)
5:00 係 A2 會合 
Carol & 小麗
Carol & 小麗原本係 7 人組，結果 4 人甩底，剩下我哋 3 個
Carol 同我都係首次參加，而小麗就係第 4 年參與
5:35 準時起跑，不出兩分鐘，carol 已經不知所踪，直到終點佢都一直領先 
而細細粒同小麗係頭 7K 各有領先，之後 3K，小妹就開始拋離佢
其實無想像中咁辛苦 …
一來可以跑下行下
二來天氣算唔錯，時不時仲有清風送爽
細細粒覺得今日最幸苦嘅路段係首 3K (因為未跑順條氣啩) ，感覺好似跑極都未到下 1K 咁
另外就係最後落鈄轉直路過終點個一刻，已經筋疲力盡、『腳仔軟』，好想停低行，但礙於兩旁企滿攝影同觀賞人士，仲有個大螢幕轉播，所以唔好意思步行，只好同自已講要努力加油，衝埋個終點呀！
之後我哋去咗太興茶餐廳食番個早餐 
收到跑 6:00 10K 嘅 Ivy 來電，話我知佢剛剛完成賽事，成績仲比上屆好咗添
醫飽肚，我哋係駱克道做咗一陣間啦啦隊，同半馬選手打氣 … 八點幾已經返咗屋企
對腳開始有 d 酸痛，唔知明天會唔會 …
完成賽事, 每位參賽者都會有一份架! 裡面有d咩?
就係呢堆嘢 
後記
9/2/09
- 一雙大腿酸酸痛痛，但無大礙 (carol & ivy 都有同樣情形)
- 98% 跑手完成賽事，有5,103 人出現抽筋或需按摩，亦有394 人在賽事中受傷，16 人需送院
12/2/09
-
上網查看成績：大會時間：01:26:28 個人時間：01:23:24
｡。｡▫❤♡❤‥外星小美怡‥❤♡❤▫｡。｡ 
恭喜、恭喜!!!噚日原本我都想send SMS比你、Carol同Ivy架, 奈何我起咗身嗰陣你哋應該跑完喇, 所以慳返, kakakaka…真係好替你哋開心 ^.^…
我都好興奮呀!因為賽前都擔心自己能否應付得嚟!carol 好勁呀! 佢由頭到尾都係帶先呀!