又到了星期天，適逢天氣好好，緊係要到郊外走走喇！欣賞風景之餘，又可吸下新鮮空氣，心情靚 d，人都精神 d！
9:15 西貢巴士總站海濱廣場會合獵影遊 
乘專船從西貢公眾碼頭出發 ($85@) ，主要活動範圍在西貢內海 ……
遊船河、逛沙灘、登山嶺、行石灘，精采萬分 
全程由標叔叔指引船家 
經羊洲，過鹽田仔，見外展訓練學校、獨木舟中心、青年營等
第一站抵大頭洲，登岸 …
島上並無居民，亦無店舖，只有無數先人墓穴 
但從高處鳥瞰，美景當前，確令人心曠神怡 
接著繞過滘西洲，見像鼻洞 … 
下一站係廈門灣 (半月灣) ，再次登岸 …
嘩！這兒水清沙幼，如此優質泳灘，香港真是買少見少，所以吸引了很多人來暢泳呀！
之後繞過一個又一個洲，如大鏟洲、小鏟洲、橋咀洲橋頭、孖洲、湖洲、垃圾洲等
繼而抵達橋咀洲西面嘅橋咀灣，登岸 …
啊！好靚呀！細細粒好喜歡，水清沙不幼，沙灘滿布碎石同貝殼，更可處處看到大大細細的狗隻，不是暢泳，就是你追我逐，非常熱鬧 
另外，亦吸引不少釣魚發燒友添！
島西有一小島"橋頭"，當我們抵達時，適逢水退，大家就沿著露出連接主島與橋頭的沙橋而行，清風送爽，實在是一個假日好去處
約三點，去抵最後一站 "白沙洲"，上岸 …
再次攀向高處，目的就是影番幾張靚相 
今日所經之處，景色怡人，整個人都輕鬆晒！
一眾攝影發燒友，更是滿載而歸，開心到見牙唔見眼喇！
｡。｡▫❤♡❤‥外星小美怡‥❤♡❤▫｡。｡ 
發表留言