五天的 X"mas holiday 話咁快就過了，繼 20/12 公司扒房搞嘅聯歡會外，24, 25 & 26一連三日，細細粒都忙於出席派對，還抽空觀看了由李連杰、劉德華、金成武主演嘅『投名狀』
，今年嘅聖誕節真係好鬼『充實』
23 位舊同學/朋友/同事應 grace & benny 邀請出席 house-warming + X"mas + 炸彈攻略大派對，一次過滿足晒大家"又食又拎"嘅心意，這個『三合一大堆頭』派對，當然唔少得 yan, fion, harmony & meiyee 呢幾位好姊妹幫忙預備啦，由佈置、超市掃貨、入廚房，以至"明目張膽偷食"，都一手包辦，絕不假手於人。傍晚時分，個個大包小包陸續到步，美食當前，激發起大家無窮嘅食慾，經一輪狂風掃落葉後，杯盤狼藉；而準新娘子係時候瞄準目標，開始發放"紅色炸彈"；接著環節當然是進行「非一般交換禮物」，簡直戰況激烈；最後吃過蛋糕，拍過照 …… 曲終人散。
(present: yan, vivian, harmony, ken, ah wai, meiyee, winnie, 法蘭西一家三口, 偉業一家三口, joanna, st perfect, carol, shirley伉儷, fion, may伉儷 & sharon伉儷)
X"mas 之皆大歡喜篇
這天是細細粒請客，bonnie一拖四、miko、tzeying & angel 中午抵達小妹嘅『斗室』，Q 版 uncle 還裝扮成聖誕老人，大派禮物，逗得個個笑呵呵。他們還帶來香檳、蛋糕、芒果布丁等，而小妹為他們親手預備嘅就只有沙律，其餘都是派對到會，放滿一檯嘅美食，大家顯得非常雀躍，邊食邊談天說地，不知不覺飽到"脹卜卜"，連一向生大食漬嘅肥哥哥都喊著叫飽呢！
細細粒屋企沒有甚麼可以娛樂大家，惟有搬出一大堆相簿，將過去兩年外遊時拍下嘅照片供大家欣賞，而我就成為講解員。
散 band 前，小妹更為每人送上一份"度身訂做"嘅禮物，份份都是刮空心思，收禮嘅就當然笑逐顏開啦！
Boxing Day 之三唔識七篇
今日跟 winnie 去咗跑馬地上箕連坊嘅『阿公宿舍』參加 party，在場 17 人，除 winnie, ricky & yuki 外，一概首次見面。踏入千幾二千尺嘅大屋，不用多講，屋主 teddy & wah 絕對是高薪厚職嘅公僕。這班朋友其實是 winnie 嘅泰國團友，一年來每月都會 keep 住聚會，而 teddy & wah 亦非常好客，過時過節都會請團友到此一聚，聽講今次 gathering 仲會傾下嚟梗一月份嘅"相識一週年旅行"事宜添！今個是 BBQ party，由賓賓負責燒食物，既然可以"飯來張口"，大家便可集中火力於四方城及射龍門；而切蛋糕、拍照、交換禮物好自然是指定節目，亦是全日最鬧哄哄嘅時段，至於首次參與嘅細細粒亦都玩得投入，仲承諾跟大隊外遊添！
(present: winnie, ricky, meiyee, yuki, simon, maggie, gary, jimmy, mandy(L), linda, mandy(S), fatboy, ah yau, handsome boy & petty girl)
病魔纏身嘅細細粒係呢個聖誕節仍可盡情玩樂，真係多得呢班朋友仔，
要再次跟大家講聲 MERRY X’MAS
｡。｡▫❤♡❤‥外星小美怡‥❤♡❤▫｡。｡ 
發表留言