是晚應 Elaine 邀請，出席她為愛兒安排嘅滿月飯局，無見 BB 一個月，個樣唔同晒，變得更加靚仔、趣緻，眼仔碌碌，個個都話佢係古惑仔。BB 個樣跟阿昌簡直成個餅印，但當然比阿昌俊俏喇！哈哈！佢亦有一樣嘢好似阿 ling，就係鍾意笑，咁都唔錯呢！
BB 今晚好乖，食飽奶奶就瞓覺覺豬，讓阿昌同阿 ling 可以安樂食番餐，睇見 elaine 又瘦又攰個樣，就知佢揍仔辛苦，希望佢盡快適應到，養番肥自己啦！
自看著 elaine 腹大便便、分娩、到今日 BB 一個月大，真係覺得時間飛逝，話唔定轉下眼 BB 又一歲，到時細細粒又有機會出席佢嘅生日會，再次跟 elaine 一家人聚聚，好似今晚咁 "笑聲笑聲滿載溫馨"。
媽咪，我好肚餓呀！夠鐘飲奶奶喇！老豆快 d 沖支奶比我喇！
我都未醫飽肚，未有心情影相口架！唔影…唔影…..嗚
咕……咕…….食飽飽就梗係覺覺豬喇！發番個好夢先，真係無你哋咁好氣。喂！唔好偷影我瞓覺個樣啦！
｡。｡▫❤♡❤‥外星小美怡‥❤♡❤▫｡。｡ 
發表留言