聯同 grace, benny, harmony, ken, ivy, wai, tinging 一行八人，下午三時許，由五塊田起步，向著大廟坳進發。初段沿山徑拾級而上，略為陡斜。若然天朗氣清，西貢牛尾海一帶的青山綠水，清水灣的優美自然風光以及由移山填海而成的將軍澳新市鎮，應可盡入眼簾。可惜是日煙霧迷漫，不但視野朦朧，潮濕的天氣使大家走起路來亦較為辛苦，最終用上兩個多小時行畢全程。
大家行得咁辛苦，當然要慰勞一下自己喇！按原定計劃在附近的布袋澳發記刷餐勁，呢餐豐富嘅海鮮大集會包括：生食+酥炸墨魚、蒜茸開邊蒸蝦、薑蔥炒蟹、椒鹽瀨尿蝦、蒜茸蒸扇貝、京都骨、菜、豉油皇炒麪等等，食物實在非常美味，個個都有讚無彈，埋單每位 $250-，可謂物超所值，平靚正！
｡。｡▫❤♡❤‥外星小美怡‥❤♡❤▫｡。｡ 
發表留言