午飯過後，飯氣攻心，係昏昏欲睡之際，突然被響亮的電話聲嚇了一跳。
電話傳來一把雄渾的聲線，聲稱是「花旗銀行」職員。
這位大聲公很不客氣地指摘細細粒說：「你已經有兩期咭數無找，總額係 5 萬 4 千 ?? 百元。」
細細粒立即醒晒……連忙問道：「什麼？請問你係邊間銀行話？花旗銀行？你哋張信用咭由申請到依家已經好幾年，但我從來都無用過，又無帶過出街，何來欠 5 萬幾元呢？」
大聲公說：「無可能搞錯嘅，唔該盡快清還！」
細細粒回應：「你究竟有無聽到我講，我從來都無用過你哋張咭噃！點解要我找數？」
大聲公好勞氣說：「無論如何你都最好先找個最低還款額，否則我哋會有進一步行動。」
細細粒亦不甘示弱說：「你恐嚇我呀！如果你堅持話我欠你咭數，我唸我要報警！」
係呢個時候，大聲公開始轉口風說：「唔好勞氣，不如等我再查清楚先，轉頭再比電話你。」
約 5 分鐘後，大聲公再次來電，但今次的態度竟是 180 度轉變，溫婉地連忙道歉，聲稱對不起，是公司搞錯了……。
細細粒當時有點氣頂，說：「你哋有無搞錯呀！唔搞清楚就亂咁追數，離晒大譜！我要同你個 supervisor 傾，我要投訴。」
電話很快就接駁到另一位職員，在多番道歉後，竟想以「$300 免找數簽賬額」息事寧人。
他沒料到細細粒居然不為所動，並表示會立即取消張咭，並保留追究權利，然後掛斷線。
回家後，第一時間將張咭剪掉，待明天交還銀行。
心情平復後，想深一層，細細粒真係笨，應該用呢 $300 買番啲驚瘋散定下驚！
無影腳昇級版 <( ￣^￣)︵θ︵θ︵θ︵θ︵θ︵θ︵θ︵θ︵θ☆( >_<)~啊!
｡。｡▫❤♡❤‥外星小美怡‥❤♡❤▫｡。｡ 
發表留言